Kedarakhanda 89
Kedārakhaṇḍa 89
- Language
- Sanskrit
Contents
- 89.77 — 1 part
89.1
vasiṣṭha uvāca || || tato devāḥ samāgatya nāradaṃ jagadurmunim || devakāryaṃ kuru prājña gaccha dānavamaṃdire
89.2
kuryādyathā mahā
devyā aparādhaṃ munīśvara || raktabījavadhārthāya yatasva matimuttamām
89.3
iti teṣāṃ tu vijñaptiṃ śrutvā munivarastadā || yayau hyākā
śamārgeṇa jaṭāmukuṭamaṃḍitaḥ
89.4
raktabījapuraṃ ramyaṃ nānākautukamaṃḍitam || devadānavagaṃdharvayakṣarākṣasakinnaraiḥ
89.5
vividhairapsarobhiśca
pannagairguhyakaistathā || sevitaṃ munivaryaiśca brāhmaṇaiśca sahasraśaḥ
89.6
svarṇaprākāravaprāḍhyaṃ rathyāpaṇavirājitam || maṇiprakarapuṣpāḍhyaṃ
patākādhvajamālinam
89.7
prasannanaranārīkaṃ gavākṣāṭṭālakānvitam || sumeruśṛṃgasadṛśairgṛhaiśca pariśobhitam
89.8
dadarśa bhagavānni
pravayyo nāradanāmakaḥ || airāvato vāsavasya tathā coccaiḥśravā hayaḥ
89.9
pārijātādayo vṛkṣā anyadrastu na kiṃcana || agnerajasriśūlaṃ
ca tathāgneyaṃ ca dvyakam
89.10
yamasya mahiṣaṃ caiva daṃḍaśaktī tathā priye || varuṇasya tathā pāśaḥ kacchapaśca tathā hṛtaḥ
89.11
vā
yavīyaṃ ca kauberaṃ aiśaṃ brāhmamathāpi vā || sarvaṃ dadarśa tatraiva hyāhataṃ vai balīyasā
89.12
āgataṃ nāradaṃ dṛṣṭvā raktabījo mahāsuraḥ
utthāya kṛtavānsarvaṃ pādyamācamanīyakam
89.13
arghyaṃ ca vidhivaddatvā veśayāmāsa svāsanam || uvāca prāṃjalī rājā raktabījo
mahāsuraḥ
89.14
svāgataṃ te mahābhāga kuśalaṃ tava suvrata || kimāgamanakṛtyaṃ te dhanyo'smi darśanāttava
89.15
nārada uvāca
brahmalokaṃ gataḥ pūrvaṃ tataḥ kailāsamabhyagām || yānyaindrādiṣu lokeṣu ratnabhūtāni dānava || sarvāṇi tāni ratnāni tava gehe vasaṃti vai
89.16
sarvādhikaṃ tathaiśvaryaṃ dṛṣṭaṃ tava mahāmate || tvāhaśo na babhūvāpi nāsti no bhavitā'suraḥ
89.17
vaśīkṛtā trilokī vai yena dānava
sattama || varaṃ caiva tathā prāptaṃ sarvebhyo'bhayamevaca
89.18
tapaścaiva tathā prāptaṃ tvayā sarvottamaṃ prabho
89.19
raktabīja uvāca || bhagava
nmuniśārdūla sarvagosi yato mune || pṛcchāmi tvāṃ mahābhāga tadvadasva mama prabho
89.20
kaciddṛṣṭaṃ tvayā triṣu janitaṃ yanmayā puram
yo madājñākaro nāsti devo vā dānavopi vā
89.21
etādṛk ka tathaiśvaryaṃ madīyaṃ vai yathā sthitam || tanme vada mahābhāga sarvajñosi
mahāmune
89.22
nārada uvāca || samyak pṛṣṭaṃ tvayā sādho gataḥ sarvatra vai hyayam || tvadājñākāriṇaḥ sarve devā vāpyatha dānavāḥ
89.23
paramekatra kailāse śivosti paradurjayaḥ || kiṃ vadāmi tadaiśvaryaṃ triṣu lokeṣu durlabham
89.24
sahasrayojanāyāmaṃ kalpapādapa
kānanam || yatra sarvādhikā tanvī ratnabhūtā trilokake
89.25
tasya dhairyasya māhātmyādjeyaḥ sa surāsuraiḥ || yasyecchayā jagatsarvaṃ
jāyate sacarācaram
89.26
raktabīja uvāca || kathaṃ śivo mahābhāga durjeyosti surāsuraiḥ || kiṃ kāraṇaṃ vigravaryaṃ tadvadasva mahāmate
89.27
