Kedarakhanda 201
Kedārakhaṇḍa 201
- Language
- Sanskrit
Contents
- 201.28 — 1 part
201.1
utphālaka uvāca || vahniparvatamāhātmyaṃ śṛṇu rājanmupuṇyadam || yasya śravaṇamātreṇa naro bhavati puṇyabhāk
201.2
kamaleśvara
pīṭhādyai bhūrddhadakṣiṇadigagataḥ || dṛśyate parvato yastu vahniśailo hi sa smṛtaḥ
201.3
yatra vahnimahārāja tatāpa sumahattapaḥ || ārarādha
śivaṃ prāpa tasmādyai sakalehitam
201.4
tadādi sarvadevānāṃ mukhamāsīddhutāśanaḥ || ayaṃ śiloccayo rājam̐stasmātpuṇyatamaḥ
smṛtaḥ
201.5
asminnadrau tu yo martyo homaṃ vai prakaroti hi || tena vai sakalaṃ kṛtyaṃ kṛtaṃ bhavati bhūmipa
201.6
yo vahniṃ pūja
yatyasmiñchaile vai parvatottame || tasmai svayaṃ hutāśo vai dadāti varamuttamam
201.7
asya parvatarājasya sānau tiṣṭhati śaṃkaraḥ
bhaktānāṃ varado bhūpa darśanānmuktidāyakaḥ
201.8
yasyācāryeyai sadā yānti devā indrapurogamāḥ || tatprasādānmahārāja te tatpadamavā
pnuyuḥ
201.9
talliṃgaṃ dṛśyate bhūpa śuddhācārairakalmaṣaiḥ || durācārairmahāduṣṭairdṛśyate na kadācana
201.10
vahneḥ śiloccayāddhastād
dvidhārā supuṇyadā || yasyāḥ saṃdarśanādeva naro bhavati śaṃkaraḥ
201.11
kadācittajjalaṃ tat kadācicchītalaṃ smṛtam
201.12
prātaḥkāle sadā yāti puṇyo vaiśvānaraḥ svayam || snānāya tajjalaṃ tat tadā saṃjāyate śubham
201.13
tajjale tu naraḥ
kaścitprakuryātpitṛtarpaṇam || tasya vai pitaraḥ sarve tṛptā ākalpakoṭikam
201.14
yena tatpāthasi snātaṃ sa snātaḥ sarvatīrthake || pītaṃ
ca tajjalaṃ yena kṛtastenāśvamedhakaḥ
201.15
tasmātpuṇyatamaṃ pāthaḥ pātavyaṃ narapuṃgavaiḥ
201.16
tajjalāddhrvabhāge hi māne
śaracatuṣṭaye || jalaṃ puṇyatamaṃ bhūpāmalaṃ niḥsarati dhruvam
201.17
abhyukṣya tajjalenāpi pavitreṇa kalevaram || koṭi
janmakṛtātpāpānmucyate nātra saṃśayaḥ
201.18
tajjale snānamātreṇa naro bhavati puṇyabhāk || darśanāttajjalasyāśu naraḥ śivapuraṃ vrajet
201.19
tasmādapyūrdhvabhāge hi jalaṃ puṇyatamaṃ smṛtam || tajjalaṃ śirasā dhṛtvā naro bhavati śaṃkaraḥ
201.20
ūrdhvaṃ vai vahnidhārāyāṃ vahniparvatam
dhyake || aṣṭāvakramunisthānaṃ tapaso vartate nṛpa
201.21
mahāpuṇyatamaṃ bhūpa kalau vai sarvasiddhidam
201.22
tatkṣetre yo naro
yāti pādacareṇa bhūmipa || kṛtaṃ pradakṣiṇaṃ tena pṛthivyāḥ saha meruṇā
201.23
tatraivāste mahābhāga pāthaḥ sarvajalottamam || ta
jale tu sakṛtsnāto naro niṣkalmaṣo bhavet
201.24
brahmalokātithiḥ satyaṃ satyaṃsatyaṃ na saṃśayaḥ
201.25
adyāpi vartate
tatra aṣṭāvakro munīśvaraḥ || guhāyāṃ himavatsyāṃ vai dṛśyate mahāpātakaiḥ
201.26
asminmai śailarāje tu parvate munināyakāḥ || dhyāna
saṃlagnamanasaḥ śivabhaktiparāyaṇāḥ
201.27
iti te kathitaṃ bhūpa vahniparvatavaibhavam || yaḥ kaścinmānavo bhaktyā paṭhedvā pāṭhayedapi
201.28
śṛṇuyācchrāvayedyāpi sa vai śivapure vaset || yāvatkoṭisahasrāṇi yugānāṃ ca mahīpate
201.28.p1
iti śrīskāṃde kedārakhaṇḍe śrīkṣetramāhātmye vahniparvatamāhātmyavarṇanaṃ nāmaikonanavatyuttaraśatatamo'dhyāyaḥ