Pramāṇa · Search · About · API

Dharmaranya 111

Dharmāraṇya 111

Language
Sanskrit

111.1

cha || || sūta uvāca || || ityuktā muninā sādhvī sā vipravaniṃtā punaḥ || taṃ praṇamyatha papraccha śivapūjāvidheḥ kramam

111.2

śāṃḍilya
uvāca || || pakṣadvaye trayodaśyāṃ nirāhāro bhavedyadā || ghaṭītrayādastamayātpūrvaṃ snānaṃ samācaret

111.3

śuklāṃbaradharo dhīro vāgyato niyamānvitaḥ
kṛtasaṃdhyājapavidhiḥ śivapūjāṃ samārabhet

111.4

devasya purataḥ samyagupalipya navāṃbhasā || vidhāya maṃḍalaṃ ramyaṃ dhautavastrādibhirbudhaḥ

111.5

vitā
nādyairaṃlaṃkṛtya phalapuṣpanavāṃkuraiḥ || vicitrapadmamuddhṛtya varṇapaṃcakasaṃyuktam

111.6

tatropaviśya suśubhe bhaktiyuktaḥ sthirāsane || samyaksaṃpāditāśeṣa
pūjopakaraṇaḥ śuciḥ

111.7

āgamoktena maṃtreṇa pīṭhamāmaṃtrayetsudhīḥ || tataḥ kṛtvātmaśuddhiṃ ca bhūtaśuddhyādikaṃ kramāt

111.8

prāṇā
yāmatrayaṃ kṛtvā bījavarṇaiḥ sabiṃdukaiḥ || mātṛkā nyasya vidhivaddhyātvā tāṃ devatāṃ parām

111.9

samāpya mātṛkā bhūyo dhyātvā caiva paraṃ śivam
vāmabhāge guruṃ natvā dakṣiṇe gaṇapaṃ namet

111.10

aṃsoruyugme dharmādīnnyasya nābhau ca pārśvayoḥ || adharmādīnanaṃtādīnhṛdi pīṭhe manuṃ nyaset

111.11

ādhāraśaktimārabhya jñānātmānamanukramāt || uktakrameṇa vinyasya hṛtpadme sādhubhāvite

111.12

navaśaktimaye ramye dhyāyeddevamumāpatim
candrakoṭipratīkāśaṃ trinetraṃ candraśekharam

111.13

āpiṃgalajaṭājūṭaṃ ratnamauli virājitam || nīlagrīvamudārāṃgaṃ nāgahāropaśobhitam

111.14

varadābhayahastaṃ ca dhāriṇaṃ ca paraśvadham || dadhānaṃ nāgavalayakeyūrāṃgadamudrikam

111.15

vyāghracarmaparīdhānaṃ ratnasiṃhāsane sthitam || dhyātvā tadvāma
bhāge ca ciṃtayedgirikanyakām

111.16

bhāsvajjapāprasūnābhāmudayārkasamaprabhām || vidyutpuṃjanibhāṃ tanvīṃ manonayananaṃdinīm

111.17

bāleṃdu
śekharāṃ snigdhāṃ nīlakuṃcitakuntalām || bhṛṃgasaṃghātarucirāṃ nīlālakavirājitām

111.18

maṇikuṃḍalavidyotanmukhamaṃḍalavibhramām || navakuṃkumapaṃ
kāṃkakapoladaladarpaṇam

111.19

madhurasmitavibhrājadaruṇādharapallavām || kaṃbukaṃṭhīṃ śivāmudyatkucapaṃkajakuḍmalām

111.20

pāśāṃkuśābhayābhīṣṭavila
satsucaturbhujām || anekaratnavilasatkaṃkaṇāṃkitamudrikām

111.21

valitrayeṇa vilasaddhemakāṃcīguṇānvitām || raktamālyāṃbaradharāṃ divyacaṃdanaca
rcitām

111.22

dikpālavanitāmaulisaṃnatāṃhrisaroruhām || ratnasiṃhāsanā rūḍhāṃ sarparājaparicchadām

111.23

evaṃ dhyātvā mahādevaṃ devīṃ ca giri
kanyakām || nyāsakrameṇa saṃpūjya devaṃ gaṃdhādibhiḥ kramāt

111.24

paṃcabhirbrahmabhiḥ kuryātproktasthāneṣu vā hṛdi || pṛthakpuṣpāṃjaliṃ dehe mūlena ca
hṛdi tridhā

111.25

punaḥ svayaṃ śivo bhūtvā mūlamaṃtreṇa sādhakaḥ || tataḥ saṃpūjayeddevaṃ bāhyapīṭhe punaḥ kramāt

111.26

saṃkalpaṃ pravadettatra
pūjāraṃbhe samāhitaḥ || kṛtāṃjalipuṭo bhūtvā ciṃtayeddhṛdi śaṃkaram

111.27

ṛṇapātakadaurbhāgyadāridryavinivṛttaye || aśoṣāghavināśāya prasīda mama
śaṃkara

111.28

duḥkhaśokāgnisaṃtaptaṃ saṃsārabhayapīḍitam || bahurogākulaṃ dīnaṃ trāhi māṃ vṛṣavāhana

111.29

āgaccha devadeveśa mahādevābhayaṃkara
gṛhāṇa saha pārvatyā tava pūjāṃ mayā kṛtām

111.30

iti saṃkalpya vidhivadvāhyapūjāṃ samācaret || guruṃ gaṇapatiṃ caiva yajetsavyāpasavyayoḥ

111.31

kṣetreśamīśakoṇe tu yajedvāstoṣpatiṃ kramāt || vāgdevīṃ ca yajettatra tataḥ kātyāyanīṃ yajet

111.32

dharmaṃ jñānaṃ ca vairāgyamaiśvaryaṃ ca namo'ntakaiḥ
svarairaiśādikoṇeṣu pīṭhapādānanukramāt || ābhyāṃ biṃduvisargābhyāmadharmādīnprapūjayet

111.33

sattvarūpaiścaturdikṣu madhye'naṃtaṃ satārakam || sattvā
dīṃstriguṇāṃstaṃturūpānūpīṭheṣu vinyaset

111.34

ata ūrdhvacchade māyāṃ saha lakṣmyā śivena ca

111.35

tadaṃte cāṃbujaṃ bhūyaḥ sakalaṃ maṃḍalatrayam
patrakesarakiṃjalkavyāptaṃ tām̐rākṣaraiḥ kramāt

111.36

padmatrayaṃ tathābhyarcya madhye maṃḍalamādarāt || vāmāṃ jyeṣṭhāṃ ca raudrīṃ ca bhāgādyairdikṣu pūjayet

111.37

vāmādyā nava śaktīśca navasvarayutā yajet || hṛdi bījatrayādyena pīṭhamaṃtreṇa cārcayet

111.38

āvṛttaiḥ prathamāṃgaiśca paṃcabhirmūttiśaktibhiḥ
triśaktimūrttibhiścānyairnidhidvayasamanvitaiḥ

111.39

anaṃtādyaiḥ parītām̐śca mātṛbhiśca vṛṣādibhiḥ || siddhibhiścāṇimādyābhiriṃdrādyaiśca sahāyudhaiḥ

111.40

vṛṣabhakṣetracaṃḍeśadurgāśca skaṃdanaṃdinau || gaṇeśaḥ sainyapaścaiva svasvalakṣaṇalakṣitāḥ

111.41

aṇimā mahimā caiva garimā laghimā tathā
īśitvaṃ ca vaśitvaṃ ca prāptiḥ prākāmyameva ca

111.42

aṣṭaiśvaryāṇi coktāni tejorūpāṇi kevalam || paṃcabhirbrahmabhiḥ pūrvaṃ hṛllekhādyādibhiḥ kramāt

111.43

aṃgairumādyairiṃdrādyaiḥ pūjoktā munibhistu taiḥ || umācaṃḍeśvarādīṃśca pūjayeduttarāditaḥ

111.44

evamāvaraṇairyuktaṃ tejorūpaṃ sadāśivam || umayā
sahitaṃ devamupacāraiḥ prapūjayet

111.45

supratiṣṭhitaśaṃkhasya tīrthaiḥ paṃcāmṛtairapi || abhiṣicya mahādevaṃ rudrasūktaiḥ samāhitaḥ

111.46

kalpayedvivi
dhairmaṃtrairāsanādyupacārakān || āsanaṃ kalpayeddemaṃ divyavastrasamanvitam

111.47

arghyamaṣṭaguṇopetaṃ pādyaṃ śuddhodakena ca || tenaivācamanaṃ dadyānmadhuparkaṃ
madhūttaram

111.48

punarācamanaṃ dattvā snānaṃ maṃtraiḥ prakalpayet || upavītaṃ tathā vāso bhūṣaṇāni nivedayet || gaṃdhamaṣṭāṃgasaṃyuktaṃ supūrtaṃ vinivedayet

