Dharmaranyakhanda 116
Dharmāraṇyakhaṇḍa 116
- Language
- Sanskrit
Contents
- 116.95 — 1 part
116.1
cha || || sūta uvāca || || vicitraṃ śivanirmāṇaṃ
vicitraṃ śivaceṣṭitam || vicitraṃ śivamāhātmyaṃ vicitraṃ śivabhāṣitam
116.2
vicitraṃ śivabhaktānāṃ caritaṃ pāpanāśanam || svargāpavargayoḥ satyaṃ
sādhanaṃ tadbravīmyaham
116.3
avaṃtīviṣaye kaścidbrāhmaṇo maṃdarāhvayaḥ || babhūva viṣayārāmaḥ strījito dhanasaṃgrahī
116.4
saṃdhyāsnānaparityakto
gaṃdhamālyāṃbarapriyaḥ || kustrīsaktaḥ kumārgastho yathā pūrvamajāmilaḥ
116.5
sa veśyāṃ piṃgalāṃ nāma ramamāṇo divāniśam || tasyā eva gṛhe
nityamāsīdavijiteṃdriyaḥ
116.6
kadācitsadane tasyāstasminnivasati dvije || ṛṣabho nāma dharmātmā śivayogī samāyayau
116.7
tamāgatamabhiprekṣya matvā svaṃ puṇyamūrjjitam || sā veśyā sa ca vipraśca paryyapūjayatāmubhau
116.8
tamāropya mahāpīṭhe kaṃba
lāṃbarasaṃvṛte || prakṣālya caraṇau bhaktyā tajjalaṃ dadhatuḥ śiraḥ
116.9
svāgatārghyanamaskārairgaṃdhapuṣpākṣatādibhiḥ || upacāraiḥ samabhyarcya bhojayāmā
saturmudā
116.10
taṃ bhuktavaṃtamācāṃtaṃ paryyaṃke sukhasaṃstare || upaveśya mudā yuktau tāṃbūlaṃ pratyayacchatām
116.11
pādasaṃvāhanaṃ bhaktyā kurvaṃtau daivaco
ditau || kalpayitvā tu śuśrūṣāṃ prīṇayāmāsatuściram
116.12
evaṃ samarcitastābhyāṃ śivayogī mahādyutiḥ || ativāhya niśāmekāṃ yayau prātastadā
dṛtaḥ
116.13
evaṃ kāle gataprāye sa vipro nidhanaṃ gataḥ || sā ca veśyā mṛtā kāle yayau karmārjitāṃ gatim
116.14
sa vipraḥ karmaṇā nīto
daśārṇadharaṇīpateḥ || vajrabāhukuṭuṃbinyāḥ sumatyā garbhamāsthitaḥ
116.15
tāṃ jyeṣṭhapatnīṃ nṛpatergarbhasaṃpadamāśritām || avekṣya tasyai garalaṃ sapatnya
śchadmanā daduḥ
116.16
sā bhuktvā garalaṃ ghoraṃ na mṛtā daivayogataḥ || kleśameva paraṃ prāpa maraṇādatiduḥsaham
116.17
atha kāle samāyāte putrame
kamajījanat || kleśena mahatā sādhvī pīḍitā varavarṇinī
116.18
sa nirdaśo rājaputraḥ spṛṣṭapūrvo gareṇa yat || tenāvāpa mahākleśaṃ kraṃdamāno
divāniśam
116.19
tasya bālasya mātā ca sarvāṃgavraṇapīḍitā || babhūvaturatikliṣṭau garayogaprabhāvataḥ
116.20
tau rājñā ca samānītau vaidyaiśca
kṛtabheṣajau || na svāsthyamāpaturyatnaiairanekairryojitairapi
116.21
na rātrau labhate nidrāṃ sā rājñī vipulavyathā || svaputrasya ca duḥkhena duḥkhitā
nitarāṃ kṛśā
116.22
nītvaivaṃ katicinmāsānsa rājā mātṛputrakau || jīvaṃtau ca mṛtaprāyau vilokyātmanyaciṃtayat
116.23
etau me gṛhiṇīputrau
nirayādāgatāviha || aśrāṃtakogau kraṃdaṃtau nidrābhaṃgavidhāyinau
116.24
atropāyaṃ kariṣyāmi pāpayordhruvametayoḥ || martuṃ vā jīvituṃ vāpi na
