Dharmaranyakhanda 107
Dharmāraṇyakhaṇḍa 107
- Language
- Sanskrit
Contents
- 107.164 — 1 part
107.2
kāmāttāṃ yadiyaṃ svairaṃ śūdreṇa ramitā
purā || mahāsrakpūyakṛmibhiḥ pīḍyate tena pāpmanā
107.3
suvratāni na cīrṇāni neṣṭāpūrtādikaṃ kṛtam || sarvabhogavihīneyaṃ dūyate tena pāpmanā
107.4
yadetayā pūrvabhave surā pītā vimūḍhayā || mahāyakṣmāttihacchūlaiḥ pīḍyate tena pāpmanā
107.5
atraiva sarvamartyeṣu pāpacihnāni kṛtsnaśaḥ
lakṣyaṃte muniśārdūla savivekairmahātmabhiḥ
107.6
atra ye bahurogāttā ye putradhanavarjitāḥ
107.7
ye ca durlakṣaṇakliṣṭā yācakā vigatahriyaḥ
vāsonnapānaśayanabhūṣaṇābhyaṃjanādibhiḥ
107.8
hīnā virūpā nirvidyā vikalāṃgāḥ kubhojanāḥ || ye durbhāgyā niṃditāśca ye cānye parasevakāḥ
107.9
ete pūrvabhave sarve sumahatpāpakāriṇaḥ || evaṃ vimṛśya yatnena dṛṣṭvā lokajanasthitim
107.10
budho na kurute pāpaṃ yadi kuryātsa ātmahā
deho'yaṃ mānuṣo jaṃtorbahukarmaikabhājanam
107.11
sadā satkarma seveta duṣkarma satataṃ tyajet || puṇyaṃ sukhārthī kurvīta duḥkhārthī pāpamācaret
107.12
dvayorekatare loke gṛhīte kuśalo janaḥ || imaṃ mānuṣamāśritya dehaṃ paramadurlabham
107.13
ya ātmahitavānkaściddevamekaṃ samāśrayet
atha pāpāni sarvāṇi kurvannapi sadā naraḥ
107.14
śivamekamatirdhyāyetsa saṃtarati pātakam || mṛtā pūrvabhave tveṣā yadā prāptā yamālaye
107.15
tadā vitarkaḥ sumahānāsīdyamasabhāsadām || yadyapi brāhmaṇī tveṣā satkulācāradūṣitā
107.16
ato'smābhirihānītā nirayaṃ yātu vā na vā
anayā sādhito bālye puṇyaleśo'sti vā na vā
107.17
athāpi suvimṛśyaivaṃ dhāryo daṃḍo'tra nānyathā || bahujanmasahasreṣu kṛtapuṇyavipākanaḥ
107.18
nṛṇāṃ brahmakule janma labhyate hi kathaṃcana || atosyāḥ pūrvapūrveṣu kṛtāghaṃ nāsti janmasu
107.19
anyathā satkule janma kathameṣā prapadyate
atraiva janmanyanayā kṛtamaṃho duratyayam
107.120
athāpi narakāvāsaṃ prāyaśo neyamarhati || kiṃ tu govatsakaṃ hatvā vimṛśyāgatasādhvasā
107.21
eṣā śivaśivetyāha prāgjanmārjitakarmaṇā || yadeṣā pāpavicchittyai sakṛdapyurumaṃgalam
107.22
śivanāma vadedbhaktyā tarhi gacchetparaṃ padam
ekajanmakṛtasyāsya dāruṇasyāpi yatphalam
107.23
krameṇānubhavatveṣā bhūtvā cāṃḍālajātikā || asmādanyatamaḥ ko vā narako'sti nṛṇā
miha
107.24
anekakleśasaṃghātairyenmuhuḥ paripīḍanam || duṣkule janma dāridryaṃ mahāvyādhirvimūḍhatā
107.25
ekaika eva narakaḥ sarve vā cātha
kiṃ punaḥ || prāgjanmapuṇyabhāreṇa yannāma vivaśā'bravīt
107.26
tenaiṣānyabhave bhūri puṇyamaṃte kariṣyati || tena puṇyena mahatā nistīryāghaughayā
tanāḥ
107.27
nītā tatpuruṣairaṃte prayāsyati paraṃ padam || etādṛśānāṃ martyānāṃ śāstāro na vayaṃ kvacit || vicārya svayameveśo yadyuktaṃ tatkarotu
saḥ
107.28
evaṃ vaivasvatapure sarvairyamapurogamaiḥ || vimṛśya citraguptādyairiyaṃ muktā'patadbhuvi
107.29
ādau yadeṣā śivanāma nārī pramādato vāpya
satī jagāda || teneha bhūyaḥ sukṛtena śaṃbhorbilvāṃkurārādhanapuṇyamāpa
107.30
śrīgokarṇe śivatithāvupoṣya śivamastake || kṛtvā jāgaraṇaṃ hyeṣā
cakre bilvārpaṇaṃ niśi
107.31
akāmataḥ kṛtasyāsya puṇyasyaiva ca yatphalam || adyaiva bhokṣyate seyaṃ paśyatastava no mṛṣā
107.32
gautama uvāca || || ityuktvā śivadūtāste tasyāścāṃḍālayonitaḥ || jīvaleśaṃ samākṛṣya yuyujurdivyatejasā
107.33
tāṃ divyadehasaṃkrāṃtāṃ
tejorāśisamujjvalām || vimāne sthāpayāmāsuḥ prītāste śivakiṃkarāḥ
107.34
atha sā paramodārarūpalāvaṇyaśālinī || divyabhūṣaṇadīptāṃgī
divyāṃbaravidhāyiṇī
107.35
dehena divyagaṃdhena divyatejovikāsināṃ || divyamālyāvataṃsena virarāja vimānagā
