Pramāṇa · Search · About · API

Dharmaranyakhanda 112

Dharmāraṇyakhaṇḍa 112

Language
Sanskrit

Contents

112.1

etāḥ kaitavakāriṇyo ghanayauvanadurmadāḥ || mohayantyo janaṃ dṛṣṭvā vācānunayakovidāḥ

112.2

ataḥ
parityajetstrīṇāṃ sannidhiṃ sahabhāṣaṇam || nijadharmarato vidvanbrahmacārī viśeṣataḥ

112.3

ato'haṃ notsahe gantuṃ krīḍāsthānaṃ mṛgīdṛśām || ityuktvā
dvijaputrastu nivṛtto dūrataḥ sthitaḥ

112.4

athāsau rājaputrastu kautukāviṣṭamānasaḥ || tāsāṃ vihārapadavīmeka evābhayo yayau

112.5

tatra
gaṃdharvakanyānāṃ madhye tvekā varānanā || dṛṣṭvā''yāṃtaṃ rājaputraṃ ciṃtayāmāsa cetasā

112.6

aho koyamurudārāṃgo yuvā sarvāṃgasundaraḥ || mattamātaṃga
gamano lāvaṇyāmṛtavāridhiḥ

112.7

līlālolaviśālākṣo madhurasmitapeśalaḥ || madanopamarūpaśrīḥ sukumārāṃgalakṣaṇaḥ

112.8

ityāścaryayutā
bālā dūrāddṛṣṭvā nṛpātmajam || sarvāḥ sakhīḥ samālokya vacanaṃ cedamabravīt

112.9

ito vidūre he sakhyo vanamastyekamuttamam || vicitracaṃpa
kāśokapunnāgabakulairyutam

112.10

tatra gatvā vanaṃ sarvāḥ saṃcīya kusumotkaram || bhavatyaḥ punarāyāṃtu tāvattiṣṭhāmyahaṃ tviha

112.11

ityādiṣṭāḥ
sakhīvargo jagāma vipināṃtaram || sāpi gaṃdharvajā tasthau nyastadṛṣṭirnṛpātmaje

112.12

tāṃ samālokya tanvaṃgīṃ navayauvanaśālinīm || bālāṃ
svarūpasaṃpattyā paribhūtatilottamām

112.13

rājaputraḥ samāgamya kautukotphullalocanaḥ || avāpa daivayogena madanasya śaravyathām

112.14

gandharvatanayā sāpi prāptāya nṛpasūnave || utthāya tarasā tasmai pradadau pallavāsanam

112.15

kṛtopacāramāsīnaṃ tamāsādya sumadhyamā || papraccha
tadrūpaguṇairdhvastadhairyākuleṃdriyā

112.16

kastvaṃ kamalapatrākṣa kasmāddeśādihāgataḥ || kasya putra iti premṇā pṛṣṭaḥ sarvaṃ nyavedayat

112.17

vidarbha
rājatanayaṃ vidhvastapitṛmātṛkam || śatrubhiśca hatasthānamātmānaṃ pararāṣṭragam

112.18

sarvamāvedya bhūyastāṃ papraccha nṛpanaṃdanaḥ || kā tvaṃ vāmoru
kiṃ cātra kāryaṃ te kasya cātmajā

112.19

kimavadhyāyasi hṛdā kiṃ vā vaktumihecchasi || ityuktā sā punaḥ prāha śṛṇu rājeṃdrasattama

112.20

astyeko dravikonama gaṃdharvāṇāṃ kulāgraṇīḥ || tasyāhamasmi tanayā nāmnā cāṃśumatī smṛtā

112.21

tvāmāyāṃtaṃ vilokyāhaṃ tvatsaṃbhāṣaṇa
lālasā || tyaktvā sakhījanaṃ sarvamekaivāsmi mahāmate

112.22

sarvasaṃgītavidyāsu na matto'nyāsti kācana || mama yogena tuṣyaṃti sarvā api
surastriyaḥ

112.23

sāhaṃ sarvakalābhijñā jñātasarvajaneṃgitā || tavāhamīpsitaṃ vedmi mayi te saṃgataṃ manaḥ

112.24

tathā mamāpi cautsukyaṃ daivena
pratipāditam || āvayoḥ snehabhedo'tra nābhibhūyāditaḥ param

112.25

iti saṃbhāṣya tenāśu premṇā gandharvanaṃdinī || muktāhāraṃ dadau tasmai
svakucāṃtarabhūṣaṇam

112.26

tamādāyādbhutaṃ hāraṃ sa tasyāḥ praṇayākulaḥ || gāḍhaharṣabharotsiktāmidamāha nṛpātmajaḥ

112.27

satyamuktaṃ tvayā bhīru
tathāpyekaṃ vadāmyaham || tyaktarājyasya niḥsvasya kathaṃ me bhavasi priyā

112.28

sā tvaṃ pitṛmatī bālā vilaṃghya pitṛśāsanam || svacchaṃdā
caraṇaṃ kartuṃ mūḍheva kathamarhasi

112.29

iti tasya vacaḥ śrutvā taṃ pratyāha śucismitā || astu nāma tathaivāhaṃ kariṣye paśya kautukam

112.130

gaccha svabhavanaṃ kāṃta paraśvaḥ prātareva tu || āgaccha punaratraiva kāryamasti ca no mṛṣā

112.31

ityuktvā taṃ nṛpasutaṃ sā saṃgatasakhījanā
apākrāmata cārvāṃgī sa cāpi nṛpanandanaḥ

112.32

sa samabhyetya harṣeṇa dvijaputrasya sannidhim || sarvamākhyāya tenaiva sārdhaṃ svabhavanaṃ yayau

