Shricandi 20

Śrīcaṇḍī 20

Language: Sanskrit

20.2

etat te kathitaṃ bhūpa! devī-māhātmyamuttamam
evaṃ prabhāvā sā devī, yayedaṃ dhāryate jagat

20.3

vidyā tathaiva kriyate, bhagavad-viṣṇu-māyayā

20.4

tayā tvameṣa vaiśyaśca, tathaivānye vivekinaḥ
mohyante mohitāścaiva, mohameṣyanti cāpare

20.5

tāmupaihi mahārāja! śaraṇaṃ parameśvarīm
ārādhitā saiva nṛṇāṃ, bhoga-svargāpavargadā

ārādhyā paramā śaktiḥ, sarvairapi surāsuraiḥ
mātuḥ parataraṃ kiñcidadhikaṃ bhuvana-traye
dhig dhig dhig dhik ca tajjanma, yo na pūjayate śivām
jananīṃ sarva-jagataḥ, karuṇā-rasa-sāgarām
sukhadā mokṣadā nityā, sarva-bhūteṣu saṃsthitā
yadā tuṣṭā bhavenmāyā, tadā siddhimupā-labhet
vandanīyā sadā stutyā, pūjanīyā ca sarvadā
śrotavyā kīrtitavyā ca, māyā nityā nagātmajā
mārkaṇḍeya uvāca

20.7

iti tasya vacaḥ śrutvā, surathaḥ sa narādhipaḥ
praṇipatya mahā-bhāgaṃ, tam ṛṣiṃ śaṃsita-vratam

20.8

nirviṇṇo'ti-mamatvena, rājyāpaharaṇena ca
jagāma sadyastapase, sa ca vaiśyo mahā-mune

20.9

gṛhāṇāsmat-karo sādho! naya pāraṃ bhavārṇave
magnau śrāntaviti jñātvā, mantra-dānena sāmpratam
tapaḥ kṛtvāti-vipulaṃ, samārādhya sukha-pradām
samprāpya darśanaṃ bhūyo, yāsyāvau nija-mandiram
vadanāt tava samprāpya, devī-mantraṃ navākṣaram
smaraṇaṃ ca kariṣyāvau, nirāhārau dhṛta-vratau
iti sañcoditastābhyāṃ, sumedhā muni-sattamaḥ
dadau mantraṃ śubhaṃ tābhyāṃ, dhyāna-vīja-purassaram
tau ca prāpya munermantraṃ, sammantya guru-daivatau
jagmaturvaiśya - rājānau, nadī - tīramanūttamam
sandarśanārthamambāyā, nadī-pulina-saṃsthitaḥ
ta ca vaiśyastapastepe, devī-sūktaṃ paraṃ japan

20.10

tau tasmin puline devyāḥ, kṛtvā mūrtiṃ mahī-mayīm
arhaṇāṃ cakratustasyāḥ, puṣpa-dhūpāgni-tarpaṇaiḥ

20.11

'viśuddheśvara tantra' ke anusāra karpūra-yukta jala dvārā gurūpadiṣṭa vidhi se tarpaṇa karanā cāhie| athavā tīrtha-jala yā madhu dvārā tarpaṇa kare
ratna-siṃhāsanasthāṃ sad-ratna-mukuṭojjvalām
sṛṣṭau sṛṣṭuḥ śilpa-rūpāṃ, dayāṃ pātuśca pālane
saṃhāra-kāle saṃhartuḥ, parāṃ saṃhāra-rūpiṇīm
niśumbha-śumbha-mathinīṃ, mahiṣāsura-mardinīm
purā tripura-yuddhe ca, saṃstutāṃ tripurāriṇā
madhu-kaiṭabhayoryuddhe, viṣṇu-śakti-svarūpiṇīm
sarva-daitya-nihantrīṃ ca, rakta-vīja-vināśinīm
nṛsiṃha-śakti-rūpāṃ ca, hiraṇya-kaśiporvadhe
varāha-śakti vārāhīṃ, hiraṇyākṣa-vadhe tathā
para-brahma-svarūpāṃ ca, sarva-śakti sadā bhaje
nirāhārau yatāhārau, tanmanaskau samāhitau
dadatustau baliṃ caiva, nija-gātrāsṛgukṣitam