Dharmaranyakhanda 100
Dharmāraṇyakhaṇḍa 100
- Language
- Sanskrit
Contents
- 100.326 — 1 part
100.1
bahavastatra gopālā babhūvurdvijabālakāḥ || cāturvidyāstu
śiśavasteṣāṃ dhenūracārayan || teṣāṃ bhojanakāmāya annapānādisatkṛtam
100.2
anayanvai yuvatayo vidhavā api bālakāḥ
100.3
kālena kiyatā
rājaṃsteṣāṃ prītirabhūnmithaḥ || gopālā bubhujuḥ premṇā kumāryo dvijabālikāḥ
100.4
jātāḥ sagarbhāstāḥ sarvā dṛṣṭāstairdvijasattamaiḥ || parityaktāśca
sadanādviṣkṛtāḥ pāpakarmaṇā
100.5
tebhyo jātā kumārā ye kātībhā golakāstathā || dhenujāste dharāloke khyātiṃ jagmurdvijottamāḥ
100.6
vṛtti
bāhyāstu te viprā bhikṣāṃ kurvaṃti nityaśaḥ || anyacca śrūyatāṃ rājaṃstraividyānāṃ dvijanmanām
100.7
kuṣṭhī ko'pi tathā paṃgurmūrkho vā badhiro'pi
vā || kāṇo vāpyatha kubjo vā baddhavāgathavā punaḥ
100.8
aprāptakanyakā hyete cāturvidyānsamāśritāḥ || vittena mahatā rājansutāṃsteṣāṃ
kumārikāḥ
100.9
udvāhitāstadā rājaṃstasmājjātārarbhakāstu ye || tridalajāste vikhyātāḥ kṣitiloke'bhavaṃstataḥ
100.10
vṛttiṃ cakrurbrāhmaṇāste'
nyonyaṃ miśrasamudbhavāḥ || anyacca śrūyatāṃ rājaṃstraividyānāṃ dvijanmanām
100.11
rāmadattena grāmeṇa karagrahaṇahetave || ekībhūya dvijaiḥ sarvairgrāmaṃ
pradāya taṃ balim
100.12
arddha nivedayāmāsurarddhaṃ caivoparakṣitam || etallabdhaṃ hi manvānāste dvijā laulyabhāginaḥ
100.13
mahāsthānagatā
ye ca te hi vismayamāyayuḥ || tanmadhye ko'pi viprastānuvāca kupito vacaḥ
100.14
vipra uvāca || || anṛtaṃ caiva bhāṣaṃte laulyena
mahatā vṛtāḥ || putrapautravināśāya brahmasveṣvatilolupāḥ
100.15
na viṣaṃ viṣamivyāhurbrahmasvaṃ viṣamucyate || viṣamekākinaṃ haṃti brahmasvaṃ
putrapautrakam
100.16
brahmasvena ca dagdheṣu putradāragṛhādiṣu || na ca te'pi tiṣṭhaṃti brahmasvena vināśitāḥ
100.17
na nākaṃ labhate so'tha
sadā brahmasvahārakaḥ || yadā varāṭikāṃ caiva brāhmaṇasya haraṃti ye
100.18
tato janmatrayāṇyeva harttā nirayamābrajet || pūrvajā nopabhuṃjaṃti
tatpradattaṃ jalaṃ kvacit
100.19
kṣayāhe nopabhuṃjaṃti tasya piṃḍodakakriyāḥ || saṃtatiṃ naiva labhate labhyamānā na jīvati
100.320
yadi jīvati daivāccedbhraṣṭācārā bhavediti
100.21
ekādaśaviprā ūcuḥ || nāsatyaṃ bhāṣitaṃ viprāḥ kathaṃ dūṣayase hi naḥ || aparādhaṃ
vinā kasya kaṭūktiryujyate kila
100.22
tacchrutvā tairdvijaiḥ pārtha āmagrāhayitā vaṇik || paripṛṣṭaḥ sa tatsarvaṃ kathayāmāsa kāraṇam
100.23
vaṇikjairaiva me datto baliśca dvijasattamāḥ || tatsarvaṃ śuddhabhāvena kathitaṃ tu dvijanmasu
100.24
tato'rddhadalaṃ jñātvā te kupitā dvijaputrakāḥ || vṛtterba
hiṣkṛtāste vai ekādaśa dvijāstataḥ
100.25
ekādaśasamā jñātirvikhyātā bhuvanatraye || na teṣāṃ saha saṃbandho na vivāhaśca jāyate
100.326
ekādaśasamā ye ca bahirgrāme vasanti te || evaṃ bhedāḥ samabhavannānā moḍhadvijanmanām || yugānusārātkālena jñātīnāṃ ca nṛpasya vā
100.326.p1
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvabhāge dharmāraṇyamāhātmye jñātibhedavarṇanaṃ nāmaikonacatvāriṃśo'dhyāyaḥ
Linked texts (2)
- Dharmāraṇyamāhātmya — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit