Pramāṇa · Search · About · API

Halasyakhanda 61

Hālāsyakhaṇḍa 61

Language
Sanskrit

61.1

iti śrīskānde mahāpurāṇe agastyasaṃhitāyāṃ
hālāsyamāhātmye - śaivaviprasutāya
svakṛtipradānaṃ nāmāṣṭapañcāśo'dhyāyaḥ
agastyaḥrakṣati sma sa gaurīśo natkīramaparāghinam
yayā tu līlayā tāñca śṛṇudhvaṃ munipuṅgavāḥ

61.2

sati majjati natkīre hemapadmākarāntare
tatsnehātiśayāt khinnāḥ kapilādyāśca saṅghinaḥ

61.3

vihāya vidyāgoṣṭhīṃ ca bhogyavastuṣu cādaram
phalakāyāṃ tu divyāyāṃ sthātuṃ śraddhāṃ na cakrire

61.4

doṣaṃ muhurmuhussmṛtvā natkīrasya mahākaveḥ
taddoṣaparihāraṃ ca kartuṃ te drāgacintayan

61.5

atha niścikyurāyāste natkīrasyāparādhinaḥ
sundareśvara eveti kṛpādhīno'sya rakṣitā

61.6

kartuṃ prasannaṃ taṃ śambhuṃ navyaisstutipadairapi
samavetāssaṅghinaste prāpustaṃ sundareśvaram

61.7

sarve praṇamya cāṣṭāṅgapañcāṅgatryaṅgabhedataḥ
tuṣṭuvuḥ parayā bhaktyā stutivākyaistutipriyam

61.8

sundareśvara sarveśa sarvajña śaśirūṣaṇa
somasūryāgninayana rakṣāsmānambikāpate

61.9

surāsuranarādyaiśca pūjitāṅghrisaroruha
purandaravimānastha pāhismān pāpapīḍitān

61.10

karuṇāvāridhe kālahara kāmahara prabho
kālakūṭaharāghaughaharāsmānāśu pālaya

61.11

sumīnākṣīpate śambho śrīmaddhālāsyanāyaka
sarveṣāṃ jagatāmādau svayaṃbhūtādya pāhi naḥ

61.12

pate paśūnāṃ bhaktānāṃ svāntasthasukhadāyaka
āpatsamudrasammagnān asmāṃstasmātsamuddhara

61.13

bhūlokaśivalokeśa sālokyādipadaprada
trailokyarakṣādakṣāsmānālokaya kaṭākṣataḥ

61.14

mañjīramañjulapada khañjīkṛtayamadruma
sañjīvaya sadā'smān puñjībhūtabhavāmayāt

61.15

carmāmbaradharāśeṣa dharmakāmārthamokṣada
kurvannugrahamasmāsu śarva saccitsukhātmaka

61.16

nityānanda nirādhāra nirmalāneka śarmada
niṣkalānanta sakala paramātmannamo'stu te

61.17

kāyena manasā vācā jagatāmīśvare tvayi
kṛtāparādhānasmāṃśca trāhi trāhi dayānidhe

61.18

evamādyaiśca vividhaistotrajālairmuhurmuhuḥ
stutvā natvā prārthayaṃste samavetāśca saṅghinaḥ

61.19

yuṣmatprasādena vayamanubhūya sukhāni ca
phalakāyāṃ tu divyāyāṃ saṅgamaṇṭapamadhyataḥ

61.20

upaviśya sadā vidyāgoṣṭhīṃ kṛtvā parasparam
itaḥ pūrvaṃ bhavatsevāṃ sarve cakṛmahe mudā

61.21

līlayā viśvasaṃhāra sṛṣṭisthitividhāyaka
adhunā kīrakavinā hīnā vidvatsabhā śubhā

61.22

śambho na śobhate'tyantaṃ candrahīneva śarvarī
kīrastu kṛtavān mohāt pralāpaṃ duṣkṛteritaḥ

