Dharmaranyakhanda 129
Dharmāraṇyakhaṇḍa 129
- Language
- Sanskrit
Contents
- 129.136 — 1 part
129.1
tathovāca dvijaḥ śaivīṃ kathāṃ bhaktisamanvitām || yathātathā manastasyāḥ prasādamabhigacchati || tathātathā śanaiḥ
śaṃbhordhyānayogamupādiśat
129.2
śanaiḥ śanairdhvastarajastamomalaṃ vimuktasarveṃdriyabhogavigraham || viśuddhatattvaṃ hṛdayaṃ dvijastriyā viveśa viśveśvara
rūpaciṃtanam
129.3
itthaṃ sadgurumāśritya sā nārī prāptasanmatiḥ || dadhyau muhurmuhuḥ śaṃbhościdānaṃdamayaṃ vapuḥ
129.4
nityaṃ tīrthajale snātvā
jaṭāvalkaladhāriṇī || bhasmoddhūlitasarvāṃgī rudrākṣaqatabhūṣaṇā
129.5
śivanāmajapāsaktā vāgyatā mitabhojanā || baddhapadmāsanā'vyagrā satkathā
śravaṇotsukā
129.6
guruśuśrūṣaṇaratā tyaktāpatyasuhṛjjanā || gurūpadiṣṭayogena śivamavematoṣayat
129.7
viśveśa viśvavilayasthitijanmaheto
viśvaikavaṃdya śiva śāśvata viśvarūpa || vidhvastakālaviparītaguṇāvabhāsa śrīmanmaheśa mayi dhehi kṛpākaṭākṣam
129.8
śaṃbho śaśāṃkakṛtaśekhara
śāṃtamūrte gaṃgādharāmaravarācitapādapadma || nāgeṃdrabhūṣaṇa nageṃdraniketaneśa bhaktārttihanmayi nidhehi kṛpākaṭākṣam
129.9
śrīviśvanātha karuṇākara śūlapāṇe
bhūteśa bharga bhuvanatrayagītakīrte || śrīnīlakaṇṭha madanāntaka viśvamūrte gaurīpate mayi nidhehi kṛpākaṭākṣam
129.10
itthaṃ pratidinaṃ bhaktyā prārthayaṃtī
maheśvaram || śṛṇvatī satkathāṃ samyakkarmabaṃdhaṃ saṃmācchinat
129.11
atha kālena sā nārī samutsṛjya kalevaram || maheśāsucarairnītā saṃprāptā śiva
maṃdiram
129.12
tatra devairmahādevaṃ sevyamānaṃ sahomayā || gaṇeśanaṃdibhṛṃgyādyairvīrabhadreśvarādibhiḥ
129.13
upāsyamānaṃ gaurīśaṃ koṭisūryasamaprabham
trilocanaṃ paṃcamukhaṃ nīlagrīvaṃ sadāśivam
129.14
vāmāṃke bibhrataṃ gaurīṃ vidyuccaṃdrasamaprabhām || dṛṣṭvā sasaṃbhramaṃ nārī sā praṇamya punaḥpunaḥ
129.15
ānandāśrujalotsiktā romaharṣasamākulā || sammānitā karuṇayā pārvatyā śaṃkareṇa ca
129.16
tasmim̐lloke parānandaghanajyotiṣi śāśvate || labdhvā
nivāsamacalaṃ lebhe sukhamanāhatam
129.17
sā kadācidumāṃ devīmupasṛtya praṇamya ca || paryapṛcchata me bharttā kāṃ gatiṃ gatavāniti
129.18
tāmruvāca
mahādevī sate bharttā durāśayaḥ || bhuktvā narakaduḥkhāni viṃdhye jātaḥ piśācakaḥ
129.19
punaḥ papraccha sā nārī devīṃ tribhuvaneśvarīm || kenopāyena
me bharttā sadgatiṃ prāpnuyāditi
129.120
