Pramāṇa · Search · About · API

Kedarakhanda 142: Bhuvaneśīpīṭhamāhātmyavarṇanam

Kedārakhaṇḍa 142

Language
Sanskrit

Contents

Bhuvaneśīpīṭhamāhātmyavarṇanam

142.1

nārada uvāca || atra cānyāni tīrthāni
tathā ca sariduttamāḥ || śivālayāṃśca vividhānvada skaṃda savistarāt

142.2

skaṃda uvāca || śṛṇu vipra pravakṣyāmi puṇyānyāyatanāni
ca || yeṣāṃ śravaṇamātreṇa sarvapāpaiḥ pramucyate

142.3

tasmādeva mahāpīṭhādakṣiṇasyāṃ samīpataḥ || nāgeśvaro mahādevaḥ sarvasaṃpattivardhanaḥ

142.4

tatra nāgāḥ purā vipra tapastepuḥ suduṣkaram || mahādevaparā dāṃtāḥ paramaṃ tapa āsthitāḥ

142.5

prāpuḥ paramikāṃ siddhimatra pīṭhe
sadāśivam || dadhvantau mahātmānastasmānnāgeśvaro mataḥ

142.6

yatra saṃti mahātmāno munayaḥ siddhacāraṇāḥ || devāśca śaktisahitāstatra
pīṭhe śubhaprade

142.7

yastatra rudramaṃtraistu samādhistho jiteṃdriyaḥ || saṃpūjayati nāgeśaṃ tasya puṇyaphalaṃ śṛṇu

142.8

sarvayajñeṣu yatpuṇyaṃ
hayameyādiṣu dvija || yattīrthagamanaiḥ śaśvattathāṃbudhinimajjanaiḥ || tatpuṇyaṃ koṭiguṇitaṃ bhavedatra na saṃśayaḥ

142.9

yathāśaktyā
rudrasaṃkhyāṃ karotīśābhiṣecanam || tathā kārayate'nyasmātsopi sopi mahāmate

142.10

sarvarogaiḥ parityaktaḥ sarvaiśvaryasamanvitaḥ
putrapautrādibhiryukto bhavetsucirajīvanaḥ

142.11

saṃbhujya bhogānvividhānaṃte śivalayaṃ vrajet

142.12

tatra bhogavatī nāma dhārā
paramapāvinī || tatpayaḥpānamātreṇa labhate paramaṃ padam

142.13

saṃstauti yo rudramaṃtrai rudraṃ tribhuvaneśvaram || sa yātiṃ paramaṃ sthānaṃ yatra
devaḥ sadāśivaḥ

142.13.p1

iti śrīskāṃde kedārakhaṇḍe bhuvaneśīpīṭhamāhātmyavarṇanaṃ nāma dvicatvāriṃśadadhikaśatatamo'dhyāyaḥ

Linked texts (2)