Pramāṇa · Search · About · API

Kumarikakhanda 17

Kumārikākhaṇḍa 17

Language
Sanskrit

Contents

17.1

6 || || varāṃgyuvāca || || nāśitāsmyapaviddhāsmi trāsitā pīḍitāsmi ca || raudreṇa devanāthena naṣṭanātheva
bhūriśaḥ

17.2

duḥkhapāramapaśyaṃtī prāṇāṃstyaktuṃ vyavasthitā || putraṃ me ghoraduḥkhasya tārakaṃ dehi cetkṛpā

17.3

evamuktastu daityeṃdro duḥkhito'ciṃta
yadvadi || āsureṣvapi bhāveṣu spṛhā yadyapi nāsti me

17.4

tathāpi manye śāstrebhyastvanukaṃpyā priyeti yat || sarvāśramānupādāya svāśrameṇa
kalatravān

17.5

vyasanārṇavamatyeti jalayānairivārṇavam || yāmāśrityeṃdriyārātīndurjayānitarāśrayaiḥ

17.6

gehino helayā jigyurdsyūndurga
patiryathā || na ke'pi prabhavastāṃ cāpyanukartuṃ gṛheśvarīm

17.7

athāyuṣā vā kātsnyena dharme ditsuryathaiva ca || yasyāṃ bhavati cātmaiva tato jāyā
nigadyate

17.8

bhartavyā eva yasmācca tasmādbhāryeti sā smṛtā || sā eva gṛhamuktaṃ ca gṛhiṇī sā tataḥ smṛtā

17.9

saṃsārakalmaṣāttrācī
kalatramiti sā tataḥ || evaṃvidhāṃ priyāṃ ko vai nānukaṃpitumarhati

17.10

trīṇi jyotīṃṣi puruṣa iti vai devalo'bravīt || bhāryā karma ca vidyā
ca saṃsādhyaṃ yatnatastrayam

17.11

tadenāṃ pīḍitāṃ cedyaiḥ patirbhūtvā na pālaye || tato yāsye śāstravādānvarakāṃtaṃ na saṃśayaḥ

17.12

aha
mapyenamiṃdraṃ vai śakro jetuṃ yathā''nṛṇām || punaḥ kāmaṃ kariṣye'syā dāsye putraṃ mahābalam

17.13

iti saṃciṃtya vatrāṃgaḥ kopavyākulalocanaḥ || pratikartuṃ maheṃdrāya tapo bhūyo vyavasyata

17.14

jñātvā tu tasya saṃkalpaṃ brahmā krūtaraṃ punaḥ || ājagāma tvarāyukto yatrā'sau ditinaṃdanaḥ

17.15

uvācainaṃ sa bhagavānprabhurmadhurayā girā

17.16

brahmovāca || kimarthaṃ bhūya eva tvaṃ niyamaṃ krūramicchasi || āhārābhimukho daitya tanme brūhi mahāvrataḥ

17.17

yāvadabdasahasreṇa nirāhāreṇa vai phalam || tyajatā prāṃtamāhāraṃ labdhaṃ te kṣaṇamātrataḥ

17.18

tyāgo hyaprātakāmānāṃ na tathā ca guruḥ smṛtaḥ || yathā prāṇaṃ parityajya kāmaṃ kamalalocana || śrutvaitadbrahmaṇo vākyaṃ daityaḥ prāṃjalirabravīt

17.19

daitya uvāca || patnyarthe'haṃ kariṣyāmi tapo voraṃ pitāmaha || putrārthamudyataścāhaṃ yaḥ syādvīryāṇadarpahā

17.20

etacchrutvā vaco devaḥ padmagarbho'dravastadā || uvāca daityarājānaṃ prasannaścaturānanaḥ

17.21

brahmovāca || || alaṃ te tapasā vatsa mā kleśe vistare viśa || putraste tārakonāma bhaviṣyati mahābalaḥ

17.22

devasīmaṃtinīkāmyadhammillakavimokṣaṇaḥ || ityukto daityarājastu praṇamya prapitāmaham

17.23

visṛjya gatvā mahiṣīṃ naṃdayā māsa tāṃ mudā || tau daṃpatī kṛtārthau ca jagmatuścāśramaṃ tadā

17.24

āhitaṃ ca tato garbhaṃ varāṃgī varavarṇinī || pūrṇaṃ varṣasahasraṃ tu dadhārodara eva hi

17.25

tato varṣasahasrāṃte varāṃgī samasūyata || jāyamāne tu daityeṃdre tasmim̐llokabhayaṃkare

17.26

cacāla sakalā pṛthvī prodbhūtāśca mahārṇavāḥ || celurdharādharāścāpi vabhurvātā vibhīṣaṇāḥ

17.27

jepurjapyaṃ munivarā vyādhaviddhā mṛgā iva || jahuḥ kāṃtiṃ ca sūryādyā nīhārāśchaṃdyandiśaḥ

17.28

jāte mahāsure tasminsarva eva mahāsurāḥ || ājagmurharṣitā statra tathā cāsurayoṣitaḥ

17.29

jagurharṣasamāviṣṭā nanṛtuścāsurāṃganāḥ || tato mahotsave jāte dānavānāṃ pṛthāsuta

17.30

viṣaṇṇamanaso devāḥ samaheṃdrāstadābhavan || jātamātrastu daityeṃdrastārakaścaṃḍavikramaḥ

17.31

abhiṣikto'suro daityaiḥ kuṃragamahiṣādibhiḥ || sarvāsuramahārājye yutaḥ sarvairmahāsuraiḥ

17.32

sa tu prāṃtamahārājyastārakaḥ pāṃḍusattama || uvāca dānavaśreṣṭhānyuktiyuktamidaṃ vacaḥ