112.33

tāṃ ca viprasatīṃ bhūyo harṣayitvā nṛpātmajaḥ || paraśvo dvijaputreṇa sārdhaṃ tena vanaṃ yayau

112.34

sa tayā pūrvanirdiṣṭaṃ sthānaṃ prāpya
nṛpātmajaḥ || gandharvarājamadrākṣītsvaduhitrā samanvitam

112.35

sa gaṃdharvapatiḥ prāptāvabhinaṃdya kumārakau || upaveśyāsane ramye rājaputramabhāṣata

112.36

gaṃdharva uvāca || || rājeṃdraputra pūrvedyuḥ kailāsaṃ gatavānaham || tatrāpaśyaṃ mahādevaṃ pārvatyā sahitaṃ prabhum

112.37

āhūya māṃ sa
deveśaḥ sarveṣāṃ tridivaukasām || sannidhāvāha bhagavānkaruṇāmṛtavāridhiḥ

112.38

dharmaguptāhvayaḥ kaścidrājaputro'sti bhūtale || akiñcano
bhraṣṭarājyo hṛtadeśaśca śatrubhiḥ

112.39

sa bālo guruvākyena madarcāyāṃ rataḥ sadā || adya tatpitaraḥ sarve māṃ prāptāstatprabhāvataḥ

112.140

tasya tvamapi sāhāyyaṃ kuru gandharvasattama || arthāsau nijarājyastho hataśatrurbhaviṣyati

112.41

ityājñapto maheśena saṃprāpto nijamaṃdiram
anayā mahuhitrā ca bahuśo'bhyarthitastathā

112.42

jñātvemaṃ sakalaṃ śaṃbhorniyogaṃ karuṇātmanaḥ || ādāyemāṃ duhitaraṃ prāpto'smīdaṃ vanāṃtaram

112.43

ata enāṃ prayacchāmi kanyāmaṃśumatīṃ tava || hatvā śatrūnsvarāṣṭre tvāṃ sthāpayāmi śivājñayā

112.44

tasminpure tvamanayā bhuktvā bhogānyathepsi
tān || daśavarṣasahasrānte gantāsi giriśālayam

112.45

tatrāpi mama kanyeyaṃ tvāmeva pratipatsyate || anenaiva svadehena divyena śivasannidhau

112.46

iti gandharvarājastamābhāṣya nṛpanandanam || tasminvane svaduhituḥ pāṇigrahamakārayat

112.47

pāribarhamadāttasmai ratnabhārānmahojjvalān
cūḍāmaṇiṃ candranibhaṃ muktāhārāṃśca bhāsurān

112.48

divyālaṃkāravāsāṃsi kārttasvaraparicchadān || gajānāmayutaṃ bhūyo niyutaṃ nīlavājinām

112.49

syandanānāṃ sahasrāṇi sauvarṇāni mahāṃti ca || punarekaṃ rathaṃ divyaṃ dhanuścendrāyudhopamam

112.50

astrāṇāṃ ca sahasrāṇi tūṇī cākṣayyasāyakau
abhedyaṃ varma sauvarṇaṃ śaktiṃ ca ripumardinīm

112.51

duhituḥ paricaryārthaṃ dāsīpañcasahasrakam || dadau prītamanāstasmai dhanāni vividhāni ca

112.52

gaṃdharvasainyamatyugraṃ caturaṃgasamanvitam || punaśca tatsahāyārthaṃ gandharvādhipatirdadau

112.53

itthaṃ rājendratanayaḥ saṃprāptaḥ śriyamuttamām
abhīṣṭajāyāsahito mumude nijasaṃpadā

112.54

kārayitvā svaduhiturvivāhaṃ samayocitam || yayau vimānamāruhya gaṃdharvādhipatirdivam

112.55

dharmaguptaḥ kṛtodvāhaḥ saha gaṃdharvasenayā || punaḥ svanagaraṃ prāpya jaghāna ripuvāhinīm

112.56

durdharṣaṇaṃ raṇe hatvā śaktyā gaṃdharvasenayā || niḥ
śeṣitārātibalaḥ praviveśa nijaṃ puram

112.57

tatobhiṣiktaiḥ sacivairbrāhmaṇaiśca mahottamaiḥ || ratnasiṃhāsanārūḍhaścakre rājyamakaṇṭakam

112.58

yā vipravaniṃtā pūrvaṃ tamapuṣṇātsvaputravat || saiva mātābhavattasya sa bhrātā dvijanandanaḥ

112.59

gaṃdharvatanayā jāyā vidarbhanagareśvaraḥ || ārādhya
devaṃ giriśaṃ dharmagupto nṛpo'bhavat

112.160

evamanye samārādhya pradoṣe girijāpatim || labhaṃtebhīpsitānkāmāndehāṃte tu parāṃ gatim

112.61

sūta uvāca || || etanmahāvrataṃ puṇyaṃ pradoṣe śaṃkarārcanam || dharmārthakāmamokṣāṇāṃ yadetat Go to sādhanaṃ param

112.62

ya etacchṛṇuyātpuṇyaṃ māhātmyaṃ
paramādbhutam || pradoṣe śivapūjāṃte kathayedvā samāhitaḥ

112.63

bhavenna tasya dāridryaṃ janmāntaraśateṣvapi || jñānaiśvaryasamāyuktaḥ sonte śivapuraṃ
vrajet

112.164

ye prāpya durlabhataraṃ manujāḥ śarīraṃ kurvaṃti haṃta parameśvarapādapūjām || dhanyāsta eva nijapuṇyajitatrilokāsteṣāṃ padāṃbujarajo bhuvanaṃ
punāti

112.164.p1

iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmottarakhaṇḍe pradoṣamahimāvarṇanaṃ nāma saptamo 'dhyāyaḥ

Linked texts (3)