Pramāṇa · Search · About · API

Dharmaranyakhanda 31

Dharmāraṇyakhaṇḍa 31

Language
Sanskrit

Contents

31.1

cha
sūta uvāca || || tatra tasya samīpasthaṃ mārkaṃḍenopalakṣitam || tīrthaṃ govatsasaṃjñaṃ tu sarvatra bhuvi saṃśrutam

31.2

tatrā
vatīrya govatsasvarūpeṇāṃbikāpatiḥ || svayaṃbhūliṃgarūpeṇa saṃsthito jagatāṃ patiḥ

31.3

āsīdbalāhakonāma rudrabhakto mahābalaḥ || ākheṭa
kasamāyukto nṛpaḥ parapuraṃjayaḥ

31.4

mṛgayūthe sthitaṃ dṛṣṭvā govatsaṃ tatpadātinā || ukto rājā mayā dṛṣṭaṃ kautukaṃ nṛpasattama

31.5

govatso
mṛgayūthasya dṛṣṭo madhyasthito mayā || teṣāmevānurakto'sau jananyā rahitastathā

31.6

draṣṭuṃ tu kautukaṃ rājā taṃ padātiṃ puraḥ sthitam
uvāca darśayasveti govatsaṃ ca samāviśat

31.7

gatvāṭavīṃ tadā rājño darśitaḥ sa padātinā || padātibhirmṛgānīkaṃ dudrāva trāsitaṃ yadā

31.8

pīlugulmaṃ prati gataṃ govatsaḥ prasthitastadā || rājā taddharaṇākāṃkṣo prāviśadgulmamādarāt

31.9

tatra sthitaṃ sa govatsamapaśyannṛpatiḥ svayam
yāvadgṛhṇāti taṃ tāvalliṃgaṃ jātaṃ samujjvalam

31.10

taṃ dṛṣṭvā vismito rājā kimetadityaciṃtayat || yāvacciṃtayate hyevaṃ dehaṃ tyaktvā divaṃ
gataḥ

31.11

atrāṃtare gaganatale samaṃtataḥ śrūyate surajayakāragarjitam || papāta puṣpavṛṣṭiraṃbarādrājā gataḥ śivabhuvanaṃ ca tatkṣaṇāt

31.12

tāvatpaśyati tatrāścaryaṃ govatsaṃ bālakaṃ sthitam || nūnameṣa mahādeveā vatsarūpī maheśvaraḥ

31.13

tamānetuṃ samudyukto rājā tamujjahāra ca || tadā tadeva
liṃgaṃ tu nottiṣṭhati kathaṃcana || tadā devāḥ sahānena prārthayāmāsurīśvaram

31.14

devā ūcuḥ || || bhagavansarvadeveśa sthātavyaṃ bhavatā vibho
śuklena liṃgarūpeṇa sarvalokahitaiṣiṇā

31.15

śrīmahādeva uvāca || sthāsyāmyahaṃ sadaivavātra liṃgarūpeṇa devatāḥ || yasmādbhādrapade māsi
kṛṣṇapakṣe kuhūdine

31.16

tathā tadivase tatra snānaṃ kṛtvā vidhānataḥ || liṃgaṃ ye pūjayiṣyaṃti na teṣāṃ vidyate bhayam

31.17

ṛte ca piṃḍadānanena
pūrvajāḥ śāśvatīḥ samāḥ || raurave narake ghore kuṃbhīpāke ca ye gatāḥ

31.18

anekanarakasthāśca tiryagyonigatāśca ye || sakṛtpiṃḍapradānena syātte
ṣāmakṣayā gatiḥ

31.19

tato balāhako rājā sarvadevasamanvitaḥ || sthāpayāmāsa talliṃgaṃ sarvadevasamīpataḥ

31.20

cakāra bahudānāni lokānāṃ
hitakāmyayā || yāvadarcayate hyevaṃ rudro'pi svayamāgataḥ

31.21

rudra uvāca || || asyāṃ rātrau tu manujāḥ śraddhābhaktisamanvitāḥ
yercayiṣyaṃti deveśaṃ teṣāṃ puṇyamanaṃtakam

31.22

jāgaraṃ ye kariṣyaṃti gītaśāstrapuraḥsaram || uddhariṣyaṃti te martyāḥ kulamekottaraṃ śatam

31.23

tāvadgarjaṃti tīrthāni naimiṣaṃ puṣkaraṃ gayā || prayāgaṃ ca prabhāsaṃ ca dvārakā madhurā'rbudaḥ

31.25

yāvanna dṛśyate liṃgaṃ govatsaṃ paramādbhutam || yadā hi
kurute bhāvaṃ govatsagamanaṃ prati

31.26

svavaṃśajāstadā sarve nṛtyaṃti harṣitā dhruvam

31.26-2

sūta uvāca || || yaccānyadadbhutaṃ tatra vṛttāṃtaṃ śṛṇu
ta dvijāḥ || yena vai śrutamātreṇa sarvapāpakṣayo bhavet

