Kedarakhanda 3

Kedārakhaṇḍa 3

īśvara uvāca || || anantakoṭayaḥ santi
brahmāṇḍānāṃ maheśvari || vaktuṃ na śakyate devi sthitiḥ koṭiyugairapi

kiṃ te vakṣmi paraṃ kiṃcidyacchrutvā sarvavidbhavet || asminnaṣṭa
mukho brahmā devāstatra mahāprabhāḥ

ekādaśa samudrāśca dvīpāstatsaṃkhyakā matāḥ || lohadvīpastu prathamastāmradvīpastataḥ paraḥ

tataścapumayo dvīpo rajatasya tataḥ smṛtaḥ || svarṇadvīpastathā khyātaḥ paṃcamaṃ ṣaṣṭhakaṃ śṛṇu

nīladvīpastathā padmarāgo gomedasaṃjñakaḥ
caṃdrakāṃtastathā sūryakāṃto navama ucyate

daśamaḥ puṣparāgākhyo jyotirekādaśaḥ smṛtaḥ || ete ekādaśā dvīpāḥ puṇyakarmasu gocarāḥ

tattadvarṇāḥ samudrāśca koṭiyojanavistṛtāḥ || tatpramāṇaṃ hi dvīpānāṃ samudrāṇāṃ prakīrtitam

jyotirdvīpo mahāviṣṇojyoṃtī
rūpastu tatra hi || upāsyamāno devairhi sarvadā vai mahāprabhaiḥ

evaṃ sarveṣu deveśi brahmāṇḍeṣu ca saṃsthitiḥ || yathādhikamukho brahmā
tathādhikatamāḥ surāḥ

dvīpāstathādhikā jñeyāḥ samudrāḥ saritastathā || sarveṣu teṣu bhagavān viśvātmā viśvabhāvanaḥ

brahmarūpeṇa sṛjati pālyate viṣṇurūpiṇā || rudrarūpeṇa bhagavāṃśchayaṃ nayati sarvaśaḥ

svarūpaṃ ca nirūpaṃ ca tasya no jñāyate
śive || arūpiṇo rūpametadakartuḥ kāryakaṃ tathā

namasyā eva sarveṣāṃ devānāṃ ca nṛṇāṃ tathā || na tu kaścittu devasya rūpajñātā hi
kutracit

dhyeyadhyātrādibhedena jñeyajñātrādikaiḥ prabhuḥ || bhedairanekarūposau nānājātyādibhiryutaḥ

sa vai brahmā sa vai
rudraḥ sa vai viṣṇuḥ prajāpatiḥ || kāryaṃ ca kāraṇaṃ caiva sa eva bhagavānajaḥ

iti śrīskānde kedārakhaṃḍe brahmāṇḍanirūpaṇaṃ nāma tṛtīyo'dhyāyaḥ

Contents