Halasyakhanda 72
Hālāsyakhaṇḍa 72
- Language
- Sanskrit
72.1
ceyyappaṭṭatum sampantariṉ ōlai eriyāmal taṇal mītu
niṉṟatu. camaṇaratu ōlai cāmpalākiyatu. tōlviyai
ēr̆kāmal, avaravaratu ōlaiyai vaikaiyiṉ nīrōṭṭattil
pōṭa, etu nīrōṭṭattai etirttuc celkiṟatō atai
veṉṟatākak koḷḷalām. tōr̆ṟavar veṉṟavarukku
aṭimai eṉap pantayam pōṭṭaṉar. sampantarō eṉakkup
paṇiyāḷar tēvai illai. tōr̆ṟavarai kaḻuvil
ēr̆ṟuvēṉ eṉṟār. camaṇarkaḷ itaṉai ēr̆ṟaṉar.
eṇṇāyirattavarukkum cūlaṅkaḷ tayārikkap per̆ṟaṉa.
sampantar parivuṭaṉ vēta vaḻiyil naṭaimuṟaikaḷai
amaittuk koḷḷavum vipūti rutrākṣam mutaliyavar̆ṟait
tarikkavum īcaṉiṉ vaḻipāṭṭil īṭupaṭavum aṟivurai
tantum payaṉillai. camaṇar eṟinta ōlaikaḷ nīril mitantu kaṭal
aṭaintaṉa. campantariṉ ōlai nīrōṭṭattai etirttuc
ceṉṟatu. aracarum araciyum mantiriyum makkaḷum
pērāṉantamaṭaintaṉar. camaṇar ōṭi viṭātirukka
ovvoruvaraiyum nāṉku vīrarkaḷ piṭittuk koṇṭaṉar.
maṟupaṭiyum sampantariṉ aṟivurai payaṉillāmalāka,
camaṇarkaḷ palar tāmē kaḻuvil ēṟiṉar. mar̆ṟavarkaḷai makkaḷ
kaḻuvēr̆ṟiṉar. cilar payantu vipūti tarittaṉar. vipūti
kiṭaikkap peṟātavar kōmayattaiyē tarittaṉar. cilar
pacuviṉ kaṉṟait tōḷil tūkki uyirtappiṉar.
natiyil viṭappaṭṭa ōlaikaḷ nīrai etirttuc ceṉṟa
vaḻiyaikkāṇa mantirikaḷ ceṉṟaṉar. ōlai ōriṭattil nīril
maṟaintuviṭṭatu. campantar ōlai ceṉṟa iṭattaik
kaṇṭupiṭikka, civaṉaip patikampāṭi makiḻvikka, aṅku oru
civaliṅkam tōṉṟir̆ṟu. ataṉai vaḻipaṭa atiliruntu oru
mutiyavar veḷivantu campantariṉ ner̆ṟiyil pañcākṣara
mantrattuṭaṉ vipūti pūcic campantarai varam kēṭkac
coṉṉār. anta mutiyavar īcaṉē eṉa uṇarnta sampantar
avarai vaṇaṅki "natiyil pōṭṭa ōlaiyai nīr oḷittu
vaittuḷḷīr. atu ellām aṟinta umatu iru
putalvarkaḷukkum payaṉpaṭātu. ataṉai eṉakkut
agastyaḥśambhuliṅgaśamīvṛkṣakūpānnīpāṭavīśvaraḥ
sarvasākṣī sākṣiṇastānādādāhūya dūragān
72.2
akarodvaiśyavāmāyāḥ prītiṃ kīrtiñca śāśvatīm
yayā'tha līlayā tāñca vakṣyāmi munipuṅgavāḥ
72.3
āsīdvaiśyavaraśśrīmān kāntayā kamanīyayā
sārdhaṃ sāgaratīrasthe kasmiṃścitsumanohare
72.4
kāverīpuranāmāravye coladeśe dvijottamāḥ
sarvāśca sampadastasya putrākhyāṃ sampadaṃ vinā
72.5
dine dine samaidhanta taruṇendoḥ kalā iva
cirakālatapobhiśca dānairhomādibhistathā
72.6
labdhavān kanyakāmekāṃ kāntyā nāgāṅganāmiva
bhāgineyaḥ kaścidāsīt tasya vaiśyavarasya saḥ
72.7
nyavasanmadhurāpuryāṃ mānināṃ dhanināṃ varaḥ
tasmai dātuñca tāṃ kanyāṃ svastrīyāya varāya ca
72.8
bandhubhissaha niścitya sukhenrāsta śriyā'tulaḥ
