Shricandi 2

Śrīcaṇḍī 2

Language: Sanskrit

2.1

kīlakaṃ hṛdaye yasya, sa kīlita - manorathaḥ
bhaviṣyati na sandeho, nānyathā śiva - bhāṣitam
tadārabhya ca mantro'yaṃ, kīlakenāsa kīlitaḥ
na sarveṣāṃ bhavet siddhyai, ye kīlaka-parāṅ-mukhāḥ
ye narāḥ kīlakenemaṃ, japanti parayā mudā
teṣāṃ devī prasannā syāt, tataḥ sarvāḥ samṛddhayaḥ
viniyoga—oṃ asya śrīkīlaka-stotra-mahā-mantrasya viśuddha-jñāna-rudra ṛṣiḥ| anuṣṭup chandaḥ| daśa-karṇikā devatā| kaṃ bījaṃ| laṃ śaktiḥ| īṃ kīlakaṃ| mama devī-prasāda-siddhyarthe jape viniyogaḥ
kara-nyāsa—klāṃ aṃguṣṭhābhyāṃ| klīṃ tarjanībhyāṃ| klūṃ madhyamābhyāṃ| klaiṃ anāmikābhyāṃ| klauṃ kaniṣṭhikābhyāṃ| klaḥ karatala-kara-pṛṣṭhābhyāṃ evaṃ hṛdayādi bhūrbhuvasvarooṃ dig-bandhaḥ
dhyāna—hema-prabhaṃ soma-kalāvataṃsaṃ, pāṇi sphurat pañca-śareṣu cāpam
prāṇa-priyaṃ naumi pināka-pāṇeḥ, koṇa-trayasthaṃ kula-daivataḥ saḥ
viśuddha-jñāna-dehāya, tri-vedī-divya-cakṣuṣe
śreya: prāpti-nimittāya, nama: somārddha-dhāriṇe

2.2

sarvametad vijānīyān, mantrāṇāmapi kīlakam
so'pi kṣemamavāpnoti, satataṃ japya-tatpara:

2.3

siddhyantyuccāṭanādīni, karmāṇi sakalānyapi
etena stuvatāṃ devīṃ, stotra-vṛndena bhaktita:

2.4

śānti-vaśya-stambhanāni, vidveṣoccāṭane tathā
māraṇāntāni śaṃsanti, ṣaṭ-karmāṇi manīṣiṇaḥ
roga-kṛtyā-grahādīnāṃ, nirāsaḥ śāntirīritā
vaśyaṃ janānāṃ sarveṣāṃ, vidheyatvamudīritam
pravṛtti-rodhaḥ sarveṣāṃ, stambhanaṃ samudāhṛtam
snigdhānāṃ dveṣa-jananaṃ, mitho vidveṣaṇaṃ matam
uccāṭana svadeśāderbhraṃśanaṃ pari-kīrtitam
prāṇināṃ prāṇa-haraṇaṃ, māraṇaṃ samudāhṛtam
na mantro nauṣadhaṃ tasya, na kiñcidapi vidyate
vinā japyena siddhyanti, sarvamuccāṭanādikam

2.5

samagrāṇyapi siddhyanti, loke śaṅkāmimāṃ haraḥ
kṛtvā nimantrayāmāsa, sarvamevamidaṃ śubham

2.6

stotraṃ vai caṇḍikāyāstu, tacca guhyaṃ cakāra saḥ
sa prāpnoti su-puṇyena, tāṃ yathā-vannimantraṇām

2.7

so'pi kṣemamavāpnoti, sarvameva na saṃśayaḥ
kṛṣṇāyāṃ vā caturdaśyāmaṣṭamyāṃ vā samāhitaḥ

2.8

dadāti prati-gṛhṇāti, nānyathaiṣā prasīdati
itthaṃ rūpeṇa kīlena, mahā-devena kīlitam

2.9

tvat-prasūtasvadājñaptasvad-dāsasvat-parāyaṇaḥ
tvannāma-cintana-parastvadarthe'haṃ niyojitaḥ
mayārjitamidaṃ sarvaṃ, tava svaḥ parameśvari!
rāṣṭraṃ balaṃ kośa-gṛhaṃ, sainyamanyacca sādhanam
tvadadhīnaṃ kariṣyāmi, yantrārthe tvaṃ niyokṣyasi
tatra devi! sadā vartte, tavājñāmeva pālayan
samarpayenmahā-devyai, svārjitaṃ sakalaṃ dhanam
rāṣṭra-balaṃ kośa-gṛhaṃ, navaṃ yad yadupārjitam
asmin māsi mayā devi! tubhyametat samarpitam
iti dhyātvā tato devyāḥ, prasādāt pratigṛhya ca
vibhajya pañcadhā sarvaṃ, tryaṃśān svārthaṃ prakalpayet
deva - pitratithīnāṃ ca, kriyārthaṃ tvekamādiśet
ekāṃśaṃ gurave dadyāt, tena devī prasīdati
tasya rājyaṃ balaṃ sainyaṃ, kośaḥ sādhu vivarddhate
he māta:! ita ārabhya idaṃ sarva-dhanaṃ madīyaṃ tubhyaṃ dattamasti
gṛhāṇedaṃ mama dravyaṃ mama prasāda-bhūtam
yo niṣkīlāṃ vidhāyaināṃ, caṇḍīṃ japati nityaśaḥ
sa siddhaḥ sa gaṇaḥ so'pi, gandharvo jāyate naraḥ

2.10

na caivāpāṭavaṃ tasya, bhayaṃ kvāpi na jāyate
nāpa-mṛtyu-vaśaṃ yāti, mṛte ca mokṣamāpnuyāt

2.11

jñātvā prārabhya kurvīta, hyakurvāṇo vinaśyati
tato jñātvaiva sampūrṇamidaṃ prārabhyate budhaiḥ

2.12

saubhāgyādi ca yatkiñcid, dṛśyate lalanā-jane
tat sarvaṃ tat-prasādena, tena japyamidaṃ śubham

2.13

śanaistu japyamāne'smin, stotre sampattiruccakaiḥ
bhavatyeva samagrāpi, tataḥ prārabhyameva tat

2.14

aiśvaryaṃ tat-prasādena, saubhāgyārogya-sampadaḥ
śatru-hāniḥ paro mokṣaḥ, stūyate sā na kiṃ janaiḥ

2.15

prathamaṃ paṭhate devyā, hyagre bhūtvā śucistathā
kīlakeyaṃ samākhyātā, paścāt saptaśatī-stutiḥ

2.16

niṣkīlakaṃ tataḥ kṛtvā, khyātā niṣkīla-kāraṇāt
devyāścaiva mahā-bhaktyā, tenābhīṣṭa-phalā bhavet

2.17

yaḥ stotrametadanuvāsaramambikāyāḥ,
śreyaskaraṃ paṭhati vā yadi vā śṛṇoti
sa hyaihikaṃ phalamavāpya virājate'sau,
jāyeta sa priya-tamo madirekṣaṇānām

Shricandi 2

Linked texts (4)