Pramāṇa · Search · About · API

Shricandi 26

Śrīcaṇḍī 26

Language
Sanskrit

Contents

26.1

śrṛṇu devi! pravakṣyāmi, kuñjikā-stotramuttamam
yena mantra-prabhāveṇa, caṇḍī-japaḥ śubhaṃ bhavet

26.2

na kavacaṃ nārgalā-stotraṃ, kīlakaṃ na rahasyakam
na sūktaṃ nāpi dhyānaṃ ca, na nyāso na ca vārcanam

26.3

kuñjikā-pāṭha-mātreṇa, durgā-pāṭha-phalaṃ labhet
ati guhya-taraṃ devi! devānāmapi durlabham

26.4

māraṇaṃ mohanaṃ vaśyaṃ, stambhanoccāṭanādikam
pāṭha-mātreṇa saṃsiddhyet, kuñjikā-stotramuttamam

26.1-2

idaṃ tu kuñjikā-stotraṃ, mantra-jāgarti-hetave
abhakte naiva dātavyaṃ, gopitaṃ rakṣa eti

26.2-2

yastu kuñjikayā devi! hīnāṃ saptaśatīṃ paṭhet
na tasya jāyate siddhiraraṇye rodanaṃ tathā

26.1-3

iti śrīrudra-yāmale gaurī-tantre śiva-pārvatī-saṃvāde kuñjikā-stotraṃ sampūrṇam
oṃ yadakṣaraṃ pari-bhraṣṭaṃ, mātrā-hīnaṃ tu yad bhavet
tat sarvaṃ kṣamyatāṃ, devi! prasīda parameśvari
yadatra-pāṭhe jagadambike! mayā, visarga-bindakṣara-hīnamīritam
tadastu sampūrṇa-tamaṃ prasādataḥ, saṅkalpa-siddhiśca sadaiva jāyatām

26.2-3

yanmātrā - bindu - bindu - dvitaya - pada - pada - dvandva - varṇādi - hīnam,
bhaktyā bhaktyānupūrvaṃ pravacana-vacanād vyaktamavyaktamamba!
mohādajñānato vā paṭhitamapaṭhitaṃ sāmprataṃ te stave'smin,
tat-sarvaṃ sāṅgamāstāṃ bhagavati varade! tvat-prasādāt prasīda

26.3-2

prasīda bhagavatyamba! prasīda bhakta-vatsale,
prasādaṃ kuru me devi! durge devi! namo'stu te

26.3-2.p1

yasyārthaṃ paṭhitaṃ stotraṃ, tavedaṃ śaṅkara-priye
tasya dehasya gehasya, śāntirbhavatu sarvadā

Linked texts (5)