nārada uvāca || ūrdhvaretā yato devo yasya nāsti trilokake || ataeva sa durjeyaḥ sasurāsurapannagaiḥ
89.28
taṃ cette jetu
micchāsti pūrvaṃ taddhairyanāśane || kuru buddhiṃ mahābhāga sarve te saṃbhaviṣyati
89.29
vasiṣṭha uvāca || iti tasya munervākyaṃ śrutvā
danusutastadā || cakāra vijaye buddhiṃ śrīśivasya parātmanaḥ
89.30
nāradopi yayau svargeṃ dānavaiḥ pratipūjitaḥ || strīveṣaṃ ca tadā kṛtvā
raktabījo mahāsuraḥ
89.31
trailokyadurlabhaṃ rūpaṃ kṛtvā rudrasamīpataḥ || yayau vegena kailāse tanmanomohanāya ve
89.32
dṛṣṭvā śivaśca
tāṃ nārīṃ rūpayauvanaśālinīm || pārvatīrūpiṇīṃ tanvīṃ kiṃcinmohavaśaṃ gataḥ
89.33
tāvatpārvatyapi kaścidāgatā śivasannidhim
tāṃ ca dṛṣṭvā svavāmāṃgīṃ mano dvaividhyamāgatam
89.34
vicārya dānavaṃ taṃ tu śaśāpa ca mahāsuram || pārvatīcchadmanā duṣṭa yanmāṃ
mohitumāgataḥ || haniṣyati tatastvāṃ hi pārvatyeva maheśvarī
89.35
iti tadvacanaṃ śrutvāvahelyahi ca tadvacaḥ || yayau svīye tathā
dhāmni maṃtrivargeṇa saṃgataḥ
89.36
maṃtrayāmāsa danujo mahādevajayāya ca || kathaṃ sā pārvatī mahyaṃ bhavedrāgadhutā'surāḥ
89.37
vāmadeva
jayenāhaṃ bahusaṃpādyate mama || ākarṣaṇīyā prathamaṃ gṛhiṇī prāṇavallabhā
89.38
dhairyarthanāśaśca tasyāpi svayameva bhaviṣyati || striyā me
maraṇaṃ kena bhāvyate tattvadarśinā
89.39
iṃdrādyāḥ sakalā devā nāśaṃ yasya raṇāṃgaṇe || saṃmukhaṃ kiṃ punaḥ strīyaṃ bhātyā tena prabhāṣitam
89.40
gacchadhvaṃ yatra sā devī saṃsthitā paramuṃdarī || sāmnā neyā prathamato no cedākṛṣya satvaram
89.41
tatastamapi kailāse
śivamekākinaṃ vayam || jeṣyāmo dharmanirmuktaṃ tataḥ śreyo labhāmahe
89.42
pārvatīviraheṇāsau nirviṃceṣṭo bhaviṣyati
89.43
vasiṣṭha
uvāca || ityājñitā dānavena raktabījena te'surāḥ || dhūmrākṣacaṃḍamuṃḍādyā mahatsainyena vāritāḥ
89.44
yayuḥ kailāsabhavanaṃ yatra devī
pratiṣṭhitā || kailāsaśṛṃgamāsīnāṃ nānālaṃkāradīpitām
89.45
śatacaṃdrasamodyotāṃ mohayaṃtīṃ jagatrayam || te tu dṛṣṭvā mahādevīṃ nipetuḥ
dharaṇītale
89.46
mohasya vaśamāpannāścirātsaṃjñāṃ pralabhya ca || ucchvāsasamāyuktāḥ prabhorvacanagauravāt
89.47
aiṃdre yāmye vāruṇe
ca pātāle brahmalokake || na dṛṣṭā tvādṛśī nārī devī vā mānavī hi vā
89.48
dhikkarmaṇo vidherdevi yā tvaṃ vipinasaṃgatā || nirdaye
nātha maheśāya vyāghracarmāmbarāya ca
89.49
bhūtavetālayuktāya vyālayajñopavītine || bhasmapraliptadehāya nakulāya kapāline
89.50
bhikṣāsine karālāya trinetrāya varāya ca || ekākine hi jaṭine naramuṃḍīyamāline
89.51
dattā tvaṃ triṣu lokeṣu suṃdarīṃ bhavatīṃ tadā
raktabījo mahārājastvāmicchāti trilokapaḥ
89.52
iṃdrādyā lokapālāśca karadāstasya sarvataḥ || dhanyaḥ sa eva lokeṣu gīyate devadānavaiḥ
89.53
tvayi premaṃ paraṃ cāsti raktabījasya nityaśaḥ || yadvaktaṃ prāṃjalirbhūtvā mahārājena tacchṛṇu
89.54
trailokyamakhilaṃ cedaṃ
sarve vai devadānavāḥ || maṃdraśe saṃti saṃhṛṣṭāḥ karadā mama sāṃpratam
89.55
