Pramāṇa · Search · About · API

Kedarakhanda 35: Gaṃgāsaṃpradānam

Kedārakhaṇḍa 35

Language
Sanskrit

Contents

Gaṃgāsaṃpradānam

35.1

īśvara uvāca || iti stuto'haṃ rājñā tu prasannastvabhuvaṃ vacaḥ || varaṃ brūhi mahārāja prasannosmi tavepsitam

35.2

adeyamapi dāsyāmi bhaktāya varamuttamam || bhakto me nāsti trailokye sadṛśaste nṛpottama

35.3

iti śrutvā mama vacaḥ sa vai rājā bhagīrathaḥ || kṛtāṃjalipuṭo devi uvāca jagadaṃbike

35.4

bhagīratha uvāca || pitaro me mahābhāga kapilāsamīritāḥ || te gacchaṃtu svargagatiṃ prasādena tava prabho

35.33

gaṃgākhyaṃ paramaṃ brahma vartate śikhare tava || tanme dehi pitṝṇāṃ hi
ke. khaṃ.
a. 35

35.5

samuddhārāya bho prabho

35.6

vinirdagdhāstu gaccheyuḥ pitaro gatimuttamām || anye kaliyuge ghore narāḥ puṇyavivarjitāḥ || dṛṣṭvā lokān
hi gacchaṃtu punarāvṛttidurlabhān

35.7

pītvāmṛtamayaṃ vāri muktimaiśvaryamāmuyuḥ || iti śrutveritaṃ tasya rājānaṃ punarabruvam

35.8

idaṃ
paramayaṃ rājanvarametaddhi yācitam || taddadāmi tavedānīṃ sarvapāpabhayāpaham

35.9

sarveṣāṃ hitakāmāya tvayoktaṃ paramaṃ vacaḥ || sphuradindu
kalābhāsvajjaṭāṭavyāṃ virājinīm

35.10

dhārāṃ trailokyapāpaghnīṃ gṛhāṇa pitṛmuktaye || yasyā darśanamātreṇa sarve yāṃti śubhāṃ gatim

35.11

yāṃ dadhāra purā brahmā vyāpārakalaśe vibhuḥ || putrīgamanajaṃ pāpaṃ yautaṃ tenaiva vāriṇā

35.12

satarpayo mahābhāga dhṛtvā yāṃ
śirasā nṛpa || kṛtakṛtyā bhavubuste yatprasādādvarādhipa

35.13

saiva dhārā svarṇagirāvāgatā naṃdanāṃtike || tataścaturdā saṃjātā caturdikṣu
pragāminī

35.14

sītā cālakanaṃdā ca cakṣurbhadreti nāmabhiḥ || alakāyāṃ samāyātā yā dhārā śirasā dhṛtā

35.15

sarve pāvayituṃ
viśvaṃ tvaṃ gṛhāṇa janeśvara || rathamārgeṇa te bhūpa gaṃgeyaṃ sariduttamā || āyāsyati nṛloke tu prasādena mama prabho

35.16

iti devi mayā
proktaṃ rājñe tasmai mahātmane || prādāṃ jaṭāsamūhāttu dhārāṃ trailokyapāvinīm

35.17

tasminneva kṣaṇe ramye nānādigbhyaḥ samāgatāḥ || yakṣā
vidyādharā devāstathā gaṃdharvakinnarāḥ

35.18

iṃdropi lokapālaiśca gaṃgāyā darśanāya vai || gāyaṃtyopsarasāṃ śreṣṭhāstathā gaṃdharvasattamāḥ

35.19

neduḥ sarvāṇi vādyāni bherībhāṃ kārakāni ca || śaṃkhānāṃ ca mṛdaṃgānāṃ gomukhānāṃ tathaiva ca

35.20

babhūvuḥ sarvatodigbhyo jaya
rājanbhagīratha || rājana jayeti satataṃ ṛṣayaḥ siddhacāraṇāḥ

35.21

ūcuḥ sarve vimānebhyaḥ samuttīrya tatastataḥ || tasminmahotsave devi
gaṃgāyā nirgame yathā

35.22

babhūva harṣo bahulastathā naiva kadā śive || nanartuḥ sarvato devā harṣanirbharamānasāḥ

35.23

vasiṣṭha uvāca
iti śrutvā vaco bhartuḥ pārvatī suravaṃditā || vismayāviṣṭamanasā punaḥ provāca śaṃkaram

35.24

pārvatyuvāca || saṃśayaṃ chiṃdhi bhagavanmahānye
hṛdi varttate || yadā tvayā hato daityastripuro nāma sarvada

35.25

īdṛśaṃ na tathā harṣaṃ prāpurvai tridivaukasaḥ || yadā tava sutenāpi guhena ni
hato yudhi

35.26

tārako nāma durddharṣo devadānavadarpahā || etādṛśa tadā harṣaṃ nāpnuyuśca maheśvara

35.27

harṣasya kāraṇaṃ deva devādīnāṃ
vada prabho || gaṃgāsamāgame bhūmau harṣitā divi devatāḥ

35.28

etanmaheśa bhagavanparaṃ kautūhalaṃ hi me || bhaktā'smi kṛtapuṇyāsmi yasyāḥ
pṛcchacosi me patiḥ

35.29

īśvara uvāca || idaṃ vai kāraṇaṃ guhyaṃ vartate priyavādini || kutrāpi te na vaktavyaṃ bhāvikāryasya gauravāt

35.30

kārtikeyena putreṇa tava devi hato yudhi || tārakākhyo mahādaityo daityānāṃ pravarosuraḥ

35.31

śaṃkukarṇādayo vīrā nihatāste
raṇājire || pṛthivyāṃ te mahīpālā bhaviṣyaṃti suradviṣaḥ

35.32

pṛthivīṃ pīḍayiṣyaṃti bhāreṇa parvatopamāḥ || nāgatāste yato lokaṃ
vāsavasya ca brahmaṇaḥ

35.33-2

tata eva surairjñātaṃ nāgataṃ taiḥ surālaye || tato vai munirūpeṇa tapastaptuṃ gatā bhuvi

35.34

jetukāmāśca
te daityāścaraṃti tapa uttamam || iti saṃtaptahṛdayā devā jagmuḥ payonidhim

35.35

tuṣṭuvuḥ praṇatāḥ sarve jagatkartāramīśvaram || ūcuśca bhaya
saṃvignāstadvṛttaṃ ditijaiḥ kṛtam

35.36

niveditaṃ tu tacchrutvā jñāpayāmāsa tān hariḥ || sarve yūyamahaṃ caiva gamiṣyāmoṃ'śabhāgakaiḥ

35.37

martyarūpaṃ samāsthāya haniṣyāmassuradviṣaḥ || yūyaṃ gacchata svarlokamidānīṃ devatarṣabhāḥ

35.38

iti te bhāṣitaṃ śrutvā gatāssarve divaukasaḥ || buddhvā kākutsthayācñāṃ ca harṣitāste maheśvari

35.39

gamiṣyāmovayaṃmartyaiṃpāsyāmosyājalaṃ śubham || muktiṃ caiva gamiṣyāma
stṛṇā gaṃgājale na hi

35.40

iti te kāraṇaṃ guhyaṃ muktaṃ caiva maheśvari || iti saṃsmṛtya saṃsmṛtya jahṣurdivaukasaḥ

35.41

mayā
muktāpi sā dhārā patitā śrīmukhe girau || tasyāḥ pravāhavegena khaṃḍitā bahavodrayaḥ

35.42

tasyā darśanamātreṇa jagmuḥ svargaṃ piśācakāḥ
tridhā vai patitā martyaiṃ brahmahatyaughanāśinī

35.43

bhagīrathopi saṃprāpya gaṃgāṃ paramadurlabhām || mene kṛtārthamātmānaṃ praṇanāma punaḥ
punaḥ

35.44

iti te kathitā devi gaṃgotpattirmayā śubhā || śrutvā yāṃ svargamāpnoti manujo nātra saṃśayaḥ

35.44.p1

iti śrīskānde mahāpurāṇe kedārakhaṃḍe bhagīrathopākhyāne gaṃgāsaṃpradānaṃ nāma pañcatriṃśo'dhyāyaḥ