Kedarakhanda 166
Kedārakhaṇḍa 166
- Language
- Sanskrit
Contents
- 166.39 — 1 part
166.1
skaṃda uvāca || || vipravarya mahābhāga śṛṇu tīrthasya vaibhavam || bilvākhyasya tathotpāttiṃ lakṣaṇaṃ ca mahāmate
166.2
atipuṇyatamaṃ sthānaṃ pāpaghnaṃ sarvakāmadam || putrīyaṃ dhanadaṃ caiva sthiraṃ kuru mano mune
166.3
iṃdradyumnatapaḥsthānātkośakhaṃḍapramāṇake
adho gṛdhrācalāttīre gaṃgāyā dakṣiṇe vare
166.4
bilvatīrthe samākhyātaṃ caturvargaphalapradam || yattīrthe majjanādeva śivo bhavati mā
navaḥ
166.5
etattīrthasya māhātmyaṃ vaktuṃ śatamukhairapi || kṣamo na hi triloke'smin sthito yatra sadāśivaḥ
166.6
tasmāttīrtha
tpūrvabhāge jalaṃ niḥsarati dhruvam|| tajjalaṃ śirasā dhṛtvā gaṃgāsnānaphalaṃ labhet
166.7
tatra vai bilvavṛkṣastu svarṇapatrastvakaṃṭakaḥ
dhatte svarṇāni vipreṃdra phalāni pracurāṇi ca
166.8
śātairjitātmabhiḥ śuddhaiḥ sadāśivaparāyaṇaiḥ || dṛśyate muniśārdūla bilvavṛkṣo
mahādyutiḥ
166.9
bilvasyādho mahābhāga kāpilaṃ liṃgamuttamam || tatra nāgo mahānasti bilvamūle vasatyasau
166.10
rātrau vai veṣṭa
yitvā taṃ śete liṃgaṃ hi nārada || kadācidyojanāyāmaḥ kadācidsvarūpadhṛk || iti vai lakṣaṇaṃ tasya tīrtharājasya varṇitam
166.11
yasmintīrthe bilvavṛkṣo bilvatīrthamiti smṛtam
166.12
nārada uvāca || he skaṃda pārvatīputra gṛdhraparvatavistaram || vadasva tvanmu
khāṃbhojavāṅmadhu pāyato mama || tṛptirme jāyate naiva surāṇāmamṛtādyathā
166.13
kathametasya śailasya nāmābhūddhapūrvakam
166.14
skaṃda uvāca || śṛṇu vipreṃdra vaidhātra yathābhūnnāma cottamam || gṛdhrācala iti ruyātaṃ vistarādvadato mama
166.15
purā vai vinatāvaṃśe jaṭāyuriti viśrutaḥ || babhūva gṛdhrarājo vai mahāsattvaparākramaḥ
166.16
tasya vai jātamātrasya
rāme bhaktirabhūnmune || rāmameva sadā dhyāyannāsīddhādheśvaro muniḥ
166.17
ekadā sa tapaḥ kartumāgato'sminmahāgirau
atrāgatya mahābhāgaścakāra tapa uttamam
166.18
gṛdhrasya tapyamānasya tapaḥ paramaduṣkaram || vyatīyuḥṣaṭsahasrāṇi varṣāṇāṃ mune
puṃgava
166.19
āvirbabhūva viśvātmā bhāsamāno yathā raviḥ || dyotayanvai diśaḥ kāṃtyā tasyāgre pratyadṛśyata
166.20
uvāca
tvacanaṃ premṇā gṛdhrarājaṃ tapaḥsthitam || alakṣyaḥ sarvabhūtānāṃ viṣṇurvai bhaktavatsalaḥ
166.21
śrībhagavānuvāca || uttiṣṭhottiṣṭha
bhadraṃ te tuṣṭo'smi tapasā tava || varaṃ vṛṇīṣva matto vai yatte manasi vartate
166.22
skaṃda uvāca || niśamyeśvaravāṇīṃ tu bhaktyā
gadgadayā girā || bhagavatstutimārebhe jaṭāyurnāma pakṣipaḥ
166.23
jaṭāyuruvāca || yo vai mamāṃtaḥkaraṇe praviśya śrīrāmacaṃdre praca
kāra bhaktim || tasmai sudhāmne puruṣottamāya nato'smi te jñānavarapradāya
166.24
sarvā tvaśeṣaṃ mahadādi māyayā parātmaśaktyā
bhagavaṃstvamekaḥ || māyāguṇeṣu mativiśya nānāsvarūpa he nātha namo namaste
166.25
ekaḥ parātmākhilallokavṛṃdamākāśava
dravāpya paristhito yaḥ || acintyarūpo viguṇo maheśo namaskaromi prabhumavyayaṃ vai
166.26
nāhaṃ yāce surājasaṃpannavālpadaṃ
kalpataruṃ na yāce || bhaktiṃ hi me dehi purāṇaviṣṇo bhavābdhestāraṇapotabhūtam
166.27
namo bhagavate tubhyaṃ vedhase paramātmane
icchākṛtajagatsṛṣṭikarmaṇe brahmaṇe namaḥ
166.28
bhagavanyadi varado'si tvaṃ trailokyanāyaka || jīvinā me tvayā deva deyaṃ
darśanamuttamam
166.29
tvannāmasmaraṇaṃ viṣṇo bhūyāddhe bhavamuktaye || sthitasya yatra kutrāpi bhaktiravyabhicāriṇī
166.30
śrībhagavā
nuvāca || tretāyuge dāśarathī bhūtvā yāsyāmi daṃḍakān || rāvaṇādīnnihaṃtuṃ vai sītānveṣaṇahetave
166.31
tatra tvaṃ rakṣasā gṛdhra yotsyase
rāvaṇena vai || tato vikṛttapakṣo vai nipatiṣyasi bhūtale
166.32
saṃgo nau tatra bhavitā stutvā dṛṣṭvā tu māṃ priya || tataḥ prāpsyasi
māmevaṃ punarāvṛttirdurlabham
166.33
tāvattiṣṭha mahābhāga māmeva hṛdi saṃsmaran || etasya girirājasya tvannāmāṃkitanāma hi
166.34
bhaviṣyati pakṣirāja pavitraṃ puṇyadāyakam || yojanadvayagavyūtivistārāyāma eva ca
166.35
sakṛtpradakṣiṇīkṛtya gi
rirājaṃ vināyakaṃ || saptadvīpavatīpṛthvyāḥ pradakṣiṇaphalaṃ labhet
166.36
khanitrāṇi vicitrāṇi svarṇādīnāṃ tathaiva ca || sa paśyati māsamātraṃ
tapaḥ kṛtvā jitendriyaḥ
166.37
skaṃda uvāca || ityuktvāṃtardadhe viṣṇuḥ paśyato vīśvarasya hi || sopi ca prayayau gṛdhro daṃḍake munise
vitte
166.38
iti te kathitaṃ vipra bilvatīrthasya vaibhavam || girirājasya devarṣe yathābhūtnāma cottamam
166.39
vaibhavaṃ bilvatīrthasya
girirājasya caitra hi || bhaktyā mukti prayātyeva śṛṇoti vyākaroti yaḥ
166.39.p1
iti śrīskānde kedārakhaṃḍe devaprayāgamāhātmye bilvatīrthavaibhavakathanaṃ nāma ṣaṭcattaraśatatamo'dhyāyaḥ