kālenātha sa jīrṇassan dehaṃ hitvā divaṃ gataḥ
72.9
tamanvagācca tadbhāryā dehaṃ tyaktvā hutāśane
sagotrāssakalatrasya sadācāravato viśaḥ
72.10
aurdhvadaihikakarmāṇi sarvāṇi niravartayan
atha tadbhāgineyāya madhurāpuravāsine
72.11
patrikāṃ preṣayāmāsurevaṃ saṃlikhya bāndhavāḥ
śrīmadguṇanidhe vaiśyavaṃśamuktāphalāmala
72.12
tvanmātulo'tulaḥ kīrtyā sadguṇena ca sampadā
vratāni cakre'patyārthaṃ sabhāryo diṣṭatatparaḥ
72.13
putraṃ na lebhe sahasā bhūyasā tapasā punaḥ
labdhavānkanyakāṃ kāñcidramāmiva manoramām
72.14
tasyāntu jātamātrāyāṃ tāñca sarvadhanāni ca
dātuṃ samutsukastubhyamasmān pratyavadatsadā
72.15
sa jīrṇastridivaṃ prāpa tadbhāryā ca tamanvagāt
tattvayā'tra samabhyetya tatsutāṃ taddhanāni ca
72.16
parigṛhya ca gantavyaṃ madhurāṃ madhurāṃ prati
evaṃ vācikayuktāṃ tāṃ prāptāmāptena patrikām
72.17
unmucya vaiśyavaryasya putraḥ svayamavācayat
sarvodantaṃ mātulasya vijñāyaivaṃvidhaṃ sudhīḥ
72.18
pañcaṣaṭpuruṣaissārdhaṃ taddeśaṃ prati niryayau
dinaiḥ katipayaiḥ prāpya sindhutīraṃ gataṃ puram
72.19
tadjñātibāndhavāṃścaiva dṛṣṭvā sammānitaśca taiḥ
manoharañcādhyuvāsa mātulasya tu mandiram
72.20
vihāya bandhuvacanaiśśokaṃ mātulamṛtyujam
tatraiva divasān kāścinninyāya nayakovidaḥ
72.21
pāṇigrahaṃ kuruṣveti tairukto'khilabandhubhiḥ
madhurānagarīmasmadbandhubṛndasamanvitām
72.22
prāpyaiva pāṇigrahaṇaṃ kariṣye'syā vidhānataḥ
iti bruvan samāpṛcchya bandhūṃstān bandhuvatsalaḥ
72.23
dāsīdāsagaṇaṃ sarvaṃ gomahiṣyādivastu ca
purataḥ preṣayāmāsa yūyaṃ gacchata cāśviti
72.24
preṣayitvā'tha tān paścādāptairanyaissahaiva saḥ
kanyāratnaṃ ca kanakaratnādīni vasūni ca
72.25
ādāya tadbhāgineyaḥ pratasthe madhurāpurīm
śīghraṃ yātuṃ na śaktā'haṃ mandaṃ mandaṃ mayā saha
72.26
gantumarhasi mannāthetyāha kanyā viśāṃ varam
āgatānātmanā sārdhaṃ bāndhavānaparānapi
72.27
satvaraṃ purato yūyaṃ gacchateti vyasarjayat
pratyahaṃ yojanaṃ mātraṃ tayā sārdhaṃ śanaiśśanaiḥ
72.28
gacchatā vaiśyavaryeṇa mārge prāptaśśivālayaḥ
tatra sīsapure kṣetre śivasyātimanohare
72.29
tasmin vāsaṃ ca kṛtavān kanyāparijanaissaha
lakṣmīśādyaissarvadevaiḥ pūjitaṃ liṅgameśvaram
72.31
śeṣādyaiḥ phaṇibhiścāpi niṣeve ca sa sādaram
talliṅgasannidhau kūpaśśamīvṛkṣaśca vidyate
sarvadevamayo vṛkṣassarvatīrthamayaḥ prahiḥ
tatkūpaśāmbare snātvā tacchamīvṛkṣamūlagān
72.32
takṣakādīnnamaskṛtya nāgānanyān bahūnapi
kārayitvā parijanaiḥ pākamannādivastu ca
72.33
bhojayitvā ca tāṃ kanyāṃ sarvaiḥ parijanairayam
svayaṃ ca bhuktvā svajanairvāyusevanatatparaḥ
