Kedarakhanda 26
Kedārakhaṇḍa 26
- Language
- Sanskrit
Contents
- 26.39 — 1 part
26.1
īśvara uvāca || || rohitāśvo mahābāhurhariścaṃdrasuto balī || jitvā ripugaṇān sarvān suśobha nagare
vare
26.2
kṛtvānekavidhānyajñān dṛṣṭvā nārāyaṇaṃ vibhum || haritaṃ nāma vai devi putraratnamajījanat
26.3
śikṣayitvāstravidyāṃ vai haritaṃ
nāma vīryyavān || rājyabhāraṃ tatra kṣiptvā svayaṃ viṣṇumanābhavat
26.4
saṃsārāsāratāṃ jñātvā dattvā tannagaraṃ dvije || svayaṃ yayau hi tapase
kailāse parvatottame
26.5
rājyaṃ cakāra vidhivaddharito nāma vīryyavān || jitā rātigaṇo yajvā priyavāksumatiḥ śuciḥ
26.6
tasya putro babhūvātha caṃcurnāma mahāyaśāḥ || jātau tasyāpi dvau putrau vijayo vasudevakaḥ
26.7
abhiṣicya sutaṃ rājye vijayaṃ nāma nā
mataḥ || svayaṃ yayau tu tapase rājāsau kūrmaparvate
26.8
vijayastu mahārājo jetā śatrugaṇasya hi || akarotpālanaṃ devi prajāyāḥ putrava
ttadā
26.9
tasya putro maheśāni cucuṃḍaka iti smṛtaḥ || caṃḍaḥśatrugaṇānāṃ hi mitrāṇāṃ candravadbabhau
26.10
atha tasya cucuṃḍasya vṛkaḥ
putro babhūva ha || vṛkasya tanayo rājā sarvaśastravimardanaḥ
26.11
bāhunāma mahātejāḥ prakhyātabalavikramaḥ || yasya bāhujitāḥ sarve rājā
no dharaṇītale
26.12
ayodhyādhipatirvīro mahātmā dṛḍhavikramaḥ || ekadā tasya rājño vai mātirjātā mahātmanaḥ
26.13
jetavyeti
dharā sarvā caturdikṣu samaṃtataḥ || yatra vīrā mahīpālā raṇakarkūviśāradāḥ
26.14
jitvā tānnṛpatīn vīrān sthāsyāmi sukhasaṃyutaḥ
iti kṛtvā matiṃ bāhurāhvayāmāsa sainikān
26.15
rathanāgapadātīnāṃ vṛṃdavṛṃdagaṇaiḥ saha || pūrvāmāśāṃ yayau pūrvaṃ sainyācchāditabhūtalaḥ
26.16
jitvā tatra mahīpālāṃsthāpayitvā punaḥ pure || yayau sa dakṣiṇāmāśāṃ rathanāgaiśca saṃyutaḥ
26.17
drāviḍān gurjarān śauṇḍān
karṇāṭāṃśca tilaṃgakān || jitvā punaryathāpūrvaṃ sthāpayāmāsa tatra vai
26.18
atha tasmān mahādeśāt pratasthe paścimāṃ diśam || kāṃ
bojāḥ pahlavāścaiva mlecchāḥ śakhyodbhavāstu ye
26.19
haihayāstālajaṃghāśca śakā javanapāradāḥ || palvalāḥ kukkurāścaiva yepi kaube
ravāsinaḥ
26.20
jitāśca ye mahīpālāḥ pauṇḍramāgadhapāṃḍyajāḥ || etenyepi ca bhūpālāḥ śataśotha sahasraśaḥ
26.21
kṛtvā balaiḥ
kyaṃ deveśi yayuryatra vṛkātmajaḥ || madhye kṛtvā sarvasainyaṃ bāhunāmno mahīpateḥ
26.22
vavarṣuḥ śarajālāni kiraṇānīva bhāskaraḥ
bāhosteṣāṃ nṛpāṇāṃ ca tumulaṃ lomaharṣaṇam
26.23
yuddhaṃ babhūva deveśi māṃsaśoṇitakardamam || asīnāṃ carmaṇāṃ caiva cchindircchidīti
sarvataḥ
26.24
babhūva tumulaḥ śabdo bhīrūṇāṃ bhayavarddhanaḥ || kuṃtāḥ paraśavaścaiva bhiṃdipālā itastataḥ
26.29
virejustatra he devi niśi
khadyotakā yathā || vāditrāṇi vicitrāṇi bherītūryamukhāni ca
26.26
vinedustatra deveśi meghā iva jalāgame || śrutvā tān vivi
dhāñcchabdānnarartuḥ sarvato diśam
26.27
vīrā dhairyyadharāstatra mayūrā iva sarvataḥ || saṃhatānāṃ tathānyonyaṃ śastrāṇāṃ mama vallabhe
26.28
khaḍgebhyo nirgatā jvālā virejustaḍito yathā || dhārāsampātamabhavatpayasāmasṛjāṃtathā
26.29-2
cātakā iva rejuste vīrā
rudhirapāyinaḥ || iti tattumule yuddhe samānajaladāgame
26.30
viveśuḥ katicidvīrā rājñāṃ rājñaśca mānade || kabaṃdhāḥ śataśastatra vireju
cchinnamastakāḥ
26.31
rathānāmayutaṃ tatra gajānāmayutadvayam || catuṣkamayutānāṃ hi hayānāṃ ca padātinām
26.32
mriyaṃte yatra saṃgrāme
kabaṃdho jāyate tataḥ || bāhoścaiva tathā rājñāṃ bahavaśchinnamastakāḥ
26.33
utthitāḥ khaḍgacarmāṇi gṛhītvā yoddhumudyatāḥ || virejustatra
saṃgrāme kiṃśukā iva puṣpitāḥ
26.34
hatānāṃ manujānāṃ ca hayānāṃ ca tathā priye || gajebhyaśca gajānāṃ hi susruvuḥ śoṇitāpagāḥ
26.36
etasminnantare bāhuṃ vavarṣuḥ śarajālakaiḥ || meghasaṃghā yathā devi sānumaṃtaṃ yathā tathā
26.36-2
vāryamāṇāśca te bāṇā bāhoścaiva
kalevare || viviśuḥ sarvato devi yathā nāgāstu bhūtale
26.37
bāṇākulo mahīpālo bāhurnāma maheśvari || palāyati sma satataṃ kiṃci
ccheṣe ca sainike
26.38
anujagmurmahīpālā bāhostasya mahīpateḥ || rājyaṃ jahurmahābhāge tepi gatvā maheśvari
26.39
tasya
patnī tu yā devi sagarbhā bāhunā saha || gatā vanaṃ drutaṃ caiva hatarājyā ca śatrubhiḥ
26.39.p1
iti śrīskāṃde kedārakhaṃḍe sauravaṃśānukīrtane bāhuvanaprayāṇaṃ nāma ṣaḍviṃśo'dhyāyaḥ