Kedarakhanda 76
Kedārakhaṇḍa 76
- Language
- Sanskrit
Contents
- 76.25 — 1 part
76.1
īśvara uvāca || || svaraiḥ
ṣaḍjādibhiḥ saṃta jātayaḥ śuddhanāmakāḥ || tā vakṣyāmi mahābhāga mayi bhaktiḥ parā tava
76.2
ṣaḍjī caivārṣabhī vipra gāṃdhārī madhyamā
tathā || paṃcamī dhaivatī ṣaṣṭhī naiṣādī saptamī tathā
76.3
etatsāṃkaryajātīnāmānaṃtyaṃ varttate mune || mūlabhūtāḥ prakathitāstābhyaḥ sarve mala
ste
76.4
iti te kathitā nādasamudbhūtimayā mune || nāda eva para brahma sarve nādātmakaṃ jagat
76.5
śabdaṃ samabhyasedbrahma tu guruḥ
kātsamīritam || gītākṣaraprathamake pavarge parivarjayet
76.6
sakāraṃ ca dakāraṃ ca rakāraṃ ca tathaiva ca || nakāraṃ ca cakāraṃ ca hakāraṃ ca
phalaṃ śṛṇu
76.7
dakāre kulanāśaḥ syātsakāre śokasaṃbhavaḥ || rakāre maraṇaṃ proktaṃ lakṣmīnāśo nakārake
76.8
cakāre sthānanāśaḥ
syāddehyāyuḥ kṣīyate param || udrāhe nagarā varṇāḥ śaralāṃścāṃtare tyajet
76.9
ābhoge haṭakānvipra nava varṇā ime smṛtāḥ || udrāhe
hara te lakṣmīmaṃtare harate yaśaḥ
76.10
ābhoge harate jīvaṃ tasmāttatparivarjayet || aṣṭau gaṇāḥ samākhyātā gīte chaṃdasi puṇyadāḥ
76.11
tānvakṣyāmi mahābhāga sāvadhānovadhāraya || mayarasatajabhanāḥ kīrttitā bhedasammitāḥ
76.12
lakṣaṇāni pravakṣyāmi devatāśca
phalaṃ tathā || magaṇāściguruḥ khyāto yagaṇo laghurādimaḥ
76.13
ragaṇo vai madhyalaghuḥ sagaṇontaguruḥ smṛtaḥ || tagaṇontalaghuḥ khyāto
jagaṇo gurumadhyamaḥ
76.14
ādigururbhagaṇo nagaṇaścilaghuḥ smṛtaḥ || bhūmināthastu magaṇo lakṣmī prāptikaro mataḥ
76.15
śikhī
yagaṇanāthaśca putraprāptikarastathā || vahniragaṇasvāmī ca mṛtyudo vai prakīrtitaḥ
76.16
sagaṇasya tathā svāmī vāyurvai samudāhṛtaḥ
nānārthanāśakaścaiva tathaiva gṛhanāśakaḥ
76.17
tagaṇeśastathākāśo dhanahānikaro mataḥ || jagaṇeśo dhārmānidhirmahatkadhaprado mataḥ
76.18
caṃdro bhagaṇanāthastu yaśaḥsukhakaro mataḥ || īśvarohaṃ nagaṇapo dhanāyuṣyakaro mataḥ
76.19
magaṇo nagaṇaḥ pūrve yabhau caiva tu
paścime || rajau caivottare proktau satau caiva tu dakṣiṇe
76.20
īśānādau mayarasatajabhanāśca tathā smṛtāḥ || vicāryya sudhiyā gāne gā
tavyā magaṇādikāḥ
76.21
nādarūpaṃ paraṃ brahma nādarūpī janārdanaḥ || nādarūpā parā śaktirnādarūpī maheśvaraḥ
76.22
kāvyālāpāśca
ye kecidgītakānyākhilānyapi || śabdarūpadharasyaite viṣṇoraṃśā mahātmanaḥ
76.23
svarasya jāyate nādo nādasya svara eva hi || svarasya
līyate tālaṃ tāle gītaṃ samācaret
76.24
nādamadhye sthitaḥ sūryo bindumadhye ca caṃdramāḥ || nādabindostathaivaikyaṃ vīryamadhye sthitaṃ
sadā
76.25
asmādevasamudbhūtiḥ sarvasya jagato mune || tasmātsarvaprayatnena nādabrahma samabhyaset
76.25.p1
iti śrīskāṃde kedārakhaṇḍe gītaśāstre ṣaḍjādijātipramukhakathanaṃ nāma trisaptatitamo'dhyāyaḥ