Pramāṇa · Search · About · API

Halasyamahatmya 49

Hālāsyakhaṇḍa 49

Language
Sanskrit

49.1

ekonapañcāśo'dhyāyaḥ
43. bhadrāya phalakādānam
bhadrāya phalakādānaṃ citrayā līlayā yayā
akarotsundareśastāṃ vakṣyāmi munipuṅgavāḥ

49.2

bhadrasya vaibhavaṃ dṛṣṭvā bhāṇāssarve samatsarāḥ
kadā'syaiśvaryabhaṅgassyāditi prāhussamantataḥ

49.3

jñātvā tadāśayaṃ bhadraḥ atiśiṣṭaṃ vrataṃ dadhau
prātaḥkāle ca madhyāhne sāyāhne sundareśvaram

49.4

seve'nudivasaṃ śambhuṃ nārdharātre tvabhīṣṭade
bhogasvargāpavargāṃśca dātuṃ śakte'tipuṇyade

49.5

ādhivyādhihare sarvaduritadhvaṃsadīkṣite
adyārabhya ca tatkāle kariṣye śambhudarśanam

49.6

saṅkalpyaivaṃ tathā sevāṃ kurvan pūrṇamanorathaḥ
ślāghyamāno janairbhaktairarthibhisso'vasatsukham

49.7

bhogāṅgapūjāvasare śaṅkaraṃ sundareśvaram
sakṛtsaṃsevya sarvāghairmuktassaukhyaṃ labhennaraḥ

49.8

tasminnavasare bhadro gānenāpūjayacchivam
tatpuṇyasyānubhāvena tasya siddhyanti siddhayaḥ

49.9

līlārasapriyo devo hālāsyeśaḥ kadācana
aiśvaryāḍhyamamuṃ bhadraṃ śodhituṃ vidadhe kriyām

49.10

ākāśamāvṛtaṃ kṛtvā niśīthinyāṃ payodharaiḥ
prāvartayadvarṣadhārā bhogibhoganibhā bhṛśam

49.11

cacāla gehānno kaścittiryañco'pi na nirgatāḥ
bhadrastu varṣadhārāstāḥ puṣpavṛṣṭīriva smaran

49.12

bhogāṅgapūjāvasare sāmbikaṃ sundaraprabhum
bhaktidārḍhyāt samabhyetya samagāyanamahādbhutam

49.13

varṣatādya bhṛśaṃ meghā iti śāstā maheśvaraḥ
acodayadbhṛśaṃ meghān sarvādhyakṣassadāśivaḥ

49.14

ghurmuhumiti garjantaḥ pavamānayutā bhṛśam
dhārāśśilāyujo muñcannujjvalāste niśāntare

49.15

bhadro'pi vṛṣadevasya paścādbhāge sthito dṛḍham
pūrvasmādadhikaṃ gānamagāyacchivasaktadhīḥ

49.16

tantryassiktā nakhā ārdrā aṅgulyaśca cakampire
apāṃ rayānmahāpaṃkassaṃjrātastatpradeśake

49.17

bhadro'pi varṣadhārārta āsitvā tatra paṅkile
gātumudyogamakarotpaṅkākrānto'bhavattadā

49.18

samutpanne'pi vaikalye tantryādīnāmayaṃ dṛḍham
jagau bhadrastu madhuraṃ bhaktibhāvasamanvitaḥ

49.19

dṛṣṭvā gāyaṃtamadhikaṃ bhadraṃ taṃ bhaktavatsalaḥ
anugrahaparaśśambhussundareśvara īśvaraḥ

49.20

paṅkāsīnasya bhaktasya bhadrasyādhaḥ pradeśake
sthāpayāmāsa phalakāṃ hemaratnavicitritām

49.21

idaṃ kutassamāyātamiti vismitamānasaḥ
ratnaprabhārañjitaṃ tatpīṭhamadhyāsta peśalam

49.22

gānaṃ bhadre samāpyātha tasmin gantuṃ samudyate
vimalaṃ drāgviyadabhūnnakṣatrāṇi cakāśire

49.23

keneyaṃ phalakā dattā mahyamityatha cintayan
bhadraḥ paramadharmātmā phalakāṃ parigṛhya tām

49.24

gehaṃ gatvā ca bandhubhya ācakhyau tamudantakam
te sarve phalakāṃ vīkṣya vismayāviṣṭacetasaḥ

49.25

śrīhālāsya prabhuśśambhurbhaktābhīṣṭaprado'niśam
sa eva phalakāṃ tubhyaṃ dattavānnaiva cāparaḥ

49.26

nirūpya bāndhavairevamukte sati sa gāyakaḥ
atyantaprītahṛdayastathaiveti suniścitaḥ

49.27

jīvanmuktipureśānaśrīmaccaraṇapaṅkaje
mano niścalamādhāya sukhenaste svaveśmani

49.29

bhadravṛttāntamākarṇya prabhāte pāṇḍya bhūpatiḥ
tamāhūya ca saṃvīkṣya phalakāṃ devanirmitām
tatra saṃsthāpya saṃpūjya śambhuṃ pratyakṣitaṃ yathā
pradāya tasmai sadgrāmān sampūrṇān dhanadhānyakaiḥ
prāha rājā varaguṇo bhadraṃ prītyaivamādarāt

49.30

vatsaṃ dṛṣṭvā yathā dhenustaṃ pratyevānudhāvati
tathā tvāmapi dṛṣṭveśassundareśo'nudhāvati

49.32

sundareśakṛpāpātraṃ tvattaḥ parataro nahi
divyāṃ ca phalakāmevaṃ tvāṃ vinā ko nu labdhavān
ye bhaktāste śivāḥ proktāssarvavedāgameṣu ca

49.33

tān pāpino'pi saṃpūjya mucyante sarvakilbiṣaiḥ
tasmāttvatpūjanaṃ loke śivapūjāvidheḥ samam

49.34

ityuktvā preṣayāmāsa bhadraṃ varaguṇaḥ prabhuḥ
so'pyatiprītahṛdayaḥ stuto māgadhavandibhiḥ

49.35

atithīnāmalaṅkurvannāśāmālayamāyayau
tadbhaktyatiśayañcāpi bhaktavātsalyamīśituḥ

49.36

bhavabhaktajanāssarve praśaśaṃsuḥ priyānvitāḥ
ajasraṃ tyāgaśīlasya bhadrasya ca mahātmanaḥ

49.37

candrodaye'bdhyāpa iva tasyāvardhanta sampadaḥ
śraddadhānāssundareśaṃ ye ca svānte dṛḍhavratāḥ

49.38

dhyāyanti pūjayantīha kīrtayanti ca te janāḥ
āyurārogyasampadbhiḥ saṃpūrṇāssyurna saṃśayaḥ

49.39

tricatvāriṃśikā līlā śrīhālāsya prabhoriyam
śrotavyā śivabhaktaiśca śivānugrahahetave

Linked texts (1)