Pramāṇa · Search · About · API

Kumarikakhanda 29

Kumārikākhaṇḍa 29

Language
Sanskrit

Contents

29.1

cha || || nārada
uvāca || || tato nirupamaṃ divyaṃ sarvaratnamayaṃ śubham || īśānanirmitaṃ sākṣātsaha devyāviśadgṛham

29.2

tatrāsau maṃdaragirau saha devyā bhagākṣahā
prāsāde tatra codyāne reme saṃhṛṣyamānataḥ

29.3

etasminnaṃtare devāstārakeṇātipīḍitāḥ || protsāhitena cānyarthaṃ mayā kalicikīrṣuṇā

29.4

āsādya te bhavaṃ devaṃ tuṣṭuvurbahudhā stavaiḥ || etasminnantare devī prodvartayata gātrakam

29.5

udvartanamalenātha naraṃ cakre gajānanam || devānāṃ
saṃstavaiḥ puṇyaiḥ kṛpayābhipariplutā

29.6

putretyuvāca taṃ devī tataḥ saṃhṛṣṭamānasā || etasminnantare śarvastatrāgatya vaco'bravīt

29.7

putrastavāyaṃ
girije śṛṇu yādgabhaviṣyati || vikrameṇa ca vīryeṇa kṛpayā sahaśo mayā

29.8

yathāhaṃ tāhaśaścāsau putraste bhavitā guṇaiḥ || ye ca pāpā durācārā
vedāndharmaṃ dviṣaṃti ca

29.9

teṣāmāmaraṇāṃtāni vighnānyeṣa kariṣyati || ye ca māṃ naiva manyaṃte viṣṇuṃ vāpi jagadgurum

29.10

vighnitā vighnarājena
te yāsyaṃti mahattamaḥ || teṣāṃ gṛheṣu kalahaḥ sadā naivopaśāmyati

29.11

putrasya tava vighnena samūlaṃ tasya naśyati || yeṣāṃ na pūjyāḥ pūjyaṃte
krodhāsatyaparāśca ye

29.12

raudrasāhasikā ye ca teṣāṃ vighnaṃ kariṣyati || śrutidharmānjñātidharmānpālayaṃti gurūṃśca ye

29.13

kṛpālavo
gatakrodhāsteṣāṃ vighnaṃ hariṣyati || sarve dharmāśca karmāṇi tathā nānāvidhāni ca

29.14

savighnāni bhaviṣyaṃti pūjayāsya vinā śubhe || evaṃ śrutvā
umā prāha evamastvati śaṃkaram

29.15

tato bṛhattanuḥ so'bhūttejasā dyotayandiśaḥ || tato gaṇaiḥ samaṃ śarvaḥ surāṇāṃ pradadau ca tam || yāvattāra
kahaṃtā vo bhavettāvadayaṃ prabhuḥ

29.16

tato vighnapatirdevaiḥ saṃstutaḥ praṇatārtihā || cakāra teṣāṃ kṛtyāni vighnāni ditijanmanām

29.17

pārvatī ca punardevī putratve parikalpya ca || aśokasyāṅkuraṃ vārbhiravarddhayata svāhataiḥ

29.18

saptarṣīnatha cāhūya saṃskāramaṃgalaṃ taroḥ || kārayā
māsa tanvaṃgī tatastāṃ munayo'bruvan

29.19

tvayaiva darśite mārge maryādāṃ kartumarhasi || kiṃ phalaṃ bhavitā devi kalpitaistaruputrakaiḥ

29.20

devyuvāca || || yo vai nirudake grāme kūpaṃ kārayate budhaḥ || yāvattoyaṃ bhavetkūpe tāvatsvarge sa modate

29.21

daśakūpasamā
vāpī daśavāpī samaṃ saraḥ || daśasaraḥsamā kanyā daśakanyāsamaḥ kratuḥ

29.22

daśakratusamaḥ putro daśaputrasamo drumaiḥ

29.23

eṣaiva mama maryādā niyatā lokabhāvinī || jīrṇoddhāre kṛte vāpi phalaṃ taddviguṇaṃ matam

29.24

iti gaṇeśotpattiḥ || || tataḥ
kadācidbhagavānumayā saha maṃdare || maṃdire harṣajanane kaladhautamaye śubhe

29.25

prakīrṇakusumāmodamahālikulakūjite || kiṃnarodgītasaṃgīta
pratiśabditamadhyake

29.26

krīḍāmayūrairhaṃsaiśca śutaiścaivābhinādite || mauktikairvividhaiḥ ratnairvinirmitagavākṣake

29.27

tatra puṇyakathābhiśca krīḍato
rubhayostayoḥ || prādurabhūnmahāñchabdaḥ pūritāṃbaragocaraḥ

29.28

taṃ śrutvā kautukādevī kimetaditi śaṃkaram || paryapṛcchacchubhatanurharaṃ vismayapūrvaṃ
kam