kṣamau pāpabhoginau
116.25
itthaṃ viniścitya ca bhūmipālaḥ saktaḥ sapatnīṣu tadātmajeṣu || āhūya sūtaṃ nijadāraputrau nirvāsayāmāsa rathena
dūram
116.26
tau sūtena parityaktau kutracidvijane vane || avāpatuḥ parāṃ pīḍāṃ kṣuttṛḍbhyāṃ bhṛśavihvalau
116.27
sodvahaṃtī nijaṃ bālaṃ nipataṃtī pade
pade || niḥśvasaṃtī nijaṃ karma niṃdaṃtī cakitā bhṛśam
116.28
kvacitkaṃṭakabhinnāṃgī muktakeśī bhayāturatā || kvacidvyāghrāsvanerbhītā kvacidvyālairanu
drutā
116.29
bhartsyamānā piśācaiśca vetālairbrahmarākṣasaiḥ || mahāgulyeṣu dhāvaṃtī bhinnapādā kṣurāśmabhiḥ
116.30
saivaṃ ghore mahārakhye bhramaṃtī nṛpage
hinī || daivātprāptā vaṇiṅmārgaṃ govājinnarasevitam
116.31
gacchaṃtī tena mārgeṇa sudūramatiyatnataḥ || dadarśa vaiśyanagaraṃ bahustrīnarasevitam
116.32
tasya goptā mahāvaiśyo nagarasya mahājanaḥ || asti padmākaro nāma rājarāja ivāparaḥ
116.33
tasya vaiśyapateḥ kācidvṛddhāsī nṛpāṃganām
āyāṃtīṃ dūrato dṛṣṭvā tadaṃtikamupāyayau
116.34
sā dāsī nṛpateḥ kāṃtāṃ saputrāṃ bhṛśapīḍitām || svayaṃ viditavṛttāṃtā svāmine pratyadarśayat
116.35
sa tāṃ dṛṣṭvā viśāṃ nātho rujārttāṃ kliṣṭaputrikām || nītvā rahasi suvyaktaṃ tadvṛttāṃtamapṛcchata
116.36
tayā niveditāśeṣavṛttāṃtaḥ sa vaṇi
kpatiḥ || aho kaṣṭamiti jñātvā niśaśvāsa muhurmuhuḥ
116.37
tāmaṃtike svagehasya saṃniveśya rahogṛhe || vāsonnapānaśayanairmātṛsāmyamapūjayat
116.38
tasmingṛhe nṛpavadhūrnivasaṃtī surakṣitā || vraṇyakṣmādirogāṇāṃ na śāṃtiṃ pratyapadyata
116.39
tato dinaiḥ katipayaiḥ sa bālo vraṇapīḍitaḥ
vilaṃghitabhiṣaksattvo mamāra ca vidhervaśāt
116.40
mṛte svatanaye rājñī śokena mahatāvṛtā || mūrcchitāṃ cāpatadbhūtau gajabhagneva vallarī
116.41
daivātsaṃjñāmavāpyātha bāṣpaklinnapayodharā || sāṃtvitā'pi vaṇikstrībhirvilalāpa suduḥkhitā
116.42
hā tātatāta hā putra hā mama prāṇarakṣaka
hā rājakulapūrṇendo hā mamānaṃdavardhana
116.43
imāmanāthāṃ kṛparṇā tvatprāṇāṃ tyaktabāṃdhavām || mātaraṃ te parityajya kva yāto'si nṛpātmaja
116.44
ityebhiruditairvākyaiḥ śokaciṃtāvivardhakaiḥ || vilapaṃtīṃ mṛtāpatyāṃ ko nu sāṃtvayituṃ kṣamaḥ
116.45
etasminsamaye tasyā duḥkhaśokaciki
tsakaḥ || ṛṣabhaḥ pūrvamākhyātaḥ śivayogī samāyayau
116.46
sa yogī vaiśyanāthena sārghahastena pūjitaḥ || tasyāḥ sakāśamagamacchocantyā ida
mabravīt
116.47
ṛṣabha uvāca || || akasmātkimaho vatse roruṣīṣi vimūḍhadhīḥ || ko jātaḥ katamo loke ko mṛto vada sāṃpratam
116.48
amī dehādayo bhāvāstoyaphenasadharmakāḥ || kvacidbhrāṃtiḥ kvacicchāṃtiḥ sthitirbhavati vā punaḥ
116.49
ato'sminphenasadṛśe dehe
