Dharmaranyakhanda 3
Dharmāraṇyakhaṇḍa 3
- Language
- Sanskrit
Contents
- 3.29 — 1 part
3.1
vyāsa uvāca || || pṛthvipuraṃdhyāstilakaṃ lalāṭe lakṣmīlatāyāḥ
sphuṭamālavālam || vāgdevatāyā jalakeliramyaṃ noherakaṃ saṃprati varṇayāmi
3.2
sādhu pṛṣṭaṃ tvayā rājanvāraṇasyadhikādhikam || dharmāraṇyaṃ nṛpaśreṣṭha
śṛṇuṣvāvahito bhṛśam
3.3
sarvatīrthāni tatraiva ūṣaraṃ tena kathyate || brahmaviṣṇumaheśāyairiṃdrādyaiḥ parisevitam
3.4
lokapālaiśca dikpālairmātṛbhiḥ
śivaśaktibhiḥ || gaṃdharvaiścāpsarobhiśca sevitaṃ yajñakarmabhiḥ
3.5
bhūtavetālaśākinīgrahadevādhidevaitaiḥ || ṛtubhirmāsapakṣaiśca sevyamānaṃ surāsuraiḥ
3.6
tadādyaṃ ca nṛpa sthānaṃ sarvasaurukhyapradaṃ tathā || yajñaiśca bahubhiścaiva sevitaṃ munisattamaiḥ
3.7
siṃhavyāghrairdvipaiścaiva pakṣibhirvividhaistathā || gomahi
ṣyādibhiścaiva sārasairmṛgaśūkaraiḥ
3.8
sevitaṃ nṛpaśārdūla śvāpadairvividhairapi || tatra ye nidhanaṃ prāptāḥ pakṣiṇaḥ kīṭakādayaḥ
3.9
paśavaḥ śvāpa
dāścaiva jalasthalacarāśca ye || khecarā bhūcarāścaiva ḍākinyo rākṣasāstathā
3.10
ekottaraśataiḥ sārddhaṃ muktisteṣāṃ hi śāśvatī || te sarve viṣṇulo
kāṃśca prayāṃtyeva na saṃśayaḥ
3.11
saṃtārayati pūrvvāndaśa pūrvāndaśāparān || yavavrīhitilaiḥ sarpirbilvapatraiśca dūrvayā
3.12
guḍaiścodakenaiārtha tatra
piṃḍaṃ karoti yaḥ || uddharetsapta gotrāṇi kulamekottaraṃ śatam
3.13
vṛkṣairanekadhā yuktaṃ latāgulmaiḥ suśobhitam || sadā puṇyapradaṃ tacca sadā phalasa
manvitam
3.14
nirvairaṃ nirbhayaṃ caiva dharmāraṇyaṃ ca bhūpate || govyāghraiḥ krīḍayate tatra tathā mārjāramūṣakaiḥ
3.15
bheko'hinā krīḍate ca mānuṣā
rākṣasaiḥ saha || nirbhayaṃ vasate tatra dharmmāraṇyaṃ ca bhūtale
3.16
mahānaṃdamayaṃ divyaṃ pāvanātpāvanaṃ param || kalakaṃṭhaḥ kalotkaṃṭhamanuguṃjati kuṃja
gaḥ
3.17
dhyānasthaḥ śroṣyati tadā pārāvatyeti vāryyate || kekaḥ kokīṃ parityajya maunaṃ tiṣṭhati tadbhayāt
3.18
cakoraścaṃdrikābhoktā nakta
vratamivāsthitaḥ || paṭhaṃti sārikāḥ sāraṃ śukaṃ saṃbodhayatyaho
3.19
apāravārasaṃsārasiṃdhupārapradaḥ śivaḥ || ālasyenāpi yo yāyādbrahmadvairdharmavanaṃ
prati
3.20
aśvamedhādhiko dharmastasya syācca padepade || śāpānugrahasaṃyuktā brāhmaṇāstatra saṃti vai
3.21
aṣṭādaśasahasrāṇi puṇyakāryeṣu
nirmitāḥ || ṣaṭtriṃśattu sahasrāṇi bhṛtyāste vaṇijo bhuvi
3.22
dvijabhaktisamāyuktā brahmaṇyaste tvayonijāḥ || purāṇajñāḥ sadācārā dhārmi
kāḥ śuddhabuddhayaḥ || svarge devāḥ praśaṃsaṃti dharmmāraṇyanivāsinaḥ
3.23
yudhiṣṭhira uvāca || || dharmāraṇyeti tridaśaiḥ kadā nāma prati
ṣṭhitam || pāvanaṃ bhūtale jātaṃ kasmāttena vinirmitam
3.24
tīrthabhūtaṃ hi kasmācca kāraṇāttadvadasva me || brāhmaṇāḥ katisaṃ
khyākāḥ kena vai sthāpitāḥ purā
3.25
aṣṭādaśasahasrāṇi kimarthaṃ sthāpitāni vai || kasminvaṃśe samutpannā brāhmaṇā brahma
sattamāḥ
3.26
sarvavidyāsu niṣṇātā vedavedāṃgapāragāḥ || ṛgvedeṣu ca niṣṇātā yajurvedakṛtaśramāḥ
3.27
sāmavedāṃgapārajñāstraividyā dharma
vittamāḥ || taponiṣṭhāḥ śubhācārāḥ satyavrataparāyaṇāḥ
3.28
māsopavāsaiḥ kṛśitāstathā cāṃdrāyaṇādibhiḥ || sadācārāśca brahmaṇyāḥ kena nityo
pajīvinaḥ || tatsarvamāditaḥ kṛtsnaṃ brūhi me vadatāṃ vara
3.29
dānavāstatra daiteyā bhūtavetālasaṃbhavāḥ || rākṣasāśca piśācāśca udvejaṃte kathaṃ na
tān
3.29.p1
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvārdhe dharmāraṇyamāhātmye yudhiṣṭhirapraśnavarṇanaṃnāma dvitī yo'dhyāyaḥ
Linked texts (2)
- Skandamahāpurāṇa (vulgate) — Sanskrit
- Moḍhapurāṇa — Sanskrit