Pramāṇa · Search · About · API

Kedarakhanda 91: Rākeśvarīmāhātmyakathanam

Kedārakhaṇḍa 91

Language
Sanskrit

Contents

Rākeśvarīmāhātmyakathanam

91.1

vasiṣṭha uvāca || kālīkṣetrātsaumyabhāge yojanadvayasaṃmite || rāmeśvaryā mahādevyāḥ sthānaṃ divyasukhapradam

91.2

yaddarśanādapi naro mahāpātakakoṭibhiḥ || mucyate paramaṃ dhāma prāpnoti munivaṃditam

91.3

yatra śapto guroḥ śāpādvimuktiṃ śaśalāṃchanaḥ || tasya tīrthasya māhātmyaṃ ko vā varṇayituṃ kṣamaḥ

91.4

yaddarśanādapi naraḥ sarvapāpaiḥ pramucyate

91.5

aruṃdhatyuvāca || kathaṃ vai prātavāñśāpaṃ caṃdro dākṣāyaṇīpatiḥ || kathaṃ ca muktavācchāpāditi me śaṃsa jīvana

91.6

vaśiṣṭha uvāca || ekadā naṃdane ramye samāhlādakare śubhe || nānākusumalatākīrṇe kalpavṛkṣopaśobhite

91.7

anekamaṇisaṃyukte nānauṣadhiprabhānvite || kautukādarśanārthāya rājño vai darśanāya ca

91.8

samāgato vidhuḥ saumyaḥ kāmadeva ivāparaḥ || dadarśa tārāṃ mūrtigau vāpyāṃ ratimivāparām

91.9

tāṃ dṛṣṭvā kāmasaṃtapto babhūva rajanīpatiḥ || sāpi candraṃ vilokyaiva kāmabāṇaprapīḍitā || āsītsaṃmūrchitā so'pi papāta dharaṇītale

91.10

evaṃ mithyasaṃyogaḥ nītiḥ samajāyata śubhena || mūrcchitārśvitayāmāsa caṃdro me kā gatirbhavet

91.11

tayā vinā na jīvāmi mokṣye prāṇānna saṃśayaḥ || iti prāṇānparityaktuṃ niścayaṃ kṛtavānyadā

91.12

sāpi taṃ tadavasthaṃ tu dṛṣṭvātyaṃtaṃ mṛduḥkhitā || āyayyau nikaṭaṃ tasyottiṣṭha priyetibhāṣiṇī

91.13

tasyāstadvacanaṃ śrutvā sudhādhāro
paramaṃ mudā || punarjātamivātmānaṃ mene tadvijarāṭ tadā

91.14

so'pi tāmāliṃgātha sāpi paṃcaśaṃrāhatā || āliliṃga su
dhāṃśuṃ sā cucumbenduśca tanmukham

91.15

ubhau kāmaśarākrāṃtau tatra tatsamaye priye || nāpaśyatāṃ ca kāṃścidyai sthitānapi ca nirjanān

91.16

atha reme tayā sārdhaṃ caṃdramā lakṣavarṣakam || nimeṣārdhamivāpaśyacchakṣavarṣāṇi mohitaḥ

91.17

gatāni bahuvarṣāṇi
tayośca ramamāṇayoḥ || rātrau tārā gurugṛhe tenaiva parimodate

91.18

divā caṃdreṇa sārdhaṃ tu reme sāharniśaṃ priye || tato bahutithe kāle
jñātavānsa bṛhaspatiḥ

91.19

tajjñātvā krodhasaṃtato babhūva dhiṣaṇastadā || āgatya candraṃ provāca krodhasaṃraktalocanaḥ

91.20

dhikcaṃdra tava pāpiṣṭha yasmāttvaṃ kṛtavānasi || majjāyāyā dharṣaṇaṃ hi tasmāttvaṃ kṣayavānbhava

91.21

vasiṣṭha uvāca || || iti
caṃdrāya śāpaṃ tu dattvā caṃdro'bhyajāyata || rājayakṣmagrastadeho nānārogāturo bhṛśam

91.22

kṣutkṣāmaḥ kṣāmadeho vai maṣīvarṇadyutiḥ
kṛśaḥ || caṃdro'pi svaṃ vapurdṛṣṭvā rogagrastaṃ śucismite || yayau kailāsabhavanaṃ yatra devaḥ sadāśivaḥ