29.29

tāmāha devīṃ giriśo dṛṣṭapūrvāstu te tvayā || ete gaṇā me krīḍaṃti śaileḍasimastvatpriyāḥ śubhe

29.30

tapasā brahmacaryeṇa kaleśena
kṣetrasādhanaiḥ || yairahaṃ toṣitaḥ pṛthvyāṃ ta ete manujottamāḥ

29.31

matsamīpamanuprāptā mama lokaṃ varānane || carācarasya jagataḥ sṛṣṭisaṃhāraṇakṣamāḥ

29.32

vinaitāntraiva me prītirnaibhirvirahito rame || ete ahamaṃ caite tānetānpaśya pārvati

29.33

ityuktā vismitā devī dahaśe tāngavākṣake
sthitā padmapalāśākṣī mahādevena bhāṣitā

29.34

kecitkṛśā hrasvadīrghāḥ kecitsthūlamahodarāḥ || vyāghrebhameṣājamukhā nānāprāṇimahāmukhāḥ

29.35

vyāghracarmaparīdhānā nagnā jvālāmukhāḥ pare || gokarṇā gajakarṇāśca bahupādamukhekṣaṇāḥ

29.36

vicitravāhanāścaiva nānāyudhadharāstathā
gītavāditratattvajñāḥ sattvagītarasapriyāḥ

29.37

tāndṛṣṭvā pārvatī prāha katisaṃkhyābhidhāstvamī

29.38

śrīśaṃkara uvāca || || asaṃkhye
yāstvamī devi asaṃkhyeyābhidhāstathā || jagadāpūritaṃ sarvametairbhīmairmahābalaiḥ

29.39

siddhakṣetreṣu rathyāsu jīrṇodyāneṣu veśmasu || dānavānāṃ śarīreṣu
bāleṣūnmattakeṣu ca

29.40

ete viśati muditā nānāhāravihāriṇaḥ || ūṣmapāḥ phenapāścaiva dhūmrapā madhupāyinaḥ || madāhārāḥ sarvabhakṣyāsta
thānye cāpyabhojanāḥ

29.41

gītanṛtyopahārāśca nānāvādyaravapriyāḥ || anaṃtatvādamīṣāṃ ca vaktuṃ śakyā na vai guṇāḥ

29.42

śrīdevyu
vāca || || manaḥśilena kalkena ya eṣa cchuritānalaḥ || tejasā bhāskarākāro rūpeṇa sahaśastava

29.43

ākarṇyākarṇya te deva gaṇairgī
tānmahāguṇān || muhurnṛtyati hāsyaṃ ca vidhāti muhurmuhuḥ

29.44

sadāśivaśivetyevaṃ vihvalo vakti yo muhuḥ || dhanyo'yamīdṛśī yasya
bhaktistvayi maheśvare

29.45

enaṃ vijñātumicchāmi kiṃnāmāsau gaṇastava || || śrīśaṃkara uvāca || || sa eṣa vīrako devi sadā medrisute priyaḥ

29.46

nānāścaryaguṇādhāraḥ pratīhāro mato'vike || || devyuvāca || || īdṛśasya sutasyāpi mamotkaṃṭhā purāṃtaka

29.47

kadāhamīdṛśaṃ putraṃ
lapsyāmyānaṃdadāyakam || || śarva uvāca || || eṣa eva sutastestu yāvadīdṛkparo bhavet

29.48

ityuktā vijayāṃ prāha śīghramānaya vīrakam || vijayā ca tato gatvā vīrakaṃ vākyamabravīt

29.49

ehi vīraka te devī girijā toṣitā śubhā || tvāmāhvayati sā devī bhavasyānumate
svayam

29.50

ityuktaḥ saṃbhramayuto mukhaṃ saṃmārjya pāṇinā || devyāḥ samīpamāgacchajjayayā'nugataḥ śanaiḥ

29.51

taṃ dṛṣṭvā girijā prāha girā madhuravarṇayā || ehyehi putra dattastvaṃ bhavena mama putrakaḥ

29.62

ityukto daṃḍavaddevīṃ praṇamyāvasthitaḥ puraḥ || mātā tatastamāliṃgya kṛtvotsaṃge ca vīra
kam

29.63

cucuṃba ca kapole taṃ gātrāṇi ca pramārjayat || bhūṣayāmāsa divyaistaṃ svayaṃ nānāvibhūṣaṇaiḥ

29.65

evaṃ saṃkalpya taṃ putraṃ lālayitvā umā
ciram || uvāca putra krīḍeti gaccha sārdhaṃ gaṇairiti||64||tataścikrīḍa madhye sa gaṇānāṃ pārvatīsutaḥ || muhurmuhuḥ svapnasi stuvanbhaktyā sa śāṃkarīm

29.66

praṇamya sarvabhūtāni prārthayāmyasmiṃ duṣkaram || bhaktyā bhajadhvamīśānaṃ yasyā bhakteridaṃ phalam

29.67

krīḍituṃ vīrake yāte tato devī ca pārvatī
nānākathābhiścikrīḍa punareva jaṭābhṛtā

