Dharmaranyakhanda 105
Dharmāraṇyakhaṇḍa 105
- Language
- Sanskrit
Contents
- 105.141 — 1 part
105.1
sanakādyā mahātmāna upaviṣṭā upāsate || tathaiva munayaḥ sādhyā ajināṃbara
dhāriṇaḥ
105.2
daṃḍino vratamauṃḍāśca snātakā brahmacāriṇaḥ || tvagasthimātrāvayavāstapasā dagdhakilbiṣāḥ
105.3
sevante parayā bhaktyā devadevaṃ
pinākinam || tathā devāḥ sagandharvāḥ pitaraḥ siddhacāraṇāḥ
105.4
vidyādharāḥ kiṃpuruṣāḥ kinnarā guhyakāḥ khagāḥ || nāgāḥ piśācā vetālā
daiteyāśca mahābalāḥ
105.5
nānāvibhavasaṃpannā nānābhūṣaṇavāhanāḥ || vimānaiḥ sūryasaṃkāśairagnivarṇaiḥ śaśiprabhaiḥ
105.6
vidyutpuṃjanibhairanyaiḥ samaṃ
tātparivāritam || prastuvaṃti pragāya̍ti paṭhaṃti praṇamaṃti ca
105.7
pranṛtyaṃti prahṛṣyaṃti gokarṇe pṛthivīpate || labhaṃte'bhīpsitānkāmānpramaṃte ca yathā
sukham
105.8
gokarṇasadṛśaṃ kṣetraṃ nāsti brahmāṃḍagolake || tatra ghoraṃ tapastaptamagastyena mahātmanā
105.9
tathā sanatkumāreṇa priyavratasutairapi
agninā devavaryeṇa kandarpeṇa ca pārthiva
105.10
tathā devyā bhadrakālyā śiśumāreṇa dhīmatā || durmukhena phaṇīṃdreṇa maṇināgāhvayena ca
105.11
ailāvartādibhirnāgairgaruḍena balīyasā || rakṣasā rāvaṇenāpi kumbhakarṇāhvayena tu
105.12
vibhīṣaṇena puṇyena tapastaptaṃ mahātmanā || ete cānye
ca gīrvāṇāḥ siddhadānavamānavāḥ
105.13
gokarṇe devadeveśaṃ śivamārādhya bhaktitaḥ || svanāmāṃkāni liṃgāni sthāpayitvā sahasraśaḥ
105.14
lebhire paramāṃ siddhiṃ tathā tīrthāni cakrire || atra sthānāni sarveṣāṃ devānāṃ saṃti pārthiva
105.15
viṣṇośca devadevasya brahmaṇaḥ parameṣṭhinaḥ
kārttikeyasya vīrasya gajavaktrasya cānagha
105.16
dharmasya kṣetrapālasya durgāyāśca mahāmate || gokarṇe śivaliṃgāni vidyaṃte koṭikoṭiśaḥ
105.17
asaṃkhyātāni tīrthāni tiṣṭhaṃti ca padepade || bahunātra kimuktena gokarṇasthāni pārthiva
105.18
sarvāṇyaśmāni liṃgāni tīrthānyaṃbhāṃsi
sarveśaḥ || gokarṇe śivaliṃgānāṃ tīrthānāmapi bhūriśaḥ
105.19
gīyate mahimā rājanpurāṇeṣu maharṣibhiḥ || gokarṇe koṭitīrthaṃ ca tīrthānāṃ
mukhyatāṃ gatam
105.120
sarveṣāṃ śivaliṃgānāṃ sārvabhaumo mahābalaḥ || kṛte mahābalaḥ śvetastretāyāmatilohitaḥ
105.21
dvāpare pīta
varṇaśca kalau śyāmo bhaviṣyati || ākrāṃtaṃ saptapātālaṃ kurvannapi mahābalaḥ
105.22
prāpte kaliyuge ghore mṛdutāmupayāsyati
