Pramāṇa · Search · About · API

Dharmaranyakhanda 7

Dharmāraṇyakhaṇḍa 7

Language
Sanskrit

Contents

7.1

cha || || vyāsa uvāca || || ataḥ paraṃ prava
kṣyāmi dharmāraṇyanivāsinā || yatkāryaṃ puruṣeṇeha gārhasthyamanutiṣṭhatā

7.2

dharmāraṇyeṣu ye jātā brāhmaṇāḥ śuddhavaṃśājāḥ || aṣṭādaśasahasrāśca
kājeśaiśca vinirmitāḥ

7.3

sadācārāḥ pavitrāśca brāhmaṇā brahmavittamāḥ || teṣāṃ darśanamātreṇa mahāpāpairvimucyate

7.4

yudhiṣṭhira
uvāca || || pārāśarya samākhyāhi sadācāraṃ ca me prabho || ācārāddharmamāpnoti ācārāllabhate phalam || ācārācchriyamāpnoti tadācāraṃ vadasva
me

7.5

vyāsa uvāca || || sthāvarāḥ kṛmayo'bjāśca pakṣiṇaḥ paśavo narāḥ || krameṇa dhārmikāstveta etebhyo dhārmikāḥ surāḥ

7.6

sahasrabhāgātprathame dvitīyānukramastathā || sarva ete mahābhāgāḥ pāpānmuktisamāśrayāḥ

7.7

caturṇāmapi bhūtānāṃ prāṇinotīva cottamāḥ || prāṇi
bhyopi muniśreṣṭhāḥ sarve buddhayupajīvinaḥ

7.8

matimadbhyo narāḥ śreṣṭhāstebhya śreṣṭhāstu vāḍavāḥ || viprebhyo'pi ca vidvāṃso vidvadbhyaḥ kṛtabuddhayaḥ

7.9

kṛtadhībhyo'pi kartāraḥ kartṛbhyo brahmatatparāḥ || na tebhyo'bhyadhikaḥ kaścittriṣu lokeṣu bhārata

7.10

anyonyapūjakāste vai tapo
vidyāviśeṣataḥ || brāhmaṇo brahmaṇā sṛṣṭaḥ sarvabhūteśvaro yataḥ

7.11

ato jagatsthitaṃ sarvaṃ brāhmaṇo'rhati nāparaḥ || sadācāro hi sarvārho
nācārādvicyutaḥ punaḥ

7.12

tasmādvipreṇa satataṃ bhāvyamācāraśīlinā || vidveṣarāgarahitā anutiṣṭhanti yaṃ mune

7.13

sadbhi
ryastaṃ sadācāraṃ dharmamūlaṃ vidurbudhāḥ || lakṣaṇaiḥ parihīno'pi samyagācāratatparaḥ

7.14

śraddhālu ranasūyuśca naro jīvetsamāḥ śatam
śrutismṛtibhyāmuditaṃ sveṣusveṣu ca karmasu

7.15

sadācāraṃ niṣeveta dharmamūlamatandritaḥ || durācārarato loke garhaṇīyaḥ pumā
nbhavet

7.16

vyādhibhiścābhibhūyeta sadālyāyuḥ suduḥkhabhāk || tyājyaṃ karma parādhīnaṃ kāryamātmavaśaṃ sadā

7.17

duḥkhī yataḥ parādhīnaḥ
sadaivātmavaśaḥ sukhī || yasminkarmaṇyaṃtarātmā kriyamāṇe prasīdati

7.18

tadeva karma karttavyaṃ viparītaṃ na ca kvacit || prathamaṃ dharmasarvasvaṃ proktaṃ
yanniyamā yamāḥ

7.19

atasteṣveva vai yatnaḥ karttavyo dharmamicchatā || satyaṃ kṣamārtavaṃ dhyānamānṛśaṃsyamahiṃsanam

7.20

damaḥ prasādo mādhuryaṃ
mṛduteti yamā daśa || śaucaṃ snānaṃ tapo dānaṃ maunejyā'dhyayanaṃ vratam

