Kedarakhanda 41
Kedārakhaṇḍa 41
- Language
- Sanskrit
Contents
- 41.55 — 1 part
41.1
pārvatyuvāca || || kathayasva mahādeva vistarānnama kṣetrakam || kedāraṃ
nāma yatproktaṃ svargamokṣapradāyakam
41.2
kāni kāni ca tīrthāni vartaṃte tatra nāyaka || kiṃ puṇyaṃ kiṃ phalaṃ cātra snānadānaimaheśvara
41.3
kathametanmahajjātaṃ tīrthānāmuttamottamam || etatsarvaṃ mahādeva priyāyai kathaya prabho
41.4
īśvara uvāca || idaṃ kṣetraṃ tu yatproktaṃ
mayā devi tavādhunā || na tyajāmi kadācidvai tvattaḥ priyataraṃ priye
41.5
purātano yathāhaṃ vai tathā sthānamidaṃ kila || yadā sṛṣṭikriyāṃ
yāṃ ca mayā vai brahmamūrttinā
41.6
sthitamatraiva satataṃ parabrahmajigīṣayā || tadādikamidaṃ sthānaṃ devānāmapi durllabham
41.7
naṃdibhṛṃgyā
dayaḥ sarve dvāradeśe pratiṣṭhitāḥ || brahmādyāścidaśāḥ sarve na jānaṃti mama sthalam
41.8
yayā tvayā yatra deśe krīḍitaṃ vismṛtaṃ tvayā
idameva mahāsthānaṃ sugopyaṃ sarvajaṃtuṣu
41.9
mṛto yatra mahādevi śiva eva na saṃśayaḥ || dhanyāste puruṣā loke puṇyātmāno maheśvari
41.10
ye vadaṃtyapi kedāraṃ gamiṣyāma iti kvacit || pitarastasyadeveśi triśataṃ kulasaṃbhutāḥ
41.11
gacchaṃti śivaloke tu satyaṃ
satyaṃ na saṃśayaḥ || yathā satīnāṃ tvaṃ caiva devānāṃ ca yathā hariḥ
41.12
sarasāṃ sāgaro yadvatsāritāṃ jāhnavī yathā || parvatānāṃ yathāyaṃ
vai yogināṃ yājñavalkyakaḥ
41.13
bhaktānāṃ ca yathā devi nārado bhakta īritaḥ || śilānāṃ ca yathā śālagrāmaśilā tu vaiṣṇavīm
41.14
araṇyānāṃ yathā proktaṃ vadyarṇyāraṇyasaṃjñitam || dhenūnāṃ ca yathā kāmadhenurvai parikīrtitā
41.15
manuṣyāṇāṃ yathā vipro viprā
ṇāṃ jñānado yathā || strīṇāṃ pativratā yadvatpriyāṇāṃ putra eva ca
41.16
padārthānāṃ yathāsvarṇe munīnāṃ ca yathā śukaḥ || sarvajñānāṃ yathā
vyāso deśānāmayamevaca
41.17
narāṇāṃ ca yathā rājā surāṇāṃ vāsavastathā || vamnūnāṃ dhanado yadvatpurīṇāṃ māmakī yathā
41.18
raṃbhā cāpsarasāṃ yadgandharvāṇāṃ ca tuṃburuḥ || kṣetrāṇāṃ ca tathā proktaṃ kṣetraṃ kedārasaṃjñitam
41.19
śṛṇu devi purā vṛttaṃ vyādhasyaiṇasya ta
cchṛṇu || mṛgahaṃtāvasadracādho grāmāṃte vikarālakaḥ
41.20
mṛgamāṃsāśano nityaṃ vikretā sarvavastunaḥ || ekadā sa mahān vyādho mṛgān
haṃtuṃ gato vane
41.21
hatāstatra vanedevi mṛgāśca bahavastathā || evaṃ hananmṛgānvyādho yayau kedāratīrthake
41.22
gacchatastasya deve
śi vane munigaṇānvite || dṛśyata muniśreṣṭho nārado vicaran girau
41.23
etasminnantare sopi vyādho vai dṛṣṭamānasaḥ || yoyaṃ gaccha
ti svarṇātmā divyarūpadharo mṛgaḥ
41.24
ema hatvā svarṇamayaṃmṛgaṃ svarṇamayobhaveḥ || iti vai ciṃtayitvā tu vyādhaḥ paramavismitaḥ
41.25
dhanuḥ sajyaṃ cakārāśu bāṇaṃ saṃdhāya kārmuke || yāvannihaṃti tamṛṣiṃ tāvadastaṃ gato raviḥ
41.26
iti tatparamāścaryaṃ dṛṣṭvā vyā
dhotivismitaḥ || yāvadgacchati cāgre tu dadarśa darduraṃ bile
41.27
sarpeṇa grasyamānaṃ vai mahākāyena satvaram || yāvadrasati maṃḍūkaṃ sarpaḥ
kālātmako hyayam
41.28
