Dharmaranyakhanda 26
Dharmāraṇyakhaṇḍa 26
- Language
- Sanskrit
Contents
- 26.21 — 1 part
26.1
cha || || yudhiṣṭhira uvāca || || sthāna
vāsinyo yoginyaḥ kājeśena vinirmitāḥ || kasminsthāne hi kā devyaḥ kīdṛśyastā vadasva me
26.2
vyāsa uvāca || || sarvajñosi
kulīnosi sādhu pṛṣṭaṃ tvayānagha || kathayiṣyāmyahaṃ sarvamakhilena yudhiṣṭhira
26.3
nānābharaṇabhūṣāḍhyā nānāratnopaśobhitāḥ || nānāvasanasaṃvītā
nānāyudhasamanvitāḥ
26.4
nānāvāhanasaṃyuktā nānāsvaraninādinīḥ || bhayanāśāya viprāṇāṃ kājeśena vinirmitāḥ
26.5
prācyāṃ yāmyā
mudīcyāṃ ca pratīcyāṃ sthāpitā hi tāḥ || āgneyāṃ nairṛte deśe vāyavyeśānayostathā
26.6
āśāpurī ca gātrāī chatrāī jñānajā tathā || pippa
lāṃbā tathā śāṃtā siddhā bhaṭṭārikā tathā
26.7
kadaṃbā vikaṭā mīṭhā suparṇā vasujā tathā || mātaṃgī ca mahādevī vārāhī mukuṭeśvarī
26.8
bhadrā caiva mahāśaktiḥ siṃhārā ca mahābalā || etāścānyāśca bahavaḥ kathituṃ naiva śakyate
26.9
nānārūpadharā devyo nānāveśasamāśritāḥ
sthānāduttaradigbhāge āśāpūrṇāsamīpataḥ
26.10
pūrve tu vidyate devī ānaṃdānaṃdadāyinī || basaṃtī cottare devyo nānārūpadharā mudā
26.11
iṣṭānkāmānpradātyetā jaladānena tarpitāḥ || sthāne nairṛtidigbhāge śāṃtā śāṃtipradāyinī
26.12
siṃhopari samāsīnā caturhastā varapradā
bhaṭṭārī ca mahāśaktiḥ punastatraiva tiṣṭhati
26.13
saṃstutā pūjitā bhaktyā bhaktānāṃ bhayanāśinī || sthānāttu saptame krośe kṣemalābhā vyava
sthitā
26.14
sā vilepamayī pūjyā ciṃtitā siddhidāyinī || pūrvasyāṃ diśi lokaistu balidānena tarpitā || parivāreṇa saṃyuktā bhuktimukti
pradāyinī
26.15
aciṃtyarūpacaritā sarvaśatruvināśinī || saṃdhyāyāstriṣu kāleṣu pratyakṣaiva hi dṛśyate
26.16
sthānāttu saptame krośe dakṣiṇā
vindhyavāsinī || sāyudhā rūpasaṃpannā bhaktānāṃ bhayahāriṇī
26.17
paścime niṃbajā devī tāvadbhūmiṃsamāśritā || mahābalā sā dṛṣṭāpi nayanānanda
dāyinī
26.18
sthānāduttaradigbhāge tāvadbhūmiṃsamāśritā || śaktirbahusuvarṇākṣā pūjitā sāsuvarṇadā
26.19
sthānādvāyavyakoṇe ca krośamātra
mite śritā || kṣetradharā mahādevī samaye cchāgadhāriṇī
26.20
purāduttaradigbhāge krośamātre tu karṇikā || sarvopakāraniratā sthānopadravanāśinī
26.21
sthānānnairṛtidigbhāge brahmāṇīpramukhāstathā || nānārūpadharā devyo vidyate jalamātaraḥ
26.21.p1
iti śrīskāṃde mahāpurāṇa ekāśīti sāhasryāṃ saṃhitāyāṃ tṛtīye brahmakhaṇḍe pūrvabhāge dharmāraṇyamāhātmye devatāsthāpanaṃnāmadvāviṃśo'dhyāyaḥ
Linked texts (1)
- Skandamahāpurāṇa (vulgate) — Sanskrit