Kedarakhanda 85
Kedārakhaṇḍa 85
- Language
- Sanskrit
Contents
- 85.33 — 1 part
85.1
vasiṣṭha uvāca || || śṛṇu priye samāsena raktabījavadhāśritām || puṇyāṃ pavitrāmāyuṣyāṃ kathāṃ divyāṃ manoharām
85.2
purā śaṃku
śirā nāma dānaveṃdro mahābalaḥ || tasya putro mahābhāge asthibījo mahāsuraḥ
85.3
tasya putro mahātejā raktabījo mahābalaḥ || eka
dā nihato devi sosthibījo mahāsuraḥ
85.4
asthīni carvayāmāsa tasya devī hi bhairavī || nihate dānave tasmin devaiḥ paramakopitaiḥ
85.5
śrutvā tatkarma devānāṃ raktabījo mahāmate || tapaścakke mahātejā brahmakṣetre varānane
85.6
paṃcalakṣāṇi varṣāṇāṃ vyatīyustapataḥ
priye || tyaktāhāravihārasya parabrahmaratātmanaḥ
85.7
tasya vai tapyamānasya valmīkamupari dhruvam || babhūva sarvataścaiva śailarāja iva sthitaḥ
85.8
brahmāpi prayayau tatra vimānenārkatejasā || uvāca paramaṃ tuṣṭo raktabījaṃ mahāsuram
85.9
uttiṣṭhottiṣṭha danuja maharddhe tapa uttamam
kṛtaṃ tvayā mahābhāga saṃtuṣṭosmi tavāṃ tvayi
85.10
varaṃ vṛṇīṣva bhadraṃ te yatte manasi vartate || durlabhaṃ nāsti trailokye dānavendra mahā
mate
85.11
raktabījopi tacchrutvā vacanaṃ brahmaṇeritam || unmīlya nayane devi jalairānandasaṃbhavaiḥ
85.12
saṃmṛjyovāca brahmāṇaṃ
vimānasthitamaṃjasā || bhagavaṃstvaṃ sarvakarttā sarveṣāmīśvaraḥ prabhuḥ
85.13
tvatta eva vayaṃ jātā devāśca tava saṃbhavāḥ || samāstvayā rakṣa
ṇīyā yatastvaṃ prapitāmahaḥ
85.14
varāhoṃhaṃ yadi vibho varadosti bhavānyadi || na vadhyohaṃ surairdaityairna gaṃdharvairna mānuṣaiḥ
85.15
na
yakṣairna piśācaiśca paśubhirna ca pakṣibhiḥ || nānyaiśca jīvajātībhirna divā na niśi prabho
85.16
yatra me raktabiṃdurvai patattatra mahāsuraḥ
madrūpo madbalo deva tathāstu ca madākṛtiḥ
85.17
yāvaṃtaśca śarīre me bhaveyū raktabiṃdavaḥ || pateyuśca tathā bhūmau bhavaṃtu matparākramāḥ
85.18
evameva paraṃ yāce varaṃ yadyātumicchasi || iti śrutvā vacastasya brahmā sarvapitāmahaḥ
85.19
uvāca ca vacanaṃ prīto raktabījaṃ
mahāsuram || bhaviṣyasi tathaiva tvamīpsitaṃ yattvayāsura
85.20
svasti te'stu gamiṣyāmi puṃbhirmṛtyuṃ na cāpsyasi || ityuktvā duhiṇo
devi tatraivāṃtaradhīyata
85.21
varānprāpya mahātejāḥ pramattobhūnmahāsuraḥ || niśuṃbhaśuṃbhasahito rājyaṃ sarvāṃgasuṃdari
85.22
cakāra vi
pulāndurgān balāni ca mahāṃti ca || smṛtvā vairaṃ nirjharāṇāṃ pituśca vadhamāsuraḥ
85.23
dūtānsaṃpreṣayāmāsa vāsavāya mahāsuraḥ
tyaja rājyaṃ ca svarlokamasmākaṃ jagatī ca vai
85.24
anyāyena purā devairnirjitāḥ sarvadānavāḥ || idānīṃ balasaṃpannā vayaṃ yuddhavini
ścayāḥ
85.25
avalepo na kartavyo yuṣmābhiḥ sarvadaivataiḥ || yuddhepsavo yadi surā yuddhāya kṛtaniścayāḥ
85.26
āgacchaṃtu bhavaṃtaśca
sāhāyyena yutāstathā || yo vai jeṣyati no devāḥ sa vai rājyaṃ kariṣyati
85.27
iti dūtamukhebhyaśca śrutvā vāco'sureritāḥ || indra
ājñāpayāmāsa sarvān devān varānane
85.28
sannaddhakavacāstrāśca varanirjharaśapāṇayaḥ || sametya sarve tridaśā āgacchaṃtvājñayā mama
nāgamiṣyati yo devassa me vadhyo bhaviṣyati
85.29
ityuktvā daivatānsarvāndūtāṃścovāca devarāṭ || gacchadhvaṃ raktabījāya saśuṃbhāya
vadaṃtu vai
85.30
bhavaṃto dūtakāḥ sarve kāryyo no hyavalepakaḥ || yuddhe jitāḥ suraiḥ pūrvamasthibījo yathā hataḥ
85.31
niśuṃbhaśuṃbhasahitaḥ
śayiṣyasi raṇāṅgaṇe || tathā tvaṃ sarvadevaiśca nāvalepe matiṃ kuru
85.32
dūtāścaiva tathā śrutvā vāsavāstvarayā yutāḥ || raktabījaṃ tathā
prāpya samācakṣurvaco'khilam
85.33
raktabījo'pi tacchrutvā kopasaṃraktalocanaḥ || sarvadevavināśārthaṃ matiṃ cakre raṇāya vai
85.33.p1
iti śrīskaṃde kedārakhaṃḍe kālītīrthamāhātmye raktabījavadhe dūtapreṣaṇanāma dvyaśītitamo'dhyāyaḥ
Linked texts (1)
- Mudgalapurāṇa — Sanskrit