Pramāṇa · Search · About · API

Shricandi 9

Śrīcaṇḍī 9

Language
Sanskrit

9.1

oṃ ṛṣiruvāca

9.2

nihanya-mānaṃ tat-sainyamavalokya mahā'suraḥ
senānīścikṣuraḥ kopād, yayau yoddhumathāmbikām

9.3

sa devīṃ śara-varṣeṇa, vavarṣa samare'suraḥ
yathā meru-gireḥ śṛṅgaṃ, toya-varṣeṇa toyadaḥ

9.4

tasya cchittvā tato devī, līlayaiva śarotkarān
jaghān turagān vāṇairyantāraṃ caiva vājinām

9.5

ciccheda ca dhanuḥ sadyo, dhvajaṃ cāti-samucchritam
vivyādha caiva gātreṣu, chinna-dhanvānamāśragaiḥ

9.6

sa cchinna-dhanvā viratho, hatāśvo hata-sārathiḥ
abhyadhāvata tāṃ devīṃ, khaḍga-carma-dharo'suraḥ

9.7

siṃhamāhatya khaḍgena, tīkṣṇa-dhāreṇa mūrdhani
ājaghāna bhuje savye, devīmapyatiॅ-vega-vān

9.8

tasyāḥ khaḍgo bhujaṃ prāpya, paphāla nṛpa-nandana!
tato jagrāha śūlaṃ sa, kopādaruṇa-locanaḥ

9.9

cikṣepa ca tatastat tu, bhadra-kālyāṃ mahāsuraḥ
jājvalya-mānaṃ tejobhī, ravi-bimbamivāmbarāt

9.10

dṛṣṭvā tadāpatacchūlaṃ, devī śūlamamuñcata
tacchūlaṃ śatadhā tena, nītaṃ sa ca mahāsuraḥ

9.11

hate tasmin mahā-vīrye, mahiṣasya camū-patau
ājagāma gajārūḍhaścāmarastridaśārdanaḥ

9.12

so'pi śaktiṃ mumocātha, devyāstāmambikā drutam
huṅkārābhi-hatāṃ bhūmau, pātayāmāsa niṣprabhām

9.13

bhagnāṃ śaktiṃ nipatitāṃ, dṛṣṭvā krodha-samanvitaḥ
cikṣepa cāmaraḥ śūlaṃ, bāṇaistadapi sācchinat

9.14

tataḥ siṃhaḥ samutpatya, gaja-kumbhāntare sthitaḥ
bāhu-yuddhena yuyudhe, tenoccaistridaśāriṇā

9.15

yuddhyamānau tatastau tu, tasmānnāgān mahīṃ gatau
yuyudhāte'ti-saṃrabdhau, prahārairati-dāruṇaiḥ

9.16

tato vegāt khamutpatya, nipatya ca mṛgāriṇā
kara-prahāreṇa śiraścāmarasya pṛthak kṛtam

9.17

udgraśca raṇe devyā, śilā-vṛkṣādibhirhataḥ
danta-muṣṭi-talaiścaiva, karālaśca nipātitaḥ

9.18

devī kruddhā gadā-pātaiścūrṇayāmāsa coddhatam
vāṣkalaṃ bhindipālena, bāṇaistāmraṃ tathā'ndhakam

9.19

ugrāsyamugra-vīryaṃ ca, tathaiva ca mahā-hanum
trinetrā ca triśūlena, jaghāna parameśvarī

9.20

viḍālasyāsinā kāyāt, pātayāmāsa vai śiraḥ
durdharaṃ durmukhaṃ cobhau, śarairninye yama-kṣayam

9.21

evaṃ saṃkṣīyamāṇe tu, sva-sainye mahiṣāsuraḥ
māhiṣeṇa svarūpeṇa, trāsayāmāsa tān gaṇān

9.22

kāṃścit tuṇḍa-prahāreṇa, khura-kṣepaistathā'parān
lāṃgūla-tāḍitāṃścānyāñchṛṅgābhyāṃ ca vidāritān

9.23

vegena kāṃścidaparān, nādena bhramaṇena ca
niḥśvāsa-pavanenānyān, pātayāmāsa bhū-tale

9.24

nipātya pramathānīkamabhyadhāvata so'suraḥ
siṃhaṃ hantuṃ mahā-devyāḥ, kopaṃ cakre tato'mbikā

9.25

so'pi kopānmahā-vīryaḥ, khura-kṣuṇṇa-mahī-talaḥ
śṛṅgābhyāṃ parvatānuccāṃścikṣepa ca nanāda ca

9.26

vega-bhramaṇa-vikṣuṇṇā, mahī tasya vyaśīryata
lāṃgūlenāhataścābdhiḥ, plāvayāmāsa sarvataḥ

9.27

dhuta-śṛṅga-vibhinnāśca, khaṇḍaṃ khaṇḍaṃ yayurghanāḥ
śvāsānilāstāḥ śataśo, nipeturnabhaso'calāḥ

9.28

iti krodha-samādhmātamāpatantaṃ mahā'suram
dṛṣṭvā sā caṇḍikā kopaṃ, tad-badhāya tadā'karot

9.29

sā kṣiptvā tasya vai pāśaṃ, taṃ babandha mahā'suram
tatyāja māhiṣaṃ rūpaṃ, so'pi baddho mahā-mṛdhe

9.30

tataḥ siṃho'bhavat sadyo, yāvat tasyāmbikā śiraḥ
chinatti tāvat puruṣaḥ, khaḍga-pāṇiradṛśyata

9.31

tata evāśu puruṣaṃ, devī ciccheda sāyakaiḥ
taṃ khaḍga-carmaṇā sārdhaṃ, tataḥ so'bhūnmahā-gajaḥ

9.32

kareṇa ca mahā-siṃhaṃ, taṃ cakarṣa jagarja ca
karṣatastu karaṃ devī, khaḍgena nirakṛntata

9.33

dakṣiṇe purataḥ siṃhaṃ, samagraṃ dharmamīśvaram
vāhanaṃ pūjayed devyā, dhṛtaṃ yena carācaram
tato mahā'suro bhūyo, māhiṣaṃ vapurāsthitaḥ
tathaiva kṣobhayāmāsa, trailokyaṃ sa-carācaram

9.34

tataḥ kruddhā jaganmātā, caṇḍikā pānamuttamam
papau punaḥ punaścaiva, jahāsāruṇa-locanā

9.35

nanarda cāsuraḥ so'pi, bala-vīrya-madoddhataḥ
viṣāṇābhyāṃ ca cikṣepa, caṇḍikāṃ prati bhūdharān

9.36

sā ca tān prahitāṃstena, cūrṇayantī śarotkaraiḥ
uvāca taṃ madodbhūta-mukha-rāgākulākṣaram

9.37

devyuvāca

9.38

garja garja kṣaṇaṃ mūḍha!, madhu yāvat pibāmyaham
mayā tvayi hate'traiva, garjiṣyantyāśu devatāḥ

9.39

mahiṣāsura-vadha
ṛṣiruvāca

9.40

evamuktvā samutpatya, sā''rūḍhā taṃ mahā'suram
pādenākramya kaṇṭhe ca, śūlenainamatāḍayat

9.41

tataḥ so'pi padākrāntastayā nija-mukhāt tataḥ
ardha-niṣkrānta evāsīd, devyā vīryeṇa saṃvṛtaḥ

9.42

ardha-niṣkrānta evāsau, yudhyamāno mahā'suraḥ
tayā mahā'sinā devyā, śiraśchitvā nipātitaḥ

9.43

tato hāhā-kṛtaṃ sarvaṃ, daitya-sainyaṃ nanāśa tat
praharṣaṃ ca paraṃ jagmuḥ, sakalā devatā-gaṇāḥ

9.44

tuṣṭuvustāṃ surā-devīṃ, saha divyairmaharṣibhiḥ
jagurgandharva-patayo, nanṛtuścāpsaro-gaṇāḥ

Linked texts (12)