Kedarakhanda 8
Kedārakhaṇḍa 8
- Language
- Sanskrit
Contents
- 8.34 — 1 part
8.1
śrīpārvatyuvāca || || devānāṃ dānavānāṃ ca daityānāṃ yakṣarakṣasām || utpatti vistareṇaiva kathayasva mama prabho
8.2
īśvara uvāca
dakṣo nāma prajānāthaścikīrṣurvividhāḥ prajāḥ || ajījanat sahasraṃ vai putrāṇāṃ sṛṣṭikarmaṇi
8.3
tānāgatya mahātejā nārado bhagavānṛṣiḥ || uvāca vacanaṃ cedaṃ vihasyaca punaḥ punaḥ
8.4
nārada uvāca || śṛṇudhvaṃ vacanaṃ sarve dākṣeyāḥ sṛṣṭikarmaṇi || yūyaṃ niyuktā dakṣeṇa
kathaṃ kuruta bāliśāḥ
8.5
jānīdhvaṃ pṛthivyā aṃtaṃ kurudhvaṃ sṛṣṭikarma ca || vinājñānaṃ pramāṇasya prajāsargona jāyate
8.6
īśvara uvāca || ityājñaptaṃ nāradena śrutvā te dakṣaputrakāḥ || gatā draṣṭuṃ pramāṇaṃ vai pṛthivyā jagadīśvari
8.7
adyāpi na nivarttaṃte samudrebhya
ivāpagāḥ || atha putreṣu naṣṭeṣu dakṣaḥ prācetaso muniḥ
8.8
punardaśaśataṃ caiva putrāṃścaivāsṛjatprabhuḥ || punarvai nāradenoktā gatā vai sarvato
diśam
8.9
punasteṣvapi naṣṭeṣu dakṣaḥ kruddho'gravīdvacaḥ || nāradaṃ putrahaṃtāraṃ garbhavāsaṃ vrajeti ca
8.10
punardakṣo mahātejāḥ kanyā vai ṣaṣṭi
saṃkhyakāḥ || tāḥ kanyāḥ katicidevi kaśyapo nāma vai muniḥ
8.11
dharmāya dattā somāya catasro'riṣṭanemine || catasrobhyaguputrāya dve vai
cāṃgirase tathā
8.12
dve kṛśāśvāya munaye nāmāni ca tathā śṛṇu || ditiśca aditiścaiva kadruśca vinatā tathā
8.13
surabhiḥ surasāridhā
danuḥ krodhavaśā irā || munirvaṃśā viśvanāma tāsvapatyāni me śṛṇu
8.14
ditirvaijanayāmāsa putrānamitatejasaḥ || śakro viṣṇuśca jajñāte
śṛṇvadityāstathaiva ca
8.15
dhātāryamā ca tvaṣṭā ca pūṣā vai varuṇastathā || vivasvān savitā mitro bhagoṃśaśca mahābalaḥ
8.16
raviśca
drādaśādityāḥ kathitāścākṣupoṃtare || dityāḥ putradvayaṃ jajñe kaśyapāditi naḥ śrutam || hiraṇyakaśipuścaiva hiraṇyākṣaśca pārvati
8.17
siṃ
hikācābhavat kanyā dadau tāṃ vipracittaye || tasyāḥ putrāstadājātāḥ saiṃhikeyā mahābalāḥ
8.18
saṃkhyayā daśasāhasraṃ vipracittermahā
balāt || hiraṇyakaśipoḥ putrāścatvāromitavikramāḥ
8.19
anuhrādaśca prahrādo hrādaḥ saṃhrāda eva ca || anuhrādasya putrāstu mahānāso
bhayānakāḥ
8.20
kaulaścaiva mahāśabdo babhūvuramitaujasaḥ || virocanastu prāhrādirvirocanasuto baliḥ
8.21
bāṇādyaṃ vai putraśataṃ
balerāsīn mahātmanaḥ || hiraṇyākṣasutāḥ paṃca mahātmāno mahābalāḥ
8.22
jharjharaḥ śakuniścaiva śaṃkuśīrṣoṃ mahānadaḥ || vikrāṃtaḥ kāla
nābhaśca dhanurvedaviśāradāḥ
8.23
kadroḥputrān mahābhāge nibodha mama sāṃpratam || anaṃtā vāsukiścaiva elāputro dhanaṃjayaḥ
8.24
kādaveyā mahātmāna ityādyāḥ kadruputrakāḥ || vinatā garuḍaṃ caiva aruṇaṃ ca mahābalam
8.25
dvau putrau janayāmāsa tayorvai putrasaṃtatiḥ
surairekādaśaproktā rudrā jātāstu kaśyapāt
8.26
haraśca bahurūpaśca kapardī tryaṃbakastathā || vṛṣākapiśca śaṃbhuśca mṛgavyādho parājitaḥ
8.27
kalāpīraivataḥsarpo rudrā ekādaśa smṛtāḥ || surasāyāstu sarpāstu jātāstehiviṣolbaṇāḥ
8.28
danostu dānavāḥ proktāḥ
śṛṇu śreṣṭhān mahābalān || vipracittirdvimūrdhā ca śaṃkukarṇo gavethikaḥ
8.29
ayomukhaḥ śaṃvaraśca kapilo vāmanastathā || svarbhānu
vajranābhaśca śarabhaḥ śailabhādikāḥ
8.30
dānavāstu samākhyātā mahābalaparākramāḥ || teṣāṃ vai putrapautrāṇāṃ saṃkhyāṃ kartuṃ na vidyate
8.31
svarbhānostu prabhākanyā pulomnastu śacī matā || paulomāḥ kālakeyāśca hiraṇyakaśipo pureḥ
8.32
saṃkhyayā daśasāhasraṃ
sahasraṃ ca prakīrtitam || munestu munayaḥ khyātā ariṣṭātmaścarācarāḥ
8.33
etāsāmeva sarvehi jagadetaccarācaram || kinnarāyakṣarakṣāṃsi
tābhyo jātā mahābalāḥ
8.34
vṛkṣāśca parvatāścaiva pakṣiṇaśca catuṣpadāḥ || iti te kathitaṃ devi daityadānavarakṣasām || paṭhatāṃ śṛṇvatāṃ
caiva svargasya phaladāyakam
8.34.p1
iti śrīskāṃde kedārakhaṃḍe aṣṭamo'dhyāyaḥ
Linked texts (4)
- Critical edition (BORI) — Sanskrit
- Critical edition (BORI) — Sanskrit
- Brahmapurāṇa — Vyāsa, Sanskrit
- Vāyupurāṇa — Vyāsa, Sanskrit