61.23

kṣamasva taṃ mahādeva taṃ ca rakṣāparādhinam
antādirūpaṃ stotraṃ ca śabdārthātimanoharam

61.24

tīrthe mahati magnassan tava prītyai karoti saḥ
tīrthatīraṃ ca samprāpya śrutvā tenoditāṃ stutim

61.25

tasmai natkīrakavaye karttavyo'nugrahastvayā
saṅghibhiḥ prārthitassarvairbhagavānvṛṣavāhanaḥ

61.26

darśayitvā nijaṃ rūpaṃ mṛgyaṃ devairapīśvaraḥ
sumīnākṣyā mahādevyā sahitassan saro yayau

61.27

antādirūpaṃ tatstotraṃ śṛṇvan toṣadamātmanaḥ
mandaṃ hasan mahāprītyā roṣaṃ kīrakavau jahau

61.28

atha prasārya hastaṃ svaṃ magnonmagnaṃ jalāntare
kīramuttārayāmāsa tīrasthassundareśvaraḥ

61.29

sa śaṅkarakarasparśāt nirdagdhākhilakilbiṣaḥ
śāntatāpaśśamaṃ labdhvā santoṣamagamatkṣaṇāt

61.30

natkīrasahitāssarve sadasyāssatkavīśvarāḥ
sāmbasya devadevasya natvā śrīcaraṇāmbujam

61.31

dṛṣṭvā devasya devyāśca tejassaundaryamadbhutam
atyarthaṃ vismitāssantaḥ stotumārebhire punaḥ

61.32

pitāmahaśiracchedacaṇapāṇinakhāñcala
namastubhyaṃ namastubhyaṃ namastubhyaṃ maheśvara

61.33

niśumbhaśumbhapramukhadaityaśikṣaṇadakṣiṇe
namastubhyaṃ namastubhyaṃ namastubhyaṃ maheśvari

61.34

śailarājasya jāmātaraśaśirekhāvataṃsaka
namastubhyaṃ namastubhyaṃ namastubhyaṃ maheśvara

61.35

śailarājātmaje mātaḥ śātakumbhanibhaprabhe
namastubhyaṃ namastubhyaṃ namastubhyaṃ maheśvari

61.36

bhūtanātha purārāte bhujaṅgakṛtabhūṣaṇa
namastubhyaṃ namastubhyaṃ namastubhyaṃ maheśvara

61.37

pādapravaṇabhaktānāṃ pārijātaguṇādhike
namastubhyaṃ namastubhyaṃ namastubhyaṃ maheśvari

61.38

hālāsyeśa dayāmūrte hālāhalalasadgala
namastubhyaṃ namastubhyaṃ namastubhyaṃ maheśvara

61.39

nitambini maheśasya kadambavananāyike
namastubhyaṃ namastubhyaṃ namastubhyaṃ maheśvari

61.40

evaṃ bhāṣāntarairanyairvividhairvākyavistaraiḥ
stuvantaśca namantaśca prītiṃ prāpuḥ kavīśvarāḥ

61.41

madhurānāyakaśśambhurvācā madhurayā yutaḥ
kaṭākṣeṇa vilokyainānevaṃ prāha kṛpāvatā

61.42

vidyāpīṭhe yathāpūrvaṃ vidvadgoṣṭhīṃ vidhāya ca
bhavantassamavetāśca nivasansu nirantaram

61.43

yuṣmākaṃ santu satatamahāmutra sukhāni ca
ityuktvā sundareśaśca devyā sārkaṃ tirodadhe

61.44

devadevasya sānnidhyāllabdhvā sarvānmanāerathān
sañcinassannapīṭhasthāssamaidhanta cirāyuṣaḥ

61.45

natkīrānugṛhāyeśakṛtāṃ līlāṃ śṛṇoti yaḥ
muktamohāsta śuddhātmā muktimeti na saṃśayaḥ

61.46

kālakālasya kāmāreḥ kadambavanavāsinaḥ
śaṅkarasya tripañcāśī līleti kathitā mayā

Linked texts (4)