Dharmaranyakhanda 29
Dharmāraṇyakhaṇḍa 29
- Language
- Sanskrit
Contents
- 29.16 — 1 part
29.1
cha || || sūta uvāca || || athānyatsaṃpravakṣyāmi tīrthamāhātmyamuttamam || dharmāraṇye yathā''nītā satyalokātsarasvatī
29.2
mārkaṃḍeyaṃ sukhāsīnaṃ mahāmuniniṣevitam || taruṇādityasaṃkāśaṃ sarvaśāstraviśāradam
29.3
sarvatīrthamayaṃ divyamṛṣīṇāṃ pravaraṃ dvijam
āsanasthaṃ samāyuktaṃ dhanyaṃ pūjyaṃ dṛḍhavratam
29.4
yogātmānaṃ paraṃ śāṃtaṃ kamaṃḍaludharaṃ vibhum || akṣasūtradharaṃ śāṃtaṃ tathā kalpāṃ
tavāsinam
29.5
akṣobhyaṃ jñāninaṃ svasthaṃ pitāmahasamudyutim || evaṃ dṛṣṭvā samādhisthaṃ praharṣotphulllocanam
29.6
praṇamya stuti
bhiryuktyā mārkaṃḍaṃ munayo'bruvan || bhagavannaimiṣāraṇye satre dvādaśavārṣike
29.7
tvayāvatāritā brahmannadī yā brahmaṇaḥ sutā|| tathā kṛtaṃ ca tatraiva gaṃgā
vataraṇaṃ kṣitau
29.8
gīyamāne kulapateḥ śaunakasya muneḥ puraḥ || sūtena muninā khyātamanyeṣāmapi śṛṇvatām
29.9
tacchrutvā mahadākhyānama
smākaṃ hṛdi saṃsthitam || pāpaghnī puṇyajananī prāṇināṃ darśanādapi
29.10
mārkaṃḍeya uvāca || || dharmāraṇye mayā viprāḥ satyalokā
tsarasvatī || samānītā surekhādrau śaraṇyā śaraṇārthinām
29.11
bhādrapade site pakṣe dvādaśī puṇyasaṃyutā || tatra dvārāvatītīrthe munigaṃdharvasevite
29.12
tasmindine ca tattīrthe piṃḍadānādi kārayet || tatphalaṃ samavāpnoti pitṝṇāṃ dattamakṣayam
29.13
mahadāruyānamakhilaṃ pāpaghnaṃ
puṇyadaṃ ca yat || pavitraṃ yatpavitrāṇāṃ mahāpātakanāśanam
29.14
sarvamaṃgalamāṃgalyaṃ puṇyaṃ sārasvataṃ jalam || ūrdhvaṃ kiṃ divi yatpuṇyaṃ prabhāsāṃte
vyavasthitam
29.15
sārasvatajalaṃ nṛṇāṃ brahmahatyāṃ vyapohati || sarasvatyāṃ narāḥ snātvā saṃtarpya pitṛdevatāḥ || paścātpiṃḍapradātāro
na bhavaṃti stanaṃdhayāḥ
29.16
yathā kāmadughā gāvo bhavantīṣṭaphalapradāḥ || tathā svargāpavargaikahetubhūtā sarasvatī
29.16.p1
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvabhāge dharmāraṇyamāhātmye sarasvatīmāhātmyavarṇanaṃnāma pañcaviṃśo'dhyāyaḥ
Linked texts (2)
- Skandamahāpurāṇa (vulgate) — Sanskrit
- Moḍhapurāṇa — Sanskrit