tāvadbhūva maṃḍūko nāgayajñopavītakaḥ || arddhacaṃdradharaḥ śīrṣe jaṭāṭyā virājitaḥ
41.29
kailāsādrisa
mābhāso nṛtyadgaṇavirājitaḥ || triśūlī nīlakaṃṭho vai hasticarmāmbaro vibhuḥ
41.30
iti tatparamāścaryaṃ dṛṣṭvā vai vyādhapūrupaḥ || kime
tadvai kathaṃ jāto maṃḍūkaḥ sarpaveṣṭitaḥ
41.31
rūpaṃ kasmādidaṃ jātaṃ maṃḍūkasyānyadehakaḥ || kiṃ vā svapnamahaṃ manye jāgrato me kathaṃ bhavet
41.32
bhramo me hi kathaṃ jātaḥ svasthosmi yata eva hi || atha cedaṃ kathaṃcidvai bhūtopadravakaṃ kima
41.33
sannikarṣamṛtimaidya vartate
vikṛtiryataḥ || kiṃ karomi ka gacchāmi vane'sminbhūtasevite
41.34
ko me rakṣāmidānīṃ hi kariṣyaṃti mahāvane || paśyato me hi maṃ
ḍūko vikṛtiṃ vai kathaṃ gataḥ
41.35
iti ciṃtāsamāviṣṭamanā vyādho hi tatkṣaṇāt || palāyanaparo jāto mahośi vanato yadā
41.36
tāvaddarśo vyāghreṇa hanyamānaṃ mṛgaṃ kila || purau ca sundarāṃgaṃ ca mahāvyādho bhayāturaḥ
41.27-2
tameva hanyamānaṃ ca mṛgaṃ vai śivarūpiṇam
paṃcavaktraṃ trinetraṃ ca vyālayajñopavītinam
41.38
haṃtā yo devadeveśi mṛgarāṭtsa sapadi hataḥ || vyādhenānyena kenāpi balīvardo babhūva
ha
41.29-2
āruroha vṛṣe tasminsa vai pūrvahato mṛgaḥ || śivarūpadharaḥ sākṣātpaśyatastasya suṃdari
41.40
iti tatra parāścaryaṃ dṛṣṭvā vyā
dhotivismitaḥ || cintayāmāsa bahuśaḥ kimidaṃ kimidaṃ tvaho
41.41
pulakāṃkitasarvāṃgo vismayāviṣṭamānasaḥ || punardadarśa deveśi tame
va nāradaṃ munim
41.42
taṃ dṛṣṭvā manujākāraṃ vane tasmin bhayāvahe || śrutvā tu tanmukhādvṛttaṃ tatratyaṃ mama vallabhe
41.43
vyādhaḥ
sādhurasādhuśca vanaṃ sādhurahoparam || iti śrutvā tu sa vyādho babhāṣe nāradaṃ munim
41.44
kathaṃ sādhurahaṃ brahmannasādhuśca kathaṃ vanam
sādhusādhviti yatproktaṃ tvayā kiṃ tadvadasva me
41.45
vyādheritaṃ tu tacchutvā vihasya nārado'bravīt || dhanyosi lubdhakaśreṣṭha yattvayā
tīrthamuttamam
41.46
āgataṃ tāhaśaṃ caiva dṛṣṭaṃ vai śubhadarśanam || tasmāduktaṃ ca me sādhuratvasādhuśca yacchṛṇu
41.47
yasmādidaṃ tvayā
vyādha jñātaṃ neti śubhaṃ param || yasya māhātmyataḥ śīghraṃ tiryagyonigato dhruvam
41.48
avāpya śivatāṃ caiva paśyataste kṣaṇāttathā
iti tatparamāścaryaṃ rūpaṃ tadvacanaṃ priye
41.49
śrutvā vyādho mahābhāgaḥ praṇanāma bhuvi kṣaṇāt || dhanyosmi kṛtakṛtyosmi mune tvadarśe
nādaham
41.50
yohaṃ tava mukhāṃbhojaniḥsṛtaṃ sukathāmṛtam || pibāmi muniśārdūla trāhi māṃ bhavasāgarāt
41.51
pāpohaṃ munihaṃtāhaṃ
hiṃsako'haṃ durāsadaḥ || tārayeha mahābhāga kathametāhśī gatiḥ
41.52
bhavenme muniśārdūla tadvadasva kṛpānvitaḥ || uvāca nāradastaṃ vai
atraiva nivasa tvīta
41.53
ityukkāṃtardadhe devi paśyatastasya vai priye || vyādhopi nivasaṃstatra yayau vai paramāṃ gatim
41.54
iti
tatkṣetramāhātmyaṃ nāhaṃ varṣaśatairapi || kṣamosmi vaktuṃ suśroṇi śṛṇvatopi parāṃ gatim
41.55
tīrthāni śṛṇu deveśi guhyāni mutarāṃ priye
41.55.p1
iti śrīskāṃde kedārakhaṃḍe vyādhavṛttaṃ nāma ekacatvāriṃśattamo'dhyāyaḥ
Linked texts (2)
- Kedāramāhāmya — Sanskrit
- Kedāramāhātmya — Sanskrit