17.33

śṛṇudhvamasurāḥ sarve vākyaṃ mama mahābalāḥ || śrutvā vaḥ stheryaṃsī buddhiḥ kriyatāṃ vacane mama

17.34

asmākaṃ jātidharmeṇa virūḍhaṃ vairamakṣayam || kariṣyāmyahaṃ tadvairaṃ teṣāṃ ca vijayāya ca

17.35

kiṃ tu tattapasā
sāṃdhyaṃ manyehaṃ surasaṃgamam || tasmādādyau kariṣyāmi tapo ghoraṃ danoḥ sutāḥ

17.36

tataḥ surānvijeṣyāmo bhokṣyāmo'tha jagattrayam
yuktopāyo'hi puruṣaḥ sthiraśrīreva jāyate

17.37

ayuktaścapalaḥ prājñāmapi rakṣitumakṣamaḥ || tacchrutvā dānavāḥ sarve vākyaṃ tasyāsurasya tu

17.38

sādhusādhvityathocuste vacanaṃ tasya vismitāḥ || so'gacchatpāriyātrasya gireḥ kandaramuttamam

17.39

sarvartukusumākīrṇanānauṣadhividīpitam || nānādhāturasasrāvicitranānāgṛhāśrayam

17.40

anekākārabahulaṃ pṛthakpakṣikulākulam || nānāprasravaṇopetaṃ nānāvidhajalāśayam

17.41

prāpya tatkandaraṃ daityaścakāra vipulaṃ tapaḥ || vahnapāśupatīṃ dīkṣāṃ paṃca maṃtrānjajāpa saḥ

17.42

nirāhāraḥ paṃcatapā varṣāyutamabhūtkila || tataḥ svadehādutkṛtya karṣaṃkarṣaṃ dinedine

17.43

māṃsasyāgnau juhāvaiva tato nirmāṃsatāṃ gataḥ || tato nirmāṃsadehaḥ sa taporāśirajāyata

17.44

jajvaluḥ sarvabhūtāni tejasā tasya sarvataḥ || udvignāśca surāḥ sarve tapasā tasya bhīṣitāḥ

17.45

etasminnantare brahmā paramaṃ toṣamāgataḥ || tārakasya varaṃ dātuṃ jagāma śikharaṃ gireḥ

17.46

prāpya taṃ śailarājānaṃ haṃsasyaṃdanamāsthitaḥ || uvāca tārakaṃ devo girā madhurayā tadā

17.47

brahmovāca
uttiṣṭha putra tapaso nāstyasādhyaṃ tavādhunā || varaṃ vṛṇīṣvābhimataṃ yatte manasi vartate

17.48

ityuktastārako daityaḥ prāṃjaliḥ prāha taṃ vibhum

17.49

tāraka uvāca
vayaṃ prabho jātidharmāḥ kṛtavairāḥ sahāmaraiḥ || taiśca niḥśeṣitā daityāḥ kṛtāḥ kūrairnṛśaṃsavat

17.50

teṣāmahaṃ samuddhartā bhaveyamiti me matiḥ || avadhyaḥ sarvabhūtānāmastrāṇāṃ ca mahaujasām

17.51

syāmahaṃ cāmaraiśreṣa varo mama hṛdi sthitaḥ || etanme dehi deveśa nānyaṃ vairocaye varam

17.52

tamuvāca tato daityaṃ viriṃco'maranāyakaḥ || na yujyate vinā mṛtyuṃ dehino dehadhāraṇam || jātasya hi dhruvo mṛtyuḥ satyametacchutīritam

17.53

iti saṃciṃtya varaya varaṃ yasmānna śaṃkase || tataḥ saṃciṃtya daityeṃdraḥ śiśutaḥ saptavāsarāt

17.54

tāraka uvāca
vāsarāṇāṃ ca saptānāṃ varjayitvā tu bālakam || devānāmapyavadhyo'haṃ bhūyāsaṃ tena yācitaḥ

17.55

vatre mahāsuro mṛtyuṃ brahmāṇaṃ mānamohitaḥ || brahmā proce tatastaṃ ca tatheti haravākyataḥ

17.56

jagāma tridivaṃ devo daityo'pi svakamālayam || uttīrṇaṃ tapasastaṃ ca daityaṃ daityeśvarāstadā

17.57

parivṛḍhaḥ phalākīrṇaṃ vṛkṣaṃ śakunayo yathā || tasminmahati rājyasthe tārake ditinaṃdane

17.58

brahmaṇābhihi
tasthāne mahārṇavataṭottare || taravo jajñire pārtha tatra sarvartavaḥ śubhāḥ

17.59

kāṃtirdyutirdhṛtirmedhā śrīrakhaṃḍā ca dānavam || parivarjuguṇā
kīrṇaṃ niśchidrāḥ sarva eva hi

17.60

kālāgaruviliptāṃgaṃ mahāmukuṭamaṃḍitam || rucirāṃgadasannaddhaṃ mahāsiṃhāsane sthitam

17.61

nṛtyaṃtyapsarasaḥ śreṣṭhā gandharvā gāyaṃti ca || candrārkau dīpamārgeṣu vyajaneṣu ca mārutaḥ ||grahā athesarāstasya jīvādeśaprabhāṣiṇaḥ

17.62

evaṃ
svakāṅgāhubalātsa daityaḥ saṃprāpya rājyaṃ parimodamānaḥ || kadācidābhāṣya jagāda maṃtriṇaḥ prodvṛttasarvāṃgabalena darpitaḥ

17.62.p1

iti śrīskaṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśamāhātmye tārakāsurotpattivarṇanaṃnāma paṃcadaśo'dhyāyaḥ

Linked texts (9)