91.23

tatra gatvā śivaṃ natvā pūjayitvā yathāvidhi || śrīśivaṃ stotumārebhe rājayakṣmāpanuttaye

91.24

candra uvāca || || he devadeveśa śiveśa bhaktapradattapuṇya
dhvijala trinetra || sadaiva te pādavare nivāso bhavenmahādeva mama prabho bhoḥ

91.25

eko rudro na dvitīyāya tasthau yasmādanyannāparaṃ kiṃcidasti || yasmādbhūtānno bhaviṣyanna bhūtaṃ taṃ vai seve sārabhūtaṃ nitāṃtam

91.26

tārastvameva bhajatāṃ janināśabhītisaṃsārabaṃdhanamapākuruṣe tvameva || sūkṣmaṃ tvameva sakalasya janasya citte jyotirmaheśa bhavato na hi kiṃcidanyat

91.27

tvameva viṣṇurnikhilasya bhartā tvannābhipadmaprabhavo viraṃciḥ || sṛṣṭisvarūpeṇa carācaraṃ hi sṛjasya ho'tti ca sarvaviśvam

91.28

nikhiladevagaṇaiḥ stutapādakaṃ prabalabhairavadaṇḍanipātitaiḥ || sakalabhūtagaṇaiḥ parivāritaṃ śivamahaṃ śaraṇaṃ hi pāpraje

91.29

bhava gahane patitasya janasya me tava caraṇaṃ śaraṇaṃ bhavati prabho || smaramadamānakuvṛkṣaghanāvṛte viṣayavarā hatarakṣusamanvite

91.30

vasiṣṭha uvāca || || iti stutaḥ śivaḥ
prāha vinayāvanataṃ vidhum || yadarthaṃ tu tvayā vatsa stuto'haṃ bhakta vatsalaḥ || tatsarvaṃ te vidhāsyāmi naivātra saṃśayaṃ kuru

91.31

sahasraṃ prapaṭhetstotrametadrājagadārditaḥ || mucyate sahasā rogādaṃte śivapure vaset

91.32

gaccha tatra mahābhāga yatra devīsthalaṃ girau
ahaṃ vasāmi tatraiva devyā saha mahāmate

91.33

tatkṣetragamanātte vai rājayakṣmā vinaśyati || vilaṃbaṃ mā kuru prājña gaccha śīghraṃ vini
śritaḥ

91.34

ityuktaḥ prayayau tatra yatra devī pratiṣṭhitā || tatkṣetradarśanādeva vimukto rājayakṣmaṇā

91.35

babhūva paripūrṇāṃgo pūji
māyāṃ viśeṣataḥ || evaṃ śāpādvinirmukto guroścaṃdraḥ prabhāvataḥ

91.36

tata ārabhya nāmābhūddevyā rākeśvarīti vai || prasiddhiṃ cāgamañloke
tatkṣetraṃ muktidāyakam

91.37

yato rākā pūrṇimābhūttato rākeśvarī matā || yasyāḥ smaraṇamātreṇa mahāpāpaiḥ pramucyate

91.38

pūjanācchubhate mokṣaṃ darśanātpāpanāśanam || bhaktyā karoti yaḥ sparśaṃ kaivalyaṃ tatkare sthitam

91.39

yadyatkaroti tatkṣetre puṇyaṃ vā pāpa
meva vā || tatsarvaṃ jāyate koṭiguṇaṃ bhadre dine dine

91.40

dharmamevācarettatra pāpaṃ naiva samācaret || pūjayedbhaktibhāvena nānāvastupahā
hārakaiḥ

91.41

vimānavaramāruhya sa yāti paramaṃ padam || bhittvā ravermaṃḍalaṃ tu yatra gatvā na śocati

91.42

adyāpi tatra vasate
caṃdraḥ svāṃśena suvrate || tārayā saha vipreṃdrastasya putro budho'bhavat

91.43

tatraiva vartate śaivaṃ liṃgamuttamalokadam || yadarśanānnaro
yāti śivalokamanāmayam

91.44

iti te kathitaṃ divyaṃ kṣetrarājasya vaibhavam || yacchrutvāpi naraḥ pāpaiḥ sadya eva vimucyate

91.44.p1

iti śrīskānde kedārakhaṃḍe rākeśvarīmāhātmyakathanaṃ nāmaikanavati tamodhyāyaḥ

Linked texts (1)