Dharmaranyakhanda 2
Dharmāraṇyakhaṇḍa 2
- Language
- Sanskrit
Contents
- 2.121 — 1 part
2.2
dharmarājena tāṃ śrutvā mamāgre ca niveditām || tamapṛcchadameyātmā kathāṃ dharmavinodinīm
2.3
yudhiṣṭhira
uvāca || || dharmāraṇyāśritāṃ puṇyāṃ kathāṃ me dvijasattama || kathayasva prasādena lokānāṃ hitakāmyayā
2.4
nārada uvāca
snānakāloyamasmākaṃ na kathāvasaro mama || paraṃtu śrūyatāṃ rājannupadeśaṃ dadāmyaham
2.5
māsānāmuttamo māghaḥ snānadānādike tathā
tasminmāghe ca yaḥ snāti sarvapāpaiḥ pramucyate
2.6
snānārthaṃ yāhi śīghraṃ tvaṃ gaṃgāyāṃ nṛpate'dhunā || vyāsasyāgamanaṃ cādya bhaviṣyati
nṛpottama
2.7
taṃ pṛcchasva mahābhāga śrāvayiṣyati te śubham || tīrthānāṃ caiva sarveṣāṃ phalaṃ puṇyaṃ yadadbhutam
2.8
bhūtaṃ bhavyaṃ bhaviṣyaṃ ca
uttamādhamamadhyamāḥ || vācayiṣyati tatsarvamitihāsasamudbhavam
2.9
dharmāraṇyasya sakalaṃ vṛttaṃ yadyatpurātanam || vyāsaḥ satyavatīputro vadi
ṣyati ca te'khilam
2.110
sūta uvāca || || evamuktvā vidheḥ putrastatraivāṃtaradhīyata || tasmingate sa nṛpatiḥ krīḍate sacivaiḥ
saha
2.11
etasminnaṃtare tatra prāptaḥ satyavatīsutaḥ || vijñāpayāmāsa tadā viduraḥ pāṃḍavasya hi
2.12
sūta
uvāca || || āgataṃ tu muniṃ śrutvā sarve harṣasamākulāḥ || samuttasthurhi bhīmādyāḥ saha dharmeṇa sarvaśaḥ
2.13
tadā hi sanmukho
bhūtvā mumude natakandharaḥ || daṃḍavattaṃ praṇamyātha bhrātṛbhiḥ sahitastadā
2.14
madhuparkeṇa vidhinā pūjāṃ kṛtvā suśobhanām || siṃhāsane
samāveśya papracchānāmayaṃ tadā
2.15
tataḥ puṇyāṃ kathāṃ divyāṃ śrāvayāmāsa dharmavit || kathāṃte muniśārdūlaṃ vacanaṃ cedamabravīt
2.16
yudhiṣṭhira uvāca || || tvatprasādānmayā brahmañchrutāstu pravarāḥ kathāḥ || āpaddharmā rājadharmā mokṣadharmā hyanekaṃśaḥ
2.17
purāṇānāṃ ca
dharmāśca vratāni bahuśastathā || tīrthānyanekarūpāṇi sarvāṇyāyatanāni ca
2.18
idānīṃ śrotumicchāmi dharmāraṇyakathāṃ śubhām || śrutvā yāṃ hi
vinaśyeta pāpaṃ brahmavadhādikam
2.19
dharmmāraṇyasthatīrthānāṃ śrotumicchāmi tattvataḥ || kasyedaṃ sthāpitaṃ sthānaṃ kasmādetadvinirmitam
2.121
rakṣitaṃ pālitaṃ kena kasminkāle'tha nirmitam || kiṃkiṃ tvatrābhavatpūrvaṃ śaṃśaitatpṛcchato mama || 12-0 || bhūtaṃ bhavyaṃ bhaviṣyañca tasminsthāne ca
yadbhavet || tatsarvaṃ kathayasvādya tīrthānāṃ ca yathā sthitiḥ
2.121.p1
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrva bhāge dharmāraṇyamāhātmye yudhiṣṭhirapraśnavarṇanaṃnāma prathamo'dhyāyaḥ
Linked texts (2)
- Skandamahāpurāṇa (vulgate) — Sanskrit
- Moḍhapurāṇa — Sanskrit