Dharmaranyakhanda 20
Dharmāraṇyakhaṇḍa 20
- Language
- Sanskrit
Contents
- 20.38 — 1 part
20.1
vyāsa uvāca || || dakṣiṇe sthāpitā rājañchāṃtā devī mahābalā || sā vicitrāṃbaradharā vanamālāvibhū
ṣitā
20.2
tāmasī sā mahārāja madhukaiṭabhanāśinī || viṣṇunā tatra vai nyastā śivapatnī nṛpottama
20.3
sā caivāṣṭabhujā ramyā meghaśyāmā
manoramā || kṛṣṇāṃbaradharā devī vyāghravāhanasaṃsthitā
20.4
dvīpicarmaparīdhānā divyābharaṇabhūṣitā || ghaṃṭātriśūlākṣamālākamaṃ ludharā
śubhā
20.5
alaṃkṛtabhujā devī sarvadevanamaskṛtā || dhanaṃ dhānyaṃ sutānbhogānsvabhaktebhyaḥ prayacchati
20.6
pūjayitvā kamalai
rdivyaiḥ karpūrāgarucaṃdanaiḥ || taduddeśena tatraiva pūjayedvijasattamān
20.7
kumārībhojayedannairvividhairbhaktibhāvataḥ || dhūpairdīpaiḥ phalaiḥ
ramyaiḥ pūjayecca surādibhiḥ
20.8
māṃsaistu vividhairdivyairathavā dhānyapiṣṭajaiḥ || anyaiśca vividhairdhānyaiḥ pāyasairvaṭakaistathā
20.9
odanaiḥ kṛśarāpūpaiḥ pūjayetsusamāhitaḥ || stutipāṭhena tatraiva śaktistotrairmanoharaiḥ
20.10
ripavastasya naśyaṃti sarvatra vijayī bhavet
raṇe rājakule dyūte labhate jayamaṃgalam
20.11
saumyā śāṃtā mahārāja sthāpitā kulamātṛkā || śrīmātā sā prasiddhā ca māhātmyaṃ śṛṇu
bhūpate
20.12
kulamātā mahāśaktistatrāste nṛpasattama || kumārī brahmaputrī sā rakṣārthaṃ vidhinā kṛtā
20.13
sthānamātā ca sā devī
śrīmātā sābhidhānataḥ || trirūpā sā dvijātīnāṃ nirmitā rakṣaṇāya ca
20.14
kamaṇḍaludharā devī ghaṇṭābharaṇabhūṣitā || akṣamālāyutā rāja
ñchubhā sā śubharūpiṇī
20.15
kumārī cādimātā ca sthānatrāṇakarāpi ca || daityaghnī kāmadā caiva mahāmohavināśinī
20.16
bhaktigamyā
ca sā devī kumārī brahmaṇaḥ sutā || raktāṃbaradharā sādhuraktacaṃdanacarcitā
20.17
raktamālyā daśabhujā paṃcavaktrā sureśvarī || caṃdrāvataṃsikā mātā surā
suranamaskṛtā
20.18
sākṣātsarasvatīrūpā rakṣārthaṃ vidhinā kṛtā || oṃkārā sā mahāpuṇyā kājeśena vinirmitā
20.19
ṛṣibhiḥ siddhayakṣā
disurapannagamānavaiḥ || praṇamyaṃghripugā tebhyo dadāti manasepsitam
20.20
pālayantī ca saṃsthānaṃ dvijātīnāṃ hitāya vai || yathaurasānsutānmātā
pālayantīha sadguṇaiḥ
20.21
atha pālayatī devī śrīmātā kuladevatā || upadravāṇi sarvāṇi nāśayetsatataṃ stutā
20.22
sarvavighnopaśamanī
śrīmātā smaraṇena hi || vivāhe copavīte ca sīmaṃte śubhakarmaṇi
20.23
sarveṣu bhaktakāryeṣu śrīmātā pūjyate sadā || yathā laṃbodaraṃ devaṃ pūja
yitvā samārabhet
20.24
kāryaṃ śubhaṃ sarvamapi śrīmātaraṃ tathā nṛpa || yatkiṃcidbhojanaṃ tvatra brāhmaṇebhyaḥ prayacchati
20.25
athavā vinivedyaṃ
ca kriyate yatparasparam || anivedya ca tāṃ rājankurvāṇo vighnameṣyati
20.26
tasmāttasyai nivedyātha tataḥ karma samārabhet || taddareṇākhilaṃ karma
avighnena hi siddhati || hemaṃte śiśire prāpte pūjayeddharmaputrikām
20.27
hemapatre samālikhya rājate vātha kārayet || pādukāṃ cottamāṃ rājañchrī
mātāyai nivedayet
20.28
snātvā caiva śucirbhūtvā tilāmalakamiśritaiḥ|| vāsobhiḥ sumanobhiśca dukūlaiḥ sumanoharaiḥ
20.29
lepayeccaṃdanaiḥ śubhraiḥ
kuṃkumaiḥ siṃdurāsakaiḥ || karpūrāṃgurukastūrīmiśritaiḥ karddamaistathā
20.30
karṇikāraiśca kahlāraiḥ karavīraiḥ sitāruṇaiḥ || caṃpakaiḥ ketakībhiśca japā
kusumakaistathā
20.31
yakṣakaddamakaiścaiva bilvapatrairakhaṃḍitaiḥ || pālāśajātipuṣpaiśca vaṭakairmāṣasaṃbhavaiḥ || pūpabhaktādidālībhistoṣayecchākasaṃcayaiḥ
20.32
dhūpadīpādipūrvaṃ tu pūjayejjagadaṃbikām || tadviyaiva kumārīrve viprānapi ca bhojayet || pāyasairdhṛtayuktaiśca śarkarāmiśritairnṛpa
20.33
pakvānnai
rmodakādyaiśca tarpayedbhaktibhāvataḥ || tarpyamāṇe dvijaikaisminsahasraphalamaśnute
20.34
daityānāṃ ghātakaṃ stotraṃ vācayecca punaḥ punaḥ || ekāgramānaso bhūtvā
śrīmātaraṃ stuvīya yaḥ
20.35
tasya tuṣṭā varaṃ dadyātstrāpitā pūjitā stutā || aniṣṭāni ca sarvāṇi nāśayeddharmmaputrikā
20.36
aputro labhate putrānni
rdhano dhanavānbhavet || rājyārthī labhate rājyaṃ vidyārthī labhate ca tām
20.37
śriyorthī labhate lakṣmīṃ bhāryārthī labhate ca tām || prasādācca sarasvatyā
labhate nātra saṃśayaḥ
20.38
ante ca paramaṃ sthānaṃ yatsurairapi durlabham || prāpnoti puruṣo nityaṃ sarasvatyāḥ prasādataḥ
20.38.p1
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvabhāge dharmāraṇyamāhātmye śrīmātāmāhātmyavarṇanaṃnāma saptadaśo'dhyāyaḥ
Linked texts (2)
- Skandamahāpurāṇa (vulgate) — Sanskrit
- Moḍhapurāṇa — Sanskrit