devyuvāca || || so'stmakathāṃ mahāpuṇyāṃ kadācicchṛṇuyādyadi || nistīrya durgatiṃ sarvāmimaṃ lokaṃ
prayāsyati
129.21
iti gauryā vacaḥ śrutvā sā nārī vihitāṃjaliḥ || prārthayāmāsa tāṃ devīṃ bhartuḥ pāpaviśodhane
129.22
tayā muhuḥ prārthyamānā
pārvatī karuṇāyutā || tuṃburuṃ nāma gaṃdharvamāhūyedamāthābravīt
129.23
tuṃburo gaccha bhadraṃ te viṃdhyaśailaṃ sahānayā || āste piśācakastatra yo'syāḥ
patirasanmatiḥ
129.24
tasyāgre paramāṃ puṇyāṃ kathāmasmadguṇairyutām || ākhyāya durgatermuktaṃ tamānaya śivāṃtikam
129.25
iti devyā samādiṣṭa
stuṃburustāṃ praṇamya ca || tayā saha vimānena viṃdhyādriṃ sahasā yayau
129.26
tatrāpaśyanmahākāyaṃ raktanetraṃ mahāhanum || prahasaṃtaṃ rudaṃtaṃ ca valgaṃtaṃ
ca piśācakam
129.27
balādgṛhītvā taṃ pāśairbaddhvā vai saṃniveśya ca || tuṃbururvallakīhasto jagau gaurīpateḥ kathām
129.28
sa piśāco mahā
puṇyāṃ kathāṃ śrutvā pureṃdriṣaḥ || vidhūya kaluṣaṃ sarvaṃ saptāhātprāpa saṃsmṛtim
129.29
sa paiśācaṃ vapustyaktvām̐ svarūpaṃ divyamāpya ca || jagau svaya
mapi śrīmaccaritaṃ pārvatīpateḥ
129.130
vimānamāruhya sa divyarūpadhṛksa tuṃburuḥ pārśvagataḥ svakāṃtayā || gāyanmaheśasya guṇānmanoramāñjagāma
kaivalyapadaṃ sanātanam
129.31
sūta uvāca || || ityetatkathitaṃ puṇyamākhyānaṃ duritāpaham || maheśvaraprītikaraṃ nirmalajñānasādhanam
129.32
ya idaṃ śṛṇuyānmartyaḥ kīrtayedvā samāhitaḥ || śaṃbhorguṇānukathanaṃ vicitraṃ pāpanāśanam
129.33
paramānandajanakaṃ bhavarogamahauṣadham
bhuktveha vividhānbhogānmukto yāti parāṃ gatim
129.34
sūta uvāca || || yūyaṃ khalu mahābhāgāḥ kṛtārthā munisattamāḥ || ye sevaṃte sadā
śaṃbhoḥ kathāmṛtarasaṃ navam
129.35
te janmabhājaḥ khalu jīvaloke yeṣāṃ mano dhyāyati viśvanātham || vāṇī guṇānstauti kathāṃ śṛṇoti śrotradvayaṃ
te bhavamuttaraṃti
129.136
vividhaguṇavibhedairnityamaspṛṣṭarūpaṃ jagati ca bahiraṃtarvā samānaṃ mahimnā || svamahasi viharaṃtaṃ vāṅmanovṛttidūraṃ paramaśivamanaṃ
tānaṃdasāṃdraṃ prapadye
129.136.p1
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmottarakhaṇḍe purāṇaśravaṇamahimavarṇanaṃnāmadvāviṃśo 'dhyāyaḥ
129.3-2
cha || || samāptamidaṃ brāhmakhaṇḍe tṛtīyaṃ brahmottarakhaṇḍam || ( 3-3 ) || || iti skānde tṛtīyaṃ brāhmakhaṇḍaṃ saṃpūrṇam
Linked texts (2)
- Skandapurāṇa (early; "Ambikākhaṇḍa") (ed. Bakker) — Sanskrit
- Brahmottarakhaṇḍa — Sanskrit