Pramāṇa · Search · About · API

Dharmaranyakhanda 121

Dharmāraṇyakhaṇḍa 121

Language
Sanskrit

Contents

121.1

sūta uvāca || || ṛṣabhasyānubhāvoyaṃ varṇitaḥ śivayoginaḥ || athānyasyāpi vakṣyāmi prabhāvaṃ śivayoginaḥ

121.2

bhasmanaścāpi māhātmyaṃ varṇayāmi samāsataḥ || kṛtakṛtyā bhaviṣyaṃti yacchrutvā pāpino janāḥ

121.3

astyeko vāmadevākhyaḥ śivayogī mahā
tapāḥ || nirdvaṃdvo nirguṇaḥ śāṃto niḥsaṃgaḥ samadarśanaḥ

121.4

ātmārāmo jitakrodho gṛhadāravivarjitaḥ || atarkitagatimaunī saṃtuṣṭo niṣpa
rigrahaḥ

121.5

bhasmoddhūlitasarvāṃgo jaṭāmaṃḍalamaṃḍitaḥ || valkalājinasaṃvīto bhikṣāmātraparigrahaḥ

121.6

sa ekadā caraṃlloke sarvānugrahratatparaḥ
krauṃcāraṇyaṃ mahāghoraṃ praviveśa yadṛcchayā

121.7

tasminnirmanuje'raṇye tiṣṭhatyeko'tibhīṣaṇaḥ || kṣuttṛṣākulito nityaṃ yaḥ kaścidbrahmarākṣasaḥ

121.8

taṃ praviṣṭaṃ śivātmānaṃ sa dṛṣṭvā brahmarākṣasaḥ || abhidudrāva vegena jagdhuṃ kṣutparipīḍitaḥ

121.9

vyāttānanaṃ mahākāyaṃ bhīmadaṃṣṭraṃ bhayānakam || tamā
yāṃtamabhiprekṣya yogīśo na cacāla saḥ

121.10

athābhidrutya tarasā sa ghoro vanagocaraḥ || dorbhyāṃ niṣpīḍya jagrāha niṣkaṃpaṃ śivayoginam

121.11

tadaṃgasparśanārdaiva sadyo vidhvastakilbiṣaḥ || sa brahmarākṣaso ghoro viṣaṇṇaḥ smṛtimāyayau

121.12

yathā ciṃtāmaṇiṃ spṛṣṭvā lohaṃ kāṃcanatāṃ vrajet
yathā jaṃbūnadīṃ prāpya mṛttikā svarṇatāṃ vrajet

121.13

yathā mānasamabhyetya vāyasā yāṃti haṃsatām || yathāmṛtaṃ sakṛtpītvā naro devatvamāpnuyāt

121.14

tathaiva hi mahātmāno darśanasparśanādibhiḥ || sadyaḥ punaṃtyaghopetānsatsaṃgo durlabho hyataḥ

121.15

yaḥ pūrvaṃ kṣutpipāsāta ghorātmā vipine
caraḥ || sa sadyastṛptimāyātaḥ pūrṇānaṃdo babhūva ha

121.16

tadgātralagnasitabhasmakaṇānuviddhaḥ sadyo vidhūtaghanapāpatamaḥsvabhāvaḥ || saṃprāptapūrvabhava
saṃsmṛtirugrakāryastatpādapadmayugule praṇato babhāṣe

121.17

rākṣasa uvāca || || prasīda me mahāyoginprasīda karuṇānidhe || prasīda bhavataptā
nāmānaṃdāmṛtavāridhe

121.18

kvāhaṃ pāpamatirghoraḥ sarvaprāṇibhayaṃkaraḥ || kva te mahānubhāvasya darśanaṃ karuṇātmanaḥ

121.19

uddharoddhara māṃ ghore patitaṃ
duḥkhasāgare || tava sannidhimātreṇa mahānaṃdo'bhivardhate

121.20

vāmadeva uvāca || || kastvaṃ vanecaro ghoro rākṣaso'tra kimāsthitaḥ
kathametāṃ mahāghorā kaṣṭa gatimavāptavān

121.21

rākṣasa uvāca || || rākṣaso'hamitaḥ pūrvaṃ paṃcaviṃśatime bhave || goptā yavanarāṣṭrasya
durjayo nāma vīryavān

121.22

so'haṃ durātmā pāpīyānsvairacārī madotkaṭaḥ || daṃḍadhārī durācāraḥ pracaṃḍo nirguṇaḥ khalaḥ

121.23

yuvā bahukala
tro'pi kāmāsakto'jiteṃdriyaḥ || imāṃ pāpīyasīṃ ceṣṭāṃ punarekāṃ gato'smyaham

121.24

pratyahaṃ nūtanāmanyāṃ nārīṃ bhoktumanāḥ sadā || āhṛtāḥ
sarvadeśebhyo nāryo bhṛtyairmadājñayā

121.25

bhuktvābhuktvā parityaktāmekāmekāṃ dinedine || antargṛheṣu saṃsthāpya punaranyāḥ striyo dhṛtāḥ

121.26

evaṃ svarāṣṭrātpararāṣṭrataśca deśākaragrāmapuravrajebhyaḥ || āhṛtya nāryo ramitā dinedine bhuktā punaḥ kāpi na bhujyate mayā

121.27

athānyaiśca na
bhujyaṃte mayā bhuktāstathā striyaḥ || antargṛheṣu nihitāḥ śocaṃte ca divāniśam

121.28

brahmaviṭkṣatraśūdrāṇāṃ yadā nāryo mayā hṛtāḥ || mama rājye
sthitā viprāḥ saha dāraiḥ pradudruvuḥ

121.29

sabhartṛkāśca kanyāśca vidhavāśca rajasvalāḥ || āhṛtya nāryo ramitā mayā kāmahatātmanā

121.30

triśataṃ
dvijanārīṇāṃ rājastrīṇāṃ catuḥśatam || ṣaṭśataṃ vaiśyanārīṇāṃ sahasraṃ śūdrayoṣitām

121.31

śataṃ cāṃḍālanārīṇāṃ puliṃdīnāṃ sahasrakam
śailūṣīṇāṃ paṃcaśataṃ rajakīnāṃ catuḥśatam

121.32

asaṃkh‍yā vāramukhyāśca mayā bhuktā durātmanā || tathāpi mayi kāmasya na
tṛptiḥ samajāyata

121.33

evaṃ durviṣayāsaktaṃ mattaṃ pānarataṃ sadā || yauvanepi mahārogā viviśuryakṣmakādayaḥ

121.34

rogārdito'na
patyaśca śatrubhiścāpi pīḍitaḥ || tyaktomātyaiśca bhṛtyaiśca mṛto'haṃ svena karmaṇā

121.35

āyurvinaśyatyayaśo vivardhate bhāgyaṃ kṣayaṃ yātyatidurgatiṃ
vrajet || svargāccyavaṃte pitaraḥ purātanā dharmavyapetasya narasya niścitam

121.36

athāhaṃ kiṃkarairyāmyairnīto vaivasvatālayam || tato'haṃ narake ghore
tatkuṇḍe vinipātitaḥ

121.37

tatrāhaṃ narake ghore varṣāṇāmayutatrayam || retaḥ pibanpīḍyamāno nyavasaṃ yamakiṃkaraiḥ

121.38

tataḥ pāpāvaśeṣeṇa
piśāco nirjane vane || sahasraśiśranaḥ saṃjāto nityaṃ kṣuttṛṣayākulaḥ

121.39

paiśācīṃ gatimāśritya nītaṃ divyaṃ śaracchatam || dvitīyehaṃ bhave
jāto vyāghraḥ prāṇibhayaṃkaraḥ

121.40

tṛtīye'jagaro ghoraścaturthe'haṃ bhave vṛkaḥ || paṃcame viḍvarāhaśca ṣaṣṭhe'haṃ kṛkalāsakaḥ

121.41

saptame'haṃ sārameyaḥ
sṛgālaścāṣṭame bhave || navame gavayo bhīmo mṛgo'haṃ daśame bhave

121.42

ekādaśe markaṭaśca gṛdhro'haṃ dvādaśe bhave || trayodaśe'haṃ nakulo vāyasaśca catu
rdaśe

121.43

acchabhallaḥ paṃcadaśe ṣoḍaśe vanakukkuṭaḥ || gardabho'haṃ saptadaśe mārjāroṣṭādaśe bhave

121.44

ekonaviṃśe maṇḍūkaḥ kūrmo viṃśatime bhave
ekaviṃśe bhave matsyo dvāviṃśe mūṣako'bhavam

121.45

ulūko'haṃ trayoviṃśe caturviṃśe vanadvipaḥ || paṃcaviṃśe bhave cāsmiñjātohaṃ brahmarākṣasaḥ

121.46

kṣutparīto nirāhāro vasāmyatra mahāvane || idānīmāgataṃ dṛṣṭvā bhavaṃtaṃ jagdhumutsukaḥ || tvaddehasparśamātreṇa jātā pūrvabhavasmṛtiḥ