7.21

upoṣaṇopasthadaṃḍo daśaite niyamāḥ smṛtāḥ || kāmaṃ krodhaṃ damaṃ mohaṃ mā
tsaryaṃ lobhameva ca

7.22

amūnṣaḍvairiṇo jitvā sarvatra vijayī bhavet || śanaiḥ saṃcinuyāddharmaṃ valmīkaṃ śṛṃgavānyathā

7.23

paraṃpīḍāmakurvāṇaḥ para
lokasahāyinam || dharma eva sahāyo syādamutra parirakṣitaḥ

7.24

pitṛmātṛsutabhrātṛyoṣidvaṃdhujanādhikaḥ || jāyate caikalaḥ prāṇī mriyate ca tathai
kalaḥ

7.25

ekalaḥ sukṛtaṃ bhuṃkte bhuṃkte duṣkṛtamekalaḥ || dehe paṃcatvamāpanne tyaktvaikaṃ kāṣṭhaloṣṭavat

7.26

bāṃdhavā vimukhā yāṃti dharmo yāṃtamanu
vrajet || ataḥ saṃcinuyāddharmmamatrā'mutra sahāyinam

7.27

dharmaṃ sahāyinaṃ labdhvā saṃtareddustaraṃ tamaḥ || saṃbaṃdhānācārennityamuttamairuttamaiḥ sudhīḥ

7.28

adhamānadhamāṃstyaktvā kulamutkarṣatāṃ nayet || uttamānuttamāneva gacchedvīnāṃśca varjayet || brāhmaṇaḥ śreṣṭhatāmeti pratyavāyena śūdratām

7.29

anadhyayanaśīlaṃ ca sadācāravilaṃghinam || sālasaṃ ca durannādaṃ brāhmaṇaṃ bādhate'ntakaḥ

7.30

ato'bhyasyetprayatnena sadācāraṃ sadā dvijaḥ
tīrthānyapyabhilaṣyaṃti sadācārisamāgamam

7.31

rajanīprāṃtayāmārddhaṃ brāhmaḥ samaya ucyate || svahitaṃ ciṃtayetprājñastasmiṃścotthāya sarvadā

7.32

gajāsyaṃ saṃsmaredādau tata īśaṃ sahāṃbayā || śrīraṃgaṃ śrīsametaṃ tu brahmāṇaṃ kamalodbhavam

7.33

iṃdrādīnsakalāndevānvasiṣṭhādīnmunīnapi
gaṃgādyāḥ saritaḥ sarvāḥ śrīśailādyakhilānnagirīn

7.34

kṣīrodādīnsamudrāṃśca mānasādisarāṃsi ca || vanāni naṃdanādīni dhenūḥ kāmadughādayaḥ

7.35

kalpavṛkṣādivṛkṣāṃśca dhātūnkāṃcanamukhyataḥ || divyastrīrurvaśīmukhyāḥ prahlādyānhareḥ priyān

7.36

jananīcaraṇau smṛtvā sarvatīrthotta
mottamau || pitaraṃ ca guruṃścāpi hṛdi dhyātvā prasannadhīḥ

7.37

tataścāvaśyakaṃ kartuṃ nairṛtīṃ diśamāśrajet || grāmāddhanuḥśataṃ gacchedvanagarācca caturguṇa
m

7.38

tṛṇairācchādya vasudhāṃ śiraḥ prāvṛtya vāsasā || karṇopavīta udagvakro divase saṃdhyayorapi

7.39

viṇmūtre visṛjenmaunī niśāyāṃ
dakṣiṇāmukhaḥ || na tiṣṭhannāśu no vipragovanhyanilasaṃmukhaḥ

7.40

na phālakṛṣṭe bhūbhāge na rathyāsevyabhūtale || nālokayeddiśo bhāgānjyo
tiścakraṃ nabho malam

7.41

vāmena pāṇinā śiśnaṃ dhṛtvottiṣṭhetprayatnavān || atho mṛdaṃ samādadyājjaṃtukarka ravarjitām