paścimāṃbudhitīrasthaṃ gokarṇakṣetramuttamam
105.23
brahmahatyādipāpāni dahatīti kimadbhutam || ye cātra brahmahaṃtāro ye ca bhūtadruhaḥ śaṭhāḥ
105.24
ye sarvaguṇahīnāśca paradāraratāśca ye || ye durvṛttā durācārā duḥśīlāḥ kṛpaṇāśca ye
105.125
lubdhāḥ krūrāḥ khalā mūḍhāḥ ste
nāścaivātikāminaḥ || te sarve prāpya gokarṇaṃ snātvā tīrthajaleṣu ca
105.26
devaṃ mahābalaṃ dṛṣṭvā prayātāḥ śāṃkaraṃ padam || tatra puṇyāsu tithiṣu puṇya
rkṣe puṇyavāsare
105.27
ye'rcayaṃti maheśānaṃ te rudrāḥ syurna saṃśayaḥ || yadā kadācidgokarṇaṃ yo vā ko vāpi mānavaḥ
105.28
praviśya pūjayedīśaṃ
sa gacchedbrahmaṇaḥ padam || ravīṃdusaumyavāreṣu yadā darśo bhaviṣyati
105.29
tadā jalanidhau snānaṃ dānaṃ ca pitṛtarpaṇam || śivapūjā japo homo
vratacaryā dvijārcanam
105.130
yatkiṃcidvā kṛtaṃ karma tadanaṃtaphalapradam || vyatīpātādiyogeṣu ravisaṃkramaṇeeṣu ca
105.31
mahāpradoṣavelāsu śiva
pūjā vimuktidā || athaikāṃ te pravakṣyāmi. tithiṃ pārthiva muktidām
105.32
yasyāṃ kila mahānvyādho lebhe śaṃbhoḥ paraṃ padam || māghamāse mahāpuṇyā
yā sā kṛṣṇacaturdaśī
105.33
śivaliṃgaṃ bilvapatraṃ durlabhaṃ hi catuṣṭayam || aho balavatī māyā yayā śaivī mahātithiḥ
105.34
nopoṣyate janai
rmūḍhairmahāmūrkhairiva trayī || upavāso jāgaraṇaṃ sannidhiḥ parameṣituḥ
105.135
gokarṇaṃ śivalokasya nṛṇāṃ sopānapaddhatiḥ || śṛṇu rājannahamapi gokarṇā
dadhunāgataḥ
105.36
upāsyaināṃ śivatithiṃ vilokya ca mahotsavam || asyāṃ śivatithau sarve mahotsavadidṛkṣavaḥ
105.37
āgatāḥ sarvadeśebhyaścā
turvarṇyā mahājanāḥ || striyo vṛddhāśca bālāśca caturāśramavāsinaḥ
105.38
āṃgatya dṛṣṭvā deveśaṃ lebhire kṛtakṛtyatām || athāhamapyamī śiṣyā
ṛṣayaśca tathā'pare
105.39
rājarṣayaśca rājeṃdra sanakādyāḥ surarṣayaḥ || snātvā sarveṣu tīrtheṣu samupāsya mahābalam
105.140
labdhvā ca janmasāphalyaṃ
prayātāḥ sarvatodiśam || amuṃnādya nareṃdraṇa janakena yiyakṣuṇā
105.141
nimaṃtrito'haṃ saṃprāpto gokarṇācchivamaṃdirāt || pratyāgamaṃ kimapyaṃga
dṛṣṭvāścaryamahaṃ pathi || mahānaṃdena manasā kṛtārtho'smi mahīpate
105.141.p1
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmottara khaṃḍe gokarṇamahimānuvarṇanaṃnāma dvitīyo'dhyāyaḥ
Linked texts (2)
- Skandapurāṇa (early; "Ambikākhaṇḍa") (ed. Bakker) — Sanskrit
- Brahmottarakhaṇḍa — Sanskrit