121.47

gatajanma
sahasrāṇi smarāmyadya tvadaṃtike || nirvedaśca paro jātaḥ prasannaṃ hṛdayaṃ ca me

121.48

īdṛśo'yaṃ prabhāvaste kathaṃ labdho mahāmate || tapasā vāpi tīvreṇa
kimu tīrthaniṣevaṇāt

121.49

yogena devaśaktyā vā maṃtrairvā'naṃtaśaktibhiḥ || tattvato brūhi bhagavaṃstvāmahaṃ śaraṇaṃ gataḥ

121.50

vāmadeva
uvāca || || eṣa maddhātralagnasya prabhāvo bhasmano mahān || yatsaṃsparkāttamovṛttestavaiyaṃ matiruttamā

121.51

ko veda bhasmasāmarthyaṃ mahādevā
dṛte paraḥ || durvibhāvyaṃ yathā śaṃbhormāhātmyaṃ bhasmanastathā

121.52

purā bhavādṛśaḥ kaścidbrāhmaṇo dharmavarjitaḥ || drāviḍeṣu sthito mūḍhaḥ karmaṇā
śūdratāṃgataḥ

121.53

cauryavṛttirnaiṣkṛtikodhvṛṣalīratilālasaḥ|| kadācijjāratāṃ prāptaḥ śūdreṇa nihato niśi

121.54

tacchavasya bahirgāmā
tkṣiptasya pretakarmaṇaḥ || cacāra sārameyo'ṃge bhasmapādo yadṛcchayā

121.55

atha taṃ narake ghore patitaṃ śivakiṃkarāḥ|| ninyurvimānamāropya prasahya
yamakiṃkarān

121.56

śivadūtānsabhabhyetya yamopi paripṛṣṭavān || mahāpātakakarttāraṃ kathamenaṃ ninīṣatha

121.57

athocuḥ śivadūtāste paśyāsya
śavavigraham || vakṣolalāṭadormūlānyaṃkitāni subhasmanā

121.58

ata enaṃ samānetumāgatāḥ śivaśāsanāt || nāsmānniṣeddhuṃ śaktosi māstvatra
tava saṃśayaḥ

121.59

ityābhāṣya yamaṃ śaṃbhordūtāstaṃ brāhmaṇaṃ tataḥ || paśyatāṃ sarvalokānāṃ ninyurlokamanāmayam

121.60

tasmādaśeṣapāpānāṃ
sadyaḥ saṃśodhanaṃ param || śaṃbhorvibhūṣaṇaṃ bhasma satataṃ dhriyate mayā

121.61

itthaṃ niśamya māhātmyaṃ bhasmano brahmarākṣasaḥ || vistareṇa punaḥ śrotu
mautkaṃṭhyādityabhāṣata

121.62

sādhusādhu mahāyogindhanyosmi tava darśanāt || māṃ vimocaya dharmātmanghorādasmātkujanmanaḥ

121.63

kiṃci
dastīha me bhāti mayā puṇyaṃ purākṛtam || atohaṃ tvatprasādena muktosmyadya dvijottama

121.64

ekasmai śivabhaktāya tasminpārthivajanmani
bhūmirvṛttikarī dattā sasyārāmānvitā mayā

121.65

yamenāpi tadaivoktaṃ paṃcaviṃśatime bhave || kasyacidyoginaḥ saṃgānmokṣyase saṃsṛteriti

121.66

tadadya phalitaṃ puṇyaṃ yatkicitprāgbhavārjitam || ato nirmanujāraṇye saṃprāptastava saṃgamaḥ

121.67

ato māṃ ghorapāpmānaṃ saṃsaraṃtaṃ kujanmani
samuddhara kṛpāsindho dattvā bhasma samaṃtrakam

121.68

kathaṃ dhāryamidaṃ bhasma ko maṃtraḥ ko vidhiḥ śubhaḥ || kaḥ kālaḥ kaśca vā deśaḥ sarvaṃ kathaya me
guro

121.69

bhavādṛśā mahātmānaḥ sadā lokahite ratāḥ || nātmano hitamicchaṃti kalpavṛkṣasadharmiṇaḥ

121.70

sūta uvāca || || ityukta
stena yogīśo ghoreṇa vanacāriṇā || bhūyopi bhasmamāhātmyaṃ varṇayāmāsa tattvavit

121.70.p1

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmottarakhaṇḍe bhasmamāhātmyakathanaṃ nāma paṃcadaśo'dhyāyaḥ

Linked texts (2)