Halasyakhanda 73
Hālāsyakhaṇḍa 73
- Language
- Sanskrit
Contents
- 73.168 — 1 part
73.1
iti śrīskānde mahāpurāṇe agastyasaṃhitāyāṃ
hālāsyamāhātmye-śambhukūpaśamīvṛkṣānayanaṃ nāma
saptatitamo'dhyāyaḥ
ekasaptatitamo'dhyāyaḥ
71. phalaśrutiḥ
śrī sūtaḥ -
iti hālāsyanāthasya līlāssarvā anukramāt
provāca kumbhasambhūto vasiṣṭhādimahātmanām
73.2
te śrutvā ṛṣayassarve muktimaṇṭapasaṃsthitāḥ
hālāsyeśasya kṛpayā tasmin bhaktiṃ parāṃ vyadhuḥ
73.3
jīvanmuktā babhūvuśca guruṃ taṃ kumbhasambhavam
matvā kṛtārthā ṛṣayo lopāmudrāsamanvitam
73.4
gandhaiḥ puṣpaissumedhyaiśca pūjayāmāsurādarāt
jāmbūnadamayaiḥ puṣpaiḥ kalhārakamalādibhiḥ
73.5
pativratāśiroratnaṃ tatkalatrañca pūjitam
prājñairmunivarairdivyairambarābharaṇādibhiḥ
73.6
tataḥ sa kumbhasambhūtò vasiṣṭhādimahātmanām
āśīrvāgbhiranantābhiratyantaṃ prītimātanot
73.7
anugṛhya kṛpādṛṣṭyā so'nyān śrotṛjanānapi
tebhyaḥ kāmānapi dadāvihāmutra sudurlabhān
73.8
athātmano dvādaśānte niṣkale'tyantanirmale
śrīhālāsye śivapade śivaprāptyekasādhane
73.9
śrī hālāsyaprabhuṃ śambhuṃ śivaṃ paramakāraṇam
sarvavedāntasaṃstutyamaśeṣapuruṣārthadam
73.10
samastajagadādhāraṃ liṅgamūrtidharaṃ haram
ādimadhyāntarahitaṃ vibhuṃ somaṃ parātparam
73.11
niścalena ca cittena nirmalena vibhāvya ca
anubhūya śivānandaṃ tanmayo'bhūtsa kumbhajaḥ
73.12
vasiṣṭhādyā muniśreṣṭhā vaibhavaṃ sundareśituḥ
śrutvā tamīśvaraṃ draṣṭumautsukyaṃ sutarāṃ dadhuḥ
73.13
athāgastye samādhiśca visṛjyonmīlite sati
punastaṃ prārthayanti sma nikhilā munipuṅgavāḥ
73.14
bhagavan kumbhasambhūta gurubhūtastvameva naḥ
tvadguruṃ sundareśānaṃ darśayasva jagadgurum
73.15
vārāṇasīmahākṣetre maṇikarṇyastaṭe śubhe
haraḥ pratyakṣatāmetya cittaśuddhiṃ vyadhāddhinaḥ
73.16
dayāvatastava mukharākācandraviniḥsṛtam
jīvanmuktipureśānāpadāmṛtamadbhutam
73.17
pītvā paraṃ susantuṣṭāḥ kṛpayā tava sadguro
śṛṇvatāṃ paṭhatāṃ bhaktyā jīvatāmapi muktidam
73.18
jantūnāṃ sumahājñānapāśamūlaharaṃ param
paramāmṛtasamprāptyai sarvaissadbhirupāsitam
73.19
śrīhālāsyaṃ śivakṣetraṃ śravaṇādapi siddhidam
praveśamātrājjantūnāṃ jīvanmuktadaśāpradam
73.20
jīvanmuktipurākhyāñca bibhrāṇaṃ paradurlabhām
sadyo gantavyamasmābhirjīvanmuktimabhīpsubhiḥ
73.21
kṛpālo rakṣa rakṣāsmān darśayitvā ca tatsthalam
tattīrthāgryaṃ śivārakhyaṃ ca liṅgānāmādimaṃ ca tat
73.22
tāpatrayaharaṃ puṇyaṃ vasatāṃ prāṇināṃ param
iti samprārthitassarvairvasiṣṭhādimunīśvaraiḥ
73.23
bhagavān kumbhasambhūto hālāsyeśe'tibhaktimān
ānandātiśayenāśu sānandāśruvilocanaḥ
73.24
tathā kariṣya ityūce harṣagadgadayā girā
anyedyuḥ prātarutthāya nityakṛtyaṃ vidhāya saḥ
73.25
maṇikarṇṇāṃ mahātīrthe viśvanāthaṃ praṇamya ca
viśālākṣīṃ viśvanāthaṃ natvā ḍuṇḍivināyakam
73.26
daṇḍapāṇiṃ ca natvā'tha purīṃ sarvāṃ vilokya ca
natvā pradakṣiṇīkṛtya sarvairmunigaṇairvṛtaḥ
73.27
akarodrantumudyogaṃ śivalokaṃ bhuvi sthitam
pativratāśiroratnakalatreṇa ca saṃyutaḥ
73.28
tapovimānamāruhya saśiṣyassa nabho'gamat
vasiṣṭhādimunīndrāśca svatapobhiḥ kṛtāni ca
73.29
vimānānyadhiruhya drāganujagmurghaṭodbhavam
ābhāti kumbhasambhūtastaissamastairmunīśvaraiḥ
73.30
tāratārāparivṛto rākācandra ivāmbare
śiṣyairanekaikastejiṣṭhairbhūṣitaṃ kumbhajanmanaḥ
73.31
vyomayānaṃ vālakhilyaiḥ bhāti bhānorvimānavat
puṣpitān puṇyavṛkṣāṃśca supakvaphalasaṃyutān
73.32
puṇyā nadīśca gaṅgādyāḥ sarāṃsi vividhāni ca
tapovanāni puṇyāni sacitraśca vanasthalīḥ
73.33
śrīśailapramukhān śailān śivenādhiṣṭhitān parān
prāsādairgopurairuccaiḥ prākāraiśśobhitāni ca
73.34
śivakṣetrāṇyanantāni śrīmatkāñcyādikāni ca
vilokya vismito bhaktyā mudā ca paraṃyā yutaḥ
73.35
teṣāṃ māhātmyamakhilaṃ vadan tāni namanmuniḥ
śrīhālāsyaśivakṣetrasīmāṃ prāpa maharṣibhiḥ
73.36
śrī hālāsyamahāsālaṃ gopurairatirājitam
dadarśa kumbhasambhūtaścakravālādrisannibham
73.37
vimānādavaruhyāśu vasiṣṭhādyairmunīśvaraiḥ
sārdhaṃ praṇāmamakarottasmai sālavarāya saḥ
73.38
tataḥ kadambavipinaṃ śivasya munibhissaha
gopurāṇi namaścakre vimānañca mahādbhutam
73.39
tataḥ praviviśuḥ sarve jīvanmuktipradāṃ purīm
jīvanmuktā bhavāmo'dyetyatiprītā munīśvarāḥ
73.40
tato vegavatīṃ prāpya sākṣādgaṅgāṃ samāgatām
purā śirasi śambhośca sthitāṃ paścācchivājñayā
73.41
samāgatāṃ nadīrūpāṃ bhogamokṣapradāyinīm
samantraṃ vidhinā snātvā tatra cakrurmunīśvarāḥ
73.42
tarpaṇādīni vidhivaddevarṣipitṛtṛptaye
athottaraśrīhālāsyaliṅgaṃ saṃsevya ceśvarīm
73.43
natvā punaḥ punaḥ śambhuṃ pradakṣiṇavidhānataḥ
saptasāgaratīrthe ca saṃsnāya kṛtatarpaṇāḥ
73.44
tatra datvā ca dānāni bhojayitvā dvijānapi
devādīnāmatiprītimakurvanmunipuṅgavāḥ
73.45
saptasāgaratīrthañca sāgaraissamadhiṣṭhitam
śivatīrthe samāyātaṃ mahacchaṃbhuvinirmite
73.46
kaleragre hyādikāle pūrvasyāṃ diśi cāgrataḥ
svasvanāmayutaṃ saptadikṣu muktidamātmanām
73.47
sampūjya praṇatiṃ cakrustīrthañcāpi pradakṣiṇam
atha hemābjinītīrthaṃ prāpya kumbhabhavena te
73.48
saṅkalpāghaharairmantraiḥ saṃsnātaḥ śubhabhasmanā
ālipyāṅgānyaśeṣāṇi dhṛtvā caiva tripuṇḍrakam
73.49
tathā rudrākṣamālāśca samastāghaharāḥ parāḥ
mūrdhnā kaṇṭhena bāhubhyāṃ dhṛtvā sarve munīśvarāḥ
73.50
abhīṣṭasiddhidaṃ siddhivināyakamupāsya ca
ṣaḍānanaṃ barhivāhaṃ namaskṛtya vinutya ca
73.51
sumīnākṣīṃ mahādevīṃ dṛṣṭvā natvā prapūjya ca
pradakṣiṇakrameṇaiva caṇḍeśīṃ sampraṇamya ca
73.52
punaḥ punarnamaskṛtyā stavaiḥ stutvā stavapriyām
sutarāṃ prīṇayāmāsurmīnākṣīṃ munipuṅgavāḥ
73.53
sā'pi devī dadau tebhyaḥ pratyakṣībhūya śāṅkarīm
bhaktiṃ svapādapadme ca aiśvaryamaṇimādikam
73.54
atha pradakṣiṇīkṛtya sundareśālayaṃ dvijāḥ
vṛṣabhāgre sampraṇamya dvārapālau praṇamya ca
73.55
nandikeśañca suyaśāṃ namaścakrurmudā'nvitāḥ
atha divyavimānasthaṃ liṅgānāñca samaṣṭikam
73.56
ādiliṅgaṃ maheśasya kaivalyādbhutarūpiṇaḥ
dṛṣṭvā bhaktyā paravaśā abhavanmunisattamāḥ
73.57
atha praṇamya prastutya stutyaṃ taṃ somasundaram
vidhinā pūjayāmāsuḥ ṣoḍaśairupacārakaiḥ
73.58
pūjāṃ samāpya sarve'pi hyagastyamuninā dvijāḥ
prākāraṃ parivṛtyādyaṃ namaskṛtyā munīśvarāḥ
73.59
śrīrudraiḥ sampraṇamyeśaṃ stutyaṃ taṃ sundareśvaram
stotrairbahuvidhaiḥ stutvā dhyātvā liṅgañca cinmayam
73.60
pūjāṃ samāpya sarve'pi hyagastyena samanvitāḥ
īśasyāgre vṛṣeśañca namaskṛtyātibhaktitaḥ
73.61
sarvatīrthāśritāṇḍañca^1 spṛṣṭvā tannandinaśśubham
madhye viṣāṇayordṛṣṭve liṃgaṃ viśveśituḥ śivam
73.62
hālāsyaliṅgaṃ mālābhirveṣṭitaṃ cotpalādibhiḥ
satāraṃ sarvamantrādyaṃ pañcākṣaramaghāpaham
73.63
haraśabdaṃ puraskṛtya dvivārañca trivārakam
uccaiḥ sarve paṭhanti sma dhyātvā hṛdi maheśvaram
73.64
teṣāntuṣṭaḥ sundareśo munīnāṃ bhaktipūjanaiḥ
sudhāmayātsvayaṃbhūtānmahā liṅgāccirantanāt
73.65
śrī hālāsyapatiḥ śambhurāvirāsītpurastadā
koṭisūryapratīkāśaḥ saccidānandavigrahaḥ
73.66
varadābhayahastābhyāṃ virājitatanuḥ śivaḥ
paraśvathaiṇahastābhyāṃ divyavastradharo yuvā
73.67
mīnākṣyā sahitaḥ śambhurvṛṣabhopari susthitaḥ
varado'smi prasanno'haṃ yuṣmākaṃ munipuṅgavāḥ
73.68
vṛṇīdhvamiṣṭān dāsyāmi varān devasudurlabhān
iti śrutvā śivenoktaṃ vacanaṃ munipuṅgavāḥ
73.69
harṣāśrupūrṇanayanāḥ stuvanto nitarāṃ śivam
bhaktimeva sthiratarāṃ vavrire tatpadadvaye
73.70
teṣāṃ stavaiḥ śivastuṣṭa uvāca munipuṅgavān
yuṣmadbhaktiprabhāvena bhuktermukteśca hetunā
73.71
mayā prītena yuṣmākamiha bhuktiḥ paratra ca
dattā muktiśca sāyujyarūpiṇī paramāmṛtā
73.72
sarvalokahitārthāya rahasyaṃ prabravīmi vaḥ
bhūlokaśivalokākhyā madīyeyaṃ mahāpurī
73.73
nāmataścārthataścāpi jīvanmuktapurīti ca
bhuktiṃ muktiśca yugapadye vāñchanti mahītale
73.74
nivasantīha te sarve śrī hālāsye'tipāvane
śrī hālāsyamidaṃ pāpatūlakālānalopamam
73.75
pāpino'pi praviśyātra jīvanmuktā nirenasāḥ
jaṅgamatvaṃ gatā ye ca sthāvaratvañca ye gatāḥ
73.76
jīvanmuktāśca te sarve jīvanmuktipurīṃ gatāḥ
kāśyādipuṇyakṣetreṣu dehānte muktirīritā
73.77
muktā jīvanta evāsan śrī hālāsyapure janāḥ
jīvantaśca bhavanto'dya muktā eva munīśvarāḥ
73.78
matsamo'gastya evāyaṃ tatpatnī matpriyāsamā
tayoḥ kṛpādṛgviṣayaḥ ko vā saṃsāraduḥkhabhāk
73.79
śāstre samādhau niyame sarvajño'gastya eva saḥ
tatcountsamona hi lokeṣu matsvarūpavimarśane
73.80
tasmātsarvajñatā tasya sarvānugrahakāriṇī
tatsarvajñatayā yūyaṃ kṛtārthāḥ eva satyataḥ
73.81
munīśvarāniti procya kṛpālussundareśvaraḥ
varadābhayapāṇibhyāmaspṛśatkumbhasambhavam
73.82
madbhaktānāmagragaṇya mahātman kumbhasambhava
śrīhālāsye sarvasiddhayai tiṣṭha sarvairmunīśvaraiḥ
73.83
bhuktiṃ vindata muktiñca tridaśairapi durlabhām
mahākṣetre nivasata hālāsye nṛttabhūtale
73.84
ādikṣetre matsvarūpe parāśaktimaye mama
ityuktvā mīnanetreśaḥ kṛpādṛṣṭyā vilokya tān
73.85
svāyambhave sundarego liṅge'ntardhimaśiśrayat
munīśvarāśca te sarve kumbhajena mudaṃ parām
73.86
prāpurdṛṣṭvā brahma paraṃ satyaṃ jñānasukhātmakam
śivapuṇyeṣu sarveṣu śivaprītikareṣu ca
73.87
liṅgapratiṣṭhāpuṇyaṃ hi paramaṃ munipuṅgavāḥ
tatkurudhvaṃ mama sthāna itīśoktaṃ purā vacaḥ
73.88
smṛtvā saṃsthāpayāmāsuḥ śambhorliṅgāni tatsthale
yeṣāṃ darśanamātreṇa bhuktirmuktiḥ kare sthitā
73.89
ṛṣisaṃsthāpitairliṅgaiḥ kadambavanamaiśvaram
ānandakānanamiva bhāti śaivapuraṃ tviha
73.90
bhagavān kumbhasambhūtaḥ kadambavanamadhyataḥ
pratīcyāṃ sundareśasya liṅgaṃ saṃsthāpya cārcayat
73.91
apare ca vasiṣṭhādyāḥ saṅkhyayā'ṣṭasahasrakāḥ
svasvanāmnā sthāpitāni liṅgānyabhyarcya santatam
73.92
sundareśamahāliṅgaṃ sevayitvā trikālata ḥ
dvādaśāntasthānagataṃ naṭeśaṃ samprapūjya ca
73.93
mīnākṣīmapi saṃsevya muktāścānte munīśvarāḥ
nityatvapadamāptā ye te'dyāpi munisattamāḥ
73.94
vasanti tatra saṃpūjya mīnākṣyā sundareśvaram
śrīsūtaḥevaṃ hālāsyamāhātmyaṃ śrutvā bhaktyā munīśvarāḥ
73.95
tatra gatvā kṛtārthāśca nityānandayujo'bhavan
bhavantopi muniśreṣṭhāstatra gatvā mayā saha
73.96
śrīhāclass="none"lāsyeśvaraṃ dṛṣṭvā kṛtakṛtyā bhaviṣyatha
śrīhāclass="none"lāsye śivakṣetre sundareśo'mbayā saha
73.97
mahākāruṇiko bhūtvā sarvānugṛhakṛtsadā
catuṣṣaṣṭividhā līlāḥ kṛtvā naikavidhāstathā
73.98
liṅgarūpī mahādevyā mīnākṣyā saha rājate
tathā cidambareṇādimūrtibhiścaśaktibhissaha
73.99
dakṣiṇāmūrtirūpeṇa siddhabhikṣāṭanādibhiḥ
tīrthānāṃ mahatāṃ madhye brahmāṇḍāntaravartinām
73.100
hemapadmākaraṃ tīrthaṃ mahattaramitīritam
madhye maheśakṣetrāṇāṃ taddhālāsyaṃ mahattaram
73.101
mahāpāpaharatvācca mahāpuṇyapradānataḥ
mervādikṣetrajātānāṃ liṅgānāṃ mahatāmapi
73.102
śrīhālāsyeśvarāravyañca mūlaliṅgaṃ mahattaram
parāt parataraṃ kṣetraṃ tīrthaṃ liṅgañca pāvanam
73.103
etattritayamekatra sthale sambhūya vartate
loke tattritayasyāpi samaṃ vā'pyadhikaṃ na hi
73.104
kṣetraṃ tīrthañca liṅgaṃ vā satyaṃ satyamṛtaṃ punaḥ
viśiṣṭataramārakhyātaṃ tritayaṃ sarvabhūtale
73.105
tasmātsvātmahitāpekṣī tāni samyak sadāśrayet
yuṣmatkṛtasya praśnasya mayoktaṃ samyaguttaram
73.106
viśiṣṭataramārakhyānaṃ sthalaṃ liṅgañca śāśvatam
tīrthañca sarvapāpaghna mekaikaṃ kiṃ punastrayam
73.107
śrīsūtaḥetaddhālāsyamāhātmyaṃ ye śṛṇvanti paṭhanti ca
patraiḥ puṣpaissamabhyarcya dhūpanaivedyapūjanaiḥ
73.108
pustake nityamabhyarcya mīnākṣīsundareśvarau
pūjayitvā brāhmaṇāṃśca mīnākṣīśaḥ prasīdatu
73.109
iti buddhyā sundareśabhaktiyuktasudhīmukhāt
śṛṇuyurniyamānnityaṃ māhātmyaṃ sundareśituḥ
73.110
teṣāṃ pāpāni naśyanti vahninā tūlarāśivat
śivaḥ prīto bhaved devyā mīnākṣyā sundareśvaraḥ
73.111
iha loke mahābhogān bhuktvā putrādisaṃyutāḥ
jīveyurvarṣaśatakamādhivyādhivivarjitāḥ
73.112
ante vimānamāruhya divyabhogasamanvitāḥ
nandanti priyamodādyaiḥ kailāseṣu śivapriyāḥ
73.113
sārūpyādipadaṃ labdhvā sāyujyamapi cāpnuyuḥ
yasmindeśe ca śṛṇvanti māhātmyaṃ sundareśituḥ
73.114
karoti tatra sānnidhyaṃ mīnākṣyā sundareśvaraḥ
taṃ deśaṃ samalaṅkṛtya vitānādyaiḥ sutoraṇaiḥ
73.115
puṣpaiśca dhūpadīpādyaistatra saṃśṛṇuyādidam
devālaye nadītare maṭhe vā śuddhabhūtale
73.116
ekavāraṃ dvitricaturvāraṃ vā śṛṇuyānnaraḥ
jīvanvarṣaśataṃ sāgraṃ bhogān bhuktveha bāndhavaiḥ
73.117
caturvidhāṃ prāpnuyācca muktiṃ satyaṃ punaḥ punaḥ
hālāsyeśvaramāhātmyavaktāraṃ śivarūpiṇam
73.118
sambhāvyābhyarcya puṣpādyairbhojayitvā ca ṣaḍrasaiḥ
śṛṇuyādekamadhyāyaṃ dvitrirvā niyamena tu
73.119
adhyāyārdhaṃ pādamapi śṛṇuyānnityaśaḥ pumān
jīvanmukto bhavetsadyaḥ śrāvakaḥ pāṭhako'pi ca
73.120
sundareśaṃ śivaṃ dhyātvā samāptau pāṭhakaṃ punaḥ
tulāpuruṣadānādyaistoṣayedbhūmipo yadi
73.121
dhanī ca vittaśāṭhyañca tyaktvā śaktyā prapūjayet
sadgūhiraṇyavastrādidhanadhānyādivastubhiḥ
73.122
vicitrakarṇābharaṇairaṅgulīyaiśca kāñcanaiḥ
pītāmbaraiḥ paṭṭavastrairdukūlairnūtanāṃśukaiḥ
73.123
pūjayettaṃ devabuddhyā sundareśārpaṇantvidam
iti tāmbūlasahitaṃ dhārāpūrvaṃ pradāpayet
73.124
tasmai dattaṃ dhanaṃ sarvaṃ sundareśārpitaṃ bhavet
śivastasmin sannidhānaṃ karotyevāmbayā saha
73.125
sundareśastasya vāci mīnākṣyā nṛtyati svayam
tasmānmāhātmyavaktāraṃ dhanādyaistoṣayet budhaḥ
73.126
taṃ guruṃ bhāvayitveśaṃ śṛṇuyādbhaktitaḥ kathām
prīto bhavati teṣāñca sundareśo'khilārthadaḥ
73.127
mīnākṣīśaprītaye'tha samāptau bhojayeddvijān
sahasranāmabhiścārcya śatānāṣṭottaranāmabhiḥ
73.128
catuṣṣaṣṭyā nāmabhirvā tallīlāvācakena tu
dvādaśāṣṭasu sañcātanāmabhirvārcya sadbhijān
73.129
bhojayecchivabhaktāṃśca sundareśaḥ prasīdati
annasañcākavarṣāṇi śivaloke vasedgaṇaḥ
73.130
bhaktyā śrotā ca vaktā ca śrāvakaḥ pūjakastathā
vṛjināni vihāyāsau śivabhaktimavāpya ca
73.131
anubhūyākhilaṃ saukhyamiha loke paratra ca
ante sāyujyarūpāñca muktiṃ samprāpnuyāddruvam
73.132
punaḥ punaḥ phalaṃ proktaṃ śraddhāvṛddhayai dvijottamāḥ
yasmindine samārabdhaṃ hālāsyeśvaravaibhavam
73.133
taddinañca samārabhya tatsamāptidināvadhi
ekaikaṃ vā dvijaṃ bhaktyā pāṭhakena śivapriyam
73.134
bhojayitvā ca śṛṇuyācchrotā tadbhaktisaṃyutaḥ
vyākhyāpīṭhe samāstīrya kṣaumādyaṃ navavastrakam
73.135
sundareśvaramāhātmyapustakaṃ tasya cālayam
śrīmīnākṣyāśca nilayaṃ paṭṭasūtrādyalaṅkṛtam
73.136
gandhaiḥ puṣpairccayitvā dhūpadīpādibhistathā
paramānnādinaivedyaiḥ phalāpūpādisaṃyutaiḥ
73.137
nivedya sundareśāya sāmbaṃ dhyātvā phalapradam
karpūracūrṇasaṃyuktaṃ tāmbūlañca nivedya ca
73.138
kṛtvā pradakṣiṇañcāpi namaskāraissahādarāt
māhātmyamakhilaṃ bhaktyā śrotavyaṃ bhogalipsubhiḥ
73.139
avyagraḥ śṛṇuyāditthamanyālāpavivarjitaḥ
evaṃ saṃśṛṇvataḥ śrotre nṛtyatīśassahāmbayā
73.140
śrūyamāṇasya vai vighnaṃ māhātmyasya karoti yaḥ
madhye sa sarvapāpaiśca yukto nirayameṣyati
73.141
sundareśasya māhātmya śrotāro bodhakāśca ye
śṛṇvantamanumodante te sarve muktibhāginaḥ
73.142
evaṃ saṃśṛṇvatāṃ puṃsāṃ bhaviṣyati mahatphalam
uccāsane guruṃ sthāpya śrotā nīcāsanasthitaḥ
73.143
śraddhayā śṛṇuyānnityaṃ bhāvayan gurumīśvaram
evaṃ niyamasaṃyukto māhātmyaṃ śṛṇuyādyadi
73.145
sundareśvarabhaktaḥ san sarvān kāmānavāpnuyāt
samaṣṭividyānagarīnāthamāhātmyasaṃśravāt
sarvakṣetrasya māhātmyaṃ śrutameva bhaveddhruvam
ekāṅgasyāye śravaṇato'pyaśvamedhādhikaṃ phalam
73.146
bhaviṣyati na sandehaḥ śrotṝṇāṃ bhaktitaḥ sakṛt
ślokaikaśravaṇāccāpi agniṣṭomaphalaṃ bhavet
73.147
idaṃ hālāsyamāhātmyaṃ śravaṇāt sarvasiddhidam
mayā yuṣmākamākhyātaṃ vikhyātaṃ viṣṭapatnaye
73.149
sarvapāpapraśamanaṃ sarvavighnavināśanam
sadyassukhakaraṃ puṃsāṃ māhātmyaṃ madhurāpateḥ
brahmaghno madyapaḥ svarṇasteyī ca gurutalpagaḥ
tatsaScreensaṃyogī bhrūṇahantā mātṛhā pitṛhā tathā
73.150
viśvāsaghātī garadaḥ kṛtaghno mitraghātakaḥ
agnido govadhakaro gurudravyāpahārakaḥ
73.151
evamādimahāpāpairyuktaścāpyupapātakaiḥ
mucyate śraddhayā śrutvā śrīmaddhālāsyavaibhavam
73.152
sarvatra pūjyo bhavati sarvatra vijayī bhavet
sarvatra sukhamāpnoti śrutvā māhātmyamaiśvaram
73.153
catuṣṣaṣṭividhābhiśca līlābhiradhikānbhutam
hālāsyeśasya māhātmyaṃ śṛṇuyādyaśca vai sakṛt
73.154
śrāvayedvāpi tadbhaktān śambhubhaktiparāyaṇaḥ
sadyo niṣpāpatāmeti devādīnāṃ priyo bhavet
73.155
iha bhuktvā'khilān bhogān putrapautrādisaṃyutaḥ
jīvanmuktimapi prāpya śivasāyujyameṣyati
73.156
hālāsyeśvaramāhātmya śravaṇaṃ kurute ca yaḥ
putrakāmo labhet putraṃ dhanakāmo dhanaṃ labhet
73.157
rājyakāmo labhedrājyaṃ sarvaśatruvirjitam
bhūmyāṃ sakalatīrtheṣu snātasya sakalaṃ phalam
73.158
ekavāraśraveṇaiva satyamasya bhaviṣyati
mahārogayutaścāpi rogātsadyaḥ pramucyate
73.159
śatrūṇāṃ vijayārthāya māhātmyaṃ sundareśituḥ
śṛṇuyādyadi sarvāṃśca śatrūn jeṣyati pārthivaḥ
73.160
bahunā'tra kimuktena yaṃ yaṃ kāmaṃ hṛdīcchati
taṃ taṃ kāmamavāpnoti kṛpayā sundareśituḥ
73.161
hālāsyeśvaramāhātmyavaktāraṃ taṃ guruṃ budhaḥ
sarvābharaṇavastrādyairalaṅkṛtya śivaṃ smaran
73.162
śibikāyāmathāropya gandhamālyādibhūṣitam
purapradakṣiṇaṃ kṛtvā sarvavādyaissughoṣitam
73.163
gṛhaṃ praveśayet śrotā tasya cāśiṣamāpya saḥ
sundareśasya yajate yatphalaṃ tadavāpnuyāt
73.164
śrīmaddhālāsyamāhātmyaṃ paṭhyate yatra saddvijaiḥ
tatra sānnidhyakṛcchambhuḥ sundareśaḥ sahāmbayā
73.165
śrīmīnākṣyā svaśaktyā ca śrotṝṇāṃ phalado bhavet
śaṛṇvatāñcaiva yuṣmākaṃ bhaktiśśrīsundareśituḥ
73.166
śrī mīnākṣyāḥ pādayośca niścalā'stu dvijottamāḥ
sarvatra vijayaścāstu yuṣmākaṃ sarvamaṅgalam
73.167
sarvastaratu durgāṇi sarvo bhadrāṇi paśyatu
sarve sadgatimṛcchantu sarveṣāmastu maṅgalam
73.168
vande hālāsyanagarīṃ vande hemābjinīmapi
vande sumīnanayanāṃ vande sundaranāyakam
73.168.p1
iti samprārthya sarvajñaḥ sūtaḥ sarvānmunīśvarān
kṛpādṛṣṭyā'nugṛhyātha śivadhyānaparo'bhavat
iti śrīskānde mahāpurāṇe agastyasaṃhitāyāṃ
hālāsyamāhātmye catuṣṣaṣṭilīlāśravaṇaphalakathanaṃ
nāmaikasaptatitamo'dhyāyaḥ
kūṟiyataik kēṭṭaṉar. akastiyarukkum avaratu maṉaivi
lōpāmūttiraikkum nallāṭai mutaliyavar̆ṟait tantu
pārāṭṭiṉar. akastiyar taṉatu sahasrārattil
hālāsyanātaṉāṉa suntarēcap perumāṉai cittam
nilaiper̆ṟavarākat tyāṉittu īcaṉaik kaṇṭār. vasiṣṭar
mutalāṉōrum iṟaivaṉait taricikka virumpiṉar. akastiyar
ataṉai ēr̆ṟu maṟunāḷ maṇikarṇikaiyil nīrāṭi vicvēcvarar,
vicālāṣi, ṭuṇṭi vināyakar, taṇṭa nātar mutalāṉōrai
vaḻipaṭṭu vasiṣṭar mutalāṉōruṭaṉ vimāṉattil ēṟi
vāṉamvaḻiyē pala civa kṣēttiraṅkaḷaik kaṭantu
hālāsyam vantu cērntār. civaṉatu talaiyiliruntu peru
kiveḷivanta vaikaiyil nīrāṭi vaṭa maturai īcaṉai vaḻipaṭṭu
saptasākaratīrttattil nīrāṭi ataṉai valam vantu
por̆ṟāmaraik kuḷattil nīrāṭi vipūtiyum rutrākṣamum
tarittu sitti vināyakaraiyum skantaraiyum mīṉākṣiyaiyum
suntarēcaraiyum tutikaḷpāṭi ellōrum āṉantattuṭaṉ
vaḻipaṭṭaṉar. īcaṉatu muṉṉuḷḷa viruṣapattai ōm hara
eṉak kūṟi viruṣapattiṉ iru kompukaḷukkiṭaiyē
civaṉait taricittuttut tutittaṉar. mūlaliṅkattiliruntu
civaperumāṉ tēvi mīṉākṣiyuṭaṉ veḷippaṭṭu
aruḷpurintār. "akastiyar tavattilum samāti nilaiyilum
eṉakkuc camamāṉavar. ellām aṟinta avaratu vākkāl
hālāsyattiṉ perumaiyai uṇarnta nīṅkaḷ
pākkiyacālikaḷ eṉak kūṟi akastiyarait tam kaikaḷāl
toṭṭu aruḷ purintār.
civa puṇṇiyap paṇikaḷil liṅkattai stāpippatu
mika mēlāṉatu. vasiṣṭar mutalāṉōr ellā tikkukaḷilum
liṅkaṅkaḷai stāpittu vaḻipaṭṭu mar̆ṟavarai vaḻipaṭac
ceytaṉar.
Linked texts (3)
- Hālāsyamāhātmya — Sanskrit
- Kāśīpurāṇa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit