Pramāṇa · Search · About · API

Kedarakhanda 99

Kedārakhaṇḍa 99

Language
Sanskrit

Contents

99.1

skanda uvāca || athānyacca pravakṣyāmi bhavamuktikarāṇi hi
vividhāni ca tīrthāni gaṃgāpaścimadeśataḥ

99.2

brahmadhārā nadī khyātā snānānmokṣapradāyinī || tasyāṃ snātvā subhaktyā
ca brahmatvaṃ prāpnuyānmune

99.3

ekaśṛṃge mahādau sā pravavāha mahā nadī || vedaghoṣeṇa srāvito brahmabinduḥ prajāpate

99.4

tasmā
jjātā brahmadhārā nadī paramapāvinī || tatpaścimottare bhāge yamunākhyā mahānadī

99.5

tasyāṃ snātvā samāpnoti kaivalyaṃ
yogidurlabham | hiraṇyabāhunāmā ca nadī parama pāvanī

99.6

anayoḥ saṃgame snātvā yatphalaṃ labhate naraḥ || tatphalaṃ te prava
kṣyāmi śṛṇu nārada sattama

99.7

saptajanmasamudbhūtairmucyate pātakairdhruvam || suvarṇābhavimānena pragacchedvaiṣṇavaṃ padam

99.8

tasmai dadyādyamastuṣṭo vimānaṃ sarvalokagam || tatrākhaḍho naro yātyekārviṃśatikulaiḥ saha

99.9

paramaṃ sthānamāpnoti tapobhi
ścaiva durlabham || tataḥ paścimabhāge tu vikhyātā tāmasā nadī

99.10

sitasnavayāsaṃgacchettatsthānaṃ sukhadaṃ param || tatra
snātvā sukhaṃ martyo na kadācidvimuṃcāti

99.11

janmajanmānivipreṃdra sukhī bhūtvā śivo bhavet || tatraiva dakṣatīrthaṃ tu tatra
snātvā tu dakṣatām || prāpnoti manujo yatra yajñaṃ dakṣo'karonmune

99.12

taduttare viṣṇutīrtha tatra snātvā naro labhet
durlabhaṃ viṣṇusāyujyaṃ tyaktvā svaṃ ca kalevaram

99.13

tatpaścime mahāsānurgīristiṣṭhati nārada || tasmācchaityā samudbhūtā
nadī snānādvimuktidā

99.14

samudreṇa ca sā śaityā saṃgame yatra vai sthale || tatra snānātphalaṃ jñāturgaṃgāsāgarasaṃgame
yatpuṇyaṃ koṭiguṇitaṃ tatphalaṃ syātsakṛtsnuvāt

99.15

trikoṭikulamuddhṛtya vimānenārkavarcasā || gacchanti paramaṃ sthānaṃ punarā
vṛttidurlabham

99.16

tatsaṃgame mahādevaliṃgaṃ jyotīśvaraṃ mune || saptajanmārjitaiḥ pāpairmucyate tatsamarcanāt

99.17

yaḥ kuryāt
tpiṇḍadānaṃ hi pitṝnuddiśya mānavaḥ || mātṛgotre pitṛgotre priyāgotre ca ye sthitāḥ || uddhṛtāste'pi te sarve tena martyena nāradaḥ

99.18

vāmadevaṃ ca yaḥ sāma gāyata rudrabhaktitaḥ || yaṃyaṃ kāmayate kāmaṃ tadāpnoti viniścitam

99.19

taduttare kṣite bhāge
hemaśṛṃgādadhaḥ sthale || tatrāste maniśārdūla siddhadhārā nadī śubhā

99.20

sparśanāddarśanātsnānādyasyāḥ paśyeta siddhakān
tato'sau muktimāpnoti duḥkhasaṃsārasāgarāt

99.21

tatsaṃgamo yatra deśe syātsamudreṇa durlabhaḥ || tatrāpi labheta puṇyaṃ gaṃgāsāga
rasaṃgajam

99.22

tatrāste tu mahāliṃgaṃ brahmaṇārādhitaṃ purā || taddarśanānniṣkalmaṣo rudra eva bhavennaraḥ

99.23

ānādyākhyaṃ
mahāliṃgaṃ sakṛdyaḥ pajayennaraḥ || pramathaiḥ sevyamāno'sau vimānenārkavarcasā || śaivaṃ lokaṃ samāpnoti tenaiva saha modate

99.24

tasya pūrvottare bhāge hiraṇyasaikatā nadī || brahmahatyādibhiḥ pāpairmucyate snānamātrataḥ

99.25

tatpūrvabhāge vikhyātā nadī haima
vatī śubhā || snānamātreṇa tasyāṃ tu kalpakoṭiṃ divaṃ vaset

99.26

bhaveyuḥ sthāvarāstatra jaṃgamā jalasaṃgatāḥ || jaṃgamo'
pi bhaveddevo devo'pi muktimāpnuyāt

99.27

tatpūrve kāśyapaṃ tīrthaṃ yatra snātvā divaṃ vrajet || tatpūrve brahmaputrākhyo nadaḥ paramapāvanaḥ

99.28

tatra snātvā naro gacchedrudralokaṃ sanātanam || tatra prārthya mahādevaṃ brahmeśvara iti śrutam

99.29

ayutārkobhayānena
rudraloke vasennaraḥ || sarvābhilāṣadā nṛṇāṃ nāmnā devī gavīśvarī

99.30

tasyāḥ kṣetraṃ mahāpuṇyaṃ krośārddhayāmavistaram || saṃdarśe
nātpūjanācca devīsāyujyamāpnuyāt

99.31

gavīśvarī mahā devī sadyaḥ pratyayakāriṇī || pūrvamārādhitā devī svaśāpapari
muktaye || surabhiṇā kāmaduhā vimuktā śivaśāpataḥ

99.32

tata ārabhya gāvastu babhūvussarvakarmarmaṇi || atipuṇyatamā vipra
pāpaghnaḥ sparśanādapi

99.33

yaṃ kāmaṃ ciṃtayenmartyastaṃ samāpnoti niścitam || cihnaṃ tatra pravakṣyāmi yena te niścayo bhavet

99.34

sarvāṃśabhāvato devī vasate nityameva hi || māsimāsi rajastasyā dṛśyate yonimadhyataḥ

99.35

yāvattaddṛśyate brahmaṃstā
vatpūjāṃ vivarjayet || darśanaṃ nāpi kurvīta kṛtvā nirayamāpnuyāt

99.36

bahunā kimihoktena devīyaṃ siddhidā
yinī || tataḥ paścimadigbhāge triṣu lokeṣu viśrutā || athānyacca pravakṣyāmi tīrthaṃ tīrthottamottamam

99.37

saumya kāśīstha
lāddhipra paścimottarabhāgake || śatadrūśca nadī puṇyā varttate muktidāyinī

99.38

tasyāṃ snātuḥ phalaṃ vakṣye yatra kutrāpi nārada
śaṃkhacakragadāpadmapāṇirbhūtvā caturbhujaḥ

99.39

anekāpsaragaṃdharvagaṇairatre sugāyakaiḥ || pannagāśanayānena viṣṇulokaṃ sa gacchati

99.40

pitṝnyastarpayedasyāṃ tṛptāḥ syuḥ pitaro mune || kulakoṭīḥ samuddhṛtya tānnayedbrahma śāśvatam

99.41

yasya kasyāpi
nāmnā vai piṃḍaṃ dadyādvicakṣaṇaḥ || so'pi yāti paraṃ brahma yatrāste munipuṃgava

99.42

tatraiva śaivaliṃgaṃ tu divyakānti vibhāsitam
nāmnā khyātaṃ kṣititale paṃcanādeśvareśvaram

99.43

tadarśanātpūjanācca naro mokṣamavāpnuyāt || kṛtyākṛtyaṃ ca jānīyātsva
jātiṃ ca tathā dvija

99.44

ta eva dhanyā lokeṣu yairddaṣṭā sā mahānadī || te sarve kṛtakṛtyāḥ syuḥ pītaṃyairjalamuttamam

99.45

tataḥ
paścimabhāge tu jambūśaile'calottame || tatra jambūnadābhāsā pārvatī parvate mune

99.46

tasyā darśanamātreṇa mukto bhavati mānavaḥ || athānyacca pravakṣyāmi tīrthānāmuttamottamam || yatra devī viṣaharā darśanānmuktidāyinī

99.47

viṣagrasto'pi yo martyo
nirviṣo yatra jāyate || nadī tatra mahāpuṇyā sarvapāpaughanāśinī || tasyāṃ hi snānamātreṇa mucyate sarvakilbiṣaiḥ

99.48

kāmadhārā nadī puṇyā brahmaputreṇa saṃgatā || tatra kāmākhyatīrthaṃ hi sarvakāmaphalapradam

99.49

tatra snātvā mucyate tu saptaja
nmārjitairaghaiḥ || sauṃdaryākhye parvate tu nadī khyātā hi suṃdarī

99.50

saṃgatā yatra sā mokṣavatyā nadyā mahāmune || tatsuṃdara
prayāgaṃ syātsuṃdaraḥ syāccharo mune

99.51

anyajanmani tatsnānānnātra kāryā vicāraṇā || yatra snātvānyatra bhave ṣaṇḍo'pi
puruṣāyate

99.52

suṃdarīti pravikhyātā yatra devī pratiṣṭhitā || koṭikoṭisahasrāṇi yugāni vasate divi

99.53

vimānenā
kevarṇena yasyā darśanamātrataḥ || tasyāḥ pūrvottare bhāge hayagrīvo janārdanaḥ || darśanātpūjanānnṛṇāṃ kaivalyaṃ pradāti yaḥ

99.54

viṣṇudhārāpuṇyanadyoḥ saṃgo viṣṇuprayāgakaḥ || tatra snātvā mucyate tu koṭijanmosthitairaghaiḥ

99.55

iti te kathitaṃ divyaṃ
nānākṣetrasuvaibhavam || yacchrutvā'pi naraḥ pāpairmucyate koṭijanmajaiḥ

99.55.p1

iti śrīskande kedārakhaṇḍe nānātīrtha māhātmyavarṇanaṃ nāma paṇṇavatitamo'dhyāyaḥ

Linked texts (3)