7.42

vihāya mūṣako
tkhātāṃ cocchiṣṭāṃ keśasaṃkulām || guhye dadyānmṛdaṃ caikāṃ prakṣālya cāṃbunā tataḥ

7.43

punarvāmakareṇeti paṃcadhā kṣālayedgudam || ekaika
pādayordadyāttisraḥ pāṇyormṛdastathā

7.44

itthaṃ śaucaṃ gṛhī kuryādgaṃdhalepakṣayāvadhi || kramādvaiguṇyataḥ kuryādbrahmacaryādiṣu triṣu

7.45

divāvihitaśaucācca rātrāvarddhaṃ samācaret || paragrāme tadardhaṃ ca pathi tasyārdhameva ca

7.46

tadarthaṃ rogiṇāṃ cāpi susthe nyūnaṃ na kāra
yet || api sarvanadītoyairmṛtkūṭaiścāpyagopamaiḥ

7.47

āpātamācarecchaucaṃ bhāvaduṣṭo na śuddhibhāk || ārdradhātrīphalonmānā
mṛdaḥ śauce prakīrtitāḥ

7.48

sarvāścāhutayo'pyevaṃ grāsāścāṃdrāyaṇepi ca || prāgāsya udagāsyo vā sūpaviṣṭaḥ śucau bhuvi

7.49

upaspṛśe
dvihīnābhistuṣāṃgārāsthibhasmabhiḥ || atisvacchābhiradbhiśca yāvadvadbhābhiratvaraḥ

7.50

brāhmaṇo brahmatīrthena dṛṣṭipūtābhirācamet || kaṇṭhagā
bhirnṛpaḥ śudhyettālugābhistathorujaḥ

7.51

strīśūdrāvātha saṃsparśamātreṇāpi viśudhyataḥ || śiraḥ śabdaṃ sakaṃṭhaṃ vā jale muktaśikho'pi vā

7.52

akṣālitapadadvandva ācāṃto'pyaśucirmataḥ || triḥ pītvāṃbu viśuddhayarthaṃ tataḥ khāni viśodhayet

7.53

aṃguṣṭhamūladeśena hyatharoṣṭhau pari
mṛjet || spṛṣṭvā jalena hasyaṃ samastābhiḥ śiraḥ spṛśet

7.54

aṃgulyagraistathā skandhau sāṃmbu sarvvatra saṃspṛśet || ācāṃtaḥ punarācāme
tkṛtvā rathyopasarpaṇam

7.55

snātvā bhuktvā payaḥ pītvā prāraṃbhe śubhakarmaṇām || suptvā vāsaḥ parīdhāya dṛṣṭvā tathāpyamaṃgalam

7.56

pramā
dādaśuci smṛtvā dvirācāṃtaḥ śucirbhavet || daṃtadhāvanaṃ prakurvīta yathoktaṃ dharmaśāstrataḥ || ācāṃto'pyaśuciryasmādakṛtvtā daṃtadhāvanam

7.57

pratipaddarśaṣaṣṭhīṣu navamyāṃ ravivāsare || daṃtānāṃ kāṣṭhasaṃyogo dahedāsaptamaṃ kulam

7.58

alābhe daṃtakāṣṭhānāṃ niṣiddhe vātha vāsare || gaṃḍūṣā
dvādaśa grāhyā mukhasya pariśuddhaye

7.59

kaniṣṭhāyaparīmāṇaṃ satvacaṃ nirvraṇārujam || dvādaśāṃgulamānaṃ ca sārdraṃ syāddaṃtadhāvanam

7.60

eke
kāṃgulamānaṃ taccarvayeddaṃtadhāvanam || prātaḥ snānaṃ caritvā ca śuddhayai tīrthe viśeṣataḥ

7.61

prātaḥ snānādyataḥ śuddhayetkāyo'yaṃ malinaḥ sadā
yanmalaṃ navabhiśchidraiḥ sravatyeva divāniśam

7.62

utsāhamedhāsaubhāgyarūpasaṃpatpravarddhakam || prājāpatyasamaṃ prāhustanmahāghavināśakṛt

7.63

prātaḥ snānaṃ haretpāpamalakṣmīṃ glānimeva ca || aśucitvaṃ ca duḥsvapnaṃ tuṣṭiṃ puṣṭiṃ prayacchati

7.64

nopasarpaṃti vai duṣṭāḥ prātaḥsnāyijanaṃ
kvacit || dṛṣṭādṛṣṭaphalaṃ yasmātprātaḥsnānaṃ samācaret

7.65

prasaṃgataḥ snānavidhiṃ pravakṣyāmi nṛpottamaḥ || vidhisrānaṃ yataḥ prāhuḥ snānā
cchataguṇottaram

7.66

viśuddhāṃ mṛdamādāya barhiṣastilagomayam || śucau deśe paristhāpya hyācamya snānamācaret

7.67

upagrahī baddha
śikho jalamadhye samāviśet || svaśākhoktavidhānena snānaṃ kuryādyathāvidhi

7.68

snātvetthaṃ vastramāpīḍya gṛhṇīyāddhautavāsasī || ācamya
ca tataḥ kuryātprātaḥsaṃdhyāṃ kuśānvitaḥ

7.69

prāṇāyāmāṃścaranvipro niyamya mānasaṃ dṛḍham || ahorātrakṛtaiḥ pāpairmutto bhavati tatkṣaṇāt

7.70

daśa dvādaśasaṃkhyā vā prāṇāyāmāḥ kṛtā yadi || niyamya mānasaṃ tena tadā taptaṃ mahattpaḥ

7.71

savyāhṛtipraṇavakāḥ prāṇāyāmāstu
ṣoḍaśa || api bhrūṇahanaṃ māsātpunaṃtyaharahaḥkṛtāḥ

7.72

yathā pārthivadhātūnāṃ dahyaṃte dhamanānmalāḥ || tatheṃdriyaiḥ kṛtā doṣā jvālyaṃte
prāṇasaṃyamāt

7.73

ekākṣaraṃ paraṃ brahma prāṇāyāmaḥ paraṃ tapaḥ || gāyatryāstu paraṃ nāsti pāvanaṃ ca nṛpottama

7.74

karmaṇā manasā vācā
yadrātrau kurute tvagham || uttiṣṭhanpūrvasaṃdhyāyāṃ prāṇāyāmairviśodhayet

7.75

yadahnā kurute pāpaṃ manovākkāyakarmabhiḥ || āsīnaḥ paścimāṃ
saṃdhyāṃ prāṇāyāmairvyapohati || paścimāṃ tu samāsīno malaṃ haṃti divākṛtam

7.76

nopatiṣṭhettu yaḥ pūrvā nopāste yastu paścimām
sa śūdravadbahiṣkāryaḥ sarvasmādvijakarmaṇaḥ

7.77

apāṃ samīpamāsādya nityakarma samācaret || tata ācamanaṃ kuryādyathāvidhyanu
pūrvaśaḥ

7.78

āpohiṣṭheti tisṛbhirmārjanaṃ tu tataścaret || bhūmau śirasi cākāśa ākāśe bhuvi mastake

7.79

mastake
ca tathākāśe bhūmau ca navadhā kṣipet || bhūmiśabdena caraṇāvākāśaṃ hṛdayaṃ smṛtam || śirasyeva śiraḥśabdo mārjanaṃ tairūdāhṛtam

7.80

vāru
ṇādapi cāgneyādvāyavyādapi caiṃdrataḥ || maṃtrasthānādapi paraṃ brāhmaṃ snānamidaṃ param || brāhmasnānena yaḥ snātaḥ sa bāhyābhyaṃtaraṃ śuciḥ

7.81

sarvatra cārhatāmeti devapūjādikarmaṇi || naktaṃdinaṃ nimajjyāpsu kaivartāḥ kimu pāvanāḥ

7.82

śataśo'pi tathā snātā na śuddhā bhāvadūṣitāḥ
aṃtaḥkaraṇaśuddhāṃśca tānvibhūtiḥ pavitrayet

7.83

kiṃ pāvanāḥ prakīrtyaṃte rāsabhā bhasmadhūsarāḥ || sa snātaḥ sarvatīrtheṣu mlaiḥ sarvairvivarjitaḥ

7.84

tena kratuśatairiṣṭaṃ ceto yasyeha nirmalam || tadeva nirmalaṃ ceto yathā syāttanmune śṛṇu

7.85

viśveśaścetprasannaḥ syāttadā syānnānyathā kvacit
tasmāccetoviśuddhyarthaṃ kāśīnāthaṃ samāśrayet

7.86

idaṃ śarīramutsṛjya paraṃ brahmādhigacchati || drupadāṃtaṃ tato japtvā jalamādāya pāṇinā

7.87

kuryāddataṃ ca maṃtreṇa vidhijñastvavaghamarṣaṇam || nimajjyāpsu ca yo vidvāñjapettriraghamarṣaṇam

7.88

jale vāpi sthale vāpi yaḥ kuryādaghamarṣa
ṇam || tasyāghaugho vinaśyeta yathā sūryodaye tamaḥ

7.89

gāyatrīṃ śirasā hīnāṃ mahāvyāhṛtipūrvvikām || praṇavādyāṃ japastiṣṭhannikṣipedaṃbhāṃjali
trayam

7.90

tena vajrodakenāśu maṃdehānāma rākṣasāḥ || sūryatejaḥ pralopa̍te śailā iva vivasvataḥ

7.91

sahāyārthaṃ ca sūryasya yo dvijo nāṃjali
trayam || kṣipenmaṃdehanāśāya sopi maṃdehatāṃ vrajet

7.92

prātastāvajjapaṃstiṣṭhedyāvatsūryasya darśanam || upaviṣṭo japetsāyamṛkṣāṇāmāvilokanāt

7.93

kālalopo na karttavyo dvijena svahitepsunā || arddhodayāstasamaye tasmādvajrodakaṃ kṣipet

7.94

vidhināpi kṛtā saṃdhyā kālātītā
'phalā bhavet || ayameva hi dṛṣṭāṃto vaṃdhyāstrīmaithunaṃ yathā

7.95

jale vāmakaraṃ kṛtvā yā saṃdhyā''caritā dvijaiḥ || vṛṣalī sā parijñeyā rakṣogaṇamudā
vahā

7.96

upasthānaṃ tataḥ kuryācchākhoktavidhinā tataḥ || sahasrakṛtvo gāyatryāḥ śatakṛtvothavā punaḥ

7.97

daśakṛtvo'tha devyai ca kuryātsau
rīmupasthitim || sahasraparamāṃ devīṃ śatamadhyāṃ daśāvarām

7.98

gāyatrīṃ yo japedvipro na sa pāpaiḥ pralipyate || raktacaṃdanamiśrābhiradbhiborderśca kusumaiḥ
kuśaiḥ

7.99

vedokterāgamaroktairvā maṃtrairarghyaṃ pradāpayet || arcitaḥ savitā yena tena trailokyamarcitam

7.100

arcitaḥ savitā datte sutānpaśuva
sūni ca || vyādhīnhareddadātyāyuḥ pūrayedvāṃchitānyapi

7.101

ayaṃ hi rudra ādityo harireṣa divākaraḥ || ravirhiraṇyarūpo'sau trayīrūpo'yama
ryamā

7.102

tatastu tarpaṇaṃ kuryātsvaśākhoktavidhānataḥ || brahmādīnakhilāndevānmarīcyādīṃstathā munīn

7.3-2

caṃdanāgurukarpūragaṃdhava
tkusamairapi || tarpayecchucibhistoyaistṛpyaṃtviti samuccaret

7.4-2

sanakādīnmanuṣyāṃśca nivītī tarpayedyavaiḥ || aṃguṣṭhadvayamadhye tu kṛtvā darbhānṛjū
ndbijaḥ

7.5-2

kavyavāṅanalārdīśca pitṝndivyānpratarppayet || prācīnāvītiko darbhairdviguṇaistilamiśritaiḥ

7.6-2

ravau śukre trayodaśyāṃ saptamyāṃ
niśi saṃdhyayoḥ || śreyorthī brāhmaṇo jātu na kuryāttilatarppaṇam

7.7-2

yadi kuryāttataḥ kuryācchukaireva tilaiḥ kṛtī || caturdaśa yamānpaścāttparpayennāma
uccaran

7.8-2

tataḥ svagotramuccārya tarpayetsvānpitṝnmudā || savyajānunipātena pitṛtīrthena vāgyataḥ

7.9-2

ekaikamaṃjaliṃ devā dvaudvau tu sanakādikāḥ
pitarastrīnpravāṃchaṃti striya ekaikamaṃjalim

7.10-2

aṃgulyagreṇa vai daivamarṣamaṃgulimūlagam || brāhmamaṃguṣṭhamūle tu pāṇimadhye prajāpateḥ

7.11-2

madhyeṃ
guṣṭhapradeśinyoḥ pitryaṃ tīrthaṃ pracakṣate || ābrahmastaṃbaparyaṃtaṃ devarṣipitṛmānavāḥ

7.12-2

tṛpyaṃtu sarvve pitaro mātṛmātāmahādayaḥ || anye ca maṃtrāḥ
proktā ye vedoktāḥ purāṇasaṃbhavāḥ

7.13-2

sāṃgaṃ ca tarppaṇaṃ kuryātpitṝṇāṃ ca sukhapradam || agnikāryaṃ tataḥ kṛtvā vedābhyāsaṃ tataścaret

7.14-2

śrutyabhyāsaḥ paṃcadhā syātsvīkāro'rthavicāraṇam || abhyāsaśca tapaścāpi śiṣyebhyaḥ pratipādanam

7.15-2

labdhasya pratipālārthamalavdhasya ca
labdhaye || prātaḥkṛtyamidaṃ proktaṃ dvijātīnāṃ nṛpottama

7.16-2

athavā prātarutthāya kṛtvāvaśyakameva ca || śaucācamanamādāya bhakṣayeddantadhāvanam

7.17-2

viśodhya sarvagātrāṇi prātaḥsaṃdhyāṃ samācaret || vedārthānadhigacchedrai śāstrāṇi vividhānyapi

7.18-2

adhyāpayecchucīñchiṣyānhitānme
dhāsamanvitān || upeyādīśvaraṃ cāpi yogakṣemādisiddhaye

7.19-2

tato madhyāhnasiddhayarthaṃ pūrvoktaṃ snānamācaret || snātvā mādhyāhnikīṃ saṃdhyā
mupāsīta vicakṣaṇaḥ

7.120

devatāṃ paripūjyātha naimittikaṃ vidhiṃ caret || pavanāgniṃ samujjvalya vaiśvadevaṃ samācaret

7.21-2

niṣpāvānko
dravānmāṣānkalāṃṣāṃścaṇakāṃstyajet || tailapakvamapakvānnaṃ sarvaṃ lavaṇayuktyajet

7.22-2

āḍhakyannaṃ masūrātraṃ vartuladhānyasaṃbhavam || bhuktaśeṣaṃ
paryuṣitaṃ vaiśvadeve vivarjayet

7.23-2

darbhapāṇiḥ samācamya prāṇāyāmaṃ vidhāya ca || pṛṣodivīti maṃtreṇa paryukṣaṇamathācaret

7.24-2

pradakṣiṇaṃ
ca paryukṣya dviḥ paristīrya vai kuśān || rāporddhaṃ (?) devamantreṇa kuryāddhāniṃ svasaṃmukhe

7.25-2

vaiśvānaraṃ samabhyarcya gandhapuṣpākṣataistathā || svaśākho
ktaprakāreṇa homaṃ kuryādvicakṣaṇaḥ

7.26-2

adhvagaḥ kṣīṇavṛttiśca vidyārthī gurupoṣakaḥ || yatiśca brahmacārī ca ṣaḍete dharmabhikṣakāḥ

7.27-2

atithiḥ pāṃthiko jñeyo'nūcānaḥ śrutipāragaḥ || mānyāvetau gṛhasthānāṃ brahmalokamabhīpsatām

7.28-2

api śvapāke śuni vā naivānnaṃ niṣphalaṃ
bhavet || annārthini samāyāte pātrāpātraṃ na ciṃtayet

7.29-2

śunāṃ ca patitānāṃ ca śvapacāṃ pāparogiṇām || kākānāṃ ca kṛmīṇāṃ ca
bahirannaṃ kiredbhuvi

7.130

aindravāruṇavāyavyāḥ saumyā vai nairṛtāśca ye || pratigṛhṇantvimaṃ piṃḍaṃ kākā bhūmau mayārpitam

7.31-2

itthaṃ bhūta
baliṃ kṛtvā kālaṃ godohamātrakam || pratīkṣyātithimāyātaṃ viśadbhojyagṛhaṃ tataḥ

7.32-2

adattvā vāyasabaliṃ nityaśrāddhaṃ samācaret
nityaśrāddhe svasāmarthyāttrīndrāvekamathāpi vā

7.33-2

bhojayetpitṛyajñārthaṃ dadyāduddhṛtya vāri ca || nityaśrāddhaṃ daivahīnaṃ niyamādivivarjitam

7.34-2

dakṣiṇārahitaṃ tvetaddātṛbhoktṛsutṛptikṛt || pitṛyajñaṃ vidhāyetthaṃ svasthabuddhiranāturaḥ

7.35-2

aduṣṭāsanamadhyāsya bhuṃjīta śiśubhiḥ saha
sugandhiḥ sumanāḥ sragvī śucivāsodvayānvitaḥ

7.36-2

prāgāsya udagāsyo vā bhuṃjīta pitṛsevitam || vidhāyānnamanagnaṃ tadupāriṣṭādadhastathā

7.37-2

āpośānavidhānena kṛtvāśrīyātsudhīrdvijaḥ || bhūmau balitrayaṃ kuryādapo dadyāttadopari

7.38-2

sakṛccāpa upaspṛśya
prāṇādyāhutipaṃcakam || dadyājjaṭharakuṃḍāgnau darbhapāṇiḥ prasannadhīḥ

7.39-2

darbhapāṇistu yo bhuṃkte tasya doṣo na vidyate || keśakīṭādisaṃ
bhūtastadaśnīyātsadarbhakaḥ

7.140

tato maunena bhuñjīta na kuryāddaṃtagharṣaṇam || prakṣālitavyahastasya dakṣiṇāṃguṣṭhamūlataḥ

7.41-2

raurave'puṇyani
laye adholokanivāsinām || ucchiṣṭodakamicchūnāmakṣayyamupatiṣṭhatām

7.42-2

punarācamya medhāvī śucirbhūtvā prayatnataḥ || mukhaśuddhiṃ tataḥ
kṛtvā purāṇaśravaṇādibhiḥ

7.43-2

ativāhya divāśeṣaṃ tataḥ saṃdhyāṃ samācaret || gṛheṣu prākṛtā saṃdhyā goṣṭhe daśaguṇā smṛtā

7.44-2

nadyāma
yutasaṃkhyā syādanaṃtā śivasannidhau || anṛtaṃ madyagandhaṃ ca divāmaithunameva ca || punāti vṛṣalasthānaṃ saṃdhyā bahirupāsitā

7.145

uddeśataḥ
samākhyāta eṣa nityatano vidhiḥ || itthaṃ samācaranvipro nāvasīdati karhicit

7.145.p1

iti śrīskāṃde mahāpurāṇa ekāśītisāhasryāṃ saṃhi tāyāṃ tṛtīye brahmakhaṇḍe pūrvabhāge dharmāraṇyamāhātmye sadācāravarṇanaṃnāma paṃcamo'dhyāyaḥ

Linked texts (5)