111.49

tataśca bilvamaṃdārakahlārasarasīruham || dhattūrakaṃ karṇikāraṃ śaṇapuṣpaṃ ca mallikām

111.50

kuśāpāmārgatulasīmādhavīcaṃpakādikam
bṛhatīkaravīrāṇi yathālabdhāni sādhakaḥ

111.51

nivedayetsugaṃdhīni mālyāni vividhāni ca || dhūpaṃ kālāgarūtpannaṃ dīpaṃ ca vimalaṃ śubham

111.52

viśeṣakam || atha pāyasanaivedyaṃ saghṛtaṃ sopadaṃśakam || modakāpūpasaṃyuktaṃ śarkarāguḍasaṃyutam

111.53

madhunāktaṃ dadhiyutaṃ jalapānasamanvitam
tenaiva haviṣā vahnau juhuyānmaṃtrabhāvite

111.54

āgamoktena vidhinā guruvākyaniyaṃtritaḥ || naivedyaṃ śaṃbhave bhūyo dattvā tāṃbūlamuttamam

111.55

dhūpaṃ nīrājanaṃ ramyaṃ chatraṃ darpaṇamuttamam || samarpayitvā vidhivanmaṃtrairvaidikāṃtrikaiḥ

111.56

yadyaśaktaḥ svayaṃ niḥsvo yathāvibhavamarcayet || bhaktyā
dattena gaurīśaḥ puṣpamātreṇa tuṣyati

111.57

athāṃgabhūtānsakalāngaṇeśādīnprapūjayet || stavairnānāvidhaiḥ stutvā sāṣṭāṃgaṃ praṇamedbudhaḥ

111.58

tataḥ pradakṣiṇīkṛtya vṛṣaṃcaṃḍeśvarādikān || pūjāṃ samarpya vidhivatprārthayedgirijāpatim

111.59

jaya deva jagannātha jaya śaṃkara śāśvata || jaya sarva
surādhyakṣa jaya sarvasurārcita

111.60

jaya sarvaguṇātīta jaya sarvavaraprada || jaya nitya nirādhāra jaya viśvaṃbharāvyaṃya

111.61

jaya viśvaikavandyeśa
jaya nāgeṃdrabhūṣaṇa || jaya gaurīpate śaṃbho jaya caṃdrārdhaśekhara

111.62

jaya koṭyarkasaṃkāśa jayānaṃtaguṇāśraya

111.63

jaya rudra virūpākṣa
jayāciṃtya niraṃjana || jaya nātha kṛpāsiṃdho jaya bharttārtibhañjana || jaya dustarasaṃsārasāgaroktāraṇa prabho

111.64

prasīda me
mahādeva saṃsārāttaṃsya khidyataḥ || sarvapāpabhayaṃ hṛtvā rakṣa māṃ parameśvara

111.65

mahādāridryamagnasya mahāpāpahatasya ca || mahāśo
kavinaṣṭasya mahārogāturasya ca

111.66

ṛṇabhāraparītasya dahyamānasya karmabhiḥ || grahaiḥ prapīḍyamānasya prasīda mama śaṃkara

111.67

daridraḥ
prārthayedevaṃ pūjāṃte girijāpatim || arthāḍhyo vāpi rājā vā prārthayeddevamīśvaram

111.68

dīrghamāyuḥ sadārogyaṃ kośavṛddhirbalonnatiḥ || mamāstu
nityamānandaḥ prasādāttava śaṃkara

111.69

śatravaḥ saṃkṣayaṃ yāṃtu prasīdantu mama grahāḥ || naśyantu dasyavo rāṣṭre janāḥ saṃtu nirāpadaḥ

111.70

durbhikṣamārīsaṃtāpāḥ śamaṃ yāṃtu mahītale || sarvasasyasamṛddhiśca bhūyātsukhamayā diśaḥ

111.71

evamārādhayeddevaṃ pradoṣe girijāpatim || brāhmaṇā
nbhojayetpaścāddakṣiṇābhiśca toṣayet

111.72

sarvapāpakṣayakarī sarvadāridryanāśinī || śivapūjā mayā khyātā sarvābhīṣṭavarapradā

111.73

mahā
pātakasaṃghātamadhikaṃ copapātakam || śivadravyāpaharaṇādanyatsarvaṃ nivārayet

111.74

brahmahatyādipāpānāṃ purāṇeṣu smṛtiṣvapi || prāyaścittāni
dṛṣṭāni na śivadravyahāriṇām

