Kedarakhanda 2
Kedārakhaṇḍa 2
- Language
- Sanskrit
Contents
- 2.55 — 1 part
2.1
śrīśiva uvāca || || tadetatparamaṃ brahma dravarūpaṃ maheśvari || gaṃgākhyaṃ yatpuṇyatamaṃ pṛthivyāmāgataṃ śive
2.2
gāṃ gateti tato gaṃgā nāma tasyā babhūva ha
2.3
śrīpārvatyuvāca || devadeva mahādeva dhanyāsmi kṛtapuṇyakā || yasyāstvamīhaśo bhartā sarvavidravasi prabho
2.4
yadbrahma gaditaṃ deva tvayā brahmāṃḍabāhyataḥ || yasminnenekakoṭīnāṃ koṭayo brahmadehakāḥ
2.5
tadvadasva kathaṃ deva prāptaṃ bhūmau nirāma yam || kimarthaṃ śrītvasaṃprāptirdevasya paramātmanaḥ
2.6
anaṃtakoṭayaḥ santi brahmāṇḍānāṃ sahasraśaḥ || teṣvaṃḍeṣu mahādeva sthitiḥ kā vā surāśca ke
2.7
etatsarvaṃ samāsena brahmāṇḍānāṃ tu vistaram || bhaktāsmi nitarāṃ deva paraṃ kautūhalaṃ hi me
2.8
śrīśiva uvāca || śṛṇu devi samāsena yatpṛṣṭaṃ himavatsute || utpattiṃ dravarūpasya śrīviṣṇoḥ paramātmanaḥ
2.9
purā prathamake sarge jagatyaṃbumaye sati || śayyāyāṃ śeṣasaṃjñāyāṃ suṣvāpa bhagavānprabhuḥ
2.10
naṣṭībhūte tu trailokye sahasthāvarajaṃgame || kalpāṃte punarādau sa paramātmā sanātanaḥ
2.11
sisṛkṣuḥ sarvalokāṃśca cintayāmāsa pārvati || tasya cintayato devi kamalaṃ nābhitaḥ prabhoḥ
2.12
jātaṃ tasminmahābhāge brahmā jāta
śvetamukhaḥ || jāte tasmin mahāviṣṇuruvāca ca punaḥpunaḥ
2.13
lokān sṛja sṛjetyāha brahmalokapitāmaha || śrutvaitadvacanaṃ tasya
tuṣṭāva parameśvaram
2.14
brahmovāca || namaste surasukhyāya nirlepāya mahātmane || ādimadhyāntahīnāya sarvasya jagataḥ kṛte
2.15
na te rūpaṃ mahātmāno rudrā vā tridivaukasaḥ || na te kriyāṃ na te krīḍāṃ na te jñānaṃ na vai viduḥ
2.16
bālakohaṃ bāliśohamajñānānmūḍha
cetanaḥ || kathaṃ tava mahimno hi pāraṃ yāsyāmi durgamam
2.17
kutra te pāṇipādādi kutra te nāsikā śiraḥ || kutra te sthitirutpa
ttirjīne no bhagavanprabho
2.18
namastubhyaṃ namastubhyaṃ namastubhyaṃ namāmi te || namāmi te namaskāraḥ śataśotha sahasraśaḥ
2.19
yadbrahma gaditaṃ loke jalarūpaṃ tvameva hi || prīṇāsi tena rūpeṇa jagatsarvaṃ carācaram
2.20
yadbrahma pṛthivī bhūtvā lokān dhārayasi
prabho || tasmai te śataśo deva namo'stu parameśvara
2.21
tejomayaṃ tu yadrūpaṃ ravicaṃdragrahādikam || tamo nāśayasi prājña sarvasya jagataḥ
prabho
2.22
yadbrahma vāyurūpeṇa sarveṣāṃ prāṇasaṃjñakaḥ || tvaṃ ceṣṭayasi bhūtāni sthāvarāṇi carāṇi ca
2.23
ākāśākhyaṃ tu yadbrahma
bāhyetaḥ saṃsthitaḥ sadā || śabdānukūlo bhagavān māyayā bahulībhavan
2.24
akhaṃḍoyaṃ tu yaḥ kālaḥ kalākāṣṭhādināmakaḥ || tvatsva
rūpamahaṃ manye vyakto nityaḥ sanātanaḥ
2.25
pūrvāparādibhedaistvaṃ digātmā sarvabhāvanaḥ || ātmā sarvagataḥ sthāṇurjīvabrahmeti saṃjñitaḥ
2.26
iṃdriyāṇi vibho aśvā viṣayā raśmayaḥ smṛtāḥ || mano viṣayasaṃyogairnīyase suranāyakaḥ
2.27
nirmalo nirvikārastvaṃ
kāryakāraṇavarjitaḥ || yathā dīpo nivātastho neṃgate tvaṃ tathā smṛtaḥ
2.28
kāraṇaṃ na ca kāryastvaṃ prakṛtyā bhinna ucyase || prakṛtyā
sahasaṃyogātkaraṇaṃ kāraṇaṃ bhavān
2.29
namo namaste śataśo devedeva jagatpate || asamartho bhavān meghya sṛṣṭiṃ kartuṃ kathaṃ kṣamaḥ
2.30
śrībhagavānuvāca || bhava-prajāpatirbrahmansarvajñatvaṃ dadāmi te || sarvalokasya kartā tvamāyuḥ sarvādhikaṃ tava
2.31
prītosmi vacmi te prītyā
stutyā ca kṛpayā tvayā || varamanyaṃ prayacchāmi tadbrūhi varamuttamam
2.32
brahmovāca || ahaṃ sṛṣṭosmi bhavatā lokaṃ srakṣyāmi vai prabho
sarvajñatvaṃ mayā labdhaṃ kimanyadvarayāmi te
2.33
varāho yadyahaṃ deva varaṃ vedvātumicchāsi || tvayā samagrabhāvena sthātavyamavanītale
2.34
śṛṇu karmāṇiṃ bhavatā sṛṣṭosmi bhagavan prabho || pāpinaścāpi sraṣṭavyāḥ puṇyātmānastathaiva ca
2.35
teṣāṃ muktirbhavedyasmā
tatkuruṣva mahāprabho || asmābhirapi yannityaṃ dhyeyosi puruṣarṣabha
2.36
tadājñāpaya deveśa sṛṣṭisaṃhārakāraka || bhaviṣyaṃti narā loke
māyāmohena saṃvṛtāḥ
2.37
tvāṃ tattvato na vetsyaṃti puṇyāpuṇyasaṃbaṃdhanāḥ || svalpenaiva hyupāyena muktimārgaṃ vadasva me
2.38
īśvara uvāca || iti śrutvā vacastasya brahmaṇaḥ svāṃgajanmanaḥ || uvāca madhuraṃ vākyaṃ meghagaṃbhīrayā girā
2.39
śrībhagavānuvāca || samyaguktaṃ tvayā brahmankartavyaṃ tvadvaco mayā || iṃdrānujo bhaviṣyāmi vāmanatvamupāgataḥ
2.40
asminneva tu kāle tu balināma bhaviṣyati || aiṃdraṃ padaṃ tu saṃprāptuṃ yatiṣyati mahāmakham
2.41
tasminneva mahāyajñe chalayiṣyāmi vai balim || punarekena lokeśa bhūtalaṃ sakalaṃ tadā
2.42
anaṃtakoṭibrahmāṃḍā īdṛśā adhikāstathā || taraṃgabhaṃgisaṃlolā vicaraṃti mahāmate
2.43
dravarūpaṃ sa evāhaṃ nityosmi suranāyaka || tena vai nakhajātena raṃdhreṇa sahasā tu tat
2.44
dravarūpā tu tadbahādhārā brahmasamudbhavā || āyāsyati mahābhāga smṛtā mokṣapradāyinī
2.45
gāṃ gamiṣyati me dhārā tato gaṃgā bhaviṣyati || ekena tu vibhāgena svargameṣyāmi padmaja
2.46
punaḥ pātālamārgaṃ vai bhūtvā bhogavatī nadī || tadā nāmnā tripathagā smaraṇātpāpanāśinī
2.47
tadeva me paraṃ rūpaṃ sarvakāmārthasiddhidam || narā darśanamātreṇa bhaviṣyaṃti vikalmaṣāḥ
2.48
dhanyāsta eva ye martyāḥ sadā madbhaktitatparāḥ || teṣāṃ muktirmahābhāga sulabhā karasaṃsthitā
2.49
na yogānāṃ śatairdeva na tapobhirna kenacit || saṃtuṣṭosmi tathā brahmanyathā tajjalapūjanāt
2.50
etattavānurodhena sarvaṃ saṃpādayāmyaham || muktikāraṇametasmānnānyadasti mahāmate
2.51
īśvara uvāca || ityuktvā bhagavān viṣṇustatraivāṃtaradhīyata || sopi brahmā jagatsarvaṃ cakāra sa carācaram
2.52
sarvaṃ tatkṛtavānadevaḥ pratijñātaṃ tu yatpurā || seyaṃ dhārā mahādevi gaṃgāyāḥ pāvanā parā
2.53
bhaktyā mayā dhṛtā śīrṣe sarvakalmaṣanāśinī || etatsarvaṃ samāsena kathitaṃ te maheśvari
2.54
tajjalaṃ tu paraṃ brahma dhārā strīyaṃ maheśvarī
yasyā darśanamātreṇa sarvaiḥ pāpaiḥ pramucyate
2.55
śrutvemāṃ tu kathāṃ divyāṃ sarvapāpakṣayo bhavet || brahmāṇḍānāṃ sthitiṃ devi śṛṇuṣva susamā
hitā
2.55.p1
iti śrīskānde kedārakhaṇḍe śrīgaṃgotpattirnāma dvitīyo'dhyāyaḥ
Linked texts (1)
- Kalkipurāṇa — Sanskrit