Dharmaranyakhanda 32
Dharmāraṇyakhaṇḍa 32
- Language
- Sanskrit
Contents
- 32.15 — 1 part
32.1
vyāsa uvāca
govatsātrairṛte bhāge dṛśyate lohayaṣṭikā || svayaṃbhuliṃgarūpeṇa rudrastatra sthitaḥ svayam || || śrīmārkaṃḍeya uvāca || || mokṣatīrthe sarasvatyā
nabhasye caṃdrasaṃkṣaye || viprānsaṃpūjya vidhivattebhyo dattvā ca dakṣiṇām
32.2
ekaviṃśativārāṃstu bhaktyā piṃḍasya yatphalam || gayāyāṃ prāpyate puṃsāṃ
dhruvaṃ tadiha tarpaṇāt
32.3
lohayaṣṭyāṃ kṛte śrāddhe nabhasye caṃdrasaṃkṣaye || pretayonivinirmuktāḥ krīḍaṃti pitaro divi
32.3-2
api naḥ saṃkule
bhūyādyo vai dadyāttilodakam || piṃḍaṃ vāpyudakaṃ vāpi pretapakṣe vidhūdaye
32.5
lohayaṣṭyāmamāvasyāṃ kāryaṃ bhādrapade janaiḥ || śrāddhaṃ vai munayaḥ prāhuḥ
pitaro yadi vallabhāḥ
32.6
kṣīreṇa tu tilaiḥ śvetaiḥ snātvā sārasvate jale || pitaṃstarpayate yastu tṛptāstatpitaro dhruvam
32.7
tatra
śrāddhāni kurvīta saktubhiḥ payasā saha || amāvāsyādinaṃ prāpya pitṝṇāṃ mokṣamicchukaiḥ
32.8
rudratīrthe tato dhenuṃ dadyādvastrādibhūṣitām
viṣṇutīrthe hiraṇyaṃ ca pradadyānmokṣamicchukaḥ
32.9
gayāyāṃ pitṛrūpeṇa svayameva janārdanaḥ || taṃ dhyātvā puṃḍarīkākṣaṃ mucyate ca ṛṇatrayāt
32.10
prārthayettatra gatvā taṃ devadevaṃ janārdanam || āgato'smi gayāṃ deva pitṛbhyaḥ piṃḍaditsayā || eṣa piṃḍo mayā dattastava haste janārdana
32.11
paralokagatebhyaśca tvaṃ hi dātā bhaviṣyasi || anenaiva ca maṃtreṇa tatra dadyāddhareḥ kare
32.12
caṃdre kṣīṇe caturdaśyāṃ nabhasye piṃḍamāharet || pitṝṇā
makṣayā tṛptirbhaviṣyati na saṃśayaḥ
32.13
ekaviṃśativārāṃśca gayāyāṃ piṃḍapātanaiḥ || bhaktyā tṛptimavāpnoti lohayaṣṭyāṃ pitṛtarpaṇe
32.14
vāridastṛptimāpnoti sukhamakṣayyamatra hi || phalapradaḥ sutānbhaktānnārogyamabhayapradaḥ
32.15
vittaṃ nyāyārjitaṃ dattaṃ svalpaṃ tatra mahāphalam|| snānenāpihi
tattīrthe rudrasyānucaro bhavet
32.15.p1
iti śrīskāṃde mahāpurāṇe ekākāśītisāhasryāṃ saṃhitāyāṃ tṛtīye brahmakhaṇḍe pūrvabhāge dharmāraṇyamāhātmye saṃkṣepata stīrthamāhātmya varṇanaṃ nāmāṣṭaviṃśo'dhyāyaḥ
Linked texts (2)
- Skandamahāpurāṇa (vulgate) — Sanskrit
- Moḍhapurāṇa — Sanskrit