Pramāṇa · Search · About · API

Halasyamahatmya 34

Hālāsyakhaṇḍa 34

Language
Sanskrit

34.1

sakṛcchravaṇamātreṇa sarvāpatparibhañjanī
iti śrīskānde mahāpurāṇe agastyasaṃhitāyāṃ
hālāsyamāhātmye - siddhānnaviśasanaṃ nāma
trayaviṃśo'dhyāyaḥ
attiyāyam - 33
27. cittaṉai aḻittatu
maturaiyil oru āyutap payir̆ciyāḷar
paṭaivīrarkaḷukku āyutap payir̆ciyait tiṉantōṟum
aḷittuvantār. avariṭam palar āyutak kalaiyaik kar̆ṟuc
ciṟanta paṭaivīrarkaḷākik kuruvir̆kut takṣiṇai aḷittuc
ceṉṟaṉar. avarkaḷil cittaṉum oruvaṉ. taṉatu payir̆ci
muṭintatum taṉ kuruviṉ payir̆cik kuṭilukketirēyē
kuṭilamaittut tāṉum pōṭṭiyākap payir̆cikkaḷam
amaittatuṭaṉ taṉṉiṭamē payir̆ci peṟa valivil
aḻaittup payir̆ci tantāṉ. itaṉait taṉ cīṭar mūlam aṟinta
kuru etir naṭavaṭikkaiyāka etuvum ceyyavillai.
cittaṉukkup payamum kūccamum akaṉṟatu. kuruviṉ
maṉaiviyiṭam ceṉṟu kar̆paḻikka mur̆paṭṭāṉ. avaḷ avaṉai
aṭittu nintittu viraṭṭi viṭṭu īcaṉiṉ ālayam ceṉṟu
kākka vēṇṭiṉāḷ.
hālāsyanātar anta kuru vēṣamēr̆ṟu cittaṉiṭam
vantu malyuttap pōṭṭi iṭa aḻaittār. cittaṉ itaṉai
ēr̆ṟāṉ. pōṭṭik kaḷattil palaraṟiya kattiyum
kēṭayamumēntiya iruvarum mar̆pōriṭṭaṉar. kuruvēṭa
mēr̆ṟa īcaṉ ciṟitu nēram viḷaiyāṭṭākap pōriṭṭu, kuru
patṉiyiṭam tavaṟāka naṭanta cittaṉai mārpilum kaikaḷilum
talaiyilum veṭṭi vīḻtti viṭṭu maṟaintār. iyalpukkuku
māṟākac cittaṉai veṭṭiyaḻitta kuru maṟaintatum avarait
tēṭavanta makkaḷiṉ muṉ ālayattil īcaṉai vaḻipaṭac ceṉṟu
tirumpiya kuru teṉpaṭṭār. avar itai aṟintatum
īcaṉiṭam ceṉṟu taṉakkup pakti peruka vēṇṭiṉār. makkaḷ
īcaṉē ivar vēṭattuṭaṉ vantu cittaṉai aḻittatai uṇarntu
pārāṭṭiṉar. aracaṉ kulōttuṅkaṉum kuruvai yāṉaimēl
ēr̆ṟi nakaravalam varac ceytu pārāṭṭiṉāṉ. itu
irupattēḻāvatu tiruviḷaiyāṭal.
catustriṃśo'dhyāyaḥ
28. sarpahananam
agastyaḥsarpasya hananaṃ śambhurakarollīlayā yayā
tāṃ līlāṃ sampravakṣyāmi yuṣmākaṃ parvatākṛteḥ

34.2

kulottuṅgamahīpāle sāyujyaṃ śāmbhavaṃ gate
anantaguṇapāṇḍyastu rājyaṃ nītyā'bhyapālayat

34.3

tasmiṃstu karuṇāpūrṇe kamalākṛtaketane
jagadāhlādajanake śivabhaktyā bṛhattare

34.4

sāgarāntāṃ ca pṛthivīṃ pāṇḍyeśe śāsati prabhau
nagnāssametya sahasā parasparamacintayan

34.5

vartate jagatīpālaśśambhubhaktiparāyaṇaḥ
bhasmarudrākṣasampannaḥ śrīmatpañcākṣarapriyaḥ

34.6

śivaliṅgārcanarataḥ śivabhaktaprapūjakaḥ
tatsakhāstasya nagarīvāsinassakalā janāḥ

34.7

naṣṭā nagnādisiddhāntāḥ kiṃ kurma iti te tadā
ābhicārāṇi niścitya kartuṃ pāṇḍyeśvaraṃ prati

34.8

akurvanvividhān ghorānmantravādāṃstu mantriṇaḥ
pradhānāḥ kecidekatra homakuṇḍaṃ prakalpya ca

34.9

cakrurhomaṃ sametāste svaiḥ svaimantrairanekaṇaḥ
cire sati gate kāle rākṣasaḥ kuṇḍamadhyataḥ

34.10

alātadvayadadṛṣṭāntalocanadvayasaṃyutaḥ
viśaṃkaṭāsyakuharo daṃṣṭrābhyāṃ ca bhayāvahaḥ

