Kedarakhanda 87
Kedārakhaṇḍa 87
- Language
- Sanskrit
Contents
- 87.45 — 1 part
87.1
vasiṣṭha uvāca
nirjitāste tato devā dānavaistairmahābalaiḥ || iṃdrādayo mahābhāge saṃcerurgirikandare
87.2
līnānāmatha devānāṃ varṣāṇāṃ niyutaṃ yayau || mānavā iva duḥkhārtāḥ saṃceruḥ pṛthivīmimām
87.3
raktabījavadhākrāṃtāstathā śuṃbhaniśuṃbhayoḥ || hatādhikārāstridaśāścedhitaṃ na vicakramuḥ
87.4
ekadā vāsavādyāste vibudhā vasavastathā || brahmāṇaṃ śaraṇaṃ jagmuḥ sraṣṭāraṃ prapitāmaham
87.5
baddhāṃjalipuṭāḥ sarve nirjarā bhayavihvalāḥ || ūcuste bhaktisaṃpannā brahmāṇaṃ jalajodbhavam
87.6
devā ūcuḥ || prajāpate namastubhyaṃ brahmaṇe jñānacakṣuṣe || namastrimūrttaye tubhyaṃ nirguṇāya mahātmane
87.7
raktabījabhayodvignā hṛtarājyā vayaṃ prabho || pṛthivyāmapi pratyakṣe na carāmo bhayātmabho
87.8
indraḥ sa eva bhagavan sa vahniryama eva ca || nir
tiryaruṇaścaiva vāyuśca dhanadastathā
87.9
īśaścaiva sa evāsti hutayajñā vayaṃ prabho || tvameva jagatāṃ sraṣṭā pramatto varadānataḥ
87.10
ḍa
tsamādyaṃte dānavena sṛṣṭayastvatkṛtā imāḥ || vadhaṃ cintaya tasyāpi kāraṇena prajāpate
87.11
brahmovāca || gacchadhvaṃ tridaśāḥ sarve devadevaṃ
sanātanam || anādimadhyanidhanaṃ vāsudevaṃ mayā saha
87.12
sa jñāsyati vadhopāyaṃ raktabījasya nirjharāḥ || ahaṃ caivāgamiṣyāmi yatra
viṣṇuḥ sanātanaḥ
87.13
vasiṣṭha uvāca || ityuktvā tān samāśvāsya yayau devasamanvitaḥ || kṣīrāmbhodhau yatra suto nāradādibhirarcitaḥ
87.14
bhagavān vāsudevo hi ramayā sahitaḥ prabhuḥ || devairapi tato brahmā tuṣṭāva parameśvaram
87.15
brahmovāca || namo devādhidevāya
vāsudevāya brahmaṇe || yasyecchayā jagatsarvaṃ jāyate sacarācaram
87.16
lakṣmīpate namastubhyaṃ dānavāre namo namaḥ || namastrailokyanāthāya
namastrijagatāṃ pate
87.17
triguṇavyatirekāya triguṇāya guṇātmane || niraṃjanāya nirdvaṃdva tecyutāya namo namaḥ
87.18
brahmarūpeṇa
sṛjate harirūpeṇa rakṣate || aṃte nāśayate devarudrarūpeṇa te namaḥ
87.19
acchedyāya maheśāya nirbhedyāya mahātmane || adāhyāya sureśāya
acchedyāya mahātmane
87.20
ekaḥ sarvasya jagataḥ pālako nāśakastathā || ekopyanekadhā bhāsi palvaleṣu yathā raviḥ
87.21
tvatto
nānyaṃ prapaśyāmi bhinnaṃ paramayā dhiyā || yasyāṃśāśca vayaṃ sarve brahmaviṣṇumaheśvarāḥ
87.22
ādiṃ na te na caivāṃtaṃ na madhyaṃ bhagavanviduḥ
namaste śataśo deva bhaktigamyāya vedhase
87.23
purā tvayā maheśāna matsyarūpeṇa sarvataḥ || rakṣitaṃ śṛṃgake baddhvā naurūpāṃ pṛthivīmimām