72.34
śiro nidhāya dehalyāṃ śiśye vaiśyo vidhervaśāt
śiśye sā vaiśyakanyā'pi maṇṭape svajanaissaha
72.35
niśīthe sarpadaṣṭassan mṛtyumāpa sa vaiśyajaḥ
tadavasthāṃ gataṃ dṛṣṭvā manoharavapurdharam
72.36
hāheti rodanaṃ cakruḥ kanyāparijanā bhṛśam
vaktreṣu vakṣassvātāḍya śokāveśavaśena tu
72.37
muṣṭibhyāṃ mūrdhni kurvantī tāḍanaṃ keśaluñchanaiḥ
ruroda dūragā bhūtvā śokārtā sa ca kanyakā
72.38
prāṇabhikṣāṃ diśadhvaṃ me patyurviṣaharā janāḥ
pitrā mātrā vihīnāyā ahīnāyāḥ kulādibhiḥ
72.39
māṅgalyabhikṣāṃ kṛpayā dadadhvaṃ me mahattamām
iti vīthyāṃ rurodeyaṃ kanyā śrotrasu duḥkhadā
72.40
atha tasyāṃ niśāyāṃ ca daivādāgatya tatsthale
sarvajño jñānapūrṇākhyaśśrīmān brahmapurīṃ prati
72.41
gantukāmassa bhagavān tatra sīsapure'vasat
sa tu śuśrāvārdharātre krośanaṃ rodanaṃ bhṛśam
72.42
karṇaśalyamivātyantaṃ duḥkhadaṃ śṛṇvatāmapi
śambhubhaktyā'tulo bālaḥ pārvatīstanyapānataḥ
72.43
sarvajñaśśarajanmaiva jñānapūrṇo mahattamaḥ
vaiśyakanyāvaiśyaputrabhāgadheyapracoditaḥ
72.44
śrīmaddhārāsyamukhyāni śivakṣetrāṇi vīkṣya ca
tatrāgataḥ śivaṃ draṣṭuṃ yatra sīsapureśvaraḥ
72.45
ārtasvaraṃ rodanaṃ ca tasyāḥ śrutvā sa vismitaḥ
kimetaditi vijñātuṃ kaśvicchiṣyamacodayat
72.46
so'pi vijñāpayāmāsa jñātvā rodanakāraṇam
kāruṇyapūrṇahṛdayo jñānapūrṇastvanugraham
72.47
śokārtāyāśca kanyāyāṃ kartumudyogavānabhūt
avilambitamabhyetya sa mṛtaṃ vaiśyapuṅgavam
72.48
dṛṣṭvā ca vigataprāṇaṃ kanyakāyā bhayaṅkaram
sudhārdravapuṣaṃ sāmbaṃ śambhuṃ dhyātvā hṛdaṃbuje
72.49
bhasmādāya svahastena mṛtyuñjayamanuṃ japan
pañcākṣarajapañcāpi nīlakaṇṭhamanuṃ smaran
72.50
mantritaṃ bhasma cikṣepa gataprāṇamukhe'ṅke
vyalokayatsudhādṛṣṭyā svayaṃ guhamayastadā
72.51
vaiśyo'pi labdhaprāṇassan mantraśaktyā tvamoghayā
yathā nidrāvasāne ca tathottasthau mudā hasan
72.52
prāṇapradaṃ praśaṃsanto janāssarve ca kanyayā
praṇemurdaṇḍavavat pādapaṅkajadvayamādarāt
72.53
kanyāparijanāḥ sarve harṣeṇa mahatā yutāḥ
punaḥ sañjātajīvasya cakrurāliṅganaṃ viśaḥ
72.54
ūrujā sā'bhijātā tu na pasparśāvidhānataḥ
dṛṣṭvā tadvaṃśajācāraṃ janāḥ prāpurmahāmudam
72.55
jñānena dayayā pūrṇo mahānvaidikavāraṇaḥ
vaiśyavaryamiti prāha sañjātaprāṇamātmanā
72.56
vaiśyavaṃśadhvajapaṭa vatsa madvacanaṃ śṛṇu
bhāgyavadbhāgineyatvāt bhavān bhāgyavatāṃ varaḥ
72.57
śobhane vā'śobhane vā samprāpte sati karmaṇi
spraṣṭuṃ tayā yogya eva dhruvaṃ mātulakanyayā
72.58
tasmādatraiva tatpāṇiṃ gṛhāṇa tvaṃ vidhānataḥ
vacanānmama viśvasya kāryameva gurorvacaḥ
72.59