34.11

dīrghakāro jagattrāsakārakaḥ kaṭhināṃsayuk
dīptapāvakasaṃkāśa ūrdhvoñcalitamūrdhajaḥ

34.12

bhīmakāyo bṛhatkukṣiḥ kruddhāśīviṣavīkṣaṇaḥ
tasmādagressamutthāya nagnān prati vaco'bravīt

34.13

mahākukṣyanalajvālāmālā dahati me tanum
kiṃ brūta kiṅkariṣyāmi kimāhūto'hamadya vai

34.14

iti tadvacanaṃ śrutvā nagnāḥ prītipurassarāḥ
pāṇḍyarāṭ śivabhaktassandyuṅkte'smān prabādhitum

34.15

śailarūpaphaṇīndrassanmadhurāṃ prāpya rākṣasa
taṃ nṛpaṃ tasya nagarīvāsinassakalān janān

34.16

sahasā viṣavegena saṃhareti tamabruvan
so'pi tadveṣadhārī sanmahākāyo'nalārcimān

34.17

sphaṭāṃ vitatya jihve dve calayan jvalanaprabhe
phūtkāraṃ bhīṣaṇaṃ kurvannāyayau madhurāpurīm

34.18

taṃ dṛṣṭvā bhītamanaso janā rājñe vyajijñipan
sa rājā sahasotthāya nivārayitumudyataḥ

34.19

phaṇīndraṃ parvatākāraṃ dṛṣṭvā śaṅkāsamanvitaḥ
sundareśaṃ hṛdi dhyātvā vyasṛjadbhāllamuttamam

34.20

daṃśayitvā bhallakaṃ sa taṃ khādaparenthesesitumudyataḥ
punaśca vyasṛjadbhāllānanekānbhūpatiḥ sthiraḥ

34.21

bhallairnikṛttagātrassannudvavāma viṣaṃ bahu
viṣavegaḥ pravahati nadīvega ivolbaṇaḥ

34.22

tajjvālayā bhṛśantaptāssahasā mūrchayā'nvitāḥ
hāheti sarve krośanto nṛpādyāssundareśvaram

34.23

samprāpya prārthayāmāsurviṣasantāpaśāntaye
sundareśa kṛpārāśe hālāhalaviṣāpaha

34.24

pāhi naśśaraṇāpannānviṣārtānvibudhāniva
kālakāla purārāte kāmāre bhaktavatsala

34.25

pāhi naśśaraṇāpannānviṣajvālāvimūrcchitān
kadambakānanādhīśa kamalāpatipūjita

34.26

pāhi naśśaraṇāpannān pannagena prapīḍitān
karpūrasundara śiva karpūrātyantaśītala

34.27

karpūradhavalākāra sarpādasmānca pāhi naḥ
jīvanmuktipureśāna jīvanmuktipradāyaka

34.28

jīvanmuktiṃ gatānasmāñjīvayāsmādviṣolbaṇāt
bhūlokaśiva lokeśa bhūlokāmarapādapa

34.29

bhūlokaharturgaṃralādbhūlokaṃ paripālaya
kalyāṇasundarapate kalyāṇādridhanurdhara

34.30

kalyāṇaṃ kalpayāsmākaṃ kalyāṇada yamāntaka
kadambavanamadhyastha cidambara vibhāvaso

34.31

nitambinīvāmabhāga digambara namo'stu te
evaṃ stutvā namaskṛtya bhūpādyāssakalā janāḥ

34.32

mūlaliṅgaṃ samālokya tasthussambhrāntacetasaḥ
hālāsyanātho bhagān gaṅgācandrakalādharaḥ

34.33

rājñaḥ prajānāmātiṃñca pravāhaṃ garalasya ca
vilokya virabhūtsadyo liṅgātsiddhasvarūpavān

34.34

atha sarpāntikaṃ prāpya rājñā sārdhaṃ janairapi
jaṭāśaśāṅkajyotsnābhirviṣajvālāṃ vyapohya ca

34.35

nissantāpān janān kṛtvā bhūpādyānakhilānapi
kṛpākaṭākṣato vīkṣya praṇatānakhilān janān

34.36

anantaguṇapāṇḍyaṃ ca siddhaścādarśanaṃ gataḥ
bhūpena bhallairbhinnaḥ san visṛṣṭaiśca purā javāt

34.37

bhogī bhogenautidīrgho nirviṣatvānmamāra ca
mṛtassa parvatākāro hālāsyeśaśivājñayā

34.38

nāgaśaila iti khyāto nago'bhūdbhuvanatraye
taṃ kṣvelaṃ madhurīkṛtya yadā''rakṣatsa tāṃ purīm

34.39

sundareśastadārabhya viśrutā madhureti sā
purasīmāsamīpasthatatsarpasyābhidhānataḥ

34.40

hālāsyamiti tatkṣetraṃ varṇayantīha kecana
rājā'pyadbhutamālokya janaissiddhakṛtaṃ tvidam

34.41

atyantavismayopetassantatoṣaṃ paraṃ yayau
aṣṭāviṃśā tu līleyamiṣṭārthapratipādinī