Pramāṇa · Search · About · API

Halasyakhanda 20

Hālāsyakhaṇḍa 20

Language
Sanskrit

20.1

iti śrīskānde mahāpurāṇe agastyasaṃhitāyāṃ
hālāsyamāhātmye indramaulibhedaṃ
nāmāṣṭādaśo'dhyāyaḥ
pāṇṭiyaṉum kēṭkātatu māṉak kuṟaivu eṉa intiraṉum
niṉaittaṉar. cēraṉukkum cōḻaṉukkum lēcāṉa aḻakiya
āparaṇattaip paricāka aḷitta intiraṉ pāṇṭiyaṉukku
cumakka iyalāta hārattai aḷittāṉ. "pāṇṭiya aracē !
nīr periyavar. inta mālaiyai ēr̆ṟu hāram pūṇṭa
pāṇṭiyaṉ eṉap perumai peṟuvīr eṉak kiṇṭal
ceytāṉ. ellōrum tam nāṭṭir̆kuttiruppiṉar.
cēra-cōḻa tēcaṅkaḷil perumaḻai peytatu. pāṇṭiya
nāṭṭil maḻai illai. pāṇṭiyaṉ itaṉaip
poruṭpaṭuttavillai. inta maṉakkacappu ukkira pāṇṭiyaṉ
kālattilum toṭarntatu. ukra pāṇṭiya aracaṉ
vēṭṭaikkāka malayamalai ceṉṟāṉ. aṅku
puṣkalāvartakaṉ mutaliya mēkanāyakarkaḷ cur̆ṟi vantaṉar.
ukraṉ avarkaḷaic ciṟai piṭittu maturaikkuk koṇarntāṉ.
intiraṉ avarkaḷai mīṭka vantāṉ. pāṇṭiyaṉ
mūlaliṅkattaiyum pākam piriyāḷāṉa mīṉākṣiyaiyum
vaṇaṅki vaḻipaṭṭup pōriṭa mur̆paṭṭāṉ. pōr
kaṭumaiyāṉatu. ukraṉ taṉ kaiyiliruntu valayāyutattai
intiraṉ mītu ēva, atu vajrāyutattaic ceyaliḻakkac ceytu
intiraṉiṉ kirīṭattaiyum citaṟac ceytatu. intiraṉ
kirīṭamiḻanta veṭkattuṭaṉ tēvavulakam ceṉṟāṉ.
mēkanāyakarkaḷai viṭuvikkumpaṭi tūtar mūlam
intiraṉ kaṭitam aṉuppi iṉi pāṇṭiya nāṭṭil
taṭaiyirāmal nalla maḻai peyyum eṉat terivittāṉ.
kaṭitattaip paṭitta pāṇṭiyaṉ itar̆ku yār īṭāka (jāmīṉ)
nir̆par eṉak kēṭṭāṉ. ēka vīraṉ eṉṟa ēḻu kirāmaṅkaḷiṉ
talaivaṉ antap poṟuppai ēr̆ṟāṉ. aṉṟiliruntu
pāṇṭiya nāṭṭil turpikṣamakaṉṟatu. nalla maḻaiyāl nāṭu
supikṣamaṭaintatu. itu patiṉāṉkāvatu līlai.
ekonaviṃśo'dhyāyaḥ
somavāravratavidhiḥ
agastyaḥ -
caṇḍāyudhena hemādriṃ prahṛtya bahulaṃ dhanam
agrahīdugrabhūpālaḥ parayā līlayā yayā

20.2

tāṃ līlāṃ sundareśasya kadambavanavāsinaḥ
vakṣye samāhitasvāntāḥ śṛṇudhvaṃ munipuṅgavāḥ

20.3

somavāravratenāpi yathāvidhi kṛtena ca
prātassāyañca kṛtayā somasundarasevayā

20.4

sarvāsāṃ sampadāṃ vṛddhistejasāṃ yaśasāmapi
sarvasaukhyābhivṛddhiśca sadā'bhūdugrabhūpateḥ

20.5

ṛṣayaḥsomavāravratavidhiṃ kathayitvā ghaṭodbhava
tadanu prastutāṃ līlāṃ vada vātāpibhakṣaka