iti tadgiramākarṇya guṇināṃ dhanināṃ varaḥ
pratyuttaramuvācedamevaṃ vaidikavāraṇam
72.60
na santi bāndhavā hyatra pāṇigrahaṇakarmaṇi
sākṣiṇo'pi na hi svāmin kartavyaṃ karma tatkatham
72.61
iti tasya vacaśśrutvā kṛtī vaidikadeśikaḥ
yuktiyuktena vacasā bodhayāmāsa taṃ punaḥ
72.62
jātamātrā tu sā kanyā manasā ca girā punaḥ
pitṛbhyāṃ te pradatteti sarve jānanti bāndhavāḥ
72.63
atra śambhuśamīvṛkṣa kūpāstiṣṭhanti sākṣiṇaḥ
sarvasākṣī sundareśassarvajñaḥ paripūrṇakaḥ
72.64
asti sarvatra sākṣī san tavāpyudvāhakakarmaṇi
madhurāyāṃ sameṣyanti jñāpanāya ca sākṣiṇaḥ
72.65
pātivratyaprabhāvena striyāstava viśāṃ vara
tvayā nollaṅghanīyā'dya mamājñā tvaddhitaiṣiṇaḥ
72.66
deśo'pi śambhossānnidhyādviśeṣatara īritaḥ
kālo'pi lagnaprābalyāt sutarāmuttamottamaḥ
72.67
sudeśe ca sukāle ca śubhakarma karoti yaḥ
āyurārogyasampadbhirassārdhaṃ sa ciramedhate
72.68
tasmātkuruṣva sahasā tatpāṇigrahaṇaṃ mudā
tavāpi sarvamaiśvaryaṃ bhaviṣyati na saṃśayaḥ
72.69
iti labdhvā sa tasyājñāṃ tasya sīsapureśituḥ
sannidhāvakarotsadyastatkanyāpāṇipīḍanam
72.70
vedoktena prakāreṇa vidhinā khilasajjanaiḥ
vaidikapravaro vaiśyaṃ svājñākāriṇamāstikam
72.71
svāṃ purīṃ preṣayāmāsa svayameva samāpya ca
vaivāhikaṃ karma sarvamāśīrbharabhinandya tam
72.72
so'pi vaiśyavaraḥ śrīmān kāntayā kamanīyayā
praṇipatya pratasthe ca taṃ guruṃ vayasā gurum
72.73
dāsīdāsagaṇaissārdhaṃ svarṇaratnādibhirdhanaiḥ
mandaṃ mandaṃ pathi sthitvā samprāpa madhurāpurīm
72.74
tatra mātulakanyāyāḥ svasya vaivāhikīṃ kriyām
ūce bandhujanebhyassa te'pi śrutvā pratuṣṭuvuḥ
72.75
tatra bandhujanaiḥ sarvaiḥ pūjitaḥ prītisaṃyutaḥ
priyayā guṇavatyā ca rarājāttulayā śriyā
72.76
mātulasya dhanaissarvaissvakīyaiśca dhanairapi
vāṇijyavardhitairanyairdhanadena samo'bhavat
72.77
kālena lebhe tanayaṃ vinayādiguṇairyutam
vanitāyāṃ vareṇyāyāṃ janitāyāṃ svamātulāt
72.78
puroḍhā vanitā tasya vartate durguṇairyutā
sā sutān sadguṇairhīnān sūte duṣṭaśiromaṇīn
72.79
putrāste jyāyasījātāḥ kanīyasyāssutena ca
pāṃsukrīḍāṃ prakurvāṇāḥ kadācinmātṛlālitāḥ
72.80
sañjanaṃ taṃ durjanāste prahṛtyāmarṣato bhṛśam
prayayuḥ prajavenaiva janayitrīṃ nijāṃ prati
72.81
kanīyasītanūjopi rudanmātaramāpya ca
prahāramagrajakṛtamāhākāraṇamātmanaḥ
72.82
sā'śapattvāṃ praharttāro naśyantviti ruṣānvitā
jyāyasī tadvacaḥ śrutvā kruddhā tāmityabhartsayat
72.83
kā tvaṃ tava tu kā jātiḥ kasya vā bhavatī sutā
tvāntu ko vātra jānāti bhartrā tvaṃ prārthitā na ca
72.84
veśyāvanmama bharttāraṃ prāptā'si vidhinā vinā
