Pramāṇa · Search · About · API

Kumarikakhanda 24

Kumārikākhaṇḍa 24

Language
Sanskrit

Contents

24.1

cha
nārada uvāca
evaṃ viprakṛtā devā maheṃdrasahitāstadā || yayuḥ svāyaṃbhuvaṃ dhāma markarūpamupāśritāḥ

24.2

tataśca vismito brahmā prāha tānsurapuṃgavān || svarūpeṇeha tiṣṭhadhvaṃ nātra vastārakādbhayam

24.3

tato devāḥ svarūpasthāḥ mlānavadanāṃbujāḥ || tuṣṭuvuḥ praṇatāḥ sarve pitaraṃ putrakā yathā

24.4

namo jagatprasūtyai te hetave pālakāya ca || saṃhartre ca namastubhyaṃ tisro'vasthāstava prabho

24.5

tvamapaḥ prathamaṃ sṛṣṭvā tāsu vīryamavāsṛjaḥ || tadaṇḍamabhavaddhaimaṃ yasmiṃllokāścarācarāḥ

24.6

vedeṣvāhurvirāḍrūpaṃ tvāmekarūpamīdṛśam || pātālaṃ pādamūlaṃ ca pārṣṇipāde rasātalam

24.7

mahātalaṃ cāsya gulphau jaṃghe cāpi talātalam || sutalaṃ jānunī cāsya ūrū ca vitalātale

24.8

mahītalaṃ ca jaghanaṃ nābhiścāsya nabhastalam || jyotiḥpadamuraḥsthānaṃ svarloko bāhurucyate

24.9

grīvā mahaśca vadanaṃ janalokaḥ prakīrtyate || lalāṭaṃ ca tapolokaḥ śīrṣa satyamudāhṛtam

24.10

candrasūryau ca nayane diśaḥ śrotre nāsikāśvinau || ātmānaṃ brahmaraṃdhrasthamāhustvāṃ vedavādinaḥ

24.11

evaṃ ye te virāḍrūpaṃ saṃsmaraṃta upāsate || janmabandhavinirmuktā yāṃti tvāṃ paramaṃ padam

24.12

evaṃ sthūlaṃ prāṇimadhyaṃ ca sūkṣmaṃ bhāvebhāve bhāvitaṃ tvāṃ gṛṇaṃti || sarvatrasthaṃ tvāmataḥ prāhurvedāstasmai tubhyaṃ padmaja iddhidhema

24.13

evaṃ stuto viriṃcistu kṛpayābhipariplutaḥ || jānannapi tadā prāha teṣāmāśvāsahetave

24.14

sarve bhavanto duḥkhārtāḥ parimlānasukhāṃbujāḥ || śraṣṭāyudhāstathā'kasmānnidraṣṭā bharaṇavāsasaḥ

24.15

mamaiveyaṃ kṛtirdevā bhavatāṃ yadviḍambanā || yaddairājaśarīre me bhavanto bāhusaṃjñakāḥ

24.16

yadyadvibhūtimatsattvaṃ dhārmikaṃ corjitaṃ mahat || tatrāsīdbāhunāśo me bāhusthāne ca te mama

24.17

tannūnaṃ mama bhagno ca bāhū tena durātmanā || yena copehitaṃ devāstanmamākhyātumarhatha

24.18

devā ūcuḥ
yo'sau vajrāṃgatanayastvayā dattavaraḥ prabho || bhṛśaṃ viprakṛtāstena tattvaṃ jānāsi tattvataḥ

24.19

yattanmahīsamudrasya taṭaṃ śārviṃkatīrthakam || tadākramya kṛtaṃ tena marubhūmisamaṃ prabho

24.20

ṛddhayaḥ sarvadevānāṃ gṛhītāstena sarvataḥ || mahābhūtastvarūḥ
peṇa sa eva ca jagatpatiḥ

24.21

caṃdrasūryau grahastārā yaccānyadevapakṣataḥ || tacca sarvaṃ nirākṛtya sthāpito daityapakṣakaḥ

24.22

vayaṃ ca vidhūtā
stena bahūpahasitāstathā || viṣṇoḥ prasādānmuktāśca kathaṃcidiva kaṣṭataḥ

24.23

tadvayaṃ śaraṇaṃ prātāḥ pīḍitāḥ kṣuttṛṣārditāḥ || dharmarakṣā
karāśceti saṃciṃtya trātumarhasi

24.24

ityuktaḥ svātmabhūrdevaḥ surairdaityaviceṣṭitam || surānuvāca bhagavānataḥ saṃciṃtya tattvataḥ

24.25

avadhyastārako daityaḥ sarvairapi surāsuraiḥ || yasya vadhyaśca nādyāpi sa jāto bhagavānpunaḥ