ratnāni yāni devānāṃ tāni me saṃti sundari || nāgakanyā
yakṣakanyā devakanyāstathaiva ca || tāsāṃ tvamuttamā devi bhavitāsi na saṃśayaḥ
89.56
yoginaṃ taṃ parityajya samāgacchaṃ mamāṃtike
etadrūpasya te devi sāphalyaṃ saṃbhaviṣyati
89.57
janmanaścaiva sāphalyaṃ tava devi bhaviṣyati || iti niścitya bho devi raktabījasya
bhīmataḥ || vacanaṃ kuru kalyāṇi bhava kalyāṇinī śubhā
89.58
vasiṣṭha uvāca || iti śrutvā vacasteṣāṃ trihasya ca punaḥ punaḥ
prakāśayaṃtī bahvalaṃ girigahvarakānanam
89.59
uvāca gatasaṃtrāsā caṃḍamuṃḍapurogamān || kruddhenamanasā caiva madasaṃraktalocanā
89.60
śrīdevyuvāca || || reredaityā durācārā durmadāśca vihiṃsakāḥ|| matta eva hi yuṣmākaṃ raktabījānuyāyinām
89.61
raktabījasya vai śīghraṃ
vadho hi prabhaviṣyati || śivā me bhavatāmatra pāsyanti ca samutsukāḥ
89.62
dānavā ūcuḥ || || sāvalepā ca taruṇi madamattāsi
bhāmini || niḥśaṃkaṃ vadasi srauḍhaṃ yathā vai prākṛtaṃ janam
89.63
evaṃ mā vada sarveṣāṃ raktabījaṃ prabhuṃ kacita || indrādayo lokapālāḥ
yenaikena parājitāḥ
89.64
tasya tvaṃ sammukhe sthātuṃ strī tvaṃ kimu bhaviṣyasi || abalāsi paraṃ devi saukumāryayutā parā
89.65
tathā vidheyaṃ hi yathā kruddhacendro raktabījakaḥ || no cettvāṃ śubhasarvāṃgīṃ baddhvā keśeṣu satvaram
89.66
balātkāreṇa cākṛṣya nayiṣyatyeva
dānavaḥ || sāmapūrvaṃ bhajasvādya raktabījaṃ mahābalam
89.67
vasiṣṭha uvāca || || iti tadviduraṃ śrutvā krodhasaṃraktalocanā
viśīrṇaṃ caiva devānāṃ smṛtvā vadhaparāyaṇā
89.68
huṃkāreṇa balaṃ tadvai dāhayāmāsa ca kṣaṇāt || dagdhe sainye tato dhūmralocanādyāstu
dānavāḥ || paricākhudhaniśtrairśairvṛbhurjagadaṃbikām
89.69
mahāmeghā yathā kāle pṛthivīṃ varavarṇini || śastrāṇyastrāṇi teṣāṃ vai vāra
yāmāsa huṃkṛtaiḥ
89.70
bhasmībhūtāni sarvatra peturvai dharaṇītale || kecidvṛkṣānparvatāṃśca prastarānparvatopamān || vavṛṣuḥ śataśastatra
krodhasaṃraktalocanāḥ
89.71
tataḥ kruddhā mahādevī khaṇḍaśaścakāratān || lalāṭadeśātkruddhāyā niścakrāma bhayānakā || kālīkarāla
vadanā bhīmā raktavilocanā
89.72
kṛśā pratyakṣadhamanī bhīmanādā karāālikā || kālāṃjanacayāmā sā bhairavī kālikāparā
89.73
khaṭvāṃgavarahastā ca naramuṃḍavibhūṣaṇā || khādaṃtī ca karaikeṇa hastinaṃ mahiṣaṃ tathā
89.74
sravadraktabhacarmā ca jihvālālanabhīṣaṇā
mahānādān pramuṃcaṃtī yoginīkoṭisaṃvṛtā
89.75
maṃgalā piṃgalā dhānyā bhāmarī bhadrikā tathā || ulkā siddhā saṃkaṭā ca
baghno yoginivṛṃdapāḥ
89.76
kapālānyastrapūrṇāni gṛhītvā nanṛtuśca tāḥ || śaṃkhanādānpramuṃcaṃtyo bherīpaṇavaniḥsvanān
89.77
iti tadbhīṣaṇaṃ sainyaṃ dṛṣṭvā kālīmayaṃ tathā || śaśaṃsa raktabījāya sarvaṃ vṛttaṃ yathā tathā || raktabījopi tacchrutvā mahākrodhavaśaṃ
gataḥ
89.77.p1
iti śrīskāṃde kedārakhaṃḍe kālītīrthamāhātmye raktabījavadhe kālikotpattirnāma ṣaḍaśītitamo'dhyāyaḥ
Linked texts (1)
- Devībhāgavatapurāṇa — Sanskrit