madbharttā tāvakaṃ pāṇiṃ nāgrahīdagnisākṣikam
72.85
tvatpāṇigrahaṇe ko'pi sākṣī loke na vidyate
asti cedvada veśyāvat prārthito me patistvayā
72.86
tvaṃ dāsī maddhanaṃ sarvaṃ dhānyañcāpi gṛhaṃ mama
spraṣṭuñca yogyā naiva tvaṃ putrān śapasi me vṛthā
72.87
tvaṃ bharturmātulasutā yadi bhartrā ca te karaḥ
gṛhītaścāpi vidhinā sākṣiṇo'trānayāśu naḥ
72.88
evamuktā sapatnyā sā guṇamukhyā kanīyasī
mandaṃ mandañca tāmāha lajjāvanatakandharā
72.89
prāṇapradānadakṣasya jñānapūrṇasya yoginaḥ
sannidhau vidhivadbhartrā gṛhīto yatra matkaraḥ
72.90
tatra sīsapure ramye samastaduritāpahe
anvayāḥ sākṣiṇaḥ santi śambhukūpaśamīdrumāḥ
72.91
sa eva sundareśānastatra liṅgasvarūpavān
gaṅgādisarvatīrthaikasvarūpaḥ kūpa uttamaḥ
72.92
samastadevarūpā sā śamī cāgnisa্বরূপiṇī
itaḥ parantu vaktavyaṃ mama nāsti tvayā saha
72.93
sarvaṃ jānāti bhartā me krūrā tvaṃ rākṣasī nanu
matpāṇigrahaṇe sākṣī ko'pi nāstīti katthase
72.94
subrahmaṇyāṃśasambhūtaḥ saca vaidikavāraṇaḥ
śiṣyaiṣṣoḍaśasāhasrairyuktaḥ kṣapaṇaśikṣakaḥ
72.95
śrutveti jyāyasī tasyā vākyaṃ prāha punaḥ sma sā
sākṣibhirmama dūrasthaiḥ pramāṇaṃ jāyate katham
72.96
sākṣiṇaścetsamāgatya te sarve'tra viśāṃ puraḥ
yadi vyaktīkariṣyanti sākṣitvaṃ sarvasammatam
72.97
tadā bhavasi śuddhā tvaṃ satīnāñca śiromaṇiḥ
śivaliṅgaṃ śamīvṛkṣaḥ kūpaścāyāntu te trayaḥ
72.98
anyathā tvantu veśyaiva mama bharturna saṃśayaḥ
tena tvāṃ vidhinā'nūḍhāṃ jānanti sakalā janāḥ
72.99
śrutvaivaṃ bandhutāmadhye sapatnīvacanaṃ hriyā
kanīyasī viśaḥ patnī duḥkhenārtyānatānanā
72.100
bhuktiṃ vihāya nidrāṃ ca nināya bahucintayā
tadrātriṃ vatsaramiva bhartāraṃ vīkṣya mauninam
72.101
atha prātassamutthāya bhartuḥ pādau praṇamya sā
sākṣiṇo'trānayiṣyāmi sundareśakṛpābalāt
72.102
kīrttiśca śāśvatī cāstu mama te'pi kulasya ca
bharturājñāṃ puraskṛtya sarvaṃ kāryaṃ striyā yataḥ
72.103
gantumīśālayaṃ me'dya dehi cānumatiṃ priya
iti samprārthayānāntāṃ vīkṣya patnīṃ yavīyasīm
72.104
so'pi bharttā suduḥkhārtastathetyanumatiṃ dadau
bharturājñāmavāpyātha vaiśyakanyā sutena ca
72.105
saṃsnāya hemapadminyāṃ sumīnākṣīṃ praṇamya ca
śrīhālāsyaprabhuṃ śambhuṃ divyaliṅgākṛtiṃ śivam
72.106
dayāsindhuṃ ca bhaktānāṃ sarvāpaddhayahāriṇam
bhaktāyattaṃ pārvatīśāṃ bhuktimuktipradaṃ haram
72.107
anantaduḥkhasindhūnāṃ pralayānalasannibham
satyajñānānandamayaṃ sarvasākṣiṇamīśvaram
72.108
praṇipatya rudantī sā prārthayāmāsa śaṅkaram
śambho mannātha sarvajña samastābhīṣṭadāyaka
72.109
kṛpālaya maheśāna pāpatūlānalāgrima
śrīmatkadambakāntārapurandaravimānaga
72.110
tvadanugrahatassvāmin yadyahaṃ patidevatā
paripālaya māṃ deva mama vijñāpanaṃ śṛṇu
72.111
sīsagrāmasthitā asmatpāṇigrahaṇasākṣiṇaḥ
śambhukūpaśamīvṛkṣā atrāyāṃtvavilambitam
72.112
śrījñānapūrṇayogīndrastvadbhakto yadi satyataḥ
pratyakṣo bhava me svāmin varadassarvasannidhau
72.113
nāgatañce ttrayañcaitat tyakṣyāmyeva kalebaram
iti samprārthitaḥ śambhuḥ patidevatayā tayā
72.114
vijñāya tasyā vrīlāñca duḥkhañca karuṇānidhiḥ
smṛtvā'tha jñānapūrṇañca tatkṛpādṛṣṭipātataḥ
72.115
tenaiva svayamudvāhaṃ kārayitvā'sya vai viśaḥ
preṣitatvācca tasyāpi svasyābhedatvataḥ prabhuḥ
72.116
śrīpūrvajñānasambandhayoginastvapi cātmanaḥ
kṛtāārcāyāśca kanyāyā viśaḥ pratyakṣato'bhavat
72.117
siddharūpaṃ samāsthāya mīnākṣīśaḥ kṛpānidhiḥ
svayaṃbhūtānmahāliṅgāt kṛpādṛṣṭyā vilokya tām
72.118
datvā cābhayamasyāḥ sa samāhūya purastadā
ṣaṭsthūṇamaṇḍape tiṣṭhan smaran tatsākṣiṇo mudā
72.119
āhūya darśayāmāsa svaliṅgeśānakoṇataḥ
dṛṣṭvā tritayametacca sīsagrāmātsamāgatam
72.120
sarve janā vismitāste tayā sākaṃ samāgatāḥ
sevārthamāgatāścāpi praśaṃsuḥ kanīyasīm
72.121
dayāsamudraṃ mīnākṣīramaṇañcāpi śaṅkaram
tasyā bhartā jñātayaśca nindayāmāsurutkrudhā
72.122
patnīṃ jyeṣṭhāṃ durguṇāñca dhikārañcakrurujjasā
śamīvṛkṣasya mūle ye nāgāstakṣakapūrvakāḥ
72.123
te'pyāyātāssundareśasyājñayā bhaktarakṣakāḥ
siddharūpī sundareśaścaivamānāyya sākṣiṇaḥ
72.124
tirodadhe mūlaliṅge sarveṣāmapi paśyatām
jyāyasīṃ sasutāṃ vaiśyo dhikkṛtya niravadyayā
72.125
kanīyasyā sasutayā svagṛhaṃ prāpa bandhubhiḥ
jyeṣṭhā sā durguṇā sarvairgarhitā tyājitā'bhavat
72.126
kanīyasī sundareśakāruṇyārdrakaṭākṣataḥ
vīkṣitā kāṃkṣitāthāṃśca sā labdhvā'tyantadurlabhān
72.127
putreṇa sakalatreṇa bhartrā ca śrīmatā saha
uvāsa muditā bhūtvā kāntyā ca yaśasā śriyā
72.128
ante bhartrā ca sahitā śivalokamavāpa sā
kanīyasī puṇyavatī jñānasambandhavīkṣaṇāt
72.129
agastyaḥ -
catuṣṣaṣṭitamā līlā catuṣkūṭapūreśituḥ
caturdaśa jagatkhyātā caturā gaditā mayā
72.130
imāṃ līlāṃ catuṣṣaṣṭitamāṃ bhaktyā śṛṇoti yaḥ
tasya pāpāni naśyanti vahninā tūlarāśivat
72.131
āyurārogyasaubhāgyaputramitrādisaṃyutaḥ
bhuktvā'tra vipulā nbhogān ante sāyujyamāpnuyāt
72.132
mīnākṣīramaṇasya śrīsundareśasya satkṛpām
labdhvā bhaktiṃ śāmbhavīñca janmahīnaḥ śivaṃ vrajet
72.133
bahunā'tra kimuktena mīnākṣīśakṛpāṃ parām
prāpya śambhoḥ pādayośca niścalāṃ bhaktimāpnuyāt
Linked texts (1)
- Hālāsyairmāhātmya — Sanskrit