24.26

mayā ca varadānena cchandayitvā
nivāritaḥ

24.27

tapasā sa hi dīto'bhūtrailokyadahanātmakaḥ || sa ca vatre vadhaṃ daityaḥ śiśutaḥ saptavāsarāt

24.28

sa ca saptadino bālaḥ
śaṃkarādyo bhaviṣyati || tārakasya ca vīrasya vadhakartā bhaviṣyati

24.29

satīnāmā tu yā devī vinaṣṭā dakṣahelayā || sā bhaviṣyati
kalyāṇī himācalaśarīrajā

24.30

śaṃkarasya ca tasyāśca yatnaḥ kāryaḥ samāgame || ahamapyasya kāryasya śeṣaṃ kartā na saṃśayaḥ

24.31

ityuktvā'ntardadhe śāstrena sākṣātkamalayoninā || jagmurmeruṃ praṇamyeśaṃ markaṭarūpeṇa saṃvṛtāḥ

24.32

tato gateṣu deveṣu brahmā lokapitāmahaḥ || niśāṃ
smasāra bhagavānsvāṃ tanuṃ pūrvasaṃbhavām

24.33

tato bhagavatī rātrirūpatasthe pitāmaham || tāṃ vivikte samālokya tathovāca vibhāvarīm

24.34

vibhāvari mahatkāryaṃ vibudhānāmupasthitam || tatkartavyaṃ tvayā devi śṛṇu kāryasya niścayam

24.35

tārako nāma daityeṃdraḥ suraketuranirjitaḥ
tasyābhāvāya bhagavānenayiṣyati yaṃ śivaḥ

24.36

sutaḥ sa bhavitā tasya tārakasyāṃtakārakaḥ || ahaṃ tvādau yadā jātastadāpaśyaṃ puraḥsthitam

24.37

ardhanārīśvaraṃ devaṃ vyāpya viśvamavasthitam || dṛṣṭvā tamaśuvaṃ devaṃ bhajasveti ca bhaktitaḥ

24.38

tato nārī pṛthagjātā puruṣaśca tathā
pṛthak || tasyāścevāṃśajāḥ sarvāḥ striyastribhuvane smṛtāḥ

24.39

ekādaśa ca rudrāśca puruṣāstasya cāṃśajāḥ || tāṃ nārīmahamālokya putraṃ dakṣamathā
bravam

24.40

bhajasva putrīṃ jagatīṃ mamāpi ca tavāpi ca || puṃduḥkhanarakāttrātrī putrī te bhāvinī tviyam

24.41

evamukto mayā dakṣaḥ putrītve pari
kalpitām || rudrāya dattavānbhatkyā nāma dattvā satīti yat

24.42

tataḥ kāle caṃ kasmiṃścidavamene ca tāṃ pitā || mumūrṣuḥ pāpasaṃkalpo durātmā
kulakajjalaḥ

24.43

ye rudraṃ naiva manyaṃte te sphuṭaṃ kulakajjalāḥ || piśācāste durātmāno bhavaṃti brahmarākṣasāḥ

24.44

avamānena tasyāpi
yathā devī jahau tanum || yathā yajñaḥ sa ca dhvasto bhavena viditaṃ hi te

24.45

adhunā himaśailasya bhavitrī duhitā ca sā || maheśvaraṃ
patiṃ sā ca punaḥ prāpsyati niścitam

24.46

tadidaṃ ca tvayā kāryaṃ menāgarbhe praviśya ca || tasyāśchaviṃ kuru kṛṣṇāṃ yathā kālī bhavettu sā

24.47

yadā rudropahasitā tapastapsyati sā mahat || samānataniyamā devī yadā cogrā bhaviṣyati

24.48

svayameva yadā rūpaṃ sugauraṃ pratipatsyate || viraheṇa haraścāsyā matvā śūnyaṃ jagattrayam

24.49

tasmaina himaśailasya kaṃdare siddhasevite || pratīkṣamāṇastāṃ devīmukhaṃ saṃtapsyate tapaḥ

24.50

tayoḥ sutastapasorbhavitā yo mahānsutaḥ || bhaviṣyati sa daityasya tārakasya nivārakaḥ

24.51

tapaso hi vinā nāsti siddhiḥ kvāpi śobhane || sarvāsāṃ karmasiddhīnāṃ mūlaṃ hi tapa ucyate

24.52

tvayāpi dānavo devi dehanirgatayā tadā || caṃḍamuṃḍapurogāśca haṃtavyā lokadurjayāḥ

24.53

yasmāccaṃḍaṃ ca muṃḍaṃ ca tvaṃ devi nihaniṣyasi || cāmuṃḍeti tato loke khyātā devi bhaviṣyasi

24.54

tatastvāṃ varade devi lokaḥ saṃpūjayiṣyati || bhedairbahuvidhākāraiḥ sarvagāṃ kāmasādhanīm