111.75

bahunātra kimuktena ślokārddhena bravīmyaham || brahmahatyāśataṃ vāpi śivapūjā vināśayet

111.76

mayā
kathitametatt pradoṣe śivapūjanam || rahasyaṃ sarvajaṃtūnāmatra nāstyeva saṃśayaḥ

111.77

etābhyāmapi bālābhyāmevaṃ pūjā vidhīyatām || ataḥ saṃva
tsarādeva parāṃ siddhimavāpsyatha

111.78

iti śāṃḍilyavacanamākarṇya dvijabhāminī || tābhyāṃ tu saha bālābhyāṃ praṇāma muneḥ padam

111.79

vipraruyuvāca || || ahamadya kṛtārthāsmi tava darśanamātrataḥ || etau kumārau bhagavaṃstvameva śaraṇaṃ gatau

111.80

eṣa me tanayo
brahmañchucivrata itīritaḥ || eṣa rājasuto nāmnā dharmaguptaḥ kṛto mayā

111.81

etāvahaṃ ca bhagavanbhavaccaraṇakiṃkarāḥ || samuddharāsminpatitānghore
dāridryasāgare

111.82

iti prapannāṃ śaraṇaṃ dvijāṃganāmāśvāsya vākyairamṛtopamānaiḥ || upādideśātha tayoḥ kumārayormuniḥ śivārādhanamaṃtra
vidyām

111.83

athopadiṣṭau muninā kumārau brāhmaṇī ca sā || taṃ praṇamya samāmaṃtrya jagmuste śivamandirāt

111.84

tataḥ prabhṛti tau bālau
munivaryopadeśataḥ || pradoṣe pārvatī śasya pūjāṃ cakraturaṃjasā

111.85

evaṃ pūjayatordevaṃ dvijarājakumārayoḥ || sukhenaiva vyatīyāya tayormāsacatu
ṣṭayam

111.86

kadācidrājaputreṇa vināsau dvijanaṃdanaḥ || snātuṃ gato nadītīre cacāra bahulīlayā

111.87

tatra nirjharanirghātanirbhinne vajra
kuṭṭime || nidhānakalaśaṃ sthūlaṃ prasphuraṃtaṃ dadarśa ha

111.88

taṃ dṛṣṭvā sahasāgatya harṣakautukavihvalaḥ || daivopanaṃ manvāno gṛhītvā śirasā yayau

111.89

sasaṃbhramaṃ samānīya nidhāya kalaśaṃ balāt || nidhāya bhavanasyāṃte mātaraṃ samabhāṣata

111.90

mātarmātarimaṃ paśya prasādaṃ girijāpateḥ
nidhānaṃ kumbharūpeṇa darśitaṃ karuṇātmanā

111.91

atha sā vismitā sādhvī samāhūya nṛpātmajam || svaputraṃ pratinaṃdyāha mānayantī śivārcanam

111.92

śṛṇutāṃ me vacaḥ putrau nidhānakalaśīmimām || samaṃ vibhajya gṛhṇītaṃ mama śāsanagauravāt

111.93

iti māturvacaḥ śrutvā tutoṣa dvija
naṃdanaḥ || pratyāha rājaputrastāṃ visrabdhaḥ śaṃkarārcane

111.94

mātastava sutasyaiva sukṛtena samāgatam || nāhaṃ grahītumicchāmi vibhaktaṃ dhanasaṃca
yam

111.95

ātmanaḥ sukṛtāllabdhaṃ svayameva bhunaktvasau || saṃ eva bhavānīśaḥ kariṣyati kṛpāṃ mayi

111.96

evamarcayatoḥ śaṃbhuṃ bhūyopi
parayā mudā || saṃvatsaro vyatīyāya tasminneva gṛhe tayoḥ

111.97

athaikadā rājasūnuḥ saha tena dvijanmanā || vasaṃtasamaye prāpte vijahāra vanāṃ
tare

111.98

atha dūraṃ gatau kvāpi vane dvijanṛpātmajau || gandharvakanyāḥ krīḍaṃtīḥ śataśastāvapaśyatām

111.99

tāḥ sarvāścārusarvāṃgyo
viharaṃtyo manoharam || dṛṣṭvā dvijātmajo dūrāduvāca nṛpanaṃdanam

111.100

itaḥ puro na gaṃtavyaṃ viharaṃtyagrataḥ striyaḥ || strīsaṃniśrānaṃ vibu
dhāstyajaṃti vimalāṃśayāḥ

Linked texts (3)