29.68

tato girisutākaṇṭhe kṣiptabāhurmaheśvaraḥ || tapasastu viśeṣārthaṃ narma devīṃ kilābravīta

29.69

sa hi gauratanuḥ śarvo viśeṣācchaśiśobhitaḥ || raṃjitā ca vibhāvaryā devī nīlotpalacchaviḥ

29.60

śarva uvāca || ||śarīre mama tanvaṃgī site
bhāsyasitadyutiḥ || bhujaṃgīvāsitā śubhre saṃśliṣṭā candrane tarau

29.61

caṃdrajyotsnābhisaṃpṛktā tāmasī rajanī yathā || rajanī vā site pakṣe hṛṣṭidoṣaṃ
dadāsi me

29.62-2

ityuktā girijā tena kaṇṭhaṃ śarvādvimucya sā || uvāca koparaktākṣī bhrukuṭīvikṛtānanā

29.63-2

svakṛtena janaḥ sarvo janena
paribhūyate || avaśyamartho prāpnoti khaṇḍanāṃ śaśikhaṃḍabhṛt

29.64

tapobhirdīnacaritairyattvāṃ prārthitavatyaham || tasya me niyamasyaivamavamānaḥ padepade

29.65-2

naivāhaṃ kuṭilā śarva viṣamā na ca dhūrjaṭe || svadoṣaistvaṃ gataḥ kṣāṃtiṃ tathā doṣākaraśriyaḥ

29.66-2

nāhaṃ muṣṇāmi nayane netrahaṃtā bhavānbhava || bhagastate vijānāti tathaivedaṃ jagattrayam

29.67-2

mūrdhiṃ śūlaṃ janayase svairdoṣairmāmadhikṣipan || yattvaṃ māmāha kṛṣṇeti mahākālo'si viśrutaḥ

29.68-2

yāsyāsyahaṃ parityaktumātmānaṃ tapasā girim || jīvaṃtyā nāsti me kṛtyaṃ dhūrtena paribhūtayā

29.69-2

niśamya tasyā vacanaṃ kopatīkṣṇākṣaraṃ bhavaḥ || uvācātha ca saṃbhrāṃto durjñeyacarito haraḥ

29.70

na tattvajñāsi girije nāhaṃ niṃdāparastava || cāṭūktibhuddhyā kṛtavāṃstavāhaṃ narmakīrtanam

29.71

vikalpaḥ svacchacitteti girijaiṣā mama priyā || prāyeṇa bhūtiliptānāmanyathā ciṃtitā hṛdi

29.72

asmāhaśānāṃ kṛṣṇāṃgi pravartaṃte'nyathā giraḥ || yadyevaṃ kupitā bhīru na te vakṣyāmyahaṃ punaḥ

29.73

narmavādī bhaviṣyāmi jahi kopaṃ śucismite || śirasā praṇataste'haṃ racitaste mayāṃjaliḥ

29.74

dīnenāpyapamānena niṃditā nami vikriyām || varamasmi vinaśco'pi na tvaṃ devi guṇānvitā

29.75

ityanekeścāṭuvākyaiḥ sūktairdevena bodhitā || kopaṃ tīvraṃ na tatyāja satī marmaṇi ciṃtitā

29.76

avaṣṭabdhāvatha kṣiptvā pādau śaṃkarapāṇinā || viparyastālakā vegādgantumaicchata śailajā

29.77

tasyāṃ vrajantyāṃ kopena punarāha purāṃtakaḥ || satyaṃ sarvairavayavaiḥ suteti sadṛśī pituḥ

29.78

himācalasya śṛṃgaistairmeghamālākulairmanaḥ || tathā duravagāhyo'sau hṛdayebhyastavāśayaḥ

29.79

kāṭhinyaṃ kaṣṭamasmiṃste vanebhyo bahudhā gatam
kuṭilatvaṃ nadībhyaste duḥsevyatvaṃ himādapi

29.80

saṃkrāṃtaṃ sarvamevaitattava devi himācalāt || ityuktā sā punaḥ prāha giriśaṃ śailajā tadā

29.81

kopakaṃpitadhūbhrāsya prasphuradaśanacchadā || mā śarvātmopamānena niṃda tvaṃ guṇino janān

29.82

tavāpi duṣṭasaṃparkātsaṃkrāṃtaṃ sarvameva
hi || vyālebhyo'nekajihvatvaṃ bhasmanaḥ snehavandhyatā

29.83

hatkāluṣyaṃ śaśāṃkātte durbodhatvaṃ vṛṣādapi || athavā bahunoktena alaṃ vācā śrameṇa me

29.84

śmaśānavāsa āsīstvaṃ naśyattvānna tava trapā || nirghṛṇatvaṃ kapālitvādevaṃ kaḥ śaknuyāttava

29.84.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśvaramāhātmye pārvatīprakopavarṇanaṃnāma saptaviṃśo'dhyāyaḥ

Linked texts (8)