24.55

oṃkāravakrāṃ gāyatrīṃ tvāmarcaṃti dvijottamāḥ || ūrjitāṃ baladāṃ cāpi rājānaḥ sumahābalāḥ

24.56

vaiśyāśca bhūtimityeva śivāṃ śūdrāstathā śubhe || śāṃtirmunīnāmakṣobhyā dayayā niyamināmapi

24.57

tvaṃ mahopāya sandohā nītirnayavisarpiṇām || paristhitistvamarthānāṃ tvamaho prāṇikā matā

24.58

tvaṃ yuktiḥ sarvabhūtānāṃ tvaṃ gatiḥ sarvadehinām || ratistvaṃ raticittānāṃ prītistvaṃ hṛdyadarśinām

24.59

tvaṃ kāṃtiḥ śubharūpāṇāṃ tvaṃ śāṃtiḥ śubhakarmiṇām || tvaṃ bhrāṃtirmūḍhacittānāṃ tvaṃ phalaṃ kratuyājinām

24.60

jaladhīnāṃ mahāvelā tvaṃ ca līlā vilāsinām || saṃbhūtistvaṃ padārthānāṃ sthitistvaṃ lokapālinī

24.61

tvaṃ kālarātrirniḥśeṣabhuvanāvalināśinī || priyakaṃṭhagrahānandadāyinī tvaṃ vibhāvarī

24.62

prasīda praṇatānasmānsaumyahṛṣṭyā vilokaya

24.63

iti stuvaṃto ye devi pūjayiṣyaṃti tvāṃ śubhe || te sarvakāmānāpsyaṃti niyatā nātra saṃśayaḥ

24.64

ityuktvā tu niśādevī tathetyuktvā kṛtāṃjaliḥ || jagāma tvaritā pūrvaṃ gṛhaṃ himagirermahat

24.65

tatrāsīnāṃ mahāharmye ratnabhittisamāśraye || dadarśa menāmāpāṃḍucchavivakrasaroruhām

24.66

kiṃcicchyāmamukhodagrastanabhāgāvanāmitām || mahauṣadhigaṇābaddhamaṃtrarājaniṣevitām

24.67

tataḥ kiṃcitpramilite menānetrāṃbujadvaye || āviveśa mukhaṃ rātrirbhralaṇo vacanāttadā

24.68

janmadāyā jaganmātuḥ krameṇa jaṭharāṃtaram || araṃjayacchaviṃ devyā guhamāturvibhāvarī

24.69

tato jaganmaṃ
galadā menā himagireḥ priyā || brāhme muhūrte subhage prāsūyata śubhānanām

24.70

tasyāṃ tu jāyamānāyāṃ jaṃtavaḥ sthāṇujaṃgamāḥ || abhavansukhinaḥ
sarve sarvalokanivāsinaḥ

24.71

abhavatkrūrasattvānāṃ cetaḥ śāṃtaṃ ca dehinām || jyotiṣāmapi tejastvamabhavatsutarāṃ tadā

24.72

vanāśritā
oṣadhayaḥ svādavaṃti phalāni ca || gaṃdhavaṃti ca mālyāni vimalaṃ ca nabho'bhavat

24.73

mārutaśca sukhasparśo diśaśca sumanoharāḥ || vismṛtā
ni ca śāstrāṇi prādurbhāvaṃ apedire

24.74

prabhāvastīrthamukhyānāṃ tadā puṇyatamo'bhavat || satye dharme cādhyayane yajñe dāne tapasyapi

24.75

sarveṣāmabhavacchraddhā janmakāle guhāraṇeḥ || aṃtarikṣemarāścāpi praharṣotphuchalocanāḥ

24.76

haribrahmamaheṃdrārkavāyuvahnipurogamāḥ || puṣpavṛṣṭiṃ pramu
mucustasminmenāgṛhe śubhe

24.77

meruprabhṛtayaścāpi mūrtimaṃto mahānagāḥ || tasminmahotsave prāptā vīrakāṃsyopaśobhitāḥ

24.78

sāgarāḥ saritaścaiva samājagmuśca sarvaśaḥ

24.79

himaśailo'bhavalloke tadā sarvaiśvarācaraiḥ || sevyaścāpyabhigamyaśca pūjanīyaśca bhārata

24.80

anubhūyotsavaṃ
te ca jagmuḥ svānālayāṃstadā

24.80.p1

iti śrīskāṃde mahāpurāṇa ekāśītisāhasyāṃ saṃhitāyāṃ prathame māheśvarakhaṇḍe kaumārikākhaṃḍe kumāreśa māhātmye pārvatījanmavarṇanaṃnāma dvāviṃśo'dhyāyaḥ

Linked texts (8)