Pramāṇa · Search · About · API

Kedarakhanda 45

Kedārakhaṇḍa 45

Language
Sanskrit

Contents

45.1

īśvara uvāca || || athānyatte pravakṣyāmi kṣetraṃ paramasuṃdaram || yacchrutvāpi naro bhaktyā sarvapāpaiḥ pramucyate

45.2

tasya dakṣiṇapārśve vai bagalākṣetramuttamam || caturyojanavistīrṇaṃ caturarddhe suvistṛtam

45.3

tatpīṭhaṃ paramaṃ devi mayā naiva prakāśi
tam || tvatpriyatvādvidānīṃ hi gaditaṃ te sudurllabham

45.4

nānātīrthasamāyuktaṃ nānāliṃgavirājitam || yasya saṃdarśanādeva naro devī
puraṃ vaset

45.5

bagalā tu mahādevī sarvataṃtreṣu viśrutā || brahmāstravidyā vikhyātā śatrustaṃbhanakāriṇī

45.6

yasyāḥ smaraṇamātreṇa śatruḥ
paṃgurbhaveddhruvam || tatsthānaṃ tu mayā proktaṃ sarvakāmaphalapradam

45.7

saptarātraṃ nirāhāro japanvrai bagalāmanum || siddhiṃ prāpnoti vipulāṃ khe
carīṃ mama vallabhe

45.8

balidānādibhiryastu bagalāṃ tu samarcati || tasya puṇyaphalaṃ devi kṛtsnaśaḥ kathyate śṛṇu

45.9

sarvayajñeṣu
yatpuṇyaṃ sarvatīrtheṣu yatphalam || tatphalaṃ prāpnuyānmartyo bagalāyāstu darśanāt

45.10

devyā vai dakṣiṇe bhāge dhārā puṇyapramodinī
tasyā vai uttare tīre viṣṇumūrttiścaturbhujā

45.11

snātvā puṇyapramodinyāṃ dṛṣṭvā viṣṇuṃ sanātanam || kṛtakṛtyo bhavenmartyo na kṛtaṃ kiṃ
na tena vai

45.12

tato dakṣiṇe digbhāge gavyūtau śṛṇu vismayam || triśīrṣā tu mahādevi devī vai varttate śive

45.13

nityaṃ tatra
mahāsiṃho garjaṃstiṣṭhati cāsakṛt || nānānāryaḥ śyāmadehāstathā śyāmāṃbarāḥ priye

45.14

tathā karālavadanā vicaraṃti tayā saha
vāditrāṇi ca vādyaṃte jhaṇaṃkāraravāstathā

45.15

tena śabdena yastatra trasto bhavati mānavaḥ || mriyate sa na saṃdeho dūyate kṣaṇatastathā

45.16

dhairyavānmaṃtrasaṃyukto jāpakaḥ śivatatparaḥ || paraniṃdāparo yo na parastrīṣu parāṅmukhaḥ

45.17

na tasya bhayaleśosti tiṣṭhatastatra
pīṭhake || śīghraṃ vai labhate siddhiṃ yathā gorakṣakādayaḥ

45.18

tatra kuṃḍaṃ samākhyātaṃ vaiṣṇavaṃ pāpidurlabham || yatra snānena tapasā madarthaṃ pāpa
durlabham

45.19

yatra svarṇaṃ varārohe koṭīnāṃ daśa paṃca ca || varttate bhūtale nyastaṃ kuvereṇa mahātmanā

45.20

tāmravarṇīti vikhyātā sa
ritā sariduttamā || vāmabhāge mahādevi sarvakāmaphalapradā

45.21

proktāni tava tīrthāni samāsena mayātra vai || viśeṣeṇa samākhyātuṃ
notsahe śatavarṣaiḥ

45.22

iti te bagalākṣetraṃ pāparāśidavaṃ mayā || proktaṃ tvatpriyahetutvātsarvatra bhuvi gopitam

45.23

navadetpiśunā
yedaṃ madbhaktirahitāya ca || paṭhedbhitsu maṃtrajño brāhmaṇānāṃ sabhāsu ca

45.24

ya idaṃ śrāvayedvidvānpaṭhedyāpi svayaṃ kacit || śṛṇuyādapiyo
matryo na vai yamapure vaset

45.24.p1

iti śrīskāṃde kedārakhaṇḍe tīrthamāhātmye bagalākṣetramāhātmyaṃ nāma pañcacatvāriṃśo'dhyāyaḥ