31.27

yadā vai sthāpitaṃ liṃgaṃ sarvadevaiḥ purātanam || viṣṇoḥ pratiṣṭhānaguṇātsarveṣāṃ ca divauka
sām

31.28

aṇumātrapramāṇena pratyahaṃ samavarddhata || tataste manujā devā bhītāstaṃ śaraṇaṃ yayuḥ

31.29

devā ūcuḥ || || vṛddhiṃ saṃhara deveśa lokā
nāṃ svasti tadbhavet||evamukte tato liṃgādvāguvācāśarīriṇī

31.30

śivavāṇyuvāca || || he lokā mā bhayaṃ vo'stu upāyaḥ śrūyatāmayam || kaści
ccaṃḍālamānīya matpuraḥ sthāpyatāṃ dhruvam

31.31

caṃḍālāṃśca samānīya dadhurdevasya te puraḥ||tathāpi tasya vṛddhistu naiva nirvarttate punaḥ

31.32

vāguvāca
karmaṇā yastu caṃḍālaḥ so'gre me sthāpyatāṃ janāḥ || tacchrutvā mahadāścaryaṃ matiṃ cakrurvilocane

31.33

mārgamāṇāstadā te tu grāmāṇi ca
purāṇi ca || kaścitkarmarataṃ pāpaṃ dadṛśurbrāhmaṇabruvam

31.34

vṛṣabhānbhārasaṃyuktānmadhyāhnevāhayattu saḥ || kṣuttṛṭśramaparītāṃśca durbalānkrūramānasaḥ

31.35

asnātvāpi paryuṣitaṃ bhakṣayaṃtīha vai dvijāḥ || taṃ samādāya deveśaṃ jagmuryatra jagadguruḥ

31.36

devālayāgrabhūmau taṃ sthāpayāsurāhatāḥ || bhasmī
babhūva sahasā govatsāgre nirūpitaḥ

31.37

caṃḍālasthala ityeṣa prasiddho'so'bhavatkṣitau || tatra sthitairna cādyāpi prāsādo dṛśyate hi saḥ

31.38

tadāprabhṛti talliṃgaṃ sāmyabhāvamupāgatam || dhautapāpmā gatastīrthaṃ dvijo liṃganirīkṣaṇāt

31.39

pratyahaṃ pūjayāmāsa govatsaṃ gata
kilbiṣaḥ || viśeṣātkṛṣṇapakṣasya caturdaśyāṃ samāgataḥ

31.40

etattadadbhutaṃ tasya devasya ca triśūlinaḥ || śṛṇuyādyonaro bhaktyā sarvapāpaiḥ
pramucyate

31.41

sūta uvāca || || govatsamiti vikhyātaṃ narāṇāṃ puṇyadaṃ param || anekajanmapāpaghnaṃ mārkaṃḍeyena bhāṣitam

31.42

tatra tīrthe sakṛtsnānaṃ rudralokapradaṃ nṛṇām || pāpadehaviśuddhyarthaṃ pāpenopahatātmanām

31.43

kūpe tarpaṇataścaiva śrāddhataścaiva tṛptatā || bhādrapade viśe
ṣeṇa pakṣasyāṃte bhavetkalau

31.44

ekaviṃśativārāṃstu gayāyāṃ tarpaṇe kṛte || pitṝṇāṃ paramā tṛptiḥ sakṛdvai gaṃgakūpake

31.45

tasmingovatsasā
mīpye tiṣṭhate gaṃgakūpakaḥ || tasmiṃstilodakenāpi sadgatiṃ yāṃti tarpitāḥ

31.46

pitaro narakādvāpi supuṇyena sumedhasā || gopradānaṃ
praśaṃsaṃti tasmiṃstīrthe munīśvarāḥ

31.47

viprāya svarṇadānaṃ tu rudraloke nayennaram || sarasvatīśivakṣetre gaṃgā ca gaṃgakūpake

31.48

eka
sthametaccitayaṃ svargāpavargakāraṇam || sevitaṃ carṣibhiḥ siddhaistīrthaṃ sarvatra viśrutam

31.49

pīluyugmaṃ sthitaṃ tatra tattīrthaṃ munisevitam
snānātsvargapradaṃ caiva pānātpāpaviśuddhidam

31.50

kīrttanātpuṇyajananaṃ sevanānmuktidaṃ param || tadvai paśyaṃti ye bhaktyā brahmahā yadi mātṛhā

31.51

bālaghātī ca goghnaśca ye ca strīśūdraghātakāḥ || garadāścāgnidāścaiva gurudroharatāśca ye

31.52

tapasvinindakāścaiva kūṭasākṣyaṃ karoti
yaḥ || vaktā ca paradoṣasya parasya guṇalopakaḥ

31.53

sarvapāpamayo'pyatra mucyate liṃgadarśanāt

31.53.p1

iti śrīskāṃde mahāpurāṇa ekāśīti sāhasryāṃ saṃhitāyāṃ tṛtīye brahmakhaṇḍe pātālakhaṇḍe dharmāraṇyamāhātmye balāhakopākhyānavarṇanaṃnāma saptaviṃśo'dhyāyaḥ

Linked texts (3)