107.36
ratnacchatrapatākādyairgī
tavāditranisvanaiḥ || madhye sā śivadūtānāṃ modamānā varānanā
107.37
anubhūtāni janmāni smṛtvāsmṛtvā punaḥpunaḥ || bhītā trastā dṛḍhā
ścaryaṃ dṛṣṭvā svapnambotthitā
107.38
kāhaṃ ke'mī mahāsiddhāḥ koyaṃ loko manoramaḥ || kva gataṃ me vapuḥ kaṣṭaṃ caṃḍacāṃḍālagotrajam
107.39
aho
sumahadāścaryaṃ dṛṣṭaṃ māyāvilāsajam || yanme bhavasahasreṣu bhrāṃtaṃ bhrāṃtaṃ punaḥpunaḥ
107.140
aho īśvarapūjāyā māhātmyaṃ vismayāvaham
patramātreṇa saṃtuṣṭo yo dadāti nijaṃ padam
107.41
iti tāṃ jātanirvedāṃ smarantīṃ bhagavatpadam || divyaṃ vimānamāropya te maheśvarakiṃkarāḥ
107.42
ālokayatsu sarveṣu lokeśeṣu savismayam || āmaṃtrya tāmathāninyuḥ parameśvarasannidhim
107.43
rājansumahadāścaryamākhyātaṃ girijā
pateḥ || māhātmyaṃ bhaktileśasya sarvāghaughavināśanam
107.44
rājovāca || || bhagavanparameśasya kīdṛśo loka uttamaḥ || tasya me lakṣaṇaṃ
brūhi yadyasti mayi te dayā
107.45
gautama uvāca || || brahmādisuranāthānāṃ lokeṣvapi sudurlabhaḥ || ya ānaṃdaḥ sadā yatra sa lokaḥ
pārameśvaraḥ
107.46
sarvātigamanaṃ yatra jyotiryatra pratiṣṭhitam || kvāpi nāsti tamadyogaḥ sa lokaḥ pārameśvaraḥ
107.47
guṇavṛttiṃ vinistīrya
saṃprāptā yatra yoginaḥ || na pateyuḥ punaḥ sarve sa lokaḥ pārameśvaraḥ
107.48
yatra vāsaṃ na kurvati krodhalobhamadādayaḥ || yatrāvasthā na janmādyāḥ
sa lokaḥ pārameśvaraḥ
107.49
sarveṣāṃ nigamānāṃ ca yadekaṃ kṣetramucyate || yasmānnāsti paraṃ vittaṃ tatpadaṃ pārameśvaram
107.50
pratyāhārāsana
dhyānaprāṇasaṃyamanādibhiḥ || yatra yogapathaiḥ prāptuṃ yata̍te yoginaḥ sadā
107.51
yatra devaḥ sadānaṃdanirmalajñānarūpayā || asti devyā saha
krīḍansa lokaḥ pārameśvaraḥ
107.52
janmānekasahasreṣu saṃbhṛtaiḥ puṇyarāśibhiḥ || ārūḍhāḥ puruṣā nāryaḥ krīḍante yatra saṃgatāḥ
107.53
tejo
rāśau samā̍līnā durvibhāvye manorame || ahorātrādisaṃsthānaṃ na viṃdaṃti kadācana
107.54
sa lokaḥ parameśasya durlabho hi kuyoginaḥ || etadbhakti
supūrṇā ye taireva pratipadyate
107.55
ye tatkathāśravaṇakīrtanajātaharṣā ye sarvabhūtasuhṛdaḥ praśamaikaniṣṭhāḥ || saṃsāracakramativāhya nirastamohāste
śāṃkaraṃ padamavāpya sukhaṃ ramante
107.56
tathā tvamapi rājeṃdra gokarṇaṃ giriśālayam || gatvā praśamitāghaughaḥ kṛtakṛtyatvamāpnuhi
107.57
tatra sarveṣu kāleṣu snātvābhyarcya mahābalam || kṛtvā śivacaturdaśyāmupavāsaṃ samāhitaḥ
107.58
kṛtvā jāgaraṇaṃ rātrau bilvaiścābhyarcya śaṃkaram
sarvapāpavinirmuktaḥ śivalokamavāpsyasi
107.59
eṣa te vimalo rājannupadeśo mayā kṛtaḥ || svasti te'stu gamiṣyāmi mithilādhipateḥ
purīm
107.160
ityāmantrya muniḥ prītyā gautamo mithilāṃ yayau || so'pi hṛṣṭamanā rājā gokarṇaṃ pratyapadyata
107.61
tatra dṛṣṭvā mahādevaṃ
snātvābhyarcya mahābalam || nirdhūtāśeṣapāpaugho lebhe śambhoḥ paraṃ padam
107.62
ya imāṃ śṛṇuyānnityaṃ kathāṃ śaivīṃ manoharām || śrāvayedvā jano
bhaktyā sa yāti paramāṃ gatim
107.63
śraddadhānaḥ sakṛdrāpi ya imāṃ śṛṇuyātkathām || triḥsaptakulajaiḥ sārdhaṃ śivalokamavāpnuyāt
107.164
iti kathitamaśeṣaṃ śreyasāmādibījaṃ bhavaśataduritaghnaṃ dhvastamohāṃdhakāram || caritamamarageyaṃ manmathārerudāraṃ satatamapi niṣevyaṃ svastimadbhiśca lokaiḥ
107.164.p1
iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmottarakhaṇḍe śivacaturdaśīgokarṇamāhātmyavarṇanaṃnāma tṛtīyo'dhyāyaḥ
Linked texts (4)
- Śivapurāṇa (complete text) — Sanskrit
- Brahmottarakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Koṭirudrasaṃhitā — Sanskrit