Dharmaranyakhanda 19

Dharmāraṇyakhaṇḍa 19

Language: Sanskrit

19.30 — 1 part

19.1

cha || || yudhiṣṭhira uvāca || || rakṣāṃ caiva daityānāṃ yakṣāṇāmatha
pakṣiṇām || bhayanāśāya kājeśairdharmāraṇyanivāsinām

19.2

śaktīḥ saṃsthāpitā nūnaṃ nānārūpā hyanekaṃśaḥ || tāsāṃ sthānāni nāmā
ni yathārūpāṇi me vada

19.3

vyāsa uvāca || || śṛṇu pārtha mahābāho dharmamūrte nṛpottama || sthāne vai sthāpitā śaktiḥ
kājeśaiścaiva gotrapā

19.4

śrīmātā maṃdārikāyāṃ śāṃtā naṃdāpure vare || rakṣārthaṃ dvijamukhyānāṃ caturdikṣu sthitāśca tāḥ

19.5

yuktāścaiva suraiḥ sarvaiḥ svasvasthāne nṛpottama || vanamadhye sthitāḥ sarvā dvijānāṃ rakṣaṇāya vai

19.6

sā babhūva
mahārāja sāvitrītiprathā śivā || asurāṇāṃ vadhārthāya jñānajā sthāpitā suraiḥ

19.7

gātrāyī pakṣiṇī devī chatrajā drā
khvāsinī || śīhorī cūṭasaṃjñā yā pippalāśāpurī tathā || anyāśca bahavaścaiva sthāpitā bhayarakṣaṇe

19.8

pratīcyodīcyāṃ yāmyāṃ vai vibudhaiḥ
sthāpitā hi sā || nānāyudhadharā sā ca nānābharaṇabhūṣitā

19.9

nānāvāhanamārūḍhā nānārūpadharā ca sā || nānākopasamāyuktā nānābhayavinā
śinī

19.10

sthāpyā mātaryathāsthāne yathāyogyā diśodiśa || garuḍena samārūḍhā triśūlavaradhāriṇī

19.11

siṃhārūḍhā śuddharūpā vāruṇī
pānadarpitā || khaṅgakheṭakabāṇāḍhyaiḥ karairbhāti śubhānanā

19.12

raktavastrāvṛtā caiva pīnonnatapayodharā || udayadādityabiṃbābhā madāghūrṇitalocanā

19.13

evameṣā mahādivyā kājeśaiḥ sthāpitā tadā || rakṣārthaṃ sarvajaṃtūnāṃ satyamaṃdiravāsinām

19.14

sā devī nṛpaśārdūla stutā saṃpūjitā
saha || dadāti sakalānkāmānvāṃchitānnṛpasattama

19.15

dharmāraṇyātpaścimattaḥ sthāpitā chatraja! śubhā || tatrasthā rakṣate viprānikyacchaktisama
nvitā

19.16

bhairavaṃ rūpamāsthāya rākṣasānāṃ vadhāya ca || dhārayaṃtyāyudhānītthaṃ viprāṇāmabhayāya ca

19.17

saraścakāra tasyāgre uttamaṃ jala
pūritam || sarasyasminmahābhāga kṛtvā snānāditarpaṇam

19.18

piṃḍadānādikaṃ sarvamakṣayaṃ caiva jāyate || bhūmau kṣitāṃjalīndivyāndhūpadīpādikaṃ
sadā

19.19

tasya no bādhate vyādhiḥ śatrūṇāṃ nāśa eva ca || balidānādikaṃ tatra kuryādbhūyaḥ svaśaktitaḥ

19.20

śatravo nāśamāyāṃti dhanaṃ
dhānyaṃ vivardhate || ānaṃdā sthāpitā rājañchatryaṃśā ca manoramā

19.21

rakṣaṇārthaṃ dvijātīnāṃ māhātmyaṃ śṛṇu bhūpate || śuklāṃbaradharā divyā
hemabhūṣaṇabhūṣitā

19.22

siṃhārūḍhā caturhastā śaśāṃkakṛtaśekharā || muktāhāralatopetā pītonnatapayodharā

19.23

akṣamālāsihastā ca guṇa
tomaradhāriṇī || divyagaṃdhavarādhārā divyamālāvibhūṣitā

19.24

sāttvikī śaktirānaṃdā sthitā tasminpure purā || pūjayettāṃ ca vai rājankarpūrārakta
caṃdanaiḥ

19.25

bhojayetpāyasaiḥ śubhrairmadhvarājyasitayā saha || bhavānyāḥ prītaye rājankumāryāḥ pūjanaṃ tathā

19.26

tatra japtaṃ hutaṃ dattaṃ dhyātaṃ ca
nṛpasattama || tatsarvaṃ cākṣayaṃ tatra jāyate nātra saṃśayaḥ

19.27

triguṇe triguṇā vṛddhistasminsthāne nṛpottama || sādhakasya bhavennūnaṃ dhanadārādisaṃ
padaḥ

19.28

na hānirna ca rogaśca na śatrurna ca duṣkṛtam || gāvastasya vivarddhaṃte dhanadhānyādisaṃkulam

19.29

na śākinyā bhayaṃ tasya na ca
rājñaśca vairiṇaḥ || na ca vyādhibhayaṃ caiva sarvatra vijayī bhavet

19.30

vidyāścaturdaśāsyaiva bhāsaṃte paṭhitā iva || sūryavaddyotate bhūmāvānaṃdamā
śrito naraḥ

19.30.p1

iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvārdhe dharmāraṇyamāhātmya ānaṃdāsthāpanavarṇanaṃ nāma ṣoḍaśo'dhyāyaḥ