Pramāṇa · Search · About · API

Halasyakhanda 7

Hālāsyakhaṇḍa 7

Language
Sanskrit

Contents

7.1

taṉṉai viṭṭa kaṉṟu viṭṭatai uṇarntāṉ. aṅku ellā
uyiriṉaṅkaḷum aṉpuṭaṉ paḻakiṉa. etiril perum taṭākam
teṉpaṭṭatu. atil nīrāṭiṉāṉ. ataṉ vaṭamēr̆kil oru liṅkam
iruntatu. ataṉaic cur̆ṟi vanta kiḷikaḷ civa ! campō mahātēva !
caṅkara ! eṉṟu iṟaivaṉaip pāṭiṉa. piruhaspatiyiṭam tāṉ ceyya
vēṇṭiyataip par̆ṟik kēṭṭāṉ.
"intat taṭākattiṉ karaiyil oru ālayattaik kaṭṭi, atil
inta liṅkattai vaittup pūjippāy" eṉṟu kuru kūṟa uṭaṉ
vicuvakarmāvai aḻaittu kōvil kaṭṭac ceytāṉ. pūkkaḷāl
vaḻipaṭa virumpi kāṭṭiliruntu pūkkaḷaik koṇarat taṉ tēva
kaṇaṅkaḷai ēviṉāṉ. eṅkum pū kiṭaikkavillai. taṉ
veṇkuṭaiyai liṅkattiṉ mītu tāṅkiṉāṉ. atar̆kuḷ
vicuvakarmā kōvilaik kaṭṭi muṭittāṉ. anta aḻakiya
alaṅkarikkap per̆ṟa kōvilil īcaṉai vaittu vaḻipaṭat
toṭaṅkiṉāṉ. puṣpaṅkaḷaik koṇarac ceṉṟavarkaḷ
pakkattiluḷḷa kāṭukaḷil tēṭiyum pū kiṭaikkāmal tirumpiṉar.
iṟaivaṉ taṉ aruḷāl taṭākattil taṅkat tāmaraikaḷait
tōr̆ṟuvittār. avar̆ṟaik koṇṭu vantu īcaṉaiyum, tēviyaiyum
intraṉ vaḻipaṭṭāṉ. intraṉ muṉṉē mikavum suntaraṉākat
tēviyuṭaṉ iṟaivaṉ kāṭciyaḷittār. ataṉaik kaṇṭāṉantitta
intraṉ tēvaṉait tutittu vaṇaṅka, iṟaivaṉ atai ēr̆ṟu aruḷ
purintār. tiṉamum taṉatu vaḻipāṭṭai ēr̆ka intraṉ
vēṇṭiyatum, iṟaivaṉ kūṟiṉār. pirummahatti pāpam nīṅkiyatu.
inta uṉṉāl amaikkap per̆ṟa vimāṉam uṉ peyaruṭaṉ
viḷaṅkaṭṭum. praḷaya kālattilum itu aḻiyātirukkaṭṭum.
āṇṭu tōṟum vasanta rutuvil cittirai mātattil cittirai
nakṣattiram kūṭiya paurṇamiyil tēvarkaḷuṭaṉ vantu
por̆ṟāmaraik kuḷattiluḷḷa por̆ṟāmaraikaḷāl arccittu
vaḻipaṭuvāyāka eṉṟaruḷi mūlaliṅkattiṉuḷ maṟaintār.
atiliruntu innāḷ varai cittirait tirunāḷai intiraṉ
tēvarkaḷuṭaṉ vantu kaṇṭukaḷittuc celkiṟāṉ. intiraṉukku
aruḷ purintatē maturaiyil nikaḻnta mutal līlai.
ṣaṣṭho'dhyāyaḥ
2. airāvataśāpavimocanam
sūtaḥityagastyātsamākarṇya sarve tu munipuṅgavāḥ
punaśca prārthayāmāsuḥ kumbhayoniṃ taponidhim

7.2

vayaṃ sarve kṛtārthāḥ smaḥ śrutvā puṇyāṃ kathāmimām
punastu kiṃ kiṃ devena kṛtaṃ karma mahādbhutam

7.3

tatsarvaṃ kathayāsmākaṃ krameṇa munipuṅgava
iti śrutvā vacasteṣāṃ munīnāṃ kumbhasambhavaḥ

7.4

durvāsaso muneśśāpāt muktimairāvatasya ca
vasiṣṭhādimunīndrebhyo vaktuṃ samupacakrame

7.5

agastyaḥpurā nirjitya saṅgrāme jambhādīnasureśvarān
mahāvijayasampanno devarājo mudā yutaḥ

7.6

śailarājena sadṛśamunnatyā dhavalatviṣā
atyantadhavalairdantaiścaturbhiborderśca virājitam

7.7

airāvataṃ samāruhya gajarājaṃ sureśvaraḥ
trayastriṃśatkoṭisaṃkhyairamaraissiddhacāraṇaiḥ

7.8

gandharvaiḥ kinnarairanyairdivyaiśca munipuṅgavaiḥ
jayaghoṣaṃ prakurvadbhistaissarvaiḥ parito vṛtaḥ

7.9

purīṃ prāpa mahānīndro mahatīmamarāvatīm
tadā divaukasassarve suvastūni mudā daduḥ

7.10

anarghyāṇyupahārāṇi divyāni vibudhottamaiḥ
samarpitāni jagrāha jambhāsuraniṣūdanaḥ

7.11

durvāsāstu mahātejāḥ kāśīṃ samprāpya sādaram
sarvatīrtheṣu saṃsnāya sarvaliṅgāni pūjya ca

7.12

nāmnā kāmeśvaraṃ liṅgaṃ pratiṣṭhāpya prapūjya ca
pradakṣiṇanamaskārastotraissampūjya śaṅkaram

7.13

sannidhau tasya devasya liṅgamālokya saṃsthitaḥ
tadā patati liṅgasya mastakasthaṃ mahotpalam

7.14

gṛhītvā tanmahāprītyā svecchayā sañcaranmuniḥ
devarājaṃ tadā dṛṣṭvā cāśīrbhirabhinandya ca

7.15

prasādaśśaṅkarasyeti dadau tasmai mahotpalam
gṛhītvā pāṇinaikena tatpuṣpaṃ pākaśāsanaḥ

7.16

mohito jayalakṣmyā ca na dhṛtvā nijamaulinā
airāvatasyottamāṅge sthāpayāmāsa connate

7.17

tanmastakasya cāñcalyādadhaḥ patati tattadā
patitañca svapādena mardayitvā punaḥ punaḥ

7.18

krīḍatyamaramātaṅgo madayukto vidhervaśāt
durvāsāstu tadālokya kopena sphuritādharaḥ

7.19

mahendrañca gajendrañca śaptuṃ prāha samudyataḥ
mahendra tvaṃ garvito'si dānavānāṃ jayena ca

7.20

samānamanyairmunibhirmāmapi pravicārya ca
na dadhāsi kirīṭena mayā dattaṃ mahotpalam

7.21

anyaissamarpitaṃ sarvaṃ gṛhītañca tvayā'darāt
kiñcica māṃ na jānāsi krudhā ca tapasā'tulam

7.22

tasmāt tvanmastakasyādya bhettā pāṇḍyo bhaviṣyati
airāvataḥ kṣudragajaḥ pṛthivyāṃ sañcariṣyati

7.23

iti durvāsasā śapte devendre sahavāhane
uktavantaḥ kṣamasveti praṇemuśca punaḥ punaḥ

7.24

surāḥ sarve'nusṛtyainaṃ prasannaṃ cakrire munim
jalasyauṣṇyaṃ śikhisparśānna svabhāvastathā muneḥ

7.25

kāraṇe sati roṣasya prasanno dayayā bhava
iti śrutvā suravaco durvāsāśca mahāmuniḥ

7.26

vihāya kopaṃ sahajamuvācātha surottamān
maduktamanyathā kartuṃ na śakto'haṃ divaukasaḥ