87.24
manunā saṃstutaścāsi nihataḥ śaṃkhakāsuraḥ || tataḥ kamaṭharūpeṇa dhṛtā bhūmistvayā prabho
87.25
punarvarāharūpeṇa vāraṃvāraṃ
dhṛtā dharā || hiraṇyākṣastvayā deva nihato ditijeśvaraḥ
87.26
nārasiṃhavapuḥ kṛtvā varadato mahāsuraḥ || hiraṇyakaśipurdaityo nakhāstreṇa
hatastvayā
87.27
adityā garbhasaṃbhūto vāmanatvamupāgataḥ || iṃdrarājyamabhīpsanyo balirvai chalitastvayā
87.28
bhārgavopi purā deva
bhūtvā tvaṃ jamadagnijaḥ || rāmanāmā maheśāna nihatā dānavāṃśajāḥ
87.29
kṣatriyāḥ kārtavīryādyā nihatā rakṣaṇe tvayā || paulastyādyā
mahātmāno nihatā rāmamūrtinā
87.30
punaḥ kaṃsādayo bhūpāḥ pāpācārā maheśvara || kṛṣṇanāmnā tvayā deva hatā rakṣaṇahetave
87.31
yugāṃte mlecchajātīyānvedadharmaviniṃdakān || kṣayaṃ nayasi bho deva kalkirūpī bhavān hare
87.32
tvadaṃśabhūtā brahmādyāḥ sṛṣṭikarmādi
kurvate || tvameva sarvajagataḥ sthitikarmā kṛtāṃtakṛt
87.33
koṭisūryapratīkāśo nānābharaṇadīptikaḥ || śaṃkhaṃ cakraṃ gadāṃ padmaṃ dhārayanvai
caturbhujaḥ
87.34
saṃstūyamāno munibhirmaharṣiḥ sanakādibhiḥ || ramayā hṛtavāmāṃgo ghanaśyāmo vipāśanaḥ
87.35
dṛṣṭvā sarvadevaistu
brahmādibhirakalmaṣaiḥ || dṛṣṭvā tān duḥkhasaṃpannānstuvato manasā girā || uvāca bhaktisaṃpannān brahmādīn stridivaukasaḥ
87.36
śrībhagavā
nuvāca || jñātaṃ me bhavatāṃ duḥkhaṃ raktabījo mahāsuraḥ || brahmaṇo varadānena hatosti surasattamāḥ
87.37
devena manujenāpi paśupakṣisarī
sṛpaiḥ || anyaiśca prāṇibhiścāpi na vadhyoyaṃ surāsuraiḥ
87.38
anvīkṣitaṃ mayā tasya vicāryaṃ bahudhā surāḥ || taddohaṃ saṃpravakṣyāmi
śṛṇudhvaṃ kāraṇaṃ mahat
87.39
prakṛtiryā parā nityā brahmaviṣṇuśivātmikā || icchayā yā jagatsarvaṃ sṛjate sacarācaram
87.40
tasyā eva vayaṃ devā aṃśabhūtā mahaujasaḥ || na devaḥ sā na gaṃdharvo na yakṣo na ca rākṣasaḥ
87.41
guhyako na piśācosti na naro
na mṛgādikaḥ || seyaṃ parā mahāmāyā haniṣyati mahāsuram
87.42
gacchadhvaṃ ca mayā sārdhaṃ kailāse śivamaṃdire || stutā sā bhavatāṃ
duḥkhaṃ haniṣyati viniścayāt
87.43
pūrvaṃ ca mahiṣo daityo nihataśca tathaiva hi || madhukaiṭabhanāmānau tatprasādena me hatau
87.44
tasyā eva kṛpādṛṣṭayā sarvaṃ saṃpādyate sukham || tāmārādhya maheśānīṃ sukhitāḥ saṃbhaviṣyatha
87.45
vasiṣṭha uvāca || iti te saṃmatiṃ
kṛtvā vāsudevādayaḥ surāḥ || jagmuḥ kailāsanilaye yatra devo maheśvaraḥ
87.45.p1
iti śrīskāṃde kedārakhaṃḍe kālītīrthamāhātmye raktabī javadhe kailāsagamane caturaśītitamodhyāyaḥ
Linked texts (1)
- Vulgate — Sanskrit