Kedarakhanda 136

Kedārakhaṇḍa 136

skaṃda uvāca || atha kāleśvarī devī procyate bhaktavatsalā
yamunāpaścime bhāge sarvasiddhipradāyinī

tatra kāleśvaro nāma mahādevo mahārthadaḥ || tasya darśanamātreṇa kailāsanilaye
vasat

devajuṣṭā nadī tatra puṇyagamyā śivapradā || yamunāsaṃgatā yatra kṣetraṃ puṇyatamaṃ smṛtam

yatrarṣayaḥ purā sarve
śivapūjanatatparāḥ || lebhire sarvavidyāśca tataḥ puṇyatamaṃ smṛtam

yamunāsnānamātreṇa kṛtakṛtyo bhavennaraḥ || yenaikavāramapi
vai kṛtaṃ snānamiha dvija || yamalokaṃ na gacchet sa paśyecca paramaṃ padam

yamunāyāṃ tathā snātvā saṃtarpya pitṛdevatāḥ
sūryalokaṃ samāsādya brahmaloke mahīyate

gaṃgā ca yamunā caiva sare trailokyapāvane || yayordarśanamātreṇa śivatāṃ yāti
mānavaḥ

śatajanmārjitaiḥ pāpairmucyate nātra saṃśayaḥ || yasya bhāgyavaśānmṛtyuryamunāyāstaṭe bhavet || sa labhedbrahmasāyujyaṃ na
sa bhūyo'bhijāyate

prasaṃgādvā balātkārādbhaktyā'bhaktyāpi mānavaḥ || yo gacchedyamunāṃ dhīro nāsti tatsadṛśo bhuvi

tāvadgarjanti pāpāni brahmahatyādikāni ca || yāvanna jāyate snānaṃ yamunāyāṃ mahāmate

tāvadyamaḥ prabhavati śreṣṭhaḥ
pāpāddhi śāsitum || yāvacca sūryajāsnānaṃ na karoti mahāmate

yadi bhāgyena labhate sūryagrahaṇapūrvakam || kurukṣetrābhi
ghātkāśyāḥ phalaṃ koṭiguṇaṃ labhet

truṭimātramapi svarṇaṃ dadātidvijamūrttaye || sa yāti paramām̐llokāndaridro na bhavetpu
naḥ

pitṛvaṃśyāśca ye kecinmātṛvaṃśyāstathāpare || guru śvaśurabaṃdhūnāṃ tathā vaṃśyā mahāmune || prayāṃti paramaṃ sthānaṃ prāpya
piṃḍodake'tra vai

yamunāsnānamāhātmyaṃ vaktuṃ kenāpi śakyate || nāhaṃ varṣaśatairvaktuṃ śaknomi munivaṃdita

yatra
kutrāpi saṃhṛṣṭā yasmin kasminnapi kṣaṇe || snātāvagāhitā pītā hṛṣṭā pāpapraṇāśinī

iti te kathitaṃ divyaṃ yamunā
vaibhavaṃ varam || yasya śravaṇamātreṇa yamunāsnānajaṃ phalam || labhate sutarāṃ vipra mṛto brahmapure vaset

iti śrīskāṃde kedārakhaṃḍe yamunāmāhātmyavarṇanaṃ nāmaikatriṃśadadhikaśatatamo'dhyāyaḥ

Linked texts (1)