7.27

macchāpamātrasaṃyukto na tu śakrassavāhanaḥ
kiṃ tu droheṇa śambhostu saṃyukto mahatā'dhunāḥ

7.28

vārāṇasīmahākṣetre mayā saṃsthāpitasya ca
kāmeśvarākhyaliṅgasya prasādastanmahotpalam

7.29

śakreṇa na dhṛtaṃ mūrdhnā padā spṛṣṭaṃ gajena ca
audāsīnyaṃ laṅghanaṃ ca prasādasya maheśituḥ

7.30

sumahatpātakaṃ proktaṃ śivaśāstraviśāradaiḥ
sumahatpātakānāṃ tu prāyaścittaṃ na vidyate

7.31

tathā'pi devadevena rahasyevaṃ prabhāṣitam
sumahatpātakānāṃ tu prāyaścittamanuttamam

7.32

tadahaṃ kṛpayā vakṣye pāpaśāpanivṛttaye
vedānāṃ mastakaiśrcaiva pratipāditamādarāt

7.33

bhūlokaśivalokākhyaṃ śivakṣetraṃ mahādbhutam
mahāpāpaharaṃ cāsti mahāśāpaharaṃ ca tat

7.34

hemapadmākarastatra mahātīrthaṃ ca vidyate
śrī hālāsyeśvaraṃ liṅgamasti trailokyaviśrutam

7.35

ye pāpabhīravo loke ye mahāśāpabhīravaḥ
ye vāñchanti mahābhogān muktiṃ vā'tyantadurlabhām

7.36

te sarve tatra samprāpya bhaktyā ca śraddhayā saha
mahātīrthe ca saṃsnāya dṛṣṭvā hālāsyanāyakam

7.37

sarvadoṣavinirmuktāḥ sarvān kāmān prayānti hi
gajendro'pi mahendro'pi prāpya hālāsyamuttamam

7.38

mama śāpāttu nirmuktau bhavetāṃ tāvubhau dhruvam
kṛpayā devadevasya śrīhālāsyeśvarasya ca

7.39

kirīṭamātramindrasya pāṇḍyabhūpo bhinattviti
vatsarāṇāṃ śataṃ tāvaccaritvā pṛthivītale

7.40

airāvato'pi taṃ natvā mukto bhavatu śāpataḥ
ityuktvā śirasā dhṛtvā gṛhītvā tanmahotpalam

7.41

svacchandagatyā saṃyuktaḥ prayayau sa mahāmuniḥ
airāvato muneśśāpādatinīlavapurdharaḥ

7.42

bhuvi kṣudragajo bhūtvā dantadvayasamanvitaḥ
vaneṣu hastibhissārddhaṃ cacārātīva duḥkhitaḥ

7.43

anubhūya ciraṃ kālaṃ duḥkhaṃ ca muniśāpajam
śrīhālāsyaṃ śivakṣetraṃ daivagatyā praviśya ca

7.44

muninoktaṃ śāpaśāntyai smṛtvopāyaṃ mahattarām
mahātīrthe mahābhaktyā karoti snānamuttamam

7.45

snānamātreṇa śāpotthaṃ sadyo naśyati kalmaṣam
catuṣṭayaṃ ca dantānāṃ labdhvā svasya sitaprabhām

7.46

prītyā mahatyā saṃyuktassamprāpya śivasannidhim
svakīyavargaskandhasthavimānāntarasusthitam

7.47

śivaliṅgaṃ samālokya sarvairdevaiḥ prapūjitam
puṣkareṇa gṛhītena tīrthodenābhiṣicya ca

7.48

upacāraiśca gandhādyairmanasā''rādhya pañcabhiḥ
stutvā nānāvidhaiḥ stotraissundareśaṃ praṇamya ca

7.49

utthāya liṅgamālokya hālāsyeśamayācata
madvaṃśśyā bhāgadheyena tvadāyatanadhārakāḥ

7.50

sukhaṃ tiṣṭhantyahamapi tvadāyatanadhārakaḥ
vaseyamiti buddhirme prasādaḥ kriyatāṃ śiva