pañcatvamāgate || śokasyānāvaśyakatvānna śocaṃti vipaścitaḥ
116.50
guṇairbhūtāni sṛjyaṃte bhrāmyaṃte nijakarmabhiḥ || kālenātha vikṛṣyaṃte vāsanāyāṃ
ca śerate
116.51
māyayotpattimāyaṃti guṇāḥ sattvādyayastrayaḥ || taireva dehā jāyaṃte jātāstallakṣaṇāśrayāḥ
116.52
devatvaṃ yāti sattvena rajasā
ca manuṣyatām || tiryaktvaṃ tamasā jaṃturvāsanānugatovaśaḥ
116.53
saṃsāre vartamānesmiñjaṃtuḥ karmānubandhanāt || durvibhāvyāṃ gatiṃ yāti sukhaduḥkha
mayīṃ muhuḥ
116.54
api kalpāyuṣāṃ teṣāṃ devānāṃ tu viparyayaḥ || anekāmayabaddhānāṃ kā kathā naradehinām
116.55
kecidvadaṃti dehasya kāla
meva hi kāraṇam || karma kecidguṇāṃnkeciddehaḥ sādhāraṇo hyayam
116.56
kālakarmaguṇādhānaṃ pañcātmakamidaṃ vapuḥ || jātaṃ dṛṣṭvā na hṛṣyaṃti na
śocaṃti mṛtaṃ budhāḥ
116.57
avyakte jāyate jaṃturavyakte ca pralīyate || madhye vyaktavadābhāti jalabudbudasannibhaḥ
116.58
yadā garbhagato dehī
vināśaḥ kalpitastadā || daivājjīvati vā jāto mriyate sahasaiva vā
116.59
garbhasthā eva naśyaṃti jātamātrāstathā pare || kvacidyuvāno naśyaṃti
mriyaṃte kepi vārdhake
116.60
yādṛśaṃ prāktanaṃ karma tādṛśaṃ viṃdate vapuḥ || bhuṃkte tadanurūpāṇi sukhaduḥkhāni vai hyasau
116.61
māyānubhāveritayoḥ
pitroḥ suratasaṃbhramāt || deha utpadyate kopi puṃyoṣitklībalakṣaṇaḥ
116.62
āyuḥ sukhaṃ ca duḥkhaṃ ca puṇyaṃ pāpaṃ śrutaṃ dhanam || lalāṭe likhitaṃ dhātrā
vahañjaṃtuḥ prajāyate
116.63
karmaṇāmavilaṃghyatvātkālasyāpyanatikramāt || anityatvācca bhāvānāṃ na śokaṃ kartumarhasi
116.64
kva svapne
niyataṃ sthairyyamiṃdrajāle kva satyatā || kva nityatā śaranmeghe kva śaśvattvaṃ kalevare
116.65
tava janmānyatītāni śatakoṭyayutāni ca
ajānaṃtyāḥ paraṃ tattvaṃ saṃprāpto'yaṃ mahābhramaḥ
116.66
kasyakasyāsi tanayā jananī kasyakasya vā || kasyakasyāsi gṛhiṇī bhavakoṭiṣu varttinī
116.67
pañcabhūtātmako dehastvagasṛṅmāṃsabandhanaḥ || medomajjāsthinicito viṇmūtraśleṣmabhājanam
116.68
śarīrāṃtaramapyetannijadehodbhavaṃ
malam || matvā svatanayaṃ mūḍhe mā śokaṃ kartumarhasi
116.69
yadi nāma janaḥ kaścinmṛtyuṃ tarati yatnataḥ || kathaṃ tarhi vipadyeransarve pūrve vipaścitaḥ
116.70
tapasā vidyayā buddhyā mantrauṣadhirasāyanaiḥ || atiyāti paraṃ mṛtyuṃ na kaścidapi paṃḍitaḥ
116.71
ekasyādya mṛtirjaṃtoḥ śvaśvānyasya
varānane || tasmādanityāvayave na tvaṃ śocitumarhasi
116.72
nityaṃ sannihito mṛtyuḥ kiṃ sukhaṃ vada dehinām || vyāghre puraḥ sthite grāsaḥ
paśūnāṃ kiṃ nu rocate
116.73
ato janma jarāṃ jetuṃ yadīcchasi varānane || śaraṇaṃ vraja sarveśaṃ mṛtyuṃjayamumāpatim
116.74
tāvanmṛtyubhayaṃ
ghoraṃ tāvajjanmajarābhayam || yāvanno yāti śaraṇaṃ dehī śivapadāṃbujam
116.75
anubhūyeha duḥkhāni saṃsāre bhṛśadāruṇe || mano yadā viyujyeta tadā
dhyeyo maheśvaraḥ
116.76
manasā pibataḥ puṃsaḥ śivadhyānarasāmṛtam || bhūyastṛṣṇā na jāyeta saṃsāraviṣayāsave
116.77
vimuktaṃ sarvasaṃgaiśca
mano vairāgyayaṃtritam || yadā śivapade magnaṃ tadā nāsti punarbhavaḥ
116.78
tasmādidaṃ mano bhadre śivadhyānaikasādhanam || śokamohasamāviṣṭaṃ mā
kuruṣva śivaṃ bhaja
116.79
sūta uvāca || || itthaṃ sānunayaṃ rājñī bodhitā śivayoginā || pratyācaṣṭa gurostasya praṇamya caraṇāṃ
bujam
116.80
rājñyuvāca || || bhagavanmṛtaputrāyāstyaktāyāḥ priyabandhubhiḥ || mahārogāturāyā me kā gatirmaraṇaṃ vinā
116.81
ato'haṃ martumicchāmi sahaiva śiśunā'munā || kṛtārthāhaṃ yadadya tvāmapaśyaṃ maraṇonmukhī
116.82
sūta uvāca || || iti tasyā
vacaḥ śrutvā śivayogī dayānidhiḥ || pūrvopakāraṃ saṃsmṛtya mṛtasyāṃtikamāyayau
116.83
sa tadā bhasma saṃgṛhya śivamantrābhimaṃtritam || vidīrṇe
tanmukhe kṣiptvā mṛtaṃ prāṇairayojayat
116.84
sa bālaḥ saṃgataḥ prāṇaiḥ śanairūnmīlya locane || prāptapūrvendriyabalo rurod stanyakāṃkṣayā
116.85
mṛtasya punarutthānaṃ vīkṣya bālasya vismitāḥ || janā mumudire sarve nagareṣu purogamāḥ
116.86
athānaṃdabharā rājñī vihvalonmattalocanā || jagrāha
tanayaṃ śīghraṃ bāṣpavyākulalocanā
116.87
upagṛhya tadā tanvī paramānaṃdanirvṛtā || na vedātmānamanyaṃ vā suṣupteva pariśramāt
116.88
punaśca ṛṣabho
yogī tayormātṛkumārayoḥ || viṣavraṇayutaṃ dehaṃ bhasmanaiva parāmṛśat
116.89
tau ca tadbhasmanā spṛṣṭau prāptadivyakalevarau || devānāṃ sadṛśaṃ rūpaṃ dadhatuḥ
kāṃtibhūṣitam
116.90
saṃprāpte tridivaiśvarye yatsukhaṃ puṇyakarmaṇām || tasmācchataguṇaṃ prāpa sā rājñī sukhamuttamam
116.91
tāṃ pādayornipati
tāmṛṣabhaḥ premavihvalaiḥ || utthāpyāśvāsayāmāsa duḥkhairmuktāmuvāca ha
116.92
ayi vatse mahārājñi jīva tvaṃ śāśvatīḥ samāḥ || yāvajjīvasi
lokesminna tāvatprāpsyase jarām
116.93
eṣa te tanayaḥ sādhvi bhadrāyuriti nāmataḥ || khyātiṃ yāsyati lokeṣu nijaṃ rājyamavāpsyati
116.94
asya vaiśyasya sadane tāvattiṣṭha śucismite || yāvadeṣa kumāraste prāptavidyo bhaviṣyati
116.95
sūta uvāca || || iti
tāmṛṣabho yogī taṃ ca rājakumārakam || saṃjīvya bhasmavīryeṇa yayau deśānyathepsitān
116.95.p1
iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmottarakhaṇḍe bhadrāyvākhyāne ṛṣabhayoginā bhadrāyujīvanaṃ nāma daśamo'dhyāyaḥ
Linked texts (3)
- Skandapurāṇa (early; "Ambikākhaṇḍa") (ed. Bakker) — Sanskrit
- Brahmottarakhaṇḍa — Sanskrit
- Prayāgarājatīrthamāhātmya — Sanskrit