20.6

agastyaḥsādhu pṛṣṭaṃ hi yuṣmābhissarvalokahitāya ca
adhunā sampravakṣyāmi somavāravrataṃ mahat

20.7

yasyānuṣṭhānamātreṇa śambhossāyujyarūpiṇī
durlabhā jāyate jantoḥ sulabhā muktiruttamā

20.8

sarveṣāmapi devānāṃ pravaraśśaṅkaro yathā
sarvāsāmapi devīnāṃ pravarā pārvatī yathā

20.9

tathā vrateṣu sarveṣu somavāravrataṃ varam
ye kurvanti yathāśakti somavāramahāvratam

20.10

naśyanti vyādhayasteṣāṃ tathā sarve ca śatravaḥ
akālamaraṇaṃ nāsti vipado na spṛśanti tān

20.11

ihāmutra mahābhogān labhante puṇyagauravāt
amāvāsyāyutaścettadanantaphaladāyakam

20.12

somavāravrataṃ proktaṃ puṇyavidbhiḥ purātanaiḥ
mervādisarvakṣetreṣu somavāravratātkṛtāt

20.13

śrīhālāsye śivakṣetre somasundarasannidhau
kṛtaṃ tat koṭiguṇitaṃ phalaprāptau na saṃśayaḥ

20.14

somavāravrataṃ tasmātsomasundarasannidhau
sadā cātmahitāpekṣī kuryādatyādareṇa ca

20.15

umayā sahito devassoma ityabhidhīyate
taddinaṃ somavārākhyamanantaphaladāyakam

20.16

upavāsaṃ tathā naktamekabhuktamathāpi vā
vrataṃ saṅkalpya caiṣvekaṃ gṛhṇīyānniyamaṃ naraḥ

20.17

phalaṃ prāpnoti niyamānna śreyo niyamaṃ vinā
somavāre mahāpuṇye somamuddiśya yat kṛtam

20.18

anantaphaladaṃ tacca sukṛtaṃ munipuṅgavāḥ
atha vratavidhānañca kathayāmi munīśvarāḥ

20.19

śrutamātreṇa sarveṣāṃ sarvaiśvaryapradāyakam
kārtike māsi mārge vā māseṣvanyeṣu vā punaḥ

20.20

kartuṃśśraddhā bhavedyasmin somavāravrataṃ vratī
malādidoṣarahite tasmin māse samārabhet

20.21

somavāravratavidhau māsāścāndramasā varāḥ
tanmāseṣvāditaḥ prāpte vārarāje śubhāvahe

20.22

devadaityamunīndrādyaiḥ stūyamāne śivapriye
somavāre tu samprāpte prātarutthāya bhaktimān

20.23

parāśaktyā sumīnākṣyā sahitaṃ saumasundaram
śrīhālāsye śivapade dvādaśānte vibhāvayet

20.24

nityakarmāṇi sarvāṇi dantadhāvanapūrvakam
kṛtvā naimittikaṃ karma snānārthaṃ prārabhetsudhīḥ

20.25

bhasma śrīvṛkṣamūlotthamṛdgomayatilān kuśān
uttamāṃge vinikṣipya hemapadmākare śubhe

20.26

pavitrapāṇissaṅkalpya paścāt snānaṃ samācaret
sundareśvara sarveśa sarvatīrthaphalaprada

20.27

dehi snātumanujñāṃ me tīrthe'smin bhuktimuktide
yasya keśeṣu jīmūtā nadyassarvāṃgasandhiṣu

20.28

kukṣau samudrāssaptāpi tasmai toyātmane namaḥ
ityuktvā vedamantrāṃśca rudraliṅgān japan vratī

20.29

snātvā śuddhāmbaradharassamāhitamanāśśuciḥ
kāmakrodhādyahaṅkāradveṣapaiśunyavarjitaḥ

20.30

ānītaiśśvetapuṣpaiśca mālatīmallikādibhiḥ
kundamandārapunnāgaśvetārkaśatapatrakaiḥ

20.31

bilvapatrairakhaṇḍaiśca sākṣataiśca tilairapi
pūjayecchaṅkaraṃ bhaktyā śrīhālāsyapatiṃ prabhum

20.32

dīkṣāvihīnā viprāśca mahāliṅgasya tasya tu
arhaṇāyāmanarhāśca kṣatriyādyāśca dīkṣitāḥ

20.33

te sarve kārayeyussvairdravyairahaiṃstu bhūsuraiḥ
sveṣṭaliṅge'tha vā''vāhya pūjayetsomasundaram

20.34

ekabhuktavratī pūjāṃ madhyāhne tu samācaret
naktavratī copavāsī kuryādrātrau śivārcanam

20.35

mantrāṇāmapyaśeṣāṇāṃ pañcākṣaramanurmahān
samastapatrapuṣpāṇāṃ bilvapatraṃ viśiṣyate

20.36

tasmādubhābhyāṃ matimān pūjayedinduśekharam
saptakoṭimahāmantrāśśivavaktrādvinirgatāḥ

20.37

pañcākṣarasya mantrasya kalāṃ nārhanti ṣoḍaśīm
dīkṣito'dīkṣito vāpi vidhānādanyato'pi vā

20.38

pañcākṣarīṃ japedyastu śivasyānucaro bhavet
brahmahatyāṃ bhrūṇahatyāṃ kṛtvā pāpān‍yanekakaḥ

20.39

pañcākṣaraṃ japan sadyo mucyate nātra saṃśayaḥ
na hi pañcākṣarajapācchreyo'sti bhuvanatraye

20.40

evaṃ jñātvā japedvidvān vidyāṃ pañcākṣarīṃ śubhām
strīliṅgoccārito'yaṃ tu devyā api manurbhavet

20.41

tasmādanena mantreṇa devīdevau samarcayet
pañcākṣareṇa mantreṇa bilvapatraiḥ śivārcanam

20.42

karoti śraddhayā yastu sa gacchedaiśvaraṃ padam
darśanādvilvavṛkṣasya sparśanādvandanādapi

20.43

ahorātrakṛtaṃ pāpaṃ naśyatyeva munīśvarāḥ
antyakāle naro yastu bilvamūlasya mṛttikām

20.44

vilipya sarvagātreṣu mṛto yāti parāṅgatim
bilvavṛkṣaṃ samāśritya dvādaśāhamabhojanam

20.45

yaḥ kuryādbrahmahā pāpānmukto bhavati bhūsurāḥ
bilvavṛkṣaṃ samāśritya trirātropoṣitaśśuciḥ

20.46

haranāma japan lakṣaṃ bhrūṇahatyāṃ vyapohati
bilvapatrairakhaṇḍairyaḥ pūjayetsomasundaram

20.47

somavāre saṃyatātmā brahmahatyāṃ vyapohati
mātṛhā pitṛhā vāpi yukto vā sarvapātakaiḥ

20.48

bhaktyā bilvadalairmaunī pūjayeccandraśekharam
sarvapāpavinirmuktaḥ prayāti paramaṃ padam

20.49

śuṣkaiḥ paryuṣitaiḥ patrairapi bilvasya yo janaḥ
pūjayedgirijānāthaṃ mucyate sarvapātakaiḥ

20.50

keśakīṭālividdhaṃ ca lūtātantusamāvṛtam
svayaṃ vāvvādigalitaṃ bilvapatrantu varjayet

20.51

tasmādavaśyaṃ śambhostu pūjanaṃ bilvapatrakaiḥ
sarvasaubhāgyadaṃ jñātvā pūjayettairviśeṣataḥ

20.52

pūjāprārambhakāle tu saṃkṣālya caraṇau karau
bhasmarudrākṣamālābhiralaṅkṛtya kalebaram

20.53

prāṇānāyamya saṅkalpya puṇyāhaṃ ca vidhāya ca
vighneśvaraṃ ca sampūjya prārthya nirvighnamastviti

20.54

atha sāmbaṃ śivaṃ natvā sāñjalisasannidhau sthitaḥ
somasundara someśa soma somavibhūṣaṇa

20.55

somavāravratamahaṃ kariṣye tvadanujñayā
iti samprārthya tadanu dhyānādyairupacārakaiḥ

20.56

kuryāt pūjāvidhiṃ śambhoḥ bhuktimuktiprasiddhaye
koṭibhāskarasaṅkāśaṃ koṭiśītāṃśuśītalam

20.57

pañcāsanasamāsīnaṃ pañcavaktraṃ parātparam
dvipaṃcabhujasaṃyuktaṃ tripañcanayānvitam

20.58

triśūlaṃ paraśuṃ khaḍgaṃ vajraṃ cābhayameva ca
pāśaṃ nāgāṅkuśau ghaṇṭāṃ vahniṃ dakṣairadakṣakaiḥ

20.59

bhujairdadhānamaniśaṃ nāgayajñopavītinam
divyāmbarairdivyagandhairdivyapuṣpairvirājitam

20.60

kirīṭahārakeyūrakuṇḍalādyairvibhūṣaṇaiḥ
vibhūṣitaṃ mahādevaṃ manonmanyā samanvitam

20.61

ṣoḍaśābdākṛtiṃ saumyaṃ someśaṃ somasundaram
svayaṃbhūte mahāliṅge dhyāyāmi jagatāṃ gurum

20.62

iti dhyānopacārārthamuktvā puṣpaistu pūjayet
āgaccha kṛpayā śambho manonmanyā maheśvara

20.63

prītyā pūjāṃ gṛhāṇeśa jīvanmuktipureśvara
viśvātmane namastubhyaṃ kadambavanavāsine

20.64

ratnasiṃhāsanaṃ cāru dadāmi karuṇānidhe
namaśśarvāya somāya sarvamaṅgalahetave

20.65

tubhyaṃ sampradade pādyaṃ śrīhālāsyanivāsine
aśeṣajagadādhāra nirādhāra maheśvara

20.66

dadāmyācamanaṃ tubhyaṃ sundareśa namo'stu te
anarghaphaladātre ca śāstre vaivasvatasya ca

20.67

tubhyamarghyaṃ pradāsyāmi dvādaśāntanivāsine
dṛṣṭamātreṇa sarveṣāṃ sarvābhīṣṭaphalaprada

20.68

pañcāmṛtādyairdravyaistvāṃ snāpaye'haṃ surārcita
digambara namastubhyaṃ gajājinadharāya ca

20.69

vyāghracarmottarīyāya vastrayugmaṃ dadāmyaham
carācarajagadratnaprotasūtradharāya te

20.70

nāgayajñopavītāya hyupavītaṃ dadāmyaham
samaṣṭividyānagarīnātha nāgavibhūṣaṇa

20.71

gṛhāṇa bhūṣaṇaṃ śambho śaraṇāgatavatsala
namassugandhadehāya hyavandhyaphaladāyine

20.72

tubhyaṃ gandhān pradāsyāmi cāndhakāsurabhañjana
akṣatāndhavalān devasiddhagandharvapūjita

20.73

sundareśa namastubhyaṃ gṛhāṇa varado bhava
puṣpavahninayana puṣpacāpavibhañjana

20.74

puṣpaistvāṃ pūjayāmīśa purandaravaraprada
atha nāmnāṃ sahasreṇa bilvapatraiḥ prasūnakaiḥ

20.75

samārādhya śivaṃ bhaktyā paścāddhūpaṃ samarpayet
namo vṛtrāripāpaghne kāraṇatrayahetave

20.76

sājyaṃ gugguludhūpaṃ tvaṃ gṛhāṇa vṛṣabhadhvaja
jyotirmayāya liṅgāya jyotiṣāmākarāya te

20.77

dīpaṃ dadāmyahaṃ bhaktyā jñānadīpapradāyine
naivedyaṃ ṣaḍrasopetaṃ sopadaṃśaṃ ghṛtānvitam

20.78

phalakṣīrāpūpayuktaṃ gṛhyatāṃ sundareśvara
pānīyaṃ śītalaṃ svacchaṃ candracandanavāsitam

20.79

tubhyaṃ dadāmi deveśa gṛhyatāṃ somasundara
pūgīphalaissakarpūraiḥ nāgavallīdalairapi

20.80

cūrṇena ca yutaṃ śambho tāmbūlaṃ gṛhyatāṃ tvayā
prakṛṣṭapāpanāśārthaṃ prakṛṣṭaphalasiddhaye

20.81

pradakṣiṇaṃ karomīśa prasīda parameśvara
namaśśivāya somāya śambhave śaṅkarāya ca

20.82

namo hālāsyanāthāya saccidānandamūrtaye
athāṅgapūjāṃ vidhivadācarecchivayorvratī

20.83

yayā samastasaubhāgyaṃ labhante vratinassadā
bhavānyai ca bhavāyāpi pādau sāmbasya pūjayet

20.84

jaganmātre jagatpitre jaṅghe caiva prapūjayet
mṛḍānyai ca mṛḍāyāpi jānunī samprapūjayet

20.85

ūruyugmaṃ ca rudrāṇyai rudrāyeti prapūjayet
kālyai kālāntakāyeti kaṭideśaṃ prapūjayet

20.86

nābhiṃ nagendrakanyāyai nāgendrābharaṇāya ca
stavapriyāyai stavyāya stanau samyakprapūjayet

20.87

bhavadghyai bhavanāśāya bhujāṃścaiva prapūjayet
kaṇṭhañca kambukaṇṭhāyai kālakaṇṭhāya pūjayet

20.88

māyāyai ca maheśāya mukhānyevaṃ prapūjayet
lalāṭaṃ lalitāyai ca tathā lāsyapriyāya ca

20.89

śirāṃsi ca śivāyai ca śivāyeti samarcayet
praṇatārtiharāyaiva ca praṇatārtiharāya ca

20.90

iti sampūjayedbhaktyā sarvāṅgaṃ śivayorvratī
punaśca pādau paramau pūjayedambikāpateḥ

20.91

praṇavādi namo'ntāni nāmāni śivayoḥ purā
samuccārya ca pādādau pūjayāmīti yojayet

20.92

dūrvārcanaṃ tataḥ kuryādvilvapatrākṣatānvitam
mahādevo maheśaśca śaṅkaro vṛṣabhadhvajaḥ

20.93

śūlī kāmāntako devadevaścaśrīkaṇṭhasaṃjñakaḥ
īśvaraścāmbikānātho rudraściśava itīritaḥ

20.94

praṇavādicaturthyantairetairdvādaśanāmabhiḥ
śambhostu pūjanaṃ puṃsāṃ sarvakāmārthasādhanam

20.95

āyurārogyajayadamapamṛtyuvināśanam
somanātha jagannātha sarvaiśvaryasamṛddhida

20.96

mama dāridryamunmūlya kāmān pūraya pūraya
iti samprārthya deveśamarcayedambikāpatim

20.97

bhavādyairnāmabhirdevamaṣṭābhiratha pūjayet
śivo rudraḥ paśupatirnīlakaṇṭho maheśvaraḥ

20.98

harikeśo virūpākṣaḥ kapardī pramathādhipaḥ
haraśśambhuḥ pinākī ca śaṅkaraścandraśekharaḥ

20.99

samaṣṭividyānagarīnāyakaśca sadāśivaḥ
etānyuccārya nāmāni caturthyantaṃ prapūjayet

20.100

ākāśādikśarīrāya grahanakṣatramāline
surasiddhanivāsāya dattamarghyaṃ mayā śiva

20.101

datvā'rghyatrayamevaṃ tu prārthayetsomasundaram
bhagavannatiriktaṃ vā hīnaṃ vā yanmayā kṛtam

20.102

sarvaṃ tadastu sampūrṇaṃ tvatprasādānmaheśvara
aparādhasahasrāṇi kriyante'harniśaṃ mayā

20.103

kṣamasva tāni sarvāṇi pitā putramiveśvara
iti samprārthya someśaṃ pūjāmevaṃ samāpayet

20.104

vidyārthī labhate vidyāṃ dhanārthī labhate dhanam
putrārthī labhate putraṃ jayārthī jayamāpnuyāt

20.105

rājyārthī rājyamāpnoti mokṣārthī mokṣamāpnuyāt
yadyadiṣṭatamaṃ loke tatsarvaṃ labhate dhruvam

20.106

somavāravratavidhiṃ ye śṛṇvanti paṭhanti vā
sarvapāpavinirmuktāssampannāśca bhavanti te

Linked texts (4)