7.51

tadvacaḥ śaṅkaraḥ śrutvā prāha sānnidhyakṛdgajam
śaṅkaraḥmahābhakto mahendro me tadīyastvaṃ ca tatsamaḥ

7.52

taṃ dhāraya tathaiva tvaṃ tadevādya mama priyam
ityukto devadevena gajendraḥ punarabravīt

7.53

bhagavan pārvatīnātha bhaktavatsala śaṅkara
durvāsaso muneśśāpamanubhūya mahāvane

7.54

punastvahaṃ tvāmabhyetya śiva mukto'smi śāpataḥ
gajendreṣu yathā śambho śrīmatprāsādadhāriṣu

7.55

anugrahastvayā kāryoṃ mayyapi tvaṃ tathā kuru
ityukto gajarājena śambhuḥ prāha gajeśvaram

7.56

tathāstu gaja gaccha tvamityuktvā'ntardadhe haraḥ
sarvapāpapraśamanaṃ sarvaśāpaharaṃ param

7.57

bhūlokaśivalokākhyaṃ śivakṣetraṃ purātanam
tyaktvā gantumanicchan san devapaścimabhāgataḥ

7.58

khātvā tīrthaṃ svapādena tattīre tu gaṇādhipam
śivaliṅgañca saṃsthāpya svanāmnā sādareṇa tu

7.59

vināyakañca talliṅgaṃ prapūjya prativāsaram
yathā tiṣṭhati nāke ca santoṣeṇa gajeśvaraḥ

7.60

bhūlokaśivaloke tu tathā tiṣṭhati vai ciram
airāvataṃ muktaśāpaṃ parijñāya sureśvaraḥ

7.61

dūtaṃ sampreṣayāmāsa samprāptumamarāvatīm
devendrājñābhayātsadyo nirgatya madhurāpurāt

7.62

prasthānaṃ sundareśasya pūrvabhāge vidhāya ca
tatrāpi liṅgamapulaṃ kṛtvā svasvāmināmataḥ

7.63

indreśvarākhyaliṅgaṃ ca pratiṣṭhāpya prapūjayan
nīpāraṇyaṃ mahat kṣetraṃ na vihāya ca susthitaḥ

7.64

punaḥ preṣitadūtena devendreṇa mahāgajaḥ
tridivaṃ ca yayau sadyassvāmyājñāṃ naiva laṅghayan

7.65

khātitaṃ gajapādena taṭākaṃ tīrthamuttamam
gajapuṣkariṇī ceti prathitaṃ nāmadheyataḥ

7.66

vināyako'pi tīrastha airāvatavināyakaḥ
airāvateśvaraṃ liṅgaṃ tatpratiṣṭhitamiṣṭadam

7.67

dṛṣṭamātreṇa harati śāpapāpabhayaṃ mahat
gajapuṣkariṇītīrthe snātvā cairāvateśvaram

7.68

dṛṣṭvā vimucyate pāpaiḥ śāpaissarvāmayairapi
prasthānañca yayā vīthyā karotyairāvato gajaḥ

7.69

nāmnā prasiddhā sā vīthī gajadhāvanavīthikā
prasthitaṃ yadgajendreṇa devendrasya mahājñayā

7.70

nāmnā cairāvatapuraṃ prasiddhamadhunā'pi ca
indreśvaraṃ tatra dṛṣṭvā puruṣārthamahānidhim

7.71

indraloke vaseddhīmān yāvadindrāścaturdaśa
evamairāvataṃ śāpānmocayitvā mahāmuneḥ

7.72

anugṛhṇāti deveśo jīvanmuktipureśvaraḥ
iti dvitīyā yā līlā kṛtā hālāsyavāsinā
tāṃ tu śrutvā naro dhīmān mahāpāpaiḥ pramucyate

7.72.p1

iti śrīskānde mahāpurāṇe agastyasaṃhitāyāṃ hālāsyamāhātmye airāvataśāpavimocanaṃ nāma ṣaṣṭho'dhyāyaḥ

Linked texts (3)