Kedarakhanda 4
Kedārakhaṇḍa 4
- Language
- Sanskrit
Contents
- 4.21 — 1 part
4.1
śrīpārvatyuvāca || || devadeva mahādeva sarvaśāstraviśārada || kathametatsamudbhūtaṃ trailokyaṃ sacarācaram
4.2
devā manuṣyāḥ paśavo yakṣarākṣasakinnarāḥ || kathamaṃḍasya cotpattiḥ sarvaṃ vistarato vada
4.3
īśvara uvāca || śṛṇu devi varārohe yatpṛcchohaṃ
tvayā śive || ādisargamahaṃtāvatkathayāmi samāsataḥ
4.4
svayaṃbhūrbhagavān viṣṇuḥ sisṛkṣurvividhāḥ prajāḥ || ādau sasarja bhagavānapa
eva mahātmavān
4.5
tāsu vīryaṃ tadā sṛṣṭvā nārāyaṇamagāttataḥ || āpo nārā iti proktā āpo vai narasūnavaḥ
4.6
ayanaṃ
tasya tāḥ pūrvaṃ tena nārāyaṇa smṛtaḥ || hiraṇyavarṇamabhavattadaṃḍamudakasthitam
4.7
jajñe tatra svayaṃ devaḥ svayaṃbhūritiśabditaḥ || hiraṇyavarṇaṃ
ca tadā uṣitvā parivatsaram
4.8
dvidhākarottadaṃḍaṃ tu divaṃ bhuvamathāpi vā || khaṃḍayostu tayormadhye hyākāśamakarotprabhuḥ
4.9
pari
plutāṃ jale pṛthivīṃ diśo vai daśadhākarot || tatra prathamataḥ kālaṃ mano vācaṃ tataḥ param
4.10
kāmaṃ krodhaṃ ratiṃ caiva tadrūpāṃ sṛṣṭimutsṛjan
marīciratriraṃgirāḥ pulastyaḥ pulahaḥ kratuḥ
4.11
vasiṣṭhaśca tathā khyāto brahmaṇo mānasātmajāḥ || eta eva mahābhāge brāhmaṇā brahmatejasaḥ
4.12
nārāyaṇasvarūpāṇāṃ saptānāṃ brahmajanmanām || anaṃtaraṃ tato brahmā roṣādrudraṃ samāsṛjat
4.13
tataḥ sanatkumāraṃ vai pūrveṣāmapi
pūrvajam || saptaite janayaṃtisma prajā rudraśca pārvati
4.14
skaṃdaḥ sanatkumāraśca tejaḥ sāṃkṣipya tiṣṭhataḥ || teṣāṃ sapta mahāvaṃśāste vai
devagaṇānvitāḥ
4.15
prajāvaṃtaḥ kriyāvaṃto nānāvidyāviśāradāḥ || vidyuto meghavṛṃdāśca saheṃdradhanuṣā tathā
4.16
payāṃsi ca sasarjādau
parjanyaṃ ca tathaiva ca || ṛco yajūṃṣi sāmāni nirmame yajñakarmaṇe
4.17
uccāvacāni bhūtāni gātrebhyastasya jajñire || evaṃ tasya
mahābhāge prajāvṛddhirajāyata
4.18
manodehaṃ dvidhā kṛtvā hyardhena puruṣo'bhavat || ardhena strī tathā jātāsasṛje vividhāḥ prajāḥ
4.19
saṃvyāpya dyāvāpṛthivīṃ mahimnā svena bhūtagaḥ || viṣṇurvirājamasṛjadasṛjatpuruṣaṃ ca saḥ
4.20
tameva puruṣaṃ viddhi manuṃ svāyaṃbhuvaṃ priye
mānasaṃ tu priye sargaṃ sasarja puruṣaḥ prabhuḥ
4.21
ādisargamimaṃ śrutvā dhanamārogyamāpnuyāt || iha bhuktvā varānbhogānaṃte svargapure vaset
4.21.p1
iti śrīskaṃde kedārakhaṃḍe ādisargo nāma caturtho'dhyāyaḥ
Linked texts (5)
- Critical edition (BORI) — Sanskrit
- Brahmapurāṇa — Vyāsa, Sanskrit
- Śivapurāṇa (complete text) — Sanskrit
- Matsyapurāṇa — Vyāsa, Sanskrit
- Matsya — Sanskrit