Dharmaranyakhanda 24
Dharmāraṇyakhaṇḍa 24
- Language
- Sanskrit
Contents
- 24.47 — 1 part
24.1
cha || || vyāsa uvāca || || ataḥ paraṃ pravakṣyāmi śivatīrthamanuttamam || yatrāsau śaṃkaro devaḥ punarjanmadharo'bhavat
24.2
kīlito devadeveśaḥ śaṃkaraśca trilocanaḥ || girijayā mahābhāga pātito bhūmiṃgaḍale
24.3
chalato muhyamānastu divārātriṃ na vetti ca
puṃstrīnapuṃsakāścaiva jaḍībhūtastrilocanaḥ
24.4
kalpāṃtamiva saṃjātaṃ tadā tasmiṃśca kīlite || pārvatyā sahasā tasya kṛtaṃ kīlanakaṃ tadā
24.5
yudhiṣṭhira uvāca || || etadāścaryamatulaṃ vacanaṃ yattvayoditam || yo guruḥ sarvadevānāṃ yogināṃ caiva sarvadā
24.6
pārvatyā kīlitaḥ kasmā
dbrahmavṛttiḥ śivaḥ katham || kāraṇaṃ kathyatāṃ tatra paraṃ kautūhalaṃ hi me
24.7
vyāsa uvāca || || mantraughā vividhā rājañchaṃkareṇa prakāśitāḥ
pārvatyagre mahārāja atharvaṇopavedajāḥ
24.8
śākinī ḍākinī caiva kākinī hākinī tathā || ekinī lākinī hyetāḥ ṣaḍbhedāstatra kīrti
tāḥ
24.9
bījānyuddhṛtya vai tābhyo mālā caikavṛtā kṛtā || śaṃbhunā kathitā caiva pārvatyagre nṛpottama
24.10
taiścaiva aṣṭā bhavati maṃtroddhāraḥ
kṛtastu sā || sādhayetsā mahāduṣṭā śākinī pramadānane
24.11
śrīpārvatyuvāca || || prakāśitāstvayā nātha bhedā hyete ṣaḍeva hi || ṣaḍvidhāḥ
śaktayo nātha agamyāyogamālinīḥ || ṣaḍḍidhoktaṃ tvayaikena kūṭātakṛtaṃ vadasva mām
24.12
śrīmahādeva uvāca || || aprakāśo mahādevi
devāsuraistu mānavaiḥ
24.13
pārvatyuvāca || || namaste sarvarūpāya namaste vṛṣabhadhvaja || jaṭileśa namastubhyaṃ nīlakaṇṭha namostute
24.14
kṛpāsiṃdho namastubhyaṃ namaste kālarūpiṇe || etaiśca bahubhirvākyaiḥ komalaiḥ karuṇānidhim
24.15
toṣayitvādvitanayā daṇḍavatpraṇi
patya ca || jagrāha pādayugalaṃ tāṃ provāca dayāparaḥ
24.16
kimarthaṃ stūyase bhadre yācyatāṃ manasīpsitam
24.17
pārvatyuvāca
samāhāraṃ ca sadhyānaṃ kathayasva savistaram || asaṃdehamaśeṣaṃ ca yadyahaṃ vallabhā tava
24.18
śrīrudra uvāca || || na prakāśyaṃ tvayā devi
samāhārodbhavaṃ phalam || sarvaṃ tattvamahaṃ vakṣye maṃtrakūṭādyameva hi
24.19
māyābījaṃ tu sarveṣāṃ kūṭānāṃ hi varānane || sarveṣāṃ madhyamo varṇo biṃdunā
dādiśobhitaḥ
24.20
vahnibījaṃ savātaṃ ca kūrmabījasamanvitam || ādityaprabhavaṃ bījaṃ śaktibījodbhavaṃ sadā
24.21
etatkūṭaṃ cādyabījaṃ dvitīyaṃ
ca vibhormatam || tṛtīyaṃ cāgnibījaṃ tu saṃyuktaṃ biṃdunedunā
24.22
caturthaṃ yuktaṃ śeṣeṇa brahmabījamṛṣistathā || paṃcamaṃ kālabījaṃ ca ṣaṣṭhaṃ pārthiva
bījakam
24.23
saptame cāṣṭame bāhyaṃ nṛsiṃhena samanvitam || navame dvitīyamekaṃ ca daśame cāṣṭakūṭakam
24.24
viparītaṃ tayorbījaṃ rudrākṣe vara
cāriṇi || caturdaśe caturthyarthaṃ pṛthvībījena saṃyutam
24.25
kūṭāḥ śeṣākṣarāḥ kecidrakṣitā menakātmaje || sā papāta yaśeovyāṃ hi śivapatnī tadā
nṛpa
24.26
rāmeṇāśvāsitā tatra prahasaṃstripurāṃtakaḥ || bhadre yasmāttvayā patraṃ jaṃtraśaktirbhaviṣyati
24.27
māraṇe mohane vaśye ākarṣaṇe ca
kṣobhaṇe || yaṃyaṃ kāmayate nūnaṃ tattatsiddhirbhaviṣyati
24.28
iti śrutvā tadā devī duṣṭacittā śucismitā || kūṭaśepāstato vīrāḥproktāstasyai tu śaṃbhu
nā
24.29
uvācacakṛpāsiṃdhuḥ sādhayasva yathāvidhi || kailāsāttu harastatra dharmāraṇyaṃ gato bhṛśam
24.30
jñātvā devī yayau tatra yatrāsau vṛṣabhadhvajaḥ
tatkṣaṇātpatito bhūmau dharmāraṇye nṛpottama
24.31
jaṭā caṃdroragāḥ śūlaṃ vṛṣabhādyāyudhāni vai || muṃḍamālā ca kaupīnaṃ kapālaṃ brahmaṇastu vai
24.32
gaṃtā
gaṇāśca sarvatra bhūtapretā diśo daśa || visaṃjñaṃ ca svamātmānaṃ jñātvā devo maheśvaraḥ
24.33
svedajāstu samutpannā gaṇāḥ kūṭādayastathā || paṃcakū
ṭānsamutpādya tasmāttadādhamūline
24.34
sādhakāste mahārāja japahomaparāyaṇāḥ || pretāsanāstu te sarve kālakūṭopari sthitāḥ
24.35
kathayaṃti svamātmānaṃ yena mokṣaḥ pinākinaḥ || tataḥ kaṣṭasamāviṣṭā gaurī vahnibhayāturā
24.36
sabhājitaḥśivastaiśca gaurī hrīṇā tvadhomukhī
tapastepe ca tatrasthā śaṃkarādeśakakāriṇī
24.37
paṃcāmisevanaṃ kṛtvā dhūmrapānamadhomukhī || kūṭākṣaraiḥ stutastaistu toṣito vṛṣabhadhvajaḥ
24.38
dharākṣetramidaṃ rājanpāpaghnaṃ sarvakāmadam || devamajjanakaṃ śubhraṃ sthānake'sminvirājate
24.39
āśvine kṛṣṇapakṣe ca caturdaśyā dine nṛpa || tatra snātvā
ca pītvā ca sarvapāpaiḥ pramucyate
24.40
pūjayitvā ca deveśamupoṣya ca vidhānataḥ || śākinī ḍākinī caiva vetālāḥ pitaro grahāḥ
24.41
grahā dhiṣṇyā na pīḍayaṃte satyaṃsatyaṃ varānane || sāṃgaṃ rudrajapaṃ tatra kṛtvā pāpaiḥ pramucyate
24.42
naśyaṃti trividhā rogāḥ satyaṃsatyaṃ ca bhūpate
etatsarvaṃ mayā khyātaṃ devamajjanakaṃ śṛṇu
24.43
aśvamedhasahasraistu kṛtaistu bhūridakṣiṇaiḥ || tatphalaṃ samavāpnoti śrotā śrāvayitā naraḥ
24.44
aputro labhate putrānnirdhano dhanamāpnuyāt || āyurārogyamaiśvaryaṃ labhate nātra saṃśayaḥ
24.45
manovākkāyajanitaṃ pātakaṃ trividhaṃ ca yat || tatsarvaṃ
nāśamāyāti smaraṇātkīrtanānnṛpa
24.46
dhanyaṃ yaśasyamāyuṣyaṃ sukhasaṃtānadāyakam || māhātmyaṃ śṛṇuyādbhaktasa sarvasaukhyānvito bhavet
24.47
sarvatīrtheṣu yatpuṇyaṃ sarvadāneṣu yatphalam || sarvayajñaiśca yatpuṇyaṃ jāyate śravaṇānnṛpa
24.47.p1
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvabhāge dharmāraṇyamāhātmye dharākṣetravarṇanaṃ nāma viṃśo'dhyāyaḥ
Linked texts (2)
- Skandamahāpurāṇa (vulgate) — Sanskrit
